Hibbeln ob Mens ausbleibt oder nicht?

selin

@Gold ❤️-lich Willkomme.. ich ha au grad mitm neue Zyklus gstartet. Wünsch der viel Glück!🍀

& tuet mer leid was passiert isch🥺😔

Lauraannah

wie gahts eu? ich scho chli nervös, na 5 täg. aber ich gspür bis ez gar nüt 🤷🏻‍♀️

tna

♥️lich willkomme @gold

Mir geits au so 🙉🙊🙈 ha sit am DI de durchfall mal luege wenn das ufhört😒😒 aber süsch spühr i au nix😅 mal luege

selin

Ich bin am warte uf min ES, mal luege ich denke gaht no ca. 10 Täg🥚🫠🫠

Lauraannah

ich bin scho nervös, gaht na 4 täg, null azeiche, weder für de drache na für baby😅

selin

@Lauraannah So spannend🍀🍀🍀🍀🤩

Lauraannah

@tna wie gahtsder? wie laufts?🙌min cb digital seit + 1-2 😍🫶🏻 hoffemer das bliebt soo☺️🫣🙌

lachuli

@Lauraannah oh wie toll 😍 herzliche Glückwunsch 🥰

Lauraannah

@lachuli Danke 🥰🥰 bin mega überrascht und nachli schiss, aber hoffe chunt alles guet🙌💪🏻 (2. ÜZ nach de FG)

Kosmea

Hallo zäme! 😊
Mir started jetzt denn au wieder mit Hibble nach ere FG voreme Monet. Ha no biz gmischti Gfühl zwüsche voller Hoffnig und Zueversicht, aber doch biz bremst dur d FG. Ich trinke jetzt moll no flissig Nestreinigungstee und hoffe das tuet mim Zyklus guet 😊
Ich drücke euch allne ganz fest d Düme!

ally

Mir sind jetzt au wieder im neue zyklus.
Am 6 juni sötti periode becho.. hoffentlich das mal nöd🤭

tna

@Lauraannah ooo soo schöön gratulieree ♥️😍😍 du bi mir isch nüt.. han am MI mini täg übercho hüt isch es endlech fertig.. sind 2 täg zfrühe cho das mal.. kaufe den morn CB ovu tests.. mal luege🤷‍♀️

Lauraannah

oh nei schade. die ovus chaschder eig spare wend ungefähr en regelmässige zyklus hesch @tna bi mir het sit de FG kein einzige jemals positiv azeigt (han au cb gha) und es hani doch en positive ss test🤗 ich drucke fest fest dume 🍀🤞🏻ich han ide erste zyklushelfti na de frauenbalance tee vo yogi tea trunke(de het drin himbeerblätter), de hetmer iwie es guets gfühl geh🤗 vlt kennt das öpert

ally

Leider hets au wieder nöd klapped. Han mini periode vill stäreker becho als sus und sogar 4 tag vor Erwartung

Waschbär1993

I hoff tempi blibt dobe🤞🏻🍀 voll im Hibbelfieber😅

Mamelo

dröck der d dume waschbär🍀

Waschbär1993

@MameloDanke

tna

Hey ihr liebe wie geits euch? Wo qtönd ihr soo🥰

Waschbär1993

@tna I stoh do und wo stohsch du?

tna

bi mir gsehts e so us.. 😅 mal gucken 👀

tna

bi mir gsehts e so us.. 😅 mal gucken 👀

tna

He fraue wüsset ihr das gits au folsüri für manne mit kiwu?

Kringel

@tna gueti Frag, aber i denkes eher nid. D Folsüri brucht sWürmli ja zum Knoche bilde. I denke wenn de eher Multivitamin für de Maa u gsundi Ernährig. Aber viilicht weiss ja öper anders meh drüber. 👍

Zireael

@tna Doch gits Proxeed plus det hets au Folsüüri und anderi Vitamine drin extra für Menner. Aber hends nur eimal gno min Maa isch da chli fuhl gsi🤣

Fabi88

Es git es Folio for men mit wichtige Sache.

Kringel

@Zireael @Fabi88 würkli? Nid gwüsst. Me lernt nie us. ☺️👍

tna

Danke fraue♥️♥️
He sit hüt gan i so spannige um buch herum isch das normal😅

tna

Hey ihr liebe wie gahts euch soo🥰

Gold

Leider hani gester mini täg becho...
Ich bi so trurig.. es wird jedes Mal schlimmer. Ich ha so Angst, dasses ned klapped.. weiss langsam nüme witer.. gahts öbertem glich?

ally

Ich han jetzt eisprung ziit. Ich hoff es klapped. Ich weiss au langsam npmm wiiter. Glaub ich han zu viel mir selber druck gmacht, wills bim erste mal grad klapped het

minggi

@Gold und @ally es tuet mr fest leid hendt nu nid dörfe positiv teste. We lang sindr scho dra? Hendr scho kind? Ich weiss genau wie es üch gaht. Ich han 2.5 jahr ghibblet, es het mich fertig gmacht. Üses grosse wunder isch de plötzlich cho und im 21gi gebore. Jetzt bini unerwartet wieder ide 15ssw. Gänd eifach nid uf, es isch en herti ziit, es lohnt sich aber. Ücheri wunder chämet bestimmt, drücke ganz fest d duume🙏🍀

Gold

Ich ha im Dez. 2020 agfange und im Sept. 2021 e Eileiterss ga und in Feb 2022. e früh abord. Ez hämer 3 Zyklus wieder probiert und leider ned klapped. Ich ha ez mal en Termin ide Kinderwunschpraxis gmacht für nächst Monet.
@minggi wie hesch denn du das usghalte? Hesch au FG ga oder hets 2,5 J. Ned klapped? Bisch mal go abkläre?

Es isch eifach es Gfühl wo ohnmächtigkeit. Mi chan nüt mache und fühlt sich so schlecht weg dem. Zit gaht wie zlangdam und mi möcht am liebste, dass alles schneller gaht. Plus, glaubi, niemert denkt es preicht einem selber mit unerfülltem Kinderwunsch. Mi ghört das vo anderne und denkt, oh sind das armi aber, dass mer plötzlich selber i dere Lag isch chunt eim ned in Sinn. Ich versuechs locker gse und ned verbisse aber ich ha gfühl mir wird alles andere immer meh egal. Immer wiedr überlegi sölli zu dere Hochzit zuesege, sölli as Oktoberfest im Oktober ga, sölli a de Sporttag mit Übernachtig ga, sölli ez chli meh Alkohol trinke, sölli so viel Sport mache oder chönti das de SS schade oder bini evtl, scho Schwanger und es wär fahrlässig? Mein Gott und denn immer jede 2 Tag Frag: Wend ihr au no Chind?
Jaaaa sicher, man, ich bin 33. was nimmsch du dir usse, mich das zfrege? Hesch eich no nie devo ghört, Uhr tickt ab 30gi usw. wie respektlos und unsensibel isch den das?! Alli freget mich. Min Chef, Arbetskollege wo ich oft gse, sonigi wo ich nur eimal zämä schaffe, guete und ned so gueti kollege eifach alli. Mein Gott wie het das Thema plötzlich so present chöne werde. Und nomal öbis: nämet kein einzige Tag rücksicht uf de Arbetsplatz. Mached jedi Usbildig und Stellewechsel wenner luscht hend. Kei Firma het die Rücksichtnahm verdient wenns ums Thema Kind gaht. Wenns denn ned klapped hemer eus so viel Chance verta. Für was!? Ned mal seit öbert danke und mer isch sogar no selber gschuld. So ez bini fertig mit mim lange Text. Het eifach irgendwie müesse usse…

livjona

@Gold, genauso hani mech damals au gfühlt, wo Monet för Monet döre esch - ond emmer wieder die Enttüschig ond de Frust wenn Periode cho esch. Mer esch met de Ziit so fixiert gsi, hed nur no am Chinderwunsch ome gstudiert ond ergend einisch fascht Sex nach Plan und sich ond de Partner onder Druck gsetzt. Da hed mer sich no so chönne säge, ned verstiife druf, dänk a öbbis anders, fang es Hobby a, plan Ferie…

Wichtig find ech halt, dass mer sich ond (!) de Partner denn mal abkläre lahd. Bringt als Frau nüd wenn öberwachti Zykle met em Frauenarzt abmachsch, Hormon nimmsch ond debi sind Schwimmerlis am Arsch vom Maa.

Be mer heds damals klapped woni de Termin förd Buchspieglig/Eileiter-Prüefig im Kalender gha han. Also ergendwie hani de Monet abgschriebe ond im Chopf beni frei gsi, well ech gwösst han, jetzt chund zerst mal de Undersuech ond denn luegemer wiiter. Spermiogramm vo mim Maa esch au eher mässig gsi. Öbs Zuefall esch oder halt wörkli well ech das Thema ned präsent gha han…. wer weiss.

Ech weiss wies esch wemmer zmitzt inne esch - ond doch muess mer sich säge, mer set wiiter läbe und sich guets due. Sich Träum erfülle ond Usbildige/Ziel versueche z‘erreiche. De Fokus muess be eim sälber als Person ond bem Maa als Partner/Ehemaa bliebe, denn velecht esches denn wörkli so, dass mer mal chinderlos bliebt. Ond wichtig esch sicher au de Ustusch bzw. de gmeinsami Punkt z‘bespräche, bis wie wiit wott mer gah, dass es zo Chind chund. Dänke da gönd d‘Vorstellige innerhalb vo de Partnerschaft au usenand.

minggi

@Gold es tuet mr so leid das bi üch au soviel druck fu usse chunt. Das machts nid eifacher. Mier hend nacheme jahr alles abklärt und si d ine kinderwunsch klinik. Sie hend nix usegfunde. Spermiogramm nid super aber nu normal gsi. Hend au ei zyklus hormon gsprützt und sex nach plan. Erfolglos. Den ei erfolglosi insemination. Das isch im juni 20 gsi. Ich bin am bode zerstört gsi und am ändi fu mine chräft. Den hani gfunde so chas nid wiiter gha. Min körper und geist muss sich erhole, ich will glücklich sii halt ohni chind. Han mit akupunktur ahgfange und psychologischi hilf gholt zum mit allem fertig wärde. Ja und den ei zyklus später hani positiv testet. Eifach so... has nid chennä glaube. Ez bim 2te hets nach 3x klappet mit voll stille. FG hani nie eini gha, es het eifach nie ihgschlage. Bi üs isch dr druck fu usse nid da gsi, mier sind nid ghürate gsi und nu nid so lang zäme. Es sind herti jahr gsi, bin viel trurig gsi und ha nid gwisst wie mit dem umgah. Es isch immernu es tabu thema leider. Viel wisset nid wad die päärli dure machet. Im nachhinein würdi früener d wahrheit säge. Wen epper fragt wender kei chind den antwort eifach mal " mol mier hättet gärn aber mä cha sich nid ussueche wenn ases klappet" wirsch stuune was den für reaktione chömet. Und all die tipps mussme ignoriere. Find was für dich wo dier guet tuet, es hobby, verein, job, egal was. Kümmeret üüch umd d beziehig und läb dies läbe und dänk nüm was weni ächt scho schwanger bin. I dem zyklus wos klappet het hani graucht und alkohol trunke wie scho lang nüm😂 es isch beschisse, abkläre würdi mal und voralllem immer as wunder glaube. Tönt blöd de rat aber isch so. Evtl gits en kinderwunschcoach i diner nöchi? Ich bin bidr nicole regli mal gsi, het mier nu guet ta.

Pheobee

@Gold: Ich verstoh di sehr guet. Au mir hend 2.5 Johr brucht zum schwanger werde. Ha i dene 2.5 1 Früheabort und 1 Eileiterschwangerschaft kaa (mit Eileiterentfernig). Die tolle Rotschläg vo use „blib locker“, „tue a öpis anders denke“ ect. hend mi mit de Ziit aggresiv gmacht.
Ich han aber nie es Gheimniss druss gmacht dass bi üs schwirig isch mit em Schwanger werde/Schwanger blibe. Da her mir sehr viel Druck usegnoh well d‘Lüt eri blöde Bemerkige 1x useloh hend und noche etweder gar nünt me de gliche tue hend oder (z.B. Arbetskollege) sich erkundigt hend wie das z.B. de Untersuech gsii isch oder wie de Stand im Moment isch (öp mer scho weiss wo de Hogge isch/wo im Zyklus stoht mer usw.)
I haa mi so nöd so elei gfühlt ond haa fascht immer öpert kaa zom rede.
Bi denn 3 Mönet noch de ELS schwanger worde und im Januar 19 isch min Sohn uf d‘Welt cho. Mer hend denn en sehr schwirige Start kaa mit em mit langem Spitolufenthalt und chum 1 Monet noch Spitolustritt bini wieder schwanger gsii (ohni irgendöpis mache) Haa d‘Welt fascht nüme verstande... Zerscht 2.5 Johr am doktere ond noche klappets bim zweite gad uf s‘erst Mol...
Was bi mer bi allne 3 Schwangerschafte ghulfe het mim Körper vertaue. Ich haa bi jedem Zyklus woni noche positiv testet haa mit mim Körper „gredet“
Eifach em Muet zuegsproche, das ers doch söll probiere nomol schwanger z‘werde. Das ich weiss das ers cha usw. Tönt richtig doof aber bi mer hets 3x funktioniert.
I druck eu ganz fescht Dumme dass du bald dörfsch schwanger werde und blibe🙏🏻✊🏻

Gold

Es isch irgendwie beruhigend, dass ebe anderi au vieli Erfahrige mached und denn positiv usse chunt. Ja es isch wie en ständige Kampf zwüsche easy ne, alles mache und ned dra denke und ja musch ja vernünftig si und denn denn zue seisch isches au müehsam zum wieder absege für ein selber. Was mi langsam au scho stresst isch die Follsäure Tablette zne. Ich denke, für was!? Bi richtig hässig geg Tablette. Isch ned rational aber ebe menschlich.

Min Partner stresst ebe au mega. Mir chönd eus sehr guet unterstütze aber es duet mer eifach leid für ihn für mich.. ich denke, was isch los? Was hemer gmacht, dass karma so zu eus isch?! Aber ebe das sind di falsche Gedanke. Ke lockerer mers nimmt, desto meh Chance. Ich ha am Mentig en Termin mit ere Frau wo Beratige und Massage macht für Fraue mit unerfülltem Kinderwunsch. Und ebe nächt Monet erste Beratigsgspräch ire Kinderwunschpraxis. So chani wenigstens „öbis mache“.

Ach man.. ich lueg übrigens jedere Frau uf de Buch und gse so viel Schwangeri! Soo schlimm. Hetti nie denkt, dassi so eini wird! Haha chas amel selber fast ned fasse.

Ich has nur einere Kollegin gseid, mim Mami und Schwöster, Vater und Tante. Rede drüber dueni nur mit de Kollegin, Mami und Schwöster. Uf kein Fall seg ichs no anderne. Denn chömeds immer und freget no verletzendi Sache, urteiled und verzellets als Story allne ume.

Danke für eui Text, sind würkli härzig und git mut. Ich gib ned uf

Kringel

Ach ihr liebe.... Ich drück üch fest dDume dass jedi vo euch bald au darf ihres Wunder i arm neh. 🍀🍀🍀

U das mit de blöde Frage hört nie uf.
Zersch frage si obd ke Chind wosch. U ner wenn eis hesch frage si ständig nachme 2te.

Au umgekehrt gits doofi sprüch.
Mini Schwöster het s dritte übercho, da seid ihre doch öper: so jetzt isch demfall fertig he, alle guten dinge sind drei.
🤨
Und nei... Si het spöter no es 4ts übercho. 😉

livjona

@Gold, du kannst ruhig die günstigen Folsäure-Tabletten von der Migros nehmen. Mir ging Elevit etc. voll ins Geld da ich Monat für Monat negativ testete.

Bindli

@Gold: ich verstah dich so guet. ich han mis 1. chind eifach so becho.. schnell schwanger worde etc. vorane 1 fehlgeburt, aber das gitz ja oft. denn hend mir nach eim jahr wieder afah üebe mit pausene dezwüschet und ez sind mir scho 2 jahr dra mit 2 fehlgeburte und paar biochemische ss.. bin au scho ide kiwu-klinik, aber die chönd mir leider nöd gross hälfe. ich chan fengs anderi fraue mit büüch au nüme gse und mir schlahts extrem uf d psyche. weisch wieviel positivi ss-test ich scho gha han.. ich chas nüme gseh und trotzdem wetti min wunsch nöd ufgeh, aber weiss nöd wie lang ich no mag 😢

selin

Hoi zämä, isch öbber au grad am hibble?
Wie wiit sinder? Han nechst monet endlich min Termin im Kiwuzentrum. Hoffe die chönd eus helfe, no besser wär wenns bis denn klappe würdi vo allei😅🥰🍀

selin

Ab wenn tüend ihr amel teste? ES+ ???
Ich weiss aber sicherste wärs ab NMT aber mengisch magi glich nöt so warte🥲🫠

selin

Am sicherste*

tna

Hey liebe wo stönd ihr so? @selin uch warte bis nmt 😅

ally

Ich chan morn teste, wer weiss😌

Mamelo

i dröcke euch allne fest düme 🍀

Kringel

D Dume si drückt 🍀🍀🍀

tna

Ich druck euch au allne gaaanz fest de dume✊✊ ich mach ovu... am SO isch eigentlech de eisprung mal luege🙈

ally

ich glaub es ish positiv oder?🙈

ally

Es het so schnell grad zack es plus azeigt

Mamelo

@ally i wörd säge härzlichi gratulation 🎊🎊