Kind ist zu leicht

JennyHelin

Hallo Zämme
Ich ha hüt 2 Jahres Kontrolle gha.
Die chli macht sich supper, vom rede her ubd sust Köperlich isch alled tip top.

Jedoch mach mir mini Ärztin grad chli stress.

Mini Tochter hät ih 1 Jahr ned emal 1 Kg zuehgnoh und isch aber 15cm gwachse ..
Sie isch scho immr eher eh schmali gsi und scho letscht mal häts gheisse Sie müssi meh zuehneh!
Bim wäge hämmer gmeint dWaag spinnt, jedoch simmer ah 2i verschiedeni waage gange und es stimmt.

Jetzt muessi es essverhalte Tagebuech mache und alles abwäge was sie wie viel isst.

Und sie isst ned wenig.

Jetzt bini grad chli frustriert 😵.
Ich bin eher übergwichtig (ha eh Magebypass)
Min Mah isch au gross und schmal.

Aber ich ha echt ned sgfühl das sie zschmal isch oder zwnig isst.

Wie sind euche Mädels so ?

Hoffe ihr chönd mich chlu ufmuntere

JennyHelin

Caramel

Ha eu so ä fini Tochter, isch mit zwei eu 9.6kg und 86cm gsi. Sie isch immer nu sehr liächt mit 4. mini Arzt isch da sehr locker, solang sie isst, jede Tag ihri Gschäft macht, fit isch und umsecklet, isch alles top. Es isch eifach ihre Körper wo so isch, würd mich da nit so la stresse, vieli ä zweit Meinig inne hole. Ha immer klie Angscht gah, ihre ä Ässstörig a zlehre, wen me da ständig uf dem Thema umerittet.

brixNZ

Bi eusem Sohn isches sehr ähnlich gsi, hätt au über es Jahr nöd zuegno. Euse Kinderarzt isch aber überhaupt nöd beunruhigt gsi, hätt au gmeint solang s Chind fit isch und wachst isch alles guet. Ich ha mir ehner chli Sorge gmacht willer nur no id Längi gange isch. Bi sehr aktive Chind isch das i däm Alter glaub nöd abnormal. Die einte sind halt liechter. Ich finds au wichtig, dass mer nöd immer uf dem Thema umeriited und en Stress drus macht, das isch eher kontraproduktiv. E Zweitmeinig wer sicher nöd schlecht zum dich beruhige.