Sprechen Kleinkind 💬

Jessness

Mich würs wunder neh ab wenn hend eui Kidis afange schwätze? Min Sohn isch 22mt seit scho ab und zue es paar Wort aber selte. Ich mach mer jetzt kein Druck wege dem, aber bi halt glich chlii gspannt wies bi eu gsii isch. 😊

AnDu88

Üse Bueb het ersch mit öbbe 3 jährig richtig chönne schwätze. Ab 2 jährig no Bebe sprach und einzelni wörter. Eifach nid stresse, si wärde rede ohni punkt und komma und das vo de sekunde a wosi am morge d auge ufmache bis si zobe wieder müed zuegheie😄

SHAYENNE

Ab 24 Mönet het sie jede Tag neui Wörtli glärn 😍 Has ab det nüme chöne ufschriibe es sind so viel xi 🙈 2-3 Mönet vorher hani no denkt, sie wird no lang nöd rede. Und den het sie plötzlich agfange wie es Buech schwätze 🥰

JennyHelin

Das chunt scho na ... mini isch jetzt 25 Mönät ... und jede Tag überrascht sie mich meh ... chömet sch sätz wie "Mama darfi usä" oder "Mami darfi mit abe cho"

Jedes chind isch da anderscht "sie isch defür erscht mi 15 Mönät gloffä 🤔🤣👍 aber es isch eh megga spannendi Ziit ...

Jessness

Ok danke eu für eui antworte 😘 das beruhigt eim scho chli 😅

Gröipschi

mi gross het fang mit 2 di erschte wort gredt. 2 wort sätz ersch mit knapp 3. är isch iz 3,5 u ab nöchscht monet gö mer i d logo, wüu är sehr schlächt redt u sehr hingerdri isch mit Grammatik u auem. aber o är wird mou richtig rede 🤷‍♀️🙂

Jessness

@Gröipschi Da hesch au wieder recht, mir redet ja schlussentlich au alli und hends sicher au ned all glich schnell chöne ☺️

Nagalii

Mini het mit 20 Mönet 2-3 Wort Sätz gred, und denn natürlech schnäu meh und e grössere Wortschatz gha. Si isch eher e früechi gsi. Itz mit nid ganz 3,5j red si nüm viu besser aus anderi, si hei alles möge ufhole. Ebe schlussendlech lehre mir aui rede und de merktme ke Unterschied me bide Chind ☺️👍

Lorina

mini het mit 2 jöhrig kei 50 wörtli gredet und all hen gstresst si müessi min 50 wörter chöns mit 2 jörig. hen mi schu wella in d logopädie schike mit ihre. i han aber nüt gmacht und 3-4 mönet spöter het si gredet wia es buach ohni punkt und komma.

Tanja87

Üsi redet mit jetzt denn 2 scho sehr verständlichi Sätz. Hed aber seeehr früeh agfange. De ki Arzt hed bi de letste Kontrolle scho gstuunet gha.
De sohn hed fang mit 3 verständlich gredt. S isch Sooo individuell, die chli vo de Schwögerin isch 3 Wuche jünger als eusi und redet no voll babysprach😏

•Elefäntli•

min Bueb red mit 3.5 nonig koräkti sätz, aber mir gsehnd wiener vortschritt macht sind idä logo gsi aber händ wieder ufghört welmer ihm wennd ziit lo er isch eh allgemein en spotä 😉

Jessness

Isch scho interessant wie unterschiedlich chind chönd sii, aber isch au spannend ☺️