Nachname- unverheiratet Eltern

landmäädchen

Hallo miteinander

Wir haben bald ein Termin auf dem Zivilstandesamt wegen der Vaterschaftsanerkennung. Wir sind nicht verheiratet & werden auch nicht heiraten.

Unsere grosse Frage ist nun an euch, welche erfahrung ihr gemacht habt mit dem Nachnamen? Habt ihr den Name vom Vater oder von der Mutter gewählt? Was sind die Vor- & Nachteile auf längere Zeit?

Danke für eure Erfahrungen 😘

Kringel

Mir hend dNachname vom Vater gno. Er het sich das so gwünscht. U i finde es spilt kei Rolle hützutags.
U falls mir doch no würde hürate, de muess zKind d Name nid wechsle.

Mimi89

Unsere sohn het au dr Nochname vom Vater. Ich ha s kind 40 wuche dörfe in mir trage,denn ha ich ihm das welle schenke🥰

MiaWia12345

Mir sind zwar ghürote, händ aber eusi nämä bhalte, und dkind heissed wie ich, isch mir sehr wichtig gsi und für min maa passt das so

Manowela

ich chas nur us sicht vode schuel säge. ha scho vo paar Lehrpersone ghört, wo i bitz blödi situatione cho sind, wo s chind gheisse hed, wie smami... egal wie weltoffe mer isch, chundmr wie nid um de gedanke, ob echt de papi de liiblich papi isch, eifach will mr es chind wie automatisch em mami zueordnet, bim papa weiss mers halt wie nid sicher
aso gell, das isch eimal und de weiss mers ja nah (fallsmr fragt oder so), aber ich find wie, dassmer das, wemer nid sicher isch wegm name, au sett bedenke

Gröipschi

üsi ching hei mi name, wüu mi d ching vo mim brüetsch hei o dr name vor muetter, u so chani üse glich witergä.
mittlerwile si mer ghürote, i ha aber dr name bhaute u d ching natürlech o.
u wäge däm wo d manowela seit, das isch mir so egau. söue doch d lüt dänke, was si wei, mir wüsse jo, was sach isch.

MiaWia12345

Jo gäll find au was anderi denked isch si glich😄i ganz vil andere länder isch äs normal, dass nöd alli glich heissed und i dä schwiiz bim hürote jo au scho äs par jahr😊

landmäädchen

Danke für eure Feedbacks 😊😘