Hibbeln ob Mens ausbleibt oder nicht?

müüsli

Omg…😍🥰✨

Mamelo

Herzlichi gratulation🍀❤️

Dinky

Gratuliere, so schön!! 🙌

•mom•of•a•girl•

Herzlichen Glückwunsch 🥰🍀🫶🏼💚

lin19

Gratulier eu ganz herzlich😍 und wünsch eu a wunderschöni, unbeschwerti Schwangerschaft🍀

Kosmea

Hoi zäme liebi Hibblerinne 😊Wie gohz euch und wo stönd ihr eso im Zyklus? Ich bi grad wieder am Warte zwüsche ES und NMT…
Uf was lueged ihr eigentlich so i euchem Läbensstil usser de Folsüri? Ich ha usegfunde, dass z viel Kafi schinz au cha schädlich sii und muess jetzt min Konsum glaub biz ischränke…😅☕️

Dinky

I bi derzit ZT 6 und drom gohts no eeewig…😊 I nehme ou Folsüri, bewege mi gmässigt und luege, dasi v.a. er zwöite Zyklushäufti keni ungönstige Medikament nehme oder gross Alkohol trenke. Das fallt mer ned schwer. Was mer am ehnste schwär fallt esch tatsächlech ou d Reduktion vom Koffeinkonsum 🙈 Usserdem esch en regelmässige Saunagang nedso gönstig.

Steffi87

Halloo Mädels
Ich be ZT 11 und be mit em clearblue Ovu (lila) am teschte. Bislang aber no nüd vo fruchtbare Täg. Luege grad uf nüd bestimmts, ossert de Kaffikonsum hani tatsächlich au reduziert wels mit 4-5 Tasse am Tag so oder so chli vell gsi isch. Ich trenke jetzt 2 Tasse am Tag und damits ned so schwer esch trinki eifach weni glich lust uf Kaffi ha koffeeinfreie. Esch e gwöhnigsach, goht aber guet. Nehme Fölsüri und sit de FG im September au no Mönchspfeffer und trinke Zyklustee (fende de aber eifach au guet).
Suscht luegi aber uf nüd speziells bis churz vor de Mens

Kosmea

Aah, de gohz eus allne gliich mitem Warte, eifach zu unterschiedliche Zitpunkt! 😅 ich bi so e Kafitante und ha jetzt längeri Ziit gar ned druf gluegt. Aber es git jo würkli au guete koffeinfreie Kafi. Jetzt tueni reduziere und trinke ide 2.ZH moll chli Frauemanteltee. Was het din Zyklustee drin, @Steffi87 ?
A die Ovus hani mi bis jetzt noni gwogt, ha s Gfühl die würed mi biz fest stresse…😉

Steffi87

@Kosmea ja da mit de Ovus esch au sone Sach för sich. Ich teschte eifach gern und darum machis 🤗😂
Min Tee het verschedeni Chrüzli denne (Schafgarbe, Melisseblätter, Frauemantel, Zitronegras, Brenessleblätter, Roseblätter, Lavendel).

Ja das Hibble macht mi wahnsinnig 😂

aenn

Heyy ihr liebe. Isch chli länger ruihg gsi bi mir..🤭🙈 aber nach de kafi gschicht hani denkt musi mi bald wieder mal melde🙈 ich bi au en kafiliebhaber und ha immer so zw. 3-4 tasse am tag trunke..🫣

Aber mir hend vor öppe 10 täg dörfe positiv teste😍 drum trinki ez au nurno 1 max. 2 am tag🙈

bi sit gester ide 6te wuch und han au de ersti untersuech gha. 😍♥️ ez hoffemer das sich euses chline 🌈 wunder witerhin guet entwicklet 🥹😊

Kosmea

Hey @aenn ! Das sind denn tolli Neuigkeite! 😄👍🏻 Ich wünsche dir alles Gueti für die Schwangerschaft! 🤗
Demfall bisch du aber au trotz en Kafi schwanger worde 😅.

Wer hibblet denn süsch no so mit eus mit? Händ jo grad es paar döfe positiv teschte 😊

aenn

Hehe jaaa genau. Troz kafi🤭🙈 und de monet hemmers ja s erstemal „chillig“ gno und eifach passiere lah..🥰

Bi eu klappet das au no, da bini mer sicher🤗🙏🏼😍

lin19

@aenn herzliche Glückwunsch und alles, alles guati🍀🍀

I bi im moment ZT 27 und wart no immer uf kin ES😓.. i bi au en mega kafijunkie🙈 bi mer werdeds schnell so 6 am tag, versuach jetzt au kli z reduziere🙈

Steffi87

@aenn ha so freud för euch 🥰🍀

ja de Kaffi isch aber au so guet 🙈 Ich be jetzt ZT 13 und no kei ES in Sicht. Clearblue zeigt emmer no em Chreis aa…

@lin19 ha ergendwie sGfühl dass ich de Zyklus au lang mue warte ufe ES. Hesch scho mol so spot no eine gah?

aenn

@Steffi87 Ha scho en ES a ZT 25 gha😂Und danke vill mal 🙏🏼

lin19

@Steffi87 Jo, hani au scho, drum hani d hoffnig nonig ufgeh😅.. hoffentli kunnt bi der dä 😊 bald!🍀🍀

Kosmea

Liebi Fraue
Moll no en positive Gedanke zum grad nid schwanger z sii: 😉
Ich gnüsse grad richtig s feine Wild und en guete Tropfe Wyy dezue 🤩…
Es schöns Wucheändi euch! 🍂🍁☀️

tna

Hey ihr liebe wie gahts eu so? Wo stönd ihr?

Kosmea

Oooh, ich bi grad sehr hibbelig! 🤪 Müesst jetzt denn eigentlich mini Mens übercho, ha aber gar kei Vorzeiche usser normalem Brustspanne…wär glaub ES+11, irgdwie het sich de hindereverschobe…mach morn moll en Test. Vorletscht Nacht hani no en Traum gha, dassi positiv testet ha. De isch so unglaublich real xi, ich bi mega überzügt ufgwacht. Mini Hormon spinned! 🙈
Was lauft bi euch eso? 🤗

Steffi87

ich ha grad gester oder höt min Eisprung gah. Jetzt hani 2 Woche warte vor mir….

Ohh @Kosmea be spannt und drucke Dumme

lin19

I ha gescht glaub min Eisprung gha, aber min fründ isch krank.. mol luaga, obs evtl. Gli no glanged hät🫣.. etzt fangt für mi ungeduldige mensch wieder da warta a😂.. wa machad ehr amml so zum dia ziit überbrücke?😅

lin19

@Kosmea Druck der natürli au Dume, dass es morn denn au so isch🤞🏻🍀

Kosmea

Danke ihr Liebe! 🤗
Ich drücke euch au fest d Düme, dass es klappt het…! 🤞🏻
Und süsch freumi denn ufene schöne Bluemestruuss und dassi witerhin alles döf ässe 😉.
Ich finde ame au, die letschte Täg bis zum NMT gönd sooo langsam! 🙈
Ich probiere ame eifach nid nur umezhocke und z warte, sondern mach ab mit Fründe, gang übers Wucheändi wäg oder setz mir es Ziel im Fiirobe wie bspw es Buech z läse oder so. Was mached ihr zur Ablänkig?

tna

Hey zäme 🤗 de dooof 🐉 sött bi mir am SA lande.. mal luege.. min ma macht nächstwuche mal spermiogramm kontrolle.. da mir meh als 2 jahr am warte sind.. 😒 langsam bin ich hoffnig am ufgeh.. naja.. mal luege..

tna

Drucke euch allne gaaanz fest de dume🍀🍀🍀🙏🙏

Steffi87

da mit de Ablenkig klappet ned so guet bi mir. Gebe mir alli Müe mit Abmache mit Kollege, chli mim Hobby no zgo, etc. aber am Endi vom Tag beni de glich weder am Natel ufem App am umedrucke und luege und rechne 🤦‍♀️

Jani

Also i hetti gester sölle ahfo s duphostan zneh damit ich endli mini Mens bechume, so das mir noher chönd mit em letrozol ahfo stimuliere, aber s universum meints nöd so guet mit üs 😅 mir sind sit em Samstig krank und hends no nöd mol gschafft zum Tablette hole 😬 .
Ich drucke allne dumme wo gad am hibbele sind 🍀🍀

Kosmea

Ohje liebi @Jani , so doof! ☹️ Vilicht isches jo besser, wenn du denn gsund afohsch stimuliere, damit din Körper voll parat isch! Ich wünsch euch uf all Fäll schnelli und gueti Besserig! 🌸

Min hütige Test isch leider negativ xi, ich bi biz trurig, dass es eifach nid wett klappe…eventuell blibt jo no chli Hoffnig, de Drache isch jo noni glandet.

Steffi87

@Kosmea dDüme blibet druckt und dHoffnig stirbt bekanntlich zlescht.

Kosmea

Woah, Fraue, das macht mi verruckt! 🤪
Jetzt bini an ZT 31, normal isch min Zyklus ca 28 Täg. Test negativ, aber kei Azeiche für de Drache…morn machi glaub nomoll eine.
Min ES het sich schinz ziemli verschobe! Vlt liits auno am Covid woni Afangs Zyklus gha ha?
Drücked mir bitte no wiiter d Düme 🤗

lin19

@Kosmea Uf jede fall🍀🍀 haltsch üs ufam laufende🤞🏻

Steffi87

@Kosmea klar drucket mer der witerhin beidi Düme und hoffet ganz fest 🍀

und ich be jetzt ca ES +4 und ha Unterliebsschmerze. Ich weiss dases för Symptom no vell zfrüe esch, darum hani sGfühl ich belde mir die Schmerze nur i?!? 🤦‍♀️🤦‍♀️

lin19

@Steffi87 willkomme im club, bi genau gli wit und ha au s gfühl, dass i ULschmerze ha😂🫣 i schiebs bi mer jetzt eifach mol ufs pms🙈

Kosmea

Es zwickt oder zieht aber au würkli immer irgendneume! 😅 mini Brüst gänd nämli au grad Vollgas…Test hüt au negativ, eventuell drückts e biz ade Gebärmutter 🙈
Naja, ich tue jetzt halt abwarte und Tee trinke und wenn kei Drache chunt, negst Wuche nomoll teste…muess mi mit dem Schicksal abfinde!

Kosmea

Update: ich ha mini Mens becho gester und döf/muess wieder es neus Kapitel afoh…
Wie laufts bi euch?

Dinky

Ohje, das tuet mer leid! Kopf hoch und d Zueversicht nid verlüre 🙏 Bi mer esch warte agseit, s goht no mind. 7 Täg bes i chan teste…

Steffi87

ouu nei, duet mer Leid.

Ich be jetzt ES+8 und min NMT esch ca am Mentig. Ich be also voll am Hibble 🙊

mia86

Hy Girls stossä au gern zu eu zum mithibble vö äs 3s wunder und sind aktuell es+9
Freu mich mit eu chli ustuschä

lin19

❤️-lich willkomme @mia86! Druck der de Dume, dass es scho igschlage hät🍀

@Kosmea Tut mr laid, häts de Zyklus nöd klappet.. hoff, du kasch zuaversichtlich in neue starte!

I bi au gad öppa es+9 und ha nöd so a guats Buchgfühl, aber mol luaga😃

mia86

@lin19 jö merci vielmol isch bi üs de 10üz immer positiv denkä 🍀 wer so schö aber ebe isch eifach äs wunder cool simer glich wit ☺️
Druck üs dümä 👍🏻🤗

lin19

Bi gad voll frustriert, ha scho mini täg überko😓.. hoff, bi eu, wo no am hibble sind, laufts besser🍀

mia86

@lin19 uf ä neus i denk mini chunt am mentig wer den jo genau es+14 ha au bereits ä ziäh.. uf än guätä November ☺️
Fühl di umarmt

Steffi87

Hallo Zäme
ich set au am Mentig/Zischtig mini Täg becho. Hoffe aber emmer no sehr druf, dass es ned so esch. Mal luege, höt hani es mega flaus Gfühl und es esch mer ergendwie ned so wohl. Ob da es guets Zeiche esch? Ich han eigentli amigs so 2 Täg vor de Mens Schmierbluetige, bis jetzt aber no nüd… Esch aber au no chli früe. Abwarte und Tee trinke 🙈 Das warte goht mir so uf dNerve 🤭

Und suscht heissts de neue Zyklus, neus Glück und positivs Denke

mia86

@Steffi87 ich söt au 7/8.11 mens becho
Do i scho zwei wunder han und do niä s gfühl vö mens ka ha vermueti au dases bi üs mens bald chunt😒 aber ebe neuä zyklus neus Glück aber biz hoffnig chömer jo no ha☺️

rashine

Hallo zusammen, geselle mich auch mal zu euch. Wir verhüten schon seit drei Jahren nicht mehr. 2x durfte ich in dieser Zeit positiv testen, die SS hat sich aber nicht weiterentwickelt. Letzten Monat haben wir unsere erste IUI gemacht, gestern habe ich meine Tage bekommen - es geht also in eine weitere Runde…

Euch allen alles Gute und all denen, die noch hibbeln, drücke ich fest die Daumen!

Steffi87

Hallo Zäme
Ich ha am Samstig leider au mini Täg becho

Dinky

Ich ha Schmierbluetige, wenis zumeist ha vor de Mens… auf ein Neues…!

mia86

I wart no aber test negativ und schmerzä das mens ezden chunt😔
Schlot me chli uft lunä … aber he mädels chunt sicher guät immer positiv denkä

müüsli

Hoi zämä, wie geits euch allne? I hätti no 1 Clearblue mit Wucheazeig + 6 Frühtest Streife gratis abzgää… Faus die öpper wett, bitte melde☺️