Hibbeln ob Mens ausbleibt oder nicht?

Steffi87

ja hoffe jetzt sBeschti ♥️

AnDu88

@JennyHelin Es duet mer unändlich leid, dass du das muesch düremache. Vöu chraft und nimm der Zit zum truure ❤️

Kosmea

@Steffi87
Hey sooo toll! 🤗
Ich drücke dir ganz fest Düme und gniess die erst Vorfreud!

lin19

@Steffi87 Herzlichi Gratulation - freut mi mega, dass noch dere Enttüschig jetzt gli no hesch dörfe positiv teste🥰

Steffi87

Danke euch vell mol 🤗

lin19

Soo - bi mer wärs da wieder gsi für dä zyklus😓 eu drucki witerhin dä dume🍀

tna

Hallo zäme🤗
@Steffi87 gratuliere😍 so schööön... hoffes das mir au mal de test i de hand hend fraue🍀
Ich gang hüt am NM zur frauenärztin.. gah kontrolle mache.. mir sind ja am üebe sit 2 jahr jetzt.. mal luege was sie mir seit..

tna

@lin19 oo neii de dooof 🐉 😒😒...druck dir ganz fest de dume für de zyklus🍀✊🍀✊🍀

Lauraannah

@tna wie isch gloffe hüt?🍀

Kosmea

@lin19
Ich ha mir letscht Moll en Bluemestruuss kauft, wo mini Täg cho sind. 🤗

@tna
Ja, ich bin au gspannt! Ich hoffe, din Termin isch erfolgrich oder zumindest ufschlussriich verloffe? 💝

Lauraannah

@Kosmea findi super mitm bluemestruss, mer sött sich au öpis guets tue💐

aenn

Findi au e tolli idee mitm struss😍Jaa hoffe au din @tna termin isch guet cho!🙏🏼

Ich versuech chli entspanne ide ferie.. aber ha s gfühl mini täg chömed bald…das macht mi schier wahnsinnig.😩

tna

Hey zäme 🤗 mir hend alles ahgluegt.. min zyklus isch guet.. sie het so 3 fläschli bluet gno.. sie wett jetzt alles nomal kontrolliere... hormontest schilddrüse usw.. am 19.9 hei mer den es gspröch.. besprechig vo de bluetwerte und wenn bi mir alles i.o. isch den mache mer de test für min maa..

Steffi87

hallo Zäme, leider han ich unschöni Neuigkeite. Genau vo enere Woche hemer euses Glück chum chöne fasse womer en positive SST ide hand ga hend. Gester Obe beni de ufe Notfall wege Bluetige und leider hends mer Bestätigt, dass es en Abgang gsi esch ide 5. Woche. Es esch es schlimms Gfühl aber mer probieret positiv zblibe

Lauraannah

@Steffi87 tuetmer u leid zghöre! leider passiert das so vielne fraue😞💫fühle mit dir! gib d hoffnig nöd uf und probier witer sobald dich bereit defür ffühlsch♥️

Kosmea

@Steffi87 hey du Liebi! Ich fühle ganz fest mit dir! Ich dänke immer wieder, es gsunds Baby isch so es unglaublichs Wunder! Lönd euch gnueg Ziit zum Truure und Abschied z neh… und sig stolz uf din Körper wo gmerkt het, dass wahrschinli irgend öpis nid stimmt und das so guet greglet het.
Viel Liebi 💝

Steffi87

danke euch vell mol för die nette Wort. Die helfet sehr. Mir hend eus dezue entschiede ide Familie und im engere Kollegechreis offe demet omzgo und dröbert zrede. Ich be sehr froh drom, es duet guet und all seget eus, dass sis toll fendet wie offe und ehrlich mir demet omgönd. Eigentlj schad, dass es doch emmer no es Thema esch womer lieber ned dröbert redet.

aenn

@Steffi87 Es tut mer im herze weh das z lese..😢 Fühl dich druckt! Leider ischs wükki so das so vill das erlebed! Au du wirsch dis glück no derfe ide händ hebe, mir alli! Da bini mer sicher🙌🏻Vill chraft wünschi dir und dim ma🤍🕊

Steffi87

@aenn danke för die herzliche Wort

Steffi87

wie laufts bi euch suscht so?

Kosmea

Mir händ die fruchtbare Täg grad hinter eus, sind jetzt wieder ide Wartephase 😉
Ha jetzt denn aber zwei Wuche Ferie, de hani chli Ablänkig. Freumi scho! 🤗
Bi euch andere?

tna

@steffi87 es tuet soo leid zghöre🥺🥺 fühle mit diiir 😪 aber gin dhoffnig nöd uf liebs.. es wird sicher glii wider klappe♥️ viil kraft wünsch ich eu🍀💪

Endlech sie mini täg düre.. sit gester.. und mini FA het mer no ahglütte und laborergäbnise sige guet.. ussert vitamin b12 mangel.. nächstwuche am DI gang ich den zu mim husarzt wege dem..
Und wie laufts so bi euch?

Steffi87

danke euch ♥️
Am Wocheend esch es mer eigentli ganz oke gange. Und höt beni ergendwie voll imene Loch. Ich weiss ich han vell Mänsche wo för mich do sind, aber ich wet eifach ellei si…
Ich ha grad mit mim FA gredet und sie het mich die Woche Chrank gschrebe. Ich fühl mi mega schlapp und psychisch beni ned uf de Höchi. Ergendwie hani es schlechts Gwösse wel ich 1 Woche ned im Gschäft be. De Abgang esch jo doch mega früe gsi (SSW 5) und ich mach mer voll de Chopf obi mi do voll i öbis ine steigere. es werd eim halt doch au weder bewusst wie sehr de Kinderwunsch do esch.

Ich druck euch allne de Dumme dases klappet und hibble mit euch mit 🥰

lin19

@Steffi87 es tut mr wahnsinnig laid, dass ihr da au erlebe mönd🥺 wünsch eu ganz viel kraft und zuaversicht🙏🏼

Kosmea

@Steffi87
Hey mach dir kein Chopf! Wenns dir nid guet goht, denn nützisch dim Gschäft jo au nüt… und danke seit eh au niemert…
Mir persönlich het s Schaffe viel ghulfe zum Ablänke, ha aber au Nachtwach gha und bi drum eh eleige xi 😉. Ich ha au bewusst Abschied gnoh mit eme chliine Gedänkort gstalte, eme Brief schriebe und viel elei spaziere. Und ich ha es Füür azündet, das het für mich im erste Schock so richtig guet toh.
Vilicht hilft dir öpis devo au…

Steffi87

mir gohts scho bedüdend besser. es het guet do die Woche eifach för mich zha. ha vell glese und gschlofe und au min Körper het sich guet erholt. Danke euch vo ganzem ♥️ze för euchi liebe Wort und velli Tipps 😘 nächscht Woche beni weder bereit för de Alltag und freu mi druf au weder goge zschaffe.

Wie gohts euch? sind er scho ide Hibbelphase? 🙈

tna

Hallo zäme🤗
Ich han morn de 2. Gspräch bi mire ärztin. Sie het ja vor 2 wuche bluet gno.. sig alles guet bis uf vitamin b12. Das nim ich den am DI.
Was denket ihr was chan ich ihre säge? Fröge? Verlange( medis )? Für unterstütziig?
Danke für eui tipps🙏

Steffi87

@tna hesch sGspröch scho gah?
Ich kenne mich ide Medizin leider zwenig us. Aber was ich mer no cha vorstelle, dass zum Bispel Akupunktur guet chan due. Ich be damals wege Migrene gsi und da het mer guet gholfe und ich weiss vonere Kollegin wo wege Chinderwunsch gange esch.
Ich trinke sit em letschte Zyklus Tee vo „Frauenglück.ch“ wo speziell uf Chinderwunsch apasst esch. Ich fend en mega guet und de Pris esch au oke.

tna

Vor 2 wuche nur kurz.. hüt han ich die jährlichi kontrolle plus nachgspröch.. mi ma macht no kontrolle.. mal luege

Steffi87

send ehr demfall au am Üebe för sErschte Chind? Dörfi froge wie alt ehr sind? Ich be 35gi und min Maa esch 2 Johr jönger. Ha Angst dass mer sAlter ergendwenn id Queri chunt wens ned klappet 🙈

tna

Ich bin 31 und min ma 33..

Steffi87

drücke euch fest dDüme

Jani

Hallo ich meld mich noch ewiger ziit au wieder zruck, noch emene Johr voller Arzt bsüech und untersuechige hend mir jetzt e endgültigi diagnose obwohl mir da eh scho gwüsst hend PCO.
mir wartet jetzt uf en Termin fürs Spermiogram und den wirds mit ere Hormonterapie witer go, het vo eu öbert erfahrige mit hormonterapie?

Steffi87

@Jani herzlich willkomme retour. Oje ich chan mer das mega stressig und nerveufriebend vorstelle wemer vo Arzt zu Arzt gschickt wird 😪
Ich han kei Erfahrige mit PCO, weiss nur, dass es en Kollegin vo mir ga het und au i KiWu behandlig gsi isch. DHormon sind glaub ned ohni aber sie isch druf abe relativ schnell Schwanger worde 🤗

•Elefäntli•

@Jani HalliHallo
Die nochricht duetmer leid aber i denk mit dä KiwuKlinik bringtme viel anä. D'Hormon sind nö ohni wie dä Ganz prozes au nö. Wünsch eu viel kraft und geduld

Jani

Danke für d antworte @Steffi87 und @•elefäntli•
i mue zum glück erstmol nonig id klinik es wird bi dä Gyn gmacht solang alles guet isch bi mim partner

•Elefäntli•

@JaniDas tönt doch super, druck eu dumme ✊🏻

meki_33

@Jani Ich han au PCOS und bin im 2. zyklus mit Hormon schwanger worde 🥰 hani au alles bi dr gyn gmacht.. spermiogram vo mim maa isch 1A gsi, das hets alles liichter gmacht.. i ha mit letrozol stimmuliert und ha miesse mit sprützi dr Eisprung uslöse.. wie gseit bim 2. mol hets klappt

Jani

@meki_33 oh wow das sind jo gueti ussichte, bi mir wirds au mit letrozol gmacht. Häsch du irgendwie nebewirkige gha? vor dem fürchts mir am meiste 🫣

meki_33

@Jani Ich ha null näbewirkige ka.. ha nix gmerkt drfo.. ha mr dänkt das öbbis nit ka stimme und es sicher nit klappt.. aber es het sich au bim erste mol es ei entwicklet ka nur het dört kei befruchtig stattgfunde..

Steffi87

wie gsehts us so bi euch?

aenn

Sit de fg im mai wods iwie nümme klappe.. mer gäbed d hoffnig aber nöd uf🙏🏼Im moment wieder mitte im zyklus…

Wie gahts dir @Steffi87 ?🤍

Steffi87

mir hend eus dezue entschiede dasmer direkt witers probieret nach em früe Abort for 2 Woche. Mir sind jetzt also au Mitte im Zyklus und ide „heisse“ Phase 😂♥️

Steffi87

@aenn d Hoffnig ned ufge und positiv denke esch super und mega vell Wert. Ich be überzoge dass das au dezue bitreit, dass ehr ergendwenn weder dörfet positiv Teste.

Ich probiere das au, mol glingts mer mol ned so guet.
Aber die fruchtbare Täg fend ich immer so schrecklich und ergendwie het da ned soo vell mit Romantik ztue. Ständig die „Angst“ de passendi Moment zverpasse. Oder velecht ben ich do au en Einzelfall 🙈

blüemli4

hoi zämä, gseht öpper au e 2. Linie oder isch das Ibildig?🫣 weiss nid gnau wenn de Es isch gsi

minggi

Ich gseh da leider nüd....

Nalan83

ich gseh leider au nüt…

Kosmea

aenn schrieb: »

Sit de fg im mai wods iwie nümme klappe.. mer gäbed d hoffnig aber nöd uf🙏🏼Im moment wieder mitte im zyklus…

Wie gahts dir @Steffi87 ?🤍

Bi eus genau gliich…chunt scho guet! 👍🏻

Steffi87

blüemli4 schrieb: »

hoi zämä, gseht öpper au e 2. Linie oder isch das Ibildig?🫣 weiss nid gnau wenn de Es isch gsi

hesch nomol eine gmacht?

aenn

Sorry bi eus isch gad vill los gsi😅🙈

@Steffi87 Ja genau das denki au! Und dases schwierig isch wenn de wunsch soo gross isch isch ja iwie au klar.

Mir hend de monet nüt mit ovus oder de gliche gmacht und eifach us liebi und wills passt het biendli flüge lah. Und promt hani am zistig/mittwuch ES schmerze gha.. sooo starch dasi am fritig churz zum FA bin. Seg alles guet und es chöng hald amig zu so schmerze cho. So starch findi aber no krass😅Janu ez heissts wieder abwarte und bäte🙏🏼

@Kosmea Genau! Alles zu sinere zit 🤍