Ideen fürs Mittagessen

Peach

Liebi Mamis, mini chli (10 Mönet) möchti nüm wörkli Brei esse. Ich mache ihre jez zum z Mittag amigs chli Gmües (meistens Rüebli, Bluemekohl, Brokkoli) und zB chli Herdöpfel dezue. Ich wördere aber gern chli meh Abwechslig büte. Was gänd ihr eune Chind i dem alter so zum z Mittag? Ich selber ha bisher selte öpis zum z Mittag gesse drum bruchi chli Inspiration vo euch 🤗Danke 😊

AnDu88

Chasch guet au Teigware mit Tomatesauce, riis mit gmües, fischstäbli/fisch, erbsli, avocado, polenta, süesshärdöpfel, rüehrei usw. mit 10 mönet chasch eigentlech alles gä. So ha igs gmacht gha bi mim gross.

Miette

Mine het pancakes gliebt (1 chlini tasse dinkelmehl & 1 hafer- oder mandelmilch und evtl. Nu 1 ei). Denn frucht oder gmüess drunner mischle oder nacher ufs pancake tue (denn chame die pancakes au rolle & in rädlini schnide). Denn hets no risotto, brot mit butter, viil bachofegmües und (süss)kartoffel in jenste forme gä. Poletna-gmüess schnittli...

Muess sege han eigentli au immer alles gä woni au gesse han. 🙈

Peach

Merci für euri Feedbacks. Hät mir schomol sehr witergholfe 😊 mue mich nochli dra gwöhne das sie eigentli scho alles dörfti esse 😊🤗