Hibbeln ob Mens ausbleibt oder nicht?

selin

❤️-lich willkomme @meki_33🍀🙏🏻

meki_33

@selin Danke dir🥰🥰Ni zu dim post.. ich han dä monet au serste mol utrogestan miesse vaginal iine.. mir isch es die täg so übel gange, has aber noni in verbindig mit dr tablette gmacht ka.. ha dänkt das es mit dr ss evtl klappt ka het… ich ha au mega kreislaufproblem ka und schwindelafäll dasi nachem ufstoh vom bett jedesmol ha miesse paar sekunde mini auge zuedrucke, damit i wieder einigermasse gseh. Zudäm hani jedetag extremi kopfschmärze ka, was mi denn plötzlich ahvo stutzig gmacht het und ich denn im internet ahvo läse han über das Medi.. stoht no viel söttigs drinn… ich kenn jez dini vorgschicht nit wegem bluet etc. Wo de gschribe hesch, aber i hoff es goht dir einigermasse hütt!!
Lg

Sarah 19 91

Halloo Meki 😀 schön bisch o da🙃 i cha mers dänke das es sehr frustrierend isch weme eifach ni schwanger wird 😪 duet mer sehr leid aber i hoffe sehr das es bi dir o glii emau klappt🙏🙏🙏

Sarah 19 91

@selin i kenne mi mit dem medi nid us aber dönt ja meeeega krass🥵 du armii... würd mit mire FA rücksprach haute!! hoffe wird alles guet! gloube dra

meki_33

@Sarah 19 91 Danke!! Ich hoffs natürlich au das es au bi mol dörf klappe aber mir wärdes jo gseh wie lang die reis no sötti go☺️ aber jetzt woni weiss das es so viel anderne glich goht, fühlt me sich nüm so allei..

•Elefäntli•

@meki_33 hallihallo han dir e privatnochricht gschriebe funktioniert ebe nö immer darum hani wele nohfroge obd sie öber cho hesch?

meki_33

Hoi Elefäntli (ka di irgenwie nit tagge?!)
Han leider nüt übercho..

meki_33

Bravo.. 🐲 isch am start.. war wohl nix mit dem zyklus.. auf gehts in die nächste Runde würdi mol sage.. wo stön ihr grad?
Lg

selin

@meki_33 Ja hüt gahts mer besser ich probier hüt die Tablette mal Vaginal izneh hoffe erlebe nöt wieder sgliche. Aber mit de Bluetige gahts witter. Zwar nöt viel und ohni schmerze aber trotzdem ischs so müehsam!😩

Viel Glück im neue Zyklus🍀🍀🍀🙏🏻

meki_33

@selin Also mini FA het mr vo afang ah gseit nur vaginal, oral sin nebewirkige kuum uszhalte. Wenni scho nur überleg was für näbewirkige ich vaginal ka ha, willis mir gar nit vorstelle hätti si oral iigno.. aber das es dir besser goht freut mi!
Danke, glück kani bruche☺️

selin

@meki_33 Wieviel mg hesch du verschriebe becho? Und sinds bi dir au kapsle gsi?

meki_33

@selin i versuech e foti ufezlade.. hoff es funktioniert

meki_33

Ok sgoht leider nit.. es sind so wissi gummi kapsle eher oval und 200mg täglich am obe iigfiirt. Kunnt halt immer unte chli was use wege dem immer slipilage benutzt..

selin

Okey trotzdem danke fürs probiere🥰
Ahh tönd glich wie bi mir 😊😊

meki_33

Isch das dini ersti schwangerschaft?

selin

@meki_33 Ja nach 7.ÜZ und PCO

meki_33

@selin Freut mi sehr für di!!

selin

@meki_33 Danke viel mal, am Mäntig weissi ob no e ssw bestaht, den chani mi au entlich richtig freue )

meki_33

@selin Das wirds ganz bestimmt!! Nur positiv dänke!! 🍀

Füxli

@selin bi nu stilli mitleserin abr i han au utrogestan gno und umbediiingt umbedingt vsginal neh. oral hani dooo schwindelafäll ka und übelkeit und vsginal isches gsnz oke gsi. bezüglich de bluetig i hoffe fest dases blibt und i han scho viel ghört das das normal isch und vieli drum au nöd merked das si scho schwanger sind. i hoffes si klärets gnau und super guet ab wel mini bluetig het inre not OP gendet mitemne platzte Eileiter wo niemert gmerkt het dases eh Eileiter SS gsi isch. i wet nöd damit säge das das au de fall isch nu aifach kli dFraue druf sensibilisiere das au eh typisches azeiche für eh ELSS bluetige sind. deuck dr fest düme das das alles guet chunt

lachuli

Guete Morge zämme
@meki_33 3 herzlich Willkomme in de Gruppe. Druck dir fest Dume für de neue Zyklus 🥰
I bin grad uf min ES am warte.. Sit 4 Täg stoht ufem CB Monitor Hoch 🥰

@selin i hoff vo ♥ dass alles guet chunt.

Isch süscht no öper uf de ES am warte?

meki_33

@lachuli Danke dir ☺️.. oh das isch doch e guets zeiche!! Bisch flissig am härzle?? 😆 bi mir isch es jez wieder ZT 1 oder 2 .. hesch du scho kinder? Und dörfi froge wie alt und wie lang ihrs scho probieret?
Lg

Kringel

Hm ES 11 u d Tempi liecht gsunke. Vo 36.9 uf 36.7. Gseht nid guet us für de Zyklus. 😔

lachuli

@meki_33 ja klar. I bi bereits 35.und mir probiere sit Juni 2020.. Bin bereits 2x schwanger gsi. Leider hets beides mol nit klappt. Jetzt simer bim 3 Versuech dra... 😍🍀

lachuli

@Kringel oh nei 😔 so schad...

Sarah 19 91

@lachuli das dönt doch super.. 🙃 i ha mini mens immerno no nid si iz über 6 Wuche u ha dänkt mache maz e e Sst und er isch fett positiv ha gad nomau eine gmacht u siehe da positiv🙈 am 4. nov hani e Termin bim FA.

Sarah 19 91

@kringel hnm no isch nüd verlore🙏 drück dir düme❤️

selin

@Sarah 19 91 Wow!! So schön gratuliere🥰😍😍 mega schnell wieder klappet bi dir so toll😍😍

wielang hesch du gwartet nachdem dis Würmli verlore kah hesch mit witter probiere?

Sarah 19 91

danke Selin i warte iz mau ab u fröie mi no nid zfescht 🙈 i hoffe das alles guet geit. ha am 28 august e usschabig gha u ke mens becho.. i dere Zit wo dr ES ca het söue stattfinge hei mer ufpasst aber es cha ja o si das es verschobe het aues. drum hani o nie mitere Ss grächnet. ha 0 azeiche gha o ke spinnbare ZV bi immer furzdroch gsi. u ha dnekt liegt sicher dra weg dr usschabig.... 🥴

lachuli

@Sarah 19 91 ah was 😍 was für e Überraschig. Bin echt gspannt was brichte tuesch nach de Kontrolle..
🍀🍀🍀

meki_33

@lachuli Het me denn usegfunde an was es gläge isch oder het mes nicht untersuecht.. das duet mr sehr leid, das du das hesch miesse 2 mol erläbe. Aber sehs positiv, du kasch empfange und unteumme funktionierts so wies sött.. und s3. Mol klappt bestimmt!! Ich hoffs sehr für di!! 🍀

meki_33

@Sarah 19 91 Het me denn aber dr hcg wärt komplett könne wieder abebringe? Falls jä, denn kamme jo nur gratuliere!! 🍀🍀 mir warte uf din bricht!! 😍😍

Sarah 19 91

ja i ha ca 8 tag nach AS e sst gmacht u de isch ganz fin pos gsi🙃 auso nime nid ah das 4 wuche spöter e fette pos sst ha... aber wär weiss🙈😄 ja i gibe bscheid

Kringel

@Sarah 19 91 oh so schön, wünschder alles Gueti 🍀🤗

Sarah 19 91

danke viu mau🙃 🥰

lachuli

@meki_33 nei me hets leider nit use gfunde. Schilddrüsewert und au Iisewert sind guet. Nöcher Untersuechige macht me in de Schwiz erst bi de 3 Fehlgeburt... Also hoff i jetzt das es nit nomol passiert... 🥰🍀

meki_33

@lachuli Stimmt, das mache sie jo erst nach dr 3. aber das wird sicher nit passiere!! Eifach versueche positiv zdänke und immer dra zglaube das es sini gründ ka het, wieso sache im läbe passiere wo eim weh tien oder me nit so het welle. Mir hoffe ganz fescht für di, das alles guet verlauft unds eso use kunnt wies du dir wünschisch!!

lachuli

@meki_33 danke dir. I bin optimistisch igstellt. Mach no Akkupunktur und das tuet mir au meeega guet. Ich und mi Maa kämpfe für unsere Wunder 🥰

meki_33

@lachuli Oh das glaubi dir ufs wort!! Amigs ischs sehr schwer zakzeptiere das es halt au eifach länger ka go und sehr viel schwerer (mein jetzt us minere sicht).. wär weiss was alles no uf uns zue kunnt.. das macht mr chli angst wenni dänk, ich könnt imene johr immerno do hocke und nochedänke: wieso klappts bi mir nit??.. aber mir wärde gseh🙃

lachuli

@meki_33 i han mi mit dem scho ab gfunde. Öpis tolls brucht sini Ziet und i bi sehr geduldig 🥰 i hoff das mir immene Johr scho üses Glück im Buuch oder Ärm händ 🍀🍀🍀

meki_33

@lachuli Das wär e traum.. jetzt muess es nur no wohr wärde🙂

PaM

Mini liebe Hibbel-Girls ig drücke üs aune ✊✊☘☘🎯🎯, dass es wird klappe. Ig bi aktuell im zt 6 scho gly i dä startlöcher 💃🕺🏋🏋‍♀️ zum ♥️♥️♥️♥️le!😉

lachuli

@PaM ooh toll.. Be mir het jetzt Ziet vom Herzle gstartet... Gniess die Ziet au richtig 🥰🍀

PaM

@lachuli De wünsche ig dir u dim Maa viel Spaß bim ❤❤❤❤ bis öich d'Ohre waggele 😁..... mir sy afe am i wärme 😉

Sarah 19 91

drücke öicj aune düme🙏

lachuli

@PaM danke 🥰 😍 mir werdes gniesse 🥰 😍

PaM

@Sarah 19 91 öich aues Guete u Liebe 🥰

Sarah 19 91

Danke Pam😘😘

Sarah 19 91

Hey hoffe euch geits aune guet!?

meki_33

Hey hey😊 mir gohts sowitt guet. Ha mi wieder könne ufraffe nach dem „nit glungene“ monet. ich ha am Mittwuch wieder Termin zur Untersuechig für die 2. rundi mit hormontherapie für dfollikel. Hoff entwicklet sich wieder wenigstens eini.. und denn heissts hoffe, härzle und abwarte.. wie gohts dir/euch?