Hibbeln ob Mens ausbleibt oder nicht?

lachuli

@tna du bisch jetzt in de Hibbelphase 🥰😍

tna

Oo jaaa 😍😍😍 mir hei gester doch no chönne ❤li setzte 😍😍😍😍😍 hoffes es het klappet🙏🙏

Nalan83

ich set so in drei täg mini täg becho 👀 und ich gspür scho vorzeiche😫🤔👀...glaub de drache wird lande leider...

tna

Oo neii doch solang de 🐉nonig glandet isch bestoht hoooffnnig😍🥰
10 täg warte isch sooooooo schliiimmmmm🤯🤯🤯🤯🤯😬

Nalan83

jo stemmt...👀...wird sich zeige in de nöchschte paar täg🙈...! @tna jooo ich weis sisch so schlimm warte zyt goht net ume..

lachuli

Oh ja das warte isch schlimm.. Min nächste Versuech wird in Spanie si 😍 Druck euch ganz fest Dume 🍀

tna

Hey zäme ha scheu e frog.. wie isch das mit dr impfig, wenn mi ma sech wür lo impfe, het das den au e ifluss??(corona impfig)

•Elefäntli•

lut internet heds kein ifluss

•Elefäntli•

Ich bin rächt rootlos momentan und ha denkt i mäld mi jetzt mol bi eu.

Ich han am 1.Mai mini letst periode ka.
bin devoo usgange dasi idä wuche vom 15. Mai min ES söt ha han genau dä Monet ohni Ovus wele schaffe 😆 ha nie en ES gspürt und dä Zervix isch o nie würklech do gsi. ich han sit em ca 25. Mai rächt starche usfluss zersch wiislech gsi und jetzt wörter immer glassiger und eifach viel wie bim ES. han hüt en SST gmacht und dä isch negativ Plus en Ovus test wie ufem Foti cha da möglech si das sich de ES um 2 wuche verschobä häd? finds gad mega schreg weli das ächt no nie so erläbt ha 😆😬

•Elefäntli•

muess no ergänze dasi au es zieh han aber immer denkt es segi wel Periode jetzt denn chunt.

Und i denk au das möglech isch aber grad biz verwiirt 😆

livjona

wörd säge dass sich din eisprung definitiv verschobe hed, so wie du de zervixschliim bespriebsch passts genau zomne eisprung ond din ovu-test seits ja au. ond söscht halt mal es paar zykle bem frauenarzt under beobachtig mache, denn weisch definitiv öb sich öbbis duet im körper.

•Elefäntli•

Aso i ha jo vorher ovus gmacht und au bim arzt dä ES beobachtet immer ganz en schöne zyklus gha und i ha scho sit ich mini Täg han immer en Zyklus zwüschä 28/33 täg gha da isch würklech s erst mol wo min zyklus us dä reihe gflogä isch aber i find dörfs au mol si wenns jetzt nö immer so isch. dues jetzt mol witer beobachte 🤷🏼‍♀️

ntssan

@•Elefäntli• ich wür ih paar täg numal es SS Test mache ☺️ klar chan sich de Zyklus immer verschiebe aber wenn du seisch hesch immer scho en regelmässige gha, chans jetzt au uf das hi düüte🥰 au denn chasch ja so underliibszieh ha und viel usfluss, genauso chan de ovus ja au ahzeige will de ja au s'hormon hcg messe chan und meist frühner als de SS Test 🙈 isch natürli nur mini meinig und wott der au nöd zviel hoffnige mache aber Ich wür jetzt glaub ih paar täg numal und drucke dir natürli ganz fest dumme 👍🙏🤍

livjona

hihi…. ja das stimmt…. han au zerst en ovu test gmacht wo positiv azeigt hed ond denn en tag spöter en positive schwangerschafts-test ide hand gha 😍

•Elefäntli•

Aber i bi Jo scho öberfällig darum findi de SS Test söt doch ahzeige. Jo mach denn nomol eine i paar täg.

Nalan83

jo elefäntli mach mol en test wer weis👀😊 🤷🏻‍♀️...!
de drache esch bi mir noni glandet aber ha so sgfühl es chunt... i mache glich mau en test am morge👀...hibbel hibbel..!

lachuli

@elefäntli min ES het sich um 1 Wuche verschobe bim letschte Zyklus... 2 Wuche isch scho gar lang... Tuens usnütze und herzle 🥰
@Nalan83 ooooh Spannend wenn isch di NMT? 😃

Nalan83

i ha e test gmacht esch negativ..🤔..drache esch au noni glandet...het sele geschter cho..warschinli chunts bald aber bez verspötig demfau...

lachuli

@Nalan83 oh nei 😔 solang de 🐲 nit cho isch bestoht no Hoffnig 🥰

tna

Hey ladys wie geits euch?? I hasseeee die wartereeeiii🤯🤯🤯🤯🤯 no 7 täg nächste FR hät i mini täg.. cha den hoffes mal teste 🙏🍀

Nalan83

so de drache esch glandet🐲auf ein neues☺️

tna

@Nalan83 viel glück und viiiel spass bim ❤le🥰🍀

lachuli

@Nalan83 oh nei 😔 uf e neus Zyklus 🍀🍀🍀🍀

lachuli

@tna wie gohts dir? 😃

JennyHelin

@•Elefäntli•

Wie gats dir ?
Hät sich öppis ergeh ?

•Elefäntli•

HalliHallo
Mir gots guet, dä Zyklus isch dä Monet dä Bach ab 🤣

SSTest immer no Negativ bin jetzt ZT36
Und i denk würklech das min ES eifach zwei wuche verspötet ka ha. obs am sport lit woni neu ahgfange ha oder letst wuche adä Reis is Tessin.😅

Han no dä FÄ ahglüte und si seit Periode cha guet usblibe oder de ES chasich au mol verschiebe um 2 wuchä au wemes no nie ka ha und es isch au nö schlimm wenns 1x vor chunt mösi mir do kei sorge mache wenn sich jetzt nö al monet wiederholt.

tna

@lachuli hoi liebs du auso i gspüre gaaar nüt😅🤷‍♀️ sött FR oder SA mini täg ha nöchst wuche was i natürlech ned hoffe 😅 auso de zyklus han i: himbeerblättertee, frauenmanteltee trunke, ha cb pink ovus gmacht... auso wenns de zyklus au ned klappet den weiss i nümme witer 🤣🤣🤣🤣 und wie geits euch?

Nalan83

danke ☺️ja jooo ufene neue zyklus☺️🙏🏽🍀...! euch viel glück allne🍀🍀 hoffe uf freudigi nachrichte..! @tna denn weni dini täg setsch becho darfi den afe herzle😆...!@lachuli du hesch gseit du wirsch in spanie si☺️ so toll klappet villech dört hihi🍀...! @elefäntli hets bi mir au scho gäh imfau...eimol glaub esch be mer wege stress gsi..🤷🏻‍♀️...!

lachuli

Ja i bi guet in Spanie acho 🥰 ja wer weiss 😉 😃

PaM

Hallo Froue
Ig muess öich Dankesäge für öie Humor 😊. Es stehut mi jewils wieder uf, wenn bi mir dr 🐲 glandet isch us nid klappet het. LG

tna

@lachuli viiiel spass bim ❤ lii setzeee 🍀🍀🍀🍀🍀🍀🍀

tna

@PaM hey hey🤗🤗 wie wit bisch den du? 🍀🍀 drücke mer dir au de dume den 🤩🤩

PaM

@tna ig warte ufe Abflug vom 🐲 u denn gö mir i die nächsti rundi ❤❤❤❤😥. Danke mini ✊✊sie für di ou drückt ☘.

lachuli

Danke euch 🥰 i wirds in de Ferie so richtig gniesse 😍 ☀️🏖️♥️

tna

@PaM danke viiil mal 😍😍 NMT am fritiiii und i fühele nongar nüt 😬😬

tna

@lachuli 😍😍😍😍😍🍀🍀🍀🍀🍀 so schööööön

PaM

@tna ig bi gspannt uf ä friti 😉☘☘🐞

Jani

Guete Morge mitenand 😊
hoffe eu gotz allne guet ?
ich meld mich au mol wider, bi mir gots uf dä ES zue das seit zumindest dä ZS han leider kei Ovus meh dihei drum lönd mirs uf üs zue cho, s wär aber schön wenn dä zyklus mol ende wür 😅

Kringel

Halli hallo i melde mi au wieder mau. Auso i cha wohl am Fr de 🐉 u ner hoffe ufne guete neue Zyklus.
Mir hends mit herzli nid so breicht. 5 Tag vor ES 🙈
Ha aber au nid gluegt wenn dass ES wäri 🙄
Eh ja nu... 😅

_Flor_

Hallo Zäme

Merci @Elefäntli für dini Nachricht. I ha das Forum no nid so durchschout. ^^

I ha natürlich nid dr ganz Bitrag gläse. Si rächt viu Kommentär. Ha di letschte chli überfloge. Ha gseh, dass ja ganz viu am hibble si.

Ig u mi Fründ hei no nid afah hibble. Aber föh iz de äuä im Juli/ Ouguscht ah. I has aber nid chönne lassi mau es Forum z sueche zum ustusche ^^

I wirde iz de 27i. Mi Fründ wird 30i u mir si 6 Jahr zäme. I ha d Pille vor öppe 8 Mönet abgsetzt u es isch sech aues no chli am ipendle..

Ha morn e Termin bim FA zum luege obi überhoupt scho ES ha oder ig witteri Untersuechige muess/ wett mache. Cha drum si, dass mi Körper gar nid gnue Hormon produziert füre ES uszlöse... mau luege. Mir löh üs nid la stresse vlt. klappets ja, we mir entspannt drahäregöh ^^

Luege mau obis schaffe regumässig hie inezluege zum läse wies bi euch so louft!

PaM

@Flor mini ✊✊ si für di drückt 😊❤☘. LG

Nalan83

drücke de dume @_Flor_ und willkomme im hibbel club😆...glaub mrs du wirsch jede tag mau kurz ine luege in de forum😆...ich lueg emmer dei automatisch ergentwie...

Talisa

Hei miner liebä 😌🥰 i hoffä öich geits aune guet, i ha nech nid vergässä 😌 i hät no u viu ovus woni chönt witergä faus öpper inträssä hätt u 4 ss teschts. Ä schöne tag öich aube

tna

Hey ihr liebe.. i glaubs mini 🐉isch am lande.. ha vori so hells bluet ufem wc papier kha😔 zwar nur ufem papier... na ja luege mer mal...

PaM

@tna oh nei, de klappets im nächste Zyklus 🤗

tna

Ja auso de drache isch definitiv glandet... würed ihr hüt i träge oder erst ab morn..

PaM

@tna bi mir isch dr 🐲 am sunnti gäge Abe glandet u ha dä aus ZT1 i treit

Kringel

I träge au immer so ih wie de Kalendertag isch. Auso alles vor 23.59 Uhr hüt, u später am nächste Tag

Kringel

Was seid mir das jetzt?
De ober Test abgloffe 2020 = negativ
De under Test abgloffe 2018 = positiv

Eher nicht schwanger oder?

Kringel

Was seid mir das jetzt?
De ober Test abgloffe 2020 = negativ
De under Test abgloffe 2018 = positiv

Eher nicht schwanger oder?