Hibbeln ob Mens ausbleibt oder nicht?

Talisa

Darfi fragä, was heit dir so für „azeichä“ bis jetzt?
I hätt äbä mini mens gestr söuä becho (chürzere zyklus) u ha hüt zt 27 (ovu isch bi zt14 positiv gsi, auso ES am zt15) u i gspürä irgendwie nüt, das glii d mens sött cho🤷🏻‍♀️

Mimi89

Also ich ha au gar kei ahzeiche kha,dass mini mens chunnt,isch denn aber cho am ES 17

Talisa

Mir gseh üs nächste monet widr 🙄🤷🏻‍♀️ aune aues guetä wo witr am hivbblä si 😌

•Elefäntli•

I ha au fast kei ahzeige dä monet aber min körper seit das nö klappet häd wart jetzt mol mininTäg ab söttet am Mittwoch cho 😔

•Elefäntli•

Talisa sonen seich guets witer Hibbele

Talisa

Elefäntli dir aues guetä am mittwuch bhautisch üs ufem loufende 🥰

•Elefäntli•

Das wärdi mache 🙃

Mimi89

@Talisa duet mr leid😔denn hoffe mir dass es nögscht monet bi uns klappt🥰

Talisa

Okay Elefäntli aues guetä bi dir u hoffes ganz ganz fescht für di ❤️ nach so langer zit😘

U @Mimi89 genau nächst zyklus isch üsä zyklus😂❤️ gäbs es dezemberli, es schöns wiehnachtsgschänkli 😍

Mimi89

Jo genau,das wär doch schön wenns klappt🥰

•Elefäntli•

Es wär ächt langsam ziit aber üses zweit wunder brucht glaub nochli ziit das dörf zu üs cho 😥

Mimi89

@•Elefäntli• dörfi froge wie alt dis erschte Kind isch?

•Elefäntli•

er wird das johr 4 😉

Mimi89

Oki😊 jo gäll die meischte hänn d traumvorstellig dass d kind 2 johr abstand hänn optimal wär,aber sehr oft gohts halt denn glich nit,sigs FG oder sunschtigi Sache wo eim s'Läbe bereit haltet...

Kringel

@Elefäntli so cool, üsi Bohne isch im Dez 4i worde. 😉

Talisa

Ou ja dir sit definitiv lenger drannä❤️ hoffä mir dases gli bi öich iischlaht. Üsi tochter wird jetzt 19 monet aut. 😌 mir hei scho no chli zit

Mimi89

Min Sohn isch gli 17 monet alt😊

Kringel

D Abstand isch nur s einte. Ich wird halt au nid jünger 🙈 bi das Jahr 38 worde

lachuli

I han de ES geschterd ka und usgnützt... Jetzt heissts 2 Wuche warte 🥰 es wäri den November... Bin aber für Dezember au nit abgneigt 🙂😉

Mimi89

@lachuli D'Duume sinn beid druckt dass es klappt het🥰

lachuli

Jööö viele Dank 😍

•Elefäntli•

@Kringel jo min bueb wird im Sep. 4 denn händs knapp 1 johr unterschied 😉 sind denn ihr scho lang am hinbele? sorry wennt scho mol verzellt häsch i ha amel do inä nö so dä öberblick 😬 i wird erst 30 das johr ha eigentlech no ziit und alles aber ebe üse bueb wird au elter 🙈

Talisa

@lachuli Ohoo aues guetä 🤩😍 hautisch üs ufm loufende 😌

livjona

Elefäntli, es hat auch Vorteile wenn der Altersabstand halt 4-6 Jahre sind. Du hast dann auch viel Zeit fürs Baby wenn der Ältere im KIGA ist, viele Situationen mit Eifersucht, Streitereien wegen Spielsachen etc. fallen weg weil dann die Interessen halt sehr unterschiedlich sind bei diesem Alterabstand. Alles Gute euch allen ♥️

•Elefäntli•

@livjona Ich weiss 🙂

lachuli

I halt euch ufem laufende.
I bi sit Summer letscht Johr dra.
Bin nach 3 Zyklus schwanger worde han leider e Fehlgeburt Endi November ka... Min Zyklus isch sich erst jetzt am stabilisiere...würd mi sehr überrasche wenns grad ischloht.. Min Maa isch aber sehr optimistisch igstellt 😅😊

Talisa

@lachuli, das duet mr leid wäg dirä FG. I ha mis erschtä bebe o verlorä ir 12 wuche abr bi när 2 monet mit mirä tochter schwanger wordä. Muesch luegä, es geit jetzt schnäu😘Mir si o sit letscht summer drannä, circa 8monet😌

lachuli

I bi Endi November au in de 12 Wuche gsi... Jo i bi gspannt obs grad ischloht oder obs länger goht... 😍 Bi scho happy dass ich en ES ka han.
Drucke fest Dume dass es gli su be dir klappt

Talisa

I wünsche dir z glichä 😘 vo härzä 😌

lachuli

@Talisa Danke vielmol 😊

Kringel

@Elefäntli nei eigentlich nid. Mir hend bewusst zersch no chli gwarte. Will dBohne het üs sehr brucht zwüsche 2. und 3. Lebesjahr. U de hemer ihre die ziit welle geh.
Letzt Jahr im Summer hani ner leider mis Sternli ir 6.ssw verlore. FA het gseh dass mini KS Narbe inne ide GM nid guet vernäht isch. Im Okt bini nomau operiert worde ums zkorrigiere. Ner hemer müesse warte bis es verheilt isch.
U jetzt simmer hie 😉

•Elefäntli•

@KringelDas duetmer leid mit dinere gschicht i ha im Oktober au e FG ka.
I glaub ebe au das üse Sohn üs no brucht und au im schutz vo mir, er isch leider nö "gsund" uf d wält cho und mir sind früehner 4 täg ide wuche id terapie gfahre hüt sinds zum glück nur no 2x. Wie d' livjona schriebt wenn den dä Bueb im Kindi isch hani defür ziit für s Baby 😉

Kringel

@Elefäntli oje das duet mir leid für dii Bueb. 🍀 Und au dass au e FG gha hesch 😞
Mich het das mega möge denn.

Kringel

Hm... Es gseht nid guet us de Zyklus. Mini Tempi isch am sinke. Das heisst hüt oder morn chund dMens 😞

•Elefäntli•

@Kringel mi häds au extrem möge aber has guet chöne verarbeite, händ ä schächteli gmacht mit Fotene und eme engeli dinä.

•Elefäntli•

i chum au hüt oder morn mini Täg öber denn chömer mitenand Hibbele 🥰

Talisa

@Kringel Duet mr leid mit dr Tempi🥺 abr de chöi mir aui im nächste monet widr zämä hibble 😘. Elefäntli, bi dir isch no ke mens in ussicht?

•Elefäntli•

Nei Nei aber es duet sich was 😅 aber i söt si erst morn öber cho lut minere rächnig 😎

Mimi89

Es duet mir soooo leid für die wo e FG kha händ😪
Ich hoff gamz fescht dass mir alli zämme im nägschte Zyklus Glück händ🐞🍀

lachuli

I hoffs au ganz fest für alli 🍀🍀🍀

Kringel

Tja das isches gsi... Di roti Ziit het agfange 😞...

Kringel

@Talisa ja wär schön. Mi Schatz isch sich da im Moment nid so sicher. Er macht sich chli viu Gedanke u Sorge weg Covid u Zuekunft...

Talisa

@Kringel.. oh nei duet mr leid🥺 ja mi maa het gestr zwar o gseit „ah schad hets nid klappet“ abr o är het scho gfragt obs jetzt „muess“ si i derä covid zit🤷🏻‍♀️
Gö mr aui zämä i nächst monet mit fröid u hoffnig dases dasmau klappet❤️ jetzt chunt für mi immer die schlimmsti zit... wartä ufä ES bis zt14/15 🙄

Kringel

@Talisa ich verstah die Gedanke scho... Aber wer weiss wie lang dass es no gat mit dem Covid... 1 Jahr? 2? 4?... Ich bi 38gi... Wäri 30gi würdi nüd sege

Talisa

@Kringel Ja absolut i verstah di totau. Nei i würd ja o nümme wöuä wartä, mir müessä lehrä mit däm zläbä 😌 u sowiso mit 38, (i bi jetzt 31 wordä) het me eifach nümme so viu zit wienes 20jährigs. Stah da vou hinger dir

lachuli

@Kringel uf e nächst Zyklus. Kopf hoch. Viellicht sind in dere Gruppe viel mit Dezember Kinder den gesegnet 🥰

Talisa

Genau auf in den Kampf😂🤰🏻

•Elefäntli•

bini demfall no di einzig wo if mini täg wartet?🤔

Mimi89

Dämfall scho elefäntli😊

dina

Finds soo interessant alles z'lese was ihr da schriebed. Ich fang ab 2023 den au a mit Hibble und freu mich jetzt scho druf 😂