Unregelmässiger Zyklus

Jani

Hallo zeme 😊
ich sueche paar Fraue wo s gliche problem hend mit em unregelmässige zyklus. vlt. gids au öbert wo sin zyklus wider in griff becho hät und paar tips chönti geh 😊
wär eifach schön öbert z ha zum sich bizli ustusche 😊

dixi90

Ich kämpfe zurzit leider ou dermit, aber ich han eher sProblem mit zvöu Bluetige, nid zwenig.

1. ÜZ 28 Täg mit Eisprung, aber nur 10 Täg 2. Zyklushälfrti (inkl. Schmierbluetige)
2. ÜZ 22 Täg mit Eisprung, aber nur 8 Täg 2. Zyklushälfti (inkl. Schmierbluetige)
3. ÜZ 14 Täg ohni Eisprung/Hochlag
4. ÜZ i demm bini jetzt

Han vo minere FA jetzt mou Mönchspfeffer becho, wo chli sött häufe und vor auem sött PMS (Brustschmärze) chli mildere. Das nehmi jetzt sitt Zyklustag 2.

Was isch dis Problem?

brixNZ

Ha der nöd würkli en Tipp eifach mini Erfahrig, wo dir ev. chli Hoffnig gitt. Ha das nachem absetze vo dä Hormonelle Verhüetig vorem 1. Chind au gha: zerscht fast 6 Monate gar kei Mens und nacher sehr unregelmässigi, langi Zykle. Bi denn no idä Phase vom umregelmässige Zyklus schwanger worde. Nach dä Geburt hani denn so en regelmässige Zyklus wie no nie gha.

Jani

ich ha unterschiedlich langi zykle.
mol sinds 28 täg mol 50 täg i han im einte zyklus so schmerze dasi nurno flachliege und im nögste hani gar kei schmerze.
sit em letschte summer hani immer wider schmerze Links und rechts une im buch wo mi fast verrisst. wo da s erste mol cho isch hani 3 wuche lang mini periode gha bin natürlich bi minere FA gsie und hans au abkläre loh es isch alles guet. sie meint da hät was mit stress ztue, obwohl ich frühner scho nöd gad n bilderbuech zyklus gha ha.

Claudia_yali

Ha sit eh und je unregelmässigi zykle; vo 30-50 täg isch alles däbi (gsi), nochere fg isches sogar es ziitli no schlimmer gsi; 60 täg und meh. Wenn mer wöt schwanger werde, isches echt nervig. Han aber niä was aktiv degege gmacht und mittlerwiile 3 chind ☺️ bim zweite chind hani denn eifach mol agfange mit ovus de ES z‘ermittle.
Mol luege wies jetzt noch de dritte geburt isch, ha mini mens nonig, aber jetzt störts mi nüm, wil d‘familieplanig abgschlosse isch.

Claudia_yali

Hät din FA au wege endometriose glueget?

Sti

Bi mir isch wi bi dr brixNZ

Jani

jo endometriose isch isch usgschlosse worde. s lustige isch i ha nöd mol mit dä pille en regelmässige zyklus gha 😅

Jani

@Claudia_yali so mit ovus hanis mir au scho überleit aber den mössti jo jede tag eine mache.😅 i weiss da tönt würkli blöd aber isch doch so häsch den du din eisprung gmerkt oder häsch eifach no 14 täg nach dinere periode ahgfange ovus zmache?

Claudia_yali

Nee, ha min eisprung niä gmerkt. Ha denn eifach ab zyklustag 10 oder so jede tag testet. Git jo ganz günstigi ovus, diä tüends au.

•Elefäntli•

I cha dir leider nö helfe aber han sit zwei zyklus e persona monitor und bi äch begeistert vo dem lut mine ahzeiche zervix und mittelschmerz bini immer falsch gsi mit em ES und somit immer am falsche zytpunkt ghärzlet 😆

Jani

han au scho dä clearblue monitor ahglueget aber gad bimene unregelmässige zyklus isch da eifach nünt. d stäbli sind mega tüür und so wie ich glese ha frogt dä monito abemene gwüsse tag jede tag n ovu bis dä eisprung chunt. und bim clearblue isch nur bis 42 tage zyklus

Jani

am eifachste wärs doch eifach wend jedetag umeherzlisch oder jede zweiti. 😅 sorry aber dä zyklus vonere frau isch jo eigentli scho öbis doofs.

•Elefäntli•

Nüt doofs di goldig natur 😆Jo weme so en unregelmässige zyklus häd is ächt en schmare aber gang doch mol id akupunktur aso i bi begeistert was si ane brocht häd mit mim Zyklus

Jani

akupunktur uf die idee wäri ez aber nonig cho 😊

•Elefäntli•

Umbedingt i bi begeistert aber natürlechvgids au anders isch ä usprobierete 😉