Hibbeln ob Mens ausbleibt oder nicht?

Mimi89

@Cariño ka mit dir mifühle...bi mir isch dr Zyklus au unregelmässig😒

Nalan83

@lachuli nützischs guet us herzle?😅☺️

also i ha de eisprung warschinli morn ich gsprührs richtig, hüt het de ovu zwei strichli gha mini eierstöck düe mr weh das hani kurz vorm eisprung oder bim eisprung 😅 ….! ha hüt chöne herzle am beschte dueni morn au no 👀…!
sel klappe für alli do wo am hibble si bitteeee universum 🙏🏽🧿🍀☺️❤️…

lachuli

@Nalan83 mini Tempi isch am Stiege mir werdes hüt und morn usnütze... Morn wird min MAX cho... I spürs... 😉 😃
I hoff dass mir alli e Dezember Gschenk bechöme ✨🍀🎄

lachuli

@Cariño am 19.12 dörf kei Drache 🐲 Lande den isch min Geburtstag ✨🥰 druck dir fest Dume 🍀

pünktchen

Nützet ali sHerzel uus und denn gits für ali eh Wiehnachtsgschenkli 😁 bi mir sött de Drache hüt nöd lande 🙈
Lueget mir was de Tag so bringt 😊
Wünsch eu allne en guete Tag ☀️

tna

@pünktchen ooo druck dir ganz fest de dume ✊✊✊ hesch scho mal testet😍😍😍😍

Nalan83

druck dr dume @pünktchen✊🏼🧿🍀@lachuli ich hoff hesch s‘schönschte geburstags gschenk das johr☺️

lachuli

@pünktchen druck dir ganz fest Dume
@Nalan83 i hoffs so sehr 🥰

PaM

@Fabi88
Danke dir härzlich 😘

Trini

sali zäme, mälde mech au emol, be bis jetzt stilli läseri gsi. ech be 37gi ond ha e 2.5 jöhrige sohne. mini mens höt geschter selle cho ond am obe hani de doch emol testet ond esch negativ gsi. wem esches au scho so gange ond wie esch s ergebnis gsi? ha kei test meh ond muess zerscht weder eine chaufe🙈

Fabi88

@pünktchen drucke Dume
@Trini welang bisch vorem Test nid ufem WC gsi?

Trini

hmm, vellecht om die 1.5 stond…

Cariño

@lachuli Ig hoffe fescht, dass er nid chunt 🐲 weder am 19. no am 20.12. 🙈 Danke fürs Duume drücke 🍀🐞 mini si für üch alli ou drückt ✊✊

Fabi88

Hmm ok mime het an NMT nach 90 minute positiv azeigt. Hoff für dich das de Drache nid landet

PaM

Froue ig hoffe ganz fest für öich ganz fest, dass dä lumpe 🐲 bi niemerem landet ✊✊☘☘

pünktchen

Cha eu vo hüt mal es chlises Update geh. 😊 De Drache isch bis jetzt nöd glandet. Testet hani bis jetzt no nöd.
I gib ihm morn no Zit und falls er morn nöd uftaucht, mach ich am Friitigmorge en Test. 🙈
dHoffnig dases klappet het isch do, obwohl i di ganz Zit sGfühl gha han, dases eh nöd klappt het, do mir de Eisprung warschinlich nöd gnau verwütscht hend und min Maa vier Täg weg gsi isch und i dene vier Täg sicher gnueg Alkohol gflosse isch. 😅
Was dSpermiequalität jo bekanntlich nöd gad unterstützt. 🙈
Ich halte eu ufem laufende!
Wünsch eu en schöne Obet ❤️

lachuli

Min MAX isch hüt cho 🥰 mir nützes hüt so richtig us 😍
Ab morn han i Ferie ✨🎄

meki_33

Wünsch euch allne ganz viel glück!!! 🍀

Trini

so min test esch negativ blobe ond chli spöter hed e chlini bluetig agfange…. tja, neue monet-neus glöck☺️

selin

@lachuli Wuhuuuu🎉🍀🙏🏻 ran an den Mann würdi sege!!😆🤩 Oh das cha ja nur guet cho i dine Ferie hibble😍Mini 🤞🏼sind druckt!!

@Trini Schade ..:( aber genau du seisch es, ufgeh isch kei Option wiiter gahts mitem neue Zyklus☺️🤞🏼✨🍀🙏🏻🤩

Nalan83

@lachuli cha si das mr glichzytig schwanger werdet😅….hihi…bi au hüt hoch fruchtbar…das heisst herzle bis d‘ohre drabgheie…🤪

pünktchen

@lachuli @Nalan83 oh denn wünsch i eu viel Spass bim Herzle 😊 gniessets 😀

@Trini schaade 😔 demfall chönd mir zeme in neue Zyklus starte, min Drache isch hüt gad au cho 🙈

lachuli

@trini @pünktchen schad isch Eure Drache 🐲 glandet. Druck Euch für de neu Zyklus ganz fest Dume 🍀

@Nalan83 oh wie toll mir hibble glichzietig 🥰 mir nützes hüt au us... 🥰😍

Trini

@pünktchen tued mer au leid för dech! mech gorkts mängisch eifach betz a, wenn de körper eim veräbled. ech ha mini mens schöscht emmer pönktli osser höt… ech muess nochli de chopf abschalte….

PaM

@Trini @pünktchen Nächste Zyklus isch Landebahn für ä 🐲 gesperrt ☘✊☘✊

PaM

@lachuli @Nalan83 Ig wünsche öich beidne ganz viel Spaß bim ❤❤🤗😉

Sonnenblümchen

@Trini & @pünktchen tuetmer leid für eui isch de Drache glandet 😔

Ich bin na am Warte, hüt ES+8. mal luege öb ichs schaffe erst am Samstig oder sogar sunntig zteste 🙈 wahrschindlich ja nöd 😂

lachuli

Endlich han i Ferie 🥰 usgnützt hämers au... Jetzt bin i gspannt uf Tempi morn 🥰😍

Nalan83

so ha es herzli chöne setzte hüt 😅 au wenns bez zwungener masse gsi isch 🤣…sind beidi eigentli recht müed gsi aber hend eus en ruck gäh…hihi…! so jetzt hoffi ufs beschte🍀✊🏼😍🧿

Nalan83

danke @PaM und @pünktchen😍🙏🏽

lachuli

Tempi isch jetzt schön hoch gange... Min ES isch jetzt dure.. Mir händ üses besti gäh.. Jetzt zruck lehne und entspanne 🥰👌

PaM

@Nalan83 Bi üs isch ❤le bim erfougrieche Treffer 🎯 ou eher ä kraft-akt gsy aus romantisch bi dere Bronchitis wo mir gha hei 😉✊✊☘☘

PaM

@lachuli Gniesset Ferie!😊✊✊☘☘

lachuli

Mir händ uns geschterd au muesse überwinde... Sind beidi müed gsi vom schaffe 😴
Jetzt foht Entspannig endlich ah 🥰

Sonnenblümchen

Ich bin na froh zläse dass s‘herzle nöd nur bi euis mängisch chli erzwunge isch 🙈😂Viel Glück allne 🍀

lachuli

Wenn me de Ziet Punkt will verwütsche isch es be uns öfters erzwungen vorallem wenns nit am Weekend isch... 🙂😊

Nalan83

jetzt heissts 9täg hibble bis ich cha teste s‘erschte mau👀🙈…ich wo sones ungeduldigs bi😅😩…

lachuli

@Nalan83 i test erst bi NMT 🙂😉

Nalan83

ich bi zu ungeduldig🤪…ich teste sicher 5täg vorher oder so🙈 ha scho sine frühe test kauft…das heist samshtig inere wuche testi …

lachuli

Ok bin gspannt was brichte tuesch 🥰

Nalan83

zum glück hani viel kunde bis den bi den abglenkt mit schaffe hihi…

Sonnenblümchen

Bi mir isch grad de Drache glandet 😥

samira.

@Sonnenblümchen Tuet mir leid das es de monet nid klappt het viel glück fürs neue jahr 🍀 🍀🍀🍀🍀🍀

Nalan83

ou nei @Sonnenblümchen tuet mr leid..! abr hey mer blibe positiv und auf ein neues 🧿🍀🥂☺️…neue zyklus neue glück…

lachuli

@Sonnenblümchen oh nei dä doof 🐲 😔 i Druck dir fest Dume für de nächst Zyklus 🍀🍀

lachuli

Mini Tempi isch hoch gschosse 🥰 bin happy 😊 no 1 höhere Wert morn und min ES isch bestätigt 🥰 😍

PaM

@Sonnenblümchen Ig drücke di ganz fest 🥺 u dr drücke ✊✊ das es im nöie Jahr klappt ☘☘❤💋

Sonnenblümchen

Danke eui 🙏 bin recht niedergschlage aber bringt ja alles nüt. Afangs Januar hani na Jahreskontrolle bi minere Gyno und wet dänn grad na nafröge wasi chan mache zum die zweit ZH unterstütze, dassmal isch sie grad mal 8 Täg lang gsi 😵

lachuli

@Sonnenblümchen i verstand di dass enttüscht bisch... 8 Täg bi de 2 Zyklushälfti isch wirklich kurz... Finds guet tuesch es abkläre... Mönchspfeffer würd sicher helfe würd das unbedingt a spreche...

Hibou

@Sonnenblümchen
Es gibt auch Zyklustees (Zyklustee 1 und Zyklustee 2). Die können helfen den Zyklus zu regulieren und die entsprechenden Zyklushälften unterstützen. Vielleicht wäre das ja was für dich.
Drücke dir fest die Daumen.