Hibbeln ob Mens ausbleibt oder nicht?

minggi

@napa oje, tuet mr leid das dass hesch müesse erlebe. Ich glaub ich würd au nu biz abwarte. Chan scho sii das alles nu biz durenand isch irgendwie...

napa

Danke eu für eui antworte😉 Hihi jaa die lieb geduld, eigentlich hani si ned würkli aber han mir au denkt es chönnt si dases chli durenand isch.

tna

Morge ihr liebe 🤗
Ha schnell e frog..
Min ma het nierestei und am SA hei sie ihm notfallmässig muesse e behandlig mache.. sie hend e schluch ine gfüehrr durch de pimmel und i 2-3 wuche duent sie den de stei entferne..
Min ma meint er chönnt glich GV ha doch ich han denkt lieber de zykluss mal uslah.. kennt das evtl öbber?

selin

@tna Kenn mi da leider nöt us, aber ich würd zur Sicherheit de Arzt fröge.

@napa solang de Drache nöt landet, bestaht immer e Hoffnig, viel Glück🍀🍀 würd au no warte.🤗

jojy93

Hoi mitenand
Bin scho länger stilli mitläserin - sind jetzt öppe im 13.ÜZ und hend am 11.02. üsi 1. Insemination nocheme früehne abgang im dezember gha und jetzt drum am hibble uf dä 26.02. (NMT).

Wenn fanget ihr amel a mit teste? Bin aktuell ES+5.

minggi

Hallo @jojy93
Tuet mr leid das en abgang gha hesch. Hoffe drum fest du darfsch ändi febr positiv teste🙏. Ich ghörä zu de spät tester, also ich teste nie, usser ich bin mind e wuche überfällig. Het chli demit ztue, dasi susch eifach zviel enttüscht wirde...

jojy93

@minggi - jö dankä viel mol für dini liebe wort 🥰
uii okay, jo verstohni absolut finds amel au schlimmer en negative test zha wie wenn eifach dmens chömed.. aber jo - dneugiier nimmt mi den trotzdem meistens🤭

BAS

Hoi zeme. Welli methodene empfehleder zum schnell schwanger werde. Händ mit clearblue probiert aber hät nüt gnützt. Und au vitamine oder Tees chönder öpis empfehle?

tna

@BAS leider chan i dir ned witter helfe mir übe scho sit 1jahr🤷‍♀️ han au CB ovus kha aber hend au ke erfolg kha🤷‍♀️

tna

Ihr liebe wie gsehts bi euch so us?? Ab hüt due mir ❤le 🥰

Mimi89

@tna ich ha au letscht fritig d mens beko😆
Ha hüt FA termin kha,für ultraschall zum luege ob alles stimmt..am mäntig muessi nomol go.. und min FSH ha wert isch nid guet... als nägschts muess au mi partner no es Spermiogramm mache. Dr arzt het gseit mir mache jetz alles,denn jede zyklus wo mr warte,warte mr au länger uf unser Wunder... bi froh düehn mr jetz alles abkläre...

Trini

@tna bi eus started au s ♥️ ☺️ ond am Mi schnell zo FA, go luege ob alles föres 🥚 ome esch…s hormonbeld esch guet gsi zom glöck☺️

selin

Hoi zeme
Ich bi am hibble, de Drache sött am Ziestig nöt cho!
Aber isch glaub nüt worde, mini Tempi isch am sinke🤷🏻‍♀️🥺

Sabi89

Wie lang händ ihr gwartet bis ihr zum FA sind? Mir sind jetzt erst es halbs Jahr dra, aber bi eifach sehr unsicher will mini 2. Zyklushälfti nur 9-11d isch.

Mimi89

@Sabi89 ich bi nach 1 joor gange.. aber ich empfiehl dir nid so z lang warte,denn das isch zit wo verlore goht. Het mir hüt au min FA gseit. Lieber gnueg früeh luege und reagiere😊

Trini

@Sabi89 ech be jetzt nocheme halbe johr emol go d hormonwärt im bluet z analisiere…. ech glaube meischtens seid mer ab 35gi ond wenn mer es halbs johr güebt hed, aber los uf dech ond wen ned secher besch, lüt eifach emol im FA a ond frog was sie der empfiehlt…

minggi

@Sabi89 ich bin nach eim jahr zum FA alles gu kontrolliere. Döt isch alles guet gsi, den numal es halbs jahr später hemer id kiwu klinik gwächslet. Am beste losisch uf diis buchgfühl. Das weiss am beste was bruchsch😉

Sabi89

Merci vielmal. Melde mich demfall würkli am Mäntig mal bim FA.

Zireael

@Sabi89 Bi mir isches au so gsi, e zu churzi Zyklushälft. Ich würs scho mal abklähre also Schildrüse, Hormonstatus mit Ultraschall evtl Spermigramm. Falls es den nach 1 Jahr immer nanig klappt hesch scho recht viel sache erledigt für KIWU-klinik. Den gahts biz rascher.. ich ha au nach 1 Jahr od Kiwu-Klinik gwächslet und isch de. Guet vorwärts gange wil ich scho all Abklährige gha han🍀

Mamelo

Ich starte in die Hibbelphase 2.0 und wünsche allen mithibbelnden toi toi toi🍀

Mayla

Hallo mitenand. Ich bin au im neue zyklus, ha mini täg sit em Fr, has aber scho sit em Mi gwüsst dasis überchum weg de tempi. Ich hoff mir sind de zyklus den nöd so am kränkele 🙂

•Elefäntli•

Hallo noch HibbeliFraue
Wie gots eu so? Isch so ruigh bi eu.. 💪🏻

Mimi89

Hallo @•Elefäntli• jo finds au ruhig do inne🙈 ich ha hüt kontrolle bim FA zum luege ob d Follikel schön wachse,und denn bekumi e sprützi zum dr Eisprung uslöse... Min FA möcht jetzt kei Zit me verliere.. wie sehts bi dir us?

•Elefäntli•

@Mimi89 Das tönt doch ganz guet bi dir, aso düender denn Sex ha oder macheder e IUI?

Ich stohn vor em ES mir mached nüt me mit Kinderwunsch klinik hend döte abgschlosse
entweder es funkzioniert nomol oder mir sind glücklech mit üsem Junior ☺️

Mimi89

@•Elefäntli• nei nei,normal Sex halt uf ahwiesig vom arzt müehn mr hüt und morn🙈
Ich ha au gseit,wenns eso nüm klappe will,löhn mrs möcht nid in e KIWU klinik....

SiMe84

Ich bin also grad am Hibble. Min ES sött am sunntig gsi si. Jetzt heissts abwarte und tee trinke. 😉Ich drucke allne de dumme, das es bald klappet.

Mamelo

so schön lauft weder bez öppis.
@sime84 de semmer ungefähr glich wiit i vermuete ha ne endi letscht woche gha.

SiMe84

@Mamelo Wow, das wär ja cool. 😉

Mamelo

hoffe fescht das mer glöck hend ond s klappet

SiMe84

Ja, das hoffi au. Wärs die ersti ss für dich?

Mamelo

die 2. aber s erscht mol beni definitiv eifacher schwanger worde😔

•Elefäntli•

@Mimi89 Okey, isch jo au guet, denn bisch ganz sicher das dä ES ka hesch 💪🏻 Druck dir ganz fest dumme.

Oke i verstoh di Total wäg dä KiwuKlinik

Mimi89

@•Elefäntli• genau ha zwar immer gmeint me het e eisprung kha,wennd mens kunnt,aber schinbar nid🤷‍♀️ hätti das früehner gwüsst,hätti früehner ghandlet

minggi

Hallo zäme, aso ich stah ungefähr vorem ES. Han meega usfluss und schwindel weni allig ufstah🤷‍♀️ kei ahnig was da los isch, känni so gar nid. Drücke düüme für üüch alli😁

•Elefäntli•

@Mimi89 aha nei d mens und dä ES chunt noch lust und luun 😂 Nei seich es söt scho chli en regelmässige zyklus si.

@minggi Bini gspannt wenn dast ihn häsch, i söten au die nöchste 2-4 täg ka 🙏🏻

Mamelo

ui das tönt nachere grosse Hibbelrondi hoffe i 3-4 hämmer vell schwangeri do enne🥰

Mamelo

i ha de zyklus s erscht mol en ovu brucht ond weiss end wasi defohbhalte sell

minggi

Aso mier müend glaub de zyklus us lah, min maa isch chrank und ohni ihn gahts nid🤣🤦‍♀️

Mayla

Ich sött glaub die erste märzwuche min eisprung ha.. ☺️

Trini

oh, do lauft jo rechtig öbis☺️ ech go morn zom FA go luege, ob sech öbis am ufboue esch ond sett chorz vorem eisprong si☺️ probiere aber dä monet eifach emol z nötze ond vell ♥️ le☺️ egal ob vorem eisprong oder i de hibbelzyt… ☺️@•Elefäntli• mer send jo öbe glich wit☺️

Mimi89

Also ich ha hüt e sprützi beko und am fritig luegt dr FA ob Ei gsprunge isch. Dr Follikel isch guet gwachse mit 21 mm. meint er

selin

Hoi ihr liebe🤗Ich han hüt min Drache becho🐲Drum wirds ide nächste Ziit nödeso spannend bi mir😆 min eisprung wird ich öbbe i 2 Wuche ha✨Das gaht no eeewigs. Ich wär mega gern ide 2. ZT so entspannt wie ide 1. 😤 kennt das öbber? Ide 2. ZT binich immer so gstresst, gnervt, mache zviel Gedanke und bi eifach mega unruhig. Das würdi so gern ändere het da öbber en Tipp wie tüend ihr eu ablenke oder eui Gedanke stüre?
Ganz en schöne Tag wünschi eu und allne hibbelgirls viel Glück mini Duume sind druckt🍀🍀🍀🍀

selin

Sorry ich mein natürli ide 2. Zyklushälfti*

Mamelo

also i fende die 2. entslannender well de esches wes esch ond i de 1. hani de eher d "panik" de eisprung z verpasse

•Elefäntli•

@selinMuess gad e biz schmunzle wels mir genau glich got i weiss öbe ungefähr wenn ich dä ES ha und kurz vorher werdi amel scho nervös hoffentli verpassen nö hoffentli hebet dä Maa ane usw aber bis döt ane bini extrem entspannt und kei gedanke füehrt zum kinderwunsch zag dä ES isch verbii verkopfi mi total häds ächt klappet usw extrem schlimm und i wör so gärn eifach die gedanke abstelle aber es got eifach nö 😭

Trini

sodeli höt bim FA gsi. min eisprong chöndi scho döre si🙈 aber d eierstöck etc. gsäched sehr guet us. jetzt beni früehner als gedacht i de hibbelzyt enne😅i dere beni au emmer agspannter ond ha emmer vell gfühlti synthom…🙈

Mamelo

da wörd mi jetzt no wonder näh. uf grond vo wa hesch de denkt das si ersch no chöme @trini ?

Trini

@Mamelo ha bis jetzt ame s gfühl gha, dassi spöter dra be ond au d ava uhr hed ufe 26.1 tipped…

Mamelo

okay ava esch met körpertemperatur gäu? I froge well em erscht Üz hani mi uf mis app verloh woni scho jooohr min zyklus ufzeichne und jetzt hani en ovu gha ond de het ebe au scho 3 täg vorher agschlage. de beni ebe au chli öberrascht gsi

Mimi89

Händ ihr gwüsst,dass ihr e positive Ovi könnet ha und es trotzdem si ka,dass me kei ES het? Ich ha das nid gwüsst... do kame jo echt uf nüt me vertraue🙄