Rauchen in der Schwangerschaft

Edona

Hallo zusammen
Ich würde gerne wissen, aber ehrlich von euch wissen, ob irgendeine von euch mit dem Rauchen in der Schwangerschaft nicht aufhören konnte?
Bitte nicht Vorurteilen!🙏🏼
Ich will nur ehrliche Antworten hören, und es ist mir und Natürlich jeden von uns bewusst dass es nicht richtig ist.
Ich selber bin im 3 Monat jetzt, und konnte leider nicht ganz aufhören, habe aber sehr reduziert.
Wie ist es bei euch? Habt ihr auch ähnliche Erfahrungen?
Danke euch🙏🏼

Nagalii

Ich nicht aber eine gute Freundin von mir hat auch nicht ganz aufgehört, sie hats reduziert auf 5-8 Zigaretten pro Tag. Ihr Kind wurde am ET per KS geholt weil man an diesem Kontrolltermin gesehen hat, dass sie von der Plazenta nicht mehr gut versorgt wurde. Ob es an den Zigaretten liegt kann keiner genau sagen. Es geht beiden gut ☺️👍

JennyHelin

Also ich muss säge das ich sglück gha ha dasi kei Rach ha chöne schmöcke 🤭🤔 au we min Mah graucht hät, hät mi das glupft ... ha de grad ghörrt... jetzt 2 Jahr später rauchi leider wider ... aber ha grad uf Iqos gwächselt ... de stinksch ned so und hesch nur de Nikotin wo ihrachsch ... zwar au ned gsund aber bessrr als Zigarette ..


Mini Kollegin hät au witer graucht .. abrr de Arzt hät sBebi immer schön kontrolliert und isch gsund uf dWält ch 😍.

MiaWia12345

Keis verurteile aber vilicht än gedankeastoss, überleg dir mol wänn dis chind nöd gsund oder mitere behinderig uf dwelt chunt wäg däm, chöntsch mit däm schlächte gwüsse dim chind gegeüber lebe?

nic10

I weiss wie schwär dases isch uf ds höre😩 ha vorhär o 15 Jahr grouckt aber has vo eim Tag ufe ander gschaft😄 I kenne eini die het o grouckt u ihres Chind het mitem Härz problem u vlich isches ja o nid wägem roucke gsi mä weisses nid. U i wot dir o kei angst mache. Aber du schafsch das sicher ds höre👍🏻👍🏻

Depsy

@Edona I finges sehr muetig vo dir dass du das Thema so ehrlech asprichsch. I bi überzügt dases für ds Ching nid guet isch. Finge super hesch ds rouche scho so guet wi müglech reduziert u wet dir eifach Zuespruch gä, dass du nid ufgisch u immer wieder probiersch ganz ufdshöre. Du schaffsch das ☺️ i wünsche dir viu erfolg!

dina

Ich konnt zum Glück sofort aufhören. Hab davor auch "nur" 3 jahre geraucht. Meine Cousine konnte reduzieren aber nicht aufhören. Ihr Sohn kam zu früh auf die Welt und nur mit einem Hoden.

Nalan83

i ha 3 kolleginne wo graucht hend in de schwangerschaft eini het frühegeburt gha, bi de einti her s‘baby herz problem 😔, und bi de anderi het s‘baby atem problem gha...! cha alles zuefall si aber au wegem rauche me weis das halt net...aber ich denkes scho das rauche zu so sache fühert😔..! i hoffe du chasch ufhöre wünsche dr veu glück und kraft...und hoffe dis baby isch gsund und blibt gsund🙏🏽...!

ps.: i ha e kollegin wo ufghört het und emmer gseit het si chönt nie ufhöre es goht net si hets versuecht ect...wo si schwanger gsi esch i ha den ihre mau gseit „denk bi jeden zug das du jetzt i dem moment dim baby duesch schade bi jedem zug duesch gift i atme plazenta vergifte nikotin witergäh“...De spruch vo mir het ihre so i brennt im hirni das si am nöchschte tag am obe echt ufghört het ei tag ufe ander...wel si jedes mau mit jedem zug an das denkt het wasi gseit ha und am obe het si eifach ufghört si si het nümm wele. jetzt esch das 5johr här und si raucht immer nonig☺️💪🏽...! villech hilfts dir au 😆☺️...

Mahal

Ich kenn sehr viel Chind wo Müettere au nöd ganz händ chöne ufhöre rauche. Alli sind komplett gsund. Min Brüeder und ich sind au Raucherchind und absolut gsund.

Natürlich ischs schädlich, da wüsset mir alli und ich drucke dir Dume, dass glich no schaffsch ganz ufhöre

I bi froh hani scho vor drü Johr ufghört, weiss nöd öb ichs jetzt gschafft hetti.

Versuechs zums ganz si loh, aber wenn du wie ich bisch, denn hilft Druck im Sinn vo schlechts Gwüsse nöd. Im Gegeteil, Druck hät immer s'Gegeteil bewirkt.
Viellicht chasch ufs dampfe umstige. I ha mit dem gschaft ufhöre. Aber au wennts demit nöd klappet nimmsch so immerhin nuno s'Nikotin ih und alli andere 100 gföhrlichi Stoff vo de Zigi nöd

Alles gueti dir und dim Chline

Mamsi

Ich han mit dampfe vor dä Schwangerschaft chöne ufhöre. Ich han 19 Jahr graucht🙈 bin immer no rauchfrei💪🏻Ich hoffe für dich das es schaffsch ganz reduziere, aber wenns nöd gaht, isch das kein Weltuntergang. Du stressisch dich nur selber und das übertreit sich ja au. Lueg das din FA weiss das du rauchsch und das er dich eifach sehr guet betreut. Ich glaube alli vo euis wüssed wie schlächt rauche isch, natürli no vil schlimmer mit Baby im Buuch. Ich verurteile dich absolut nöd! Ich wünsche dir alles gueti für dini Schwangerschaft

Lele

Helloo..

Ganz ehrlich ich han au die ganzii schwangerschaft graucht.. 😅

De Artz het gmeint mer söttet nöd ufhöre zuscht isches viel schlimmer fürs Baby..
ich hans wie du gmacht und hans sehr STARK REDUZIERT..

Und min sohnemann isch gsund.. ihm gahts sehr guät keini nachvolgä nüüt ☺️

corina

Das es schädlich isch fürs chind weisch allwäg, das mitem wieterrauche uf ärztliche rat verstahni vo de lele nöd. Da dini plazenta durchs rauche gschädigt wird, dies chind wird unterversorgt, chömed meistens z chlie uf d wält und mached nach de geburt ihre erste entzug dure. Ich würd mir de gedanke vo de nalan 83 wo sie ihre fründin gseit hät z herze neh und versueche ufzhöre. Es funktioniert. Es isch e chopfsach, hannach 17j rauche ifghört gha vo eim tag uf de ander und es isch problemlos gange, mer muess nur welle. Gueti ss🤰

Lele

Liäbi Corina.. 🤓

Das jede Mönsch anderst isch isch dir au bewusst? De rat vo mim artz isch gsii es chind wen mer sofort ufhört machts en riese entzug düre und das isch überhaupt nöd guät.. darum seit jo jede Artz mer sött nöd höre us irgendem grund segets jo.. 😉

Klar isches schädlich aber mal ganz ehrlich Frau was isch scho nöd schädlich uf dere welt! S chind mit medis vollpumpä? Z viel wasser trinke? Das isch ALLES SCHÄDLICH WENNS SO WOTSCH NEH.. 😊 mach dir gedanke drübert 😉

corina

Sorry Lele
Verstah dini art und wies jetzt grad nöd, han ich dich oder d edona wos gschriebe hät irgendwie persönlich agriffe? Und klar isch jede anders, es chan vo mir us jede rauche, trinke oder suscht was ide ss soviel er will, isch nöd mis chind.
Han nur gschriebe das s chind de entzug dänn halt uf de welt dure macht, das d plazenta meistens verchalchet isch unds chind unterversogt, das sind tatsache und das ufhöre rauche e chopfsach isch.
Also verstahni din agriff da jetzt eigendli gar nöd, wahrschienli häsch en schlächte tag gha, dass grad so agriffig muesch werde FRAU!Naja, da stahni drüber und wünsch der trotzdem no e gueti nacht

Lele

😂😂😂😂 ✌🏼

JennyHelin

Also ich ha sälber Ziggis graucht vor de Ss. Ha de chöne höre wils mer schlächt gsi isch ... und ich finde wenns ned anderscht faht de eifacht uf so viel wie möglich zreduziere aber.. ich würds nie so locker gseh! Und das spruch isch so veralted das mitem Entzug vom chind 😅 ...

Ich rauche jetzt leidet wider nach 2 Jahr .. ich schäm mich echt ... die aber jetzt dampfe .. und bechume so sNicotin und gzet isch .. ich stinke ned und dues au ned vor de chind !

Aber sobald ich schwabger bi de dueni wider hörä ! De lieber meh schoggi oder nüssli ässe 🤣😂

Mahal

Corina schrieb: »

und das ufhöre rauche e chopfsach isch.

Da isch ebe nöd richtig. Es isch nöd nur e Chopfsach, es isch en Entzug.
Die eine chömed demit besser klar als anderi.
Wieso me immer vo sich selber uf alli andere schlüsse mue verstohni nöd.


S'gröschte Gift isch übrigens nöd s'Nikotin ide Zigi. Plazenta wird vo de restliche Stoff gschädigt. Drum wär s'Dampfe e besseri Alternative.


D'Ussag vom Arzt kenn i so ähnlich au. Aber nöd, dass me nöd ufhöre söll, sondern nur nöd vo hüt uf morn, well s'Chind de Entzug jo mitmacht.

Inwiefern dass da hüt no so stimmt weiss i aber nöd. Dass me gar nöd höre sött isch aber sicher nöd richtig

Lele

Ja jetzt CHILLETS MEIN GOTT CHA MER NÖD MAL US ERFAHRIG WAS SEGE ISCHES FALSCH ODER WAS?

Mein gott wie gseit wenners soo wend gseh denn isch ALLES GIFTIG SCHÄDLICH UND KREBSEREGEND!

🤯🙄🙄 richtig schlimmm

Mimi89

Also so wie ich d Edona verstande ha,möcht sie EHRLICHI Meinige und dass hänn ALLi so gmacht,niemerts wird do verurteilt. Ich find so e "agressivi" Schriebwiis wie vo dir @Lele ghört nid in sone Babyforum

JennyHelin

Ich finde jede cha stolz uf sich si ! Wenn er au nur reduziert .. mir wänd ja alles sbeschti für Bebii 🥰

Und sust chani ebe au Iqos empfele ...
Isch zwar au ned gsund ... aber gsünder als Ziggis ... (kei werbig)
Und es isch echt wie eh Ziggi..
Bruchsch nie eh Fürzüg ..
Stinksch nie..

So und jetzt Friede Freude Eierkuchen 😆

Lele

Danke @JennyHelin du hesches ufe Punkt brocht.. 🤓

Mahal

Lele schrieb: »

Ja jetzt CHILLETS MEIN GOTT CHA MER NÖD MAL US ERFAHRIG WAS SEGE ISCHES FALSCH ODER WAS?

Mein gott wie gseit wenners soo wend gseh denn isch ALLES GIFTIG SCHÄDLICH UND KREBSEREGEND!

🤯🙄🙄 richtig schlimmm

"Falsch" isch was din Arzt gseit hät, dass me nöd dörf ufhöre.

Richtig isch, dass au Raucherchind gsund sie chönd. I kenn jo ebe kein negative Fall i mim Umfeld.

Dass Zigis schädlich sind isch aber au Tatsach, das mit "so viel anders isch au schädlich" abdue findi nöd richtig.

Isch doch guet, dass me so gsund wie möglich läbt und usschlüsst wa me usschlüsse cha.

Do hilft scho s'Reduziere, no meh s'umstige ufs Dampfe und natürlich am Beste wenn mes ganz bliebe loh cha.


Drum lueg i au uf Lebesmittel was i nöd esse sötti und wo i somit e Risiko umgoh cha

Snuggles

Chan nur us eigeerfahrig vo minere Muetter verzelle.
Sie het i allne 3 ss graucht (nach de geburt au in gegewart vo euis) und all 3 chind sind zfrühe jnd demensprechend au zchli und zliecht ufd welt cho und ich chan mich no guet erinnere das mir all 3 hend müsse inhaliere mit somene grät vorem is bett ga bis is schuelalter.

E nachbarin vo euis het au sehr VIEL graucht ide ss und het s baby denn leider verlore😔 wett der kei angst mache chönd natürli viel anderi gründ gsi si wett der eifach nur vo eigene erfahrige brichte.

Würd der au empfehle eifach witer probiere vielicht schaffsch es ja no zum ufhöre und suscht findis guet das ja scho probiersch so viel wie möglich reduziere. Viel glück🍀

Happy*

Ich cha nur us Sicht als Mami und ehemaligi Raucherin verzelle. Ich han über 10 Jahr 1 Päckli pro Tag graucht. Vor de Schwangerschaft immer bewusst meh reduziert und bis i 2. Moned no 1 Zigi pro Tag graucht. Denn ganz ghört. Ich bin wahsinnig stolz - nurscho ufs reduziere, dass ichs gschafft han z ghöre sogar bis hüt - glaubi selber fast nid.
Hey Hand ufs Herz rauche isch für niemer gsund, scho gar nid für nes Baby. Aber: ich bi überzügt liebi Edona, du gisch dis beste für diis Baby. Es gspürt das im Buch. Liebi isch wichtiger als Stress, Unzfriedeheit und Frust. Also so wenig als Möglich rauche und z Baby in Liebi la ufwachse ❤️

__Yamila__

i han graucht und bi den ufs dampfe umgstige mit nikotin. woni den positiv testet han hani snikotin wegloh im liquid und noch 3 wuche hani den ganz ufghört.

HollieFee

Also i ha ehrlich o bi allne 3 chind groucht ir ss. Ha o sehr reduziert und zigis sälber grollt und z.T. nume so „Mini-Zigis“ gmacht. I has nid gschafft ganz ufhöre u ha während de ganze SS immer es schlächts gwüsse ka und ghofft, dass dChind gsund si. Si si alli gottlob chärngsund. Kes isch zfrüeh cho (im gägäteil 😂), alli si mind. 51cm gross gsi und di liechtischti het 3.3kg uf dWaag bracht.
Aber wärs nid gsund gsi, ja de hätti mir es riesse gwüsse gmacht!

Mis Mami isch schlimmschti Chetteroucherin gsi u het im Gastgwärb gschaffet, immer passivrouch und mir drüü Chind si o gsund.
Mir het dahär leider ä chli dAbschreckig gfählt.

Es isch o es Thema wo i nie mit öper anderem berede... mi steit grad uf dr Abschussliischte, weme das zuegit. Drum wägl vorsichtig, mit wäm das beredsch!

Mi FA het mir im übrige zgliiche gseit wägem sofort ufhöre! Mi söll starch reduziere.
Und während dr stillzit: lieber rouchend stille als gar nid stille! Hani vo mehrere Hebammene kört!

Ja schlimm, i weiss, aber i verstah JEDI wo nid cha ufhöre ir SS. I verstah aber o JEDE, wo das nid begrifft, dassme während dr SS roucht!
Es cha guet cho, trotz rouche, es cha aber o schlächt cho, u de wird egal was isch zrouche dr grund gsi si us sicht vo allne u vlich o us sicht vo dir sälber! 😘

Talisa

Ou ig bi lideschaftlichi Roucherin. Has abr i aune minä SS sofort chönne lasi sobaud ig positiv teschtet ha. Abr ha när widr agfangä nachem stille/pumpe wüui ha eifach gärn roucke u nid ganz cha u möcht verzichte 😌
Abr jedes Mami söu so entscheide wies für sich richtig isch ❤️

Misila

Bin erste Chind hani grad sofort ohni Problem chöne uufhöre. Bim zweite isches schwerer gsi obwohl ich det viel weniger graucht han. Hans nöd ganz chöne lah und han 1, 2 halbi Ziggis pro Tag graucht und immer es schlechts gwüsse ka... Aber au diä chlii isch gsund, munter und topfit ❤

Lorina

i han vor de erste Schwangerschaft immer wieder probiert z höra, aber es het nia klappet. Han denn immer gseit i muass glaub Schwanger si, dass es klappet. denn binis gsi und denn isch wia klar gsi, das wars und so isches au gsi. es isch so klar gsi, dass is nid mol schwirig gfunda han und jetzt bini sit über 4 Johr rauchfrei

danieljackman

Erstmal Respekt, dass du so ehrlich darüber sprichst. Ich kann verstehen, dass es eine herausfordernde Situation ist. Als Vater kann ich aus der Perspektive des Partners sprechen, dass Unterstützung in dieser Zeit besonders wichtig ist.

michellebabe

Eine Freundin von mir war in einer ähnlichen Situation wie du. Während ihrer Schwangerschaft hat sie versucht, mit dem Rauchen aufzuhören, aber es war ziemlich schwer für sie. Sie hat es zwar nicht geschafft, komplett aufzuhören, aber sie hat auf E-Zigaretten umgestellt, um den Schaden zu minimieren.

Ihre Favoriten waren die Pods von https://www.utopian.ch. Sie fand sie einfach zu handhaben und hat festgestellt, dass sie ihr geholfen haben, weniger herkömmliche Zigaretten zu rauchen.

snowangel

Ich ha bi mineri ersti sw die ersti 1/2 wuche graucht (han dete nonig gwüsst dassi schwanger bin) denn hani mitem partner nach de ferie abgmacht dass mir mitem rauche zemme ufhöret. Ich ha echt mega stimmig schwankige ka und ha mich richtig zickig benoh. Ha mini Arbeitskollegin damals mega blöd ahgriffe die armi haha aber mir hend woeder guet. Uf jefe fall hani denn das zieh am buch gspürt und denkt mini täg chömet, scheiss ufhöre rauche het mini hormone durenand bracht ich ha soooo lust ufs rauche ka.hahah... bis mini muetter mir mal bi mene facetime gseit hät "du bisch schwanger dis gsicht gseht anderscht us" und has ihre nöd glaubt . Ha denn 1 wuche spöter glich en schwangerschafst test müesse mache und ab da hani das rauche nüme brucht ich bi so happy gsi dassi es baby in min buch ka han. Ha denn nachem stille wieder graucht .. -.-
Bi de zweiti schwangerschaft grad wonis bi de jahreskontrolle erfahre han und us de Praxis useglofe bin hani min energydrink und zigipäckli mega happy im abfall inegrüehrt und nie während de Schwangerschaft graucht. Also nur zwüsse dassi es baby im buch han hets mich davo fernghaltet.b

Ich kenne aber vieli wo während de Schwangerschaft graucht hend. Me seit wükli sofort ufhöre rauche seg nöd guet will svaby wükli de entzug mitmacht und plazenta wird wükli nüme guet versorgt. Me sötts langsam abeschalte bis gar nüme Rauchsch. Wenn du während de Schwangerschaft witerhi rauchsch macht sbaby de entzug wenns ufdwelt chunt.
Han aber vo dene mami woni kenne nie ghört dass sbaby en gsundheitlichi problem ka hend wos uf dwelt cho isch... Gits aber sicher au...

GonzalezUsher

Es ist wichtig, ehrlich über solche Themen zu sprechen, und es ist großartig, dass du dich öffnest und nach Erfahrungen anderer fragst. Jeder hat unterschiedliche Herausforderungen und Umstände, die beeinflussen können, ob und wie sie mit dem Rauchen während der Schwangerschaft umgehen. Es ist gut, dass du versuchst zu reduzieren, und es ist nie zu spät, um weitere Schritte in Richtung eines rauchfreien Lebens zu unternehmen. Denke daran, dass es auch Unterstützung gibt, sei es durch medizinische Fachkräfte, Beratungsstellen oder andere Ressourcen, die dir helfen können, deine Ziele zu erreichen. Ich wünsche dir alles Gute für deine Schwangerschaft und hoffe, dass du die Unterstützung und Hilfe findest, die du brauchst. Ich empfehle Ihnen, den alkoholfreier sekt testsieger auszuprobieren.