Corona Impfung 💉

farfalla83

Wer von euch ist schon geimpft? Ich habe morgen den Termin. Und bin voll der Angsthase, habe voll Bammel vor einer allergischen Reaktion 🙈kann mir jemand einwenig die Angst nehmen!!!!

Gänseblümchen

Hallo fargalla83
I bi gester 2 te mau gimpft worde, als guet gange ke angscht, mir het beidi mal nume dr arm chli weh da me nid.

Miette

Schon eine weile geimpft. Hatte keinerlei symptome oder nebenwirkungen. Der arm spürt man ein wenig. Kenne wenige die mit leichtem fieber und müdigkeit darauf reagiert haben.

Lorina

ein Mal geimpft und ich habe nicht mal den Arm wirklich gespührt. Starrkrampf Impfung tat viel mehr weh. freue mich auf meinen zweiten Termin ☺️

farfalla83

So gestern war mein Termin....fühlte mich nach der Impfung gut keine Schmerzen. Heute morgen starke Kreislaufprobleme, Kopfschmerzen, Schulter/ nackenschmerzen und der impfarm schmerz inzwischen auch extrem 🙈 welcher Impfstoff wurde euch gespritzt? Bei mir Moderna....hoffe die 2. ist weniger schlimm obwohl viele sagen die 2. sei schlimmer😫

corina

Hatte moderna, arm schmerzen und müdigkeit nach 24 h kurz etwas temperstur von 38 und wenig schüttelfrost dann war der spuck vorbei

Gänseblümchen

Ich hatte pfizer/biotech

Thea

Ich bin auch zweifach geimpft, mit Moderna. Schmerzender Arm und geschwollene Lymphknoten nach beiden Impfungen sowie einen Ausschlag an der Impfstelle. Nach der zweiten zusätzlich Schüttelfrost, aber kein Fieber. Sonst gehts mir super. Keine grünen Ohren gewachsen 😉

Mischi

Hallo zäme
Bin i de 17. SSW und ha mi zum impfe agmäldet. Bi immer chli hin und her grisse obs die richtig Entscheidig isch i de SS…? Was sind euri Erfahrige..?
Danke..🌸

schildchrötlimel

Darf i frage, wieso me nid bis Ändi SS warte cha mit impfe? De Impfstoff isch ja neuartig u es fähle (ja bi Gottes Name) Langziitstudie für evtl. Impfschäde. Isch eifach mini Meinig derzue. Wenn ihr üch unbedingt weit lah impfe, machet dass, aber wieso es Ungebornigs dem ussetze?

Mischi

Hallo Schildchrötlimel
Genau das isch es was mi au unsicher macht…min Gyn empfiehlt mers zwar z impfe aber ebe..ich bi unsicher da mer no kei Langzitstudie derzue het…🤔 und es isch jo bi jedem so individuell…mis Buchgfühl seit mer je länger wie meh au lieber warte bis nach de SS…

schildchrötlimel

De los am beschte uf dis Buchgfühl. Schlussement sis no bis Ändi Jahr u de chasch Di ja de lah impfe. Auso ebe, mini Sicht vom Ganze 🌺

Deborah

Hallo Zäme 🤗Ich bi i de 23 SSW und lise sehr gärn au mit.

Han letscht Wuche Kontrolle gha und mini Fraueärztin hed mir grate sie z’mache. Es gahd vorallem drum chli ab z‘wäge öbs übercho chöndsch oder eher ned. Schwierigs Thema. Au ich han mich noni defür oder degäge entschiede. Uf die eint Siite seid mini Fraueärztin ganz klar dass z‘Amerika scho diversi Studie drübert gmacht worde sind - Impfe i de Schwangerschaft unds bis ez kei schwäri Verläuf gäh hed. Mer muess halt scho au in betracht zieh, dass wenns hesch und en schwäre Verlauf denn hätsch, das wahrschiindli um einiges schlimmer isch. Mini FA seid au, dass sie chli Angst hed vor dene „Long-Covid-Fäll“ isch denn au ned toll wend a dem liidisch. Äh isch es hiin und es här 🤪- ich bi au am überlegge, seli oder seli ned. Ich han mir ez überleid, dass ich mal en Antigen Bluettescht mache, de weisi öbine allefalls scho gha ha oder ned. Falls de positiv isch, impf ich mich ned und falls er negativ isch, gahd s‘studiere wiiter 😅

Freeangel

Hallo Ihr Liebe

Also ich bi sowas vo gäge d'Impfig.
Ich möcht schwanger wärde und los mich nit impfe au wenn mir das d'fräueärztin empfiehlt. Chönt au Sie, dass es no das Johr Pflicht in dr Schwangerschaft si wird. Het Fräueärztin, minere Kollegin gseit.

Hinterfroged Euch doch mol, jetzt wo Sich vieli Impfe lo händ, wird uf eimol alles besser??!!!Mi redet scho vom ändi dr Pandemi.....und Eures ungeborene Gschöpfli isch unschuldig und cha sich nit wehre. Bitteee nit...Bi sälber positiv mit Symptome gsi. Minere Schwiegermuetter 68 is sowas vo schlächt gange, nach dere Impfig. Ich ha sehr respekt dervo.

Alles gueti Mischi.

Lg

Mahal

I bi au no am überlege weg em impfe ide Schwangerschaft. Es git tatsächlich scho mehreri Studie, nöd nur vo Amerika, bisher sind kei Problem uftrette. Bi do mit mehrere Ärzt am rede... und au mir wirds empfohle.

Grad sind i mim Umfeld so viel ganz schwer a Corona erchrankt und einigi liedet au noch drü mönet no drunder. Isch bi so schwere Verläuf denn au fürs Baby sehr gföhrlich.

Wiederum sind alli impfige harmlos verlaufe. Wenns mol Nebewirkige geh hät dänn sinds noch zwei Täg verbi gsi.

Isch also e abwäge weles Risiko me eher igoh wöt.
Weiss es au no nöd 😕

SHAYENNE

@Mahal Hettisch du Links zu dene Studie? Ich ha au en Kinderwunsch und la mi aktuell nöd impfe.

Mahal

Ui do mueni mol noluege. Min Arzt isch do de Profi und hät mir viel erklärt und zeiget.

Was spricht denn degege di impfe loh wennt nonig schwanger bisch?

Mimi89

Mir diskutiere das thema im gschäfft au immer wieder ob impfe lo oder nid... und mir wo no e kinderwunsch hänn,sind uns unsicher,wells schinbar nid ganz klar isch,ob das ganze evtl unfruchtbar macht.... ich wird sicher warte,bis i fertig mit dr Kinderplanig bi

jassi

I bi au schwanger ide 21 wuche jetzt und hans mr au überlegt.. aber bi eher skeptisch u machs nit. Mini fraueärztin het gseit es wird empfohle aber si selber würds au nit mache isch eifach zu unsicher das ganze.. verallem hani jetzt glese wie lang so e impfig hebt.. nach 6 monat muesstisch jo wieder neu impfe lo chas jo echt nit si. Aber klar vo dem virus ha i au mega respekt wenn nit weisch wie dr verlauf isch.. isch ech schwierig.. cha me das mache mit dem antigen bluettest ? Das ha i au mol denkt wer no e guedi sach

Mahal

Wege Studie und Ufklärig: https://www.google.com/amp/s/www.refinery29.com/amp/de-de/2021/06/10504661/schwangerschaft-corona-impfung-risiken-sicherheit

I dem Artikel sind vieli Verlinkige wo me selber noforsche und es nohprüefe cha.

Z.B. sind Schäde ade Plazenta nur bi Coronainfektion selber e gfohr. Bi de Impfige isch nie was passiert.
De Wirkstoff macht au definitiv nöd unfruchtbar, wieso au?


Ich möcht betone, dass i do niemer überrede wöt, nur mini eigene Informatione mit eu teile 😊


Usserdem cha me au nöd bi jedem Arzt uf e fachlichi Uskunft hoffe. Mini Fraueärztin weiss z.B. gar nüt über d'Impfig, Forschig und s'Virus selber.
Hät viel "ghört" und "glaubt", weiss aber nüt. Zitat: De Impfstoff seg glaub nur an e paar Brasilianer testet worde bevors zuegloh worde isch.

*hust*

Drum lueget noch wüsseschaftliche Uskünft, nöd jede Arzt, Chemiker oder was au immer weiss über alles bscheid nur wells sin Bruef isch. Er mue sich scho au intensiv demit beschäftige 😉

Mimi89

Danke @Mahal aber ich wart trotzdem no mit impfe😊

Deborah

@jassiDe Angigen Bluettescht chasch bim Husarzt mache. Ha mich ez noni agmäldet, has aber no die Wuche bor. Mach di eifach gfasst druuf, dass sie wend wüsse wieso du dä wottsch.
Mini Kollegin isch vo de MPA gfragt worde wieso sie de mache well - de hed sie gseid: gäng sie nüt ah, will sälber zahle müess sie ne ja eh 😅
Wo sie rächt hed, hed sie rächt. 🤣 Also nime mal ah, dass das unkompliziert mache lah chasch. Choschtet glaub um die 100.-.

Mahal

@Mimi89 😊

Schneewittli

Auso i wirde mi ir 15. wuche o la impfe. Bi o lang unsicher gsi, aber womi när gründlech ha informiert, muesi säge, ischs mr e ds heisse, ds risiko vore infektion mit au de schlimme folge idsgah. Es isch ja e totimpfstoff u settig werde ja scho lang lang o bi schwangere verwendet. Aber ja, jedi söu nach ihrem buuchgfüehl gah. Hätti vor dr ss chönne impfe, hättis sicher no denn gmacht.

Sarina91

@Schneewittli ish äbe ke totimpfstoff sondern e teil vode DNA vom virus wos eim inelönd. darum bin ich da au skeptisch gegeüber🤔

Schneewittli

Auso i bi ke chemikerin oder laborantin, ha sicher nid ds grösste fachwüsse, aber wasi so ha usegfunde, isches nur dr bouplan vom virus wo när dr körper erkennt u das geit o viu weniger wit als dert wod dna isch, auso gar nüt lebendigs. Aber äbe, me fingt uf jedes argument es gegeargument, drum isches so schwierig🤭

werweiss

Es isch leider so, das uf Grund vo de Impfig sehr viel Fraue ihres Chind verlore hend. Drum klar gege e Impfig.

Miette

Sorry, jetzt muesi doch nu schnell eppis frage. @werweiss fo wo hesch denn du die quelle? Hani no nie ghört & glaub so eppis eifach so zsege, ohni quelle zsege findi chli en heisse…

Deborah

Übrigens en guete Artikel:

https://naturwissenschaften.ch/covid19-vaccination-explained/mrna_vaccines/beeinflusst_der_mrna_impfstoff_unser_erbgut_

I de Schwiiz sind nur(!) mRNA Impfstoff zueglah (Pfizer und Moderna)
https://www.swissmedic.ch/swissmedic/de/home/news/coronavirus-covid-19/zlgesuch-covid-19-impfstoff-cvncov.html

werweiss

@Miette
Google es mal.

SHAYENNE

Dankä für de Link @Mahal. Ich weiss guet Bescheid wie de Impfstoff funktioniert. Ich ha bekannti vo i dere Branche schaffed. Und mir eigentlich d Angst gno händ vo dem Impfstoff. Trotzdem seid mis Buchgfühl; Machs nöd dim Baby zlieb 🤷‍♀️ Kei Ahnig. Ich bruche eifach no meh Sicherheit bezüglich de Langziitfolge und die Frage cha niemert beantworte. Viellicht entscheidi imene halbe Jahr anders. Wer weiss. Jede söll für sich abwäge was für eim stimmt und den entscheide.

SHAYENNE

De Antigen Test koschtet zwüsche 60.- bis 80.- isch mir gseit woder vor zwei Wuche bim Huusarzt. Muesch eifach druf bestah denn macheds ihn.

Miette

@werweiss das isch kei evidenzbasierti studie. Wemes googlet staht eifach „keine evidenz“ zu dere studie.

werweiss

@Miette Du ja jede wie er will. Jede het sini meinig & i akzeptier anderi meinige. Für mich isch aber klar das i sie nöd wird mache.

Miette

@werweiss Ich hinnerfrage dini meinig ja nit. Ich hinnerfrage nur die quelle. Geit mier nur drum, dass so ussage eifach heikel si, wemes nit mit ebidenzbasierte quelle hinnerleit.

Isch ja vollkommen in ordnig zsege, nei ich la mi nit lo impfe. Ich persönlich würds mer au sehr guet uberlegge, we ich i der situation wär.

Mahal

@werweiss Entschuldige, aber das ist völliger Blödsinn. Diese Behauptung kursiert seit langem in den sozialen Medien und stammt ursprünglich vermutlich von einer britischen Seite, die für ihre Fehlinformationen bekannt ist. Habe den Namen gerade nicht im Kopf. Sollte man aber finden können.


Ich bi do ganz bi dir.

Miette schrieb: »

Isch ja vollkommen in ordnig zsege, nei ich la mi nit lo impfe. Ich persönlich würds mer au sehr guet uberlegge, we ich i der situation wär.

Soti Ussagene sind eifach extrem gföhrlich, wells nöd nur verunsicheret sondern Angst macht. Do sött Quelle scho debi si und nöd vo irgendwelche Zitige.

Edit. Wenn me nöd merkt dass me dütsch schriebt 😅🤣