Schlafprobleme am Tag

Peach

Hoi zäme.. mini chli isch jez 11 Mönet alt und mir händ scho sit einiger Zit chli es Problem mitm schlof tagsüber. Ischlofe duet sie ide regel ganz guet (natürli isch da ned immer glich), aber sie wacht so guet wie immer noch 30 Minute brüellend uf.. kennt das öpert und hät e Idee wiso da sie chönti?
Ide Nacht schloft sie meistens super und wacht au ned gross uf, es isch also nur am Tag.. es spielt au kei Rolle um weli Zit mir sie herelegget. Durch das schloft sie au eher wenig de Tag dur, aber ich ha scho sgfühl das sie eigentli no meh schloft brüchti..

SHAYENNE

Das isch normal. D Kind verwached immene gwüsse Rhythmus (20-45min) und überprüefed öb alles no so isch wie wos igschlafe sind. Wenn nöd fanges a sich bemärkbar mache. Isch en Urinstinkt.
Das het bi eus wunderbar funktioniert 😉 Ich bin amigs nach 30min wieder näbed em Bettli xi und ha sie grad wieder in schlaf begleitet 🙈 So het sie den nomal 30min gschlafe 😊

Peach

Merci für dini Antwort.. das sie denn ufwacht wegem Rhytmus han ich mir denkt.. halt nur das brüelle und ned weder ischlofe hät mi chli belastet 🤷🏼‍♀️ ich han sie jez die letzte zwei täg au im schlofsack is bett tah (anstatt susch eifach mit de chleider) und siehe da, sie hät über 2 stund gschlafe a beidne täg und natürli vell besser druf jez 🙈 ich hoffe das da jez nochli ahebt 🤣

SHAYENNE

Das isch super 😃 Immer positiv bliibe 😉

Prada

Ich hatte zu Beginn auch Schwierigkeiten. Auch weil mein Baby sehr stark geschwitzt hat. Was auch meine Schuld war, da ich die falschen Babyschlafsäcke genutzt habe. Erst als ich auf Schlafsäcke aus Bio-Baumwolle umgestiegen bin, https://www.zizzz.ch/de/babyschlafsack.html , hat sich das Problem fast von alleine gelöst

Peach

@Prada Merci vell mal für dis feedback.. ich glaube bi mer isches grad anderst ume gsi, ich glaube sie hät eher chli chalt gha.. mir händ schlofsäck vo prima klima und sind super zfrede 😊