März Baby 2022 💚

Bambina

Hei Zämme,
Ig ha vom Sunntig bis Hüt morge täglich e Schwangerschaftstescht gmacht und ja jede isch positiv gsih.. 🤭😍
Villech gits ja no angeri verbündeti wo z gliiche hei dörfe erläbe..😊 wie geits euch so und wie isch eui reaktion gsih?

lachuli

Hoi hoi,
I han hüt positiv testet 🥰 wird mim FA am Mäntig alüte... I flieg hüt zruck vo 🇪🇸 🥰 bi grad meeega happy und völlig usem Hüsli.... Mim Maa muess i no überrasche... Mir isch es immer wieder chli schlecht und i han wenig Appetit... Wie gohts dir? 😃

Bambina

@lachuli gratuliiiere diiir vo ❤️-ze soo mega schöön. 🥳🥳 Isch richtig komisch das abzläse gäu?🙊
Ehm mir geits wück guet, wie du so chli appetitlosigkeit und nid uf soo viiu luscht z ässe.😅 Im underliib hani immer chli es zieh aber das söu normau sii und d brüscht wo empfindlech sii, aber hei alles guet süsch.😊
Isches dis 1. Wunder?
Auso d Reaktion vode Baby Daddies isch eh immer wunderschöön..haut mi ufem loufende wieners ufgno het. Ig ha hüt FA termin auso eifach ga Bluetgäh muessi..😊 1. Ultraschall isch ersch Ändi Juli...😊

lachuli

Ja i han zwei Mol ufs Ergebnis muesse luege 🥰😍
Min Maa het sich meeega gfreut.
I bin letscht Johr bereits schwanger gsi und han e Fehlgeburt ka Endi November... Jetzt hoff i dass es klappt... Möchte de Termin ha bevor i wieder uf 🇪🇸 gang... Wird am Mäntig alüte... Bin hüt no in 🇪🇸... 🥰

Bambina

Oooh das mit de Fehlgeburt tuet mir mega leid..🥺 vo däm hani o meega angscht!

Und dim Maah hesches dämfau scho gseit? 😊 Mega schöön 🥰
Gniesses in Spanie und fiiret euers Böhnli.😘

lachuli

Am beste gar nit dra denke... Mir chönnes nit beiflusse ...
Chunt bestimmt alles guet 🥰
Ja mir fliege hüt Nomittag zruck.

lachuli

Hoi hoi
Wie gohts dir? 😃
Ich han jetzt Clearblue Test mit Wuchebestimmig bstellt.. Möcht no so eins teste...
I bin scho sooo müed.. Bin gspannt wie i die Wuche bim schaffe überleb...
Wenn hesch dini erst Kontrolle?

Bambina

@lachuli hei, danke geit guet u dir?
I ha ou 2 Clearblue gmacht 1 normale und 1 mit Wuchebestimmig.😊 Ha denn bi sunstoreapothek bsteut die hei no versand mit A-post..🙊 wil ig ja ou so ungedoudig bi.
Aktuell bini oh rächt müed aber nid viiu meh aus vorhär, das ändert sich villech no.
Am 28.7. hani de 1. Us. Lescht Fritig bini no ga bluet gäh, wo sie diversi teschts und kontrolle mache..😊

U du wirsch nächsch wuche ou alüte? 😊

lachuli

Mir gohts guet. Bi nur extrem müed 😴😴 i han zwei Test bi Galaxus bstellt. I muess mini erst Kontrolle vorem 23.07 ha.. Flieg den uf Spanie 🇪🇸...
I Lüt morn ah 🥰😍

Bambina

@lachuli ah hesch dert 2. Wohnsitz weni darf frage? 🙊🙈
I dänke die 1. Kontrolle isch bi jedem angers. Wüu ig ha ja jetzt zersch müsse bluet gääh..🙈 und denn 4 wuche warte füre 1. Us. 🥰

Bambina

@lachuli hüt oder morn, jeh navhdöm wellers App woni luege isch wuchewächsu agseit..😊 hello 6. wuche 🥰🤰🏼

lachuli

@Bambina mir händ e Ferie Wohnig in 🇪🇸 🥰 üsi Eltere wohne su in 🇪🇸 🥰 darum gömer oft döt ane..

Be mir isch de Wuche Wechsel am Donnstig 😊

Hüt bin i Hundemüed... I chönnt jetzt go schlofe... Ganz schlimm... 🙈

Bambina

@lachuli ooh so schöön, da chasch di ömu guet erhole..😊

Welli wuche bisch aktuell? Und hesch di 1. Termin bim FA chönne fixe? 🥰

Auso so es powernap am mittag muess jetzte o immer sii..😅

lachuli

@Bambina am Donnstig chum i ind 6 Wuche 🥰
Ja am Fritig 16 Juli 😉

Wie wiit bisch du? 😃

Bambina

@lachuli ooh so toll..🥰🥳

Ig bi hüt i de 6. 😊

fabienne91

hoi zämme ☺️ich gratulier euch vo ganzem ♥️
ich döff mich euch ahschliesse 😍, ich ha hüt aau positiv testet &‘ es wird somit aau e März Baby😍

Bambina

Hey @fabienne91, gratuliiere 🥳🥳🍀🥰 so schööön und willkomme im märz baby 2022 klub..😊🙈
Wie geits diir soo? Isches dis 1. Wunder?

fabienne91

Danke viel mol @Bambina 🥰 mir gohts guet danke, merk eig no nüt usser dassi schnäller gnärvt bi &‘ ständig mied😂 wie gohts dir? Nei ish mis 2te, ha sho en 11monet alte Sohn😍 Bi dir ishs erste?

lachuli

@fabienne91 Willkomme im März Club 🥰 so schöns Gfühl gäll..
Dass mit Müdigkeit chan ich es Liedli singe 🎶. 😉

Bambina

@fabienne91 ja isch mis 1. 🥰 Freuemi riiiesig.😊🥳

fabienne91

@lachuli danke viel mol🥰 ooh jaaa das ishs😍 ish miehsam aber goht joh sicher irgendwenn verbi😃

@Bambina das glaubi dir sofort, es ish au saller schönste, freu mi au widdr unbeschrieblich fest🥰

lachuli

Die ganze Symptom wo mir händ isch jo für üses Wunder im Buuuch... Do nimm i alles in Kauf 🥰

fabienne91

@lachuli du seish es 🥰

Bambina

@lachuli jaaa richtiig.😍 Wirsch am 16.07. de 1. US ha? 😍

lachuli

@Bambina ja genau 😃 👌

Bambina

@lachuli Willkomme ide 6. Wuche..🥳 wie geits dir soo? Bisch tou vo Übelkeit plagt? 🙊

lachuli

@Bambina danke 🥰 i han am Morge echli mit Übelkeit zkämpfe und hüt au nachem Zmittag esse... Wie gohts Euch? Jetzt bin i wieder sooo müed...

PaM

@Bambina @lachuli heit öich sorg u gniesset jede ougeblick mit öine wunder 😍

lachuli

@PaM jööö danke 🥰 i gniess jede Moment 😍

Bambina

@lachuli mir geits wück rächt guet.. mengisch so chli es gfüuh vo "überfrässe" aber es geit no. Müed bini oh, vorallem mittags chönnti meega lang mittagsschläfli mache.🙊

@PaM danke diir 🥰 irgendwie gloubis geng nonid..🙊

fabienne91

schön zkhöre, gohts euch guet 😊 @lachuli mir gohts aau guet danke, usser dmiedigkeit🥱 &‘ mängisch e zieh im Buuch hani sush no kai Ahzeiche.

lachuli

Schön gohts Euch sowit guet 🥰 in 1 Wuche han i mi erst FA Termin. Möcht den Wuche druf nomol go. Ab 23 Juli han i Ferie und bi im Usland chum erst am 15 August hei... Den han i die kritisch Ziet ume 🥰

Wenn händ Ihr Eure erst Termin?

Bambina

@lachuli auso de 2. termin hesch nonid?😊
Letscht Fritig hani müesse ga Bluet gäh bim FA wosi aues chli tue kobtrolliere (HIV, CMV, Syphillis, Schiuddrüsewärt, Toxoplasmose etc.) Ig ha när am Mittwuche aglüte, bi mir isch alles guet, bis uf die Toxoplasmose bini äbee nid immun, da bechummi die wuche no ä Brief. Und am 28.07. hani mi 1. Us. 🥰
Aktuell hani aber immer so angscht wenni uf z WC gah, dasi Bluet finge ufem Papier, ig mache mi fasch wahnsinnig..🙄

lachuli

@Bambina nei i han min 1 Termin innere Wuche... Und möcht de 2 Termin Wuche druf mache bevor i flieg...
Du hesch au scho e Fehlgeburt ka?
Versuech dir so guet es goht keini Gedanke mache... Es isch eifacher gseit als gmacht i know...
Es chunt bi uns 3 bestimmt alles guet. 😉

Bambina

@lachuli nei es isch mini 1. Schwangerschaft. Uf ei wäg sägi mir, ja d Muetternatur reglet das und ufe anderwäg machimer scho chli chummer aber ja positiv bliibe..🙊

fabienne91

ich ha de 1. Termin au am 28te Juli 🥰aber bin aau erst in de 5te wuche.
Ich glaub aau fest dra, dass bi uns drei alles guet khunnt😊

Bambina

@fabienne91 heee mega zuefau..🥰

Heit dir beidi ouscho müesse ga Bluetgäh oder macht das eui no niid?

I hoffes soo..🍀🥰🥳

fabienne91

@Bambina nei das wird bi mir alles bim erste Untersuech gmacht &‘ paar sache wie Toxoplasmose hani no vo de letzte Schwangerschaft d Ergäbnis 😊

Bambina

@fabienne91 daefi frage, bisch du immun gäg Toxoplasmose? 🙈

fabienne91

@Bambina jop, ich bi immun, binni mega froh will ich ha 3 Katze 😃

Bambina

@fabienne91 ig äbe nid und ha ou 1 chatz..🙈

fabienne91

@Bambina okay das ish blöd🙈 denn söttsh glaub aifach dKistli uf jede fall nümm mache..

Bambina

@fabienne91 sie gschäftet zum glück dusse.. aber so richtig mit ihre schmuuse sötti ou nüm, und nam striichle sofort wieder händwäsche..🙄

fabienne91

@Bambina ja voll das ish doof 🙈 will unseri zb sind in de letzte Schwangerschaft no viel ahhänglicher worde

Bambina

@fabienne91 ja ig ha äbe mit üseri o immer mega gspiut und dumm ta u jetzt hani mi mega zrüggzoge vo ihre..🥺

lachuli

Uf Grund vo minere letschte Schwangerschaft weiss i au scho Blutgruppe und die andere Sache wo usechömet. I bi gspannt wie's nächst Wuche si wird 🥰 😍
Han nach minere Fehlgeburt FA gwechslet... De FA wo i jetzt han isch meeega guet und sehr zuvorkommend 🥰😍

Bambina

@lachuli ooh i fieber mit diir dim 1. Termin entgäge...🤩 I bi scho sooo hibbelig bis ig cha gah aber das geit gfüuht no 100jahr..😅😅

Lueget dir am morge ou immer us 1. Uf euers Schwangerschaftsapp? 🙊 ig freue mi immer so we wieder e neue Tag isch..

Michelle_S_1989

Hi
Dörf i mi eu au aschlüsse?
Ha gest en positive test gmacht 🥰 wird somit au märz

lachuli

@Bambina jööö danke 🥰 jo sWarte chunt eim immer e Ewigkeit vor...

Yes jede Tag lueg i mini App ah 🥰

@Michelle_S_1989 herzliche Glückwunsch zur 🤰 🥰
Wie fühlsch di? Isch es dini erst SS?

Michelle_S_1989

Nei mini zweit.. fühl mi grad no nöd so toll bis i bim frauearzt gsi bi…
Ha letschtmol en kaiserschnitt gha und den het mir de FA gseit i dörf erst e johr spöter wieder schwangee werde.. hoffe dnoht isch gnueg guet verheilt 🙄

Bambina

@Michelle_S_1989 hello und willkomme bide März Babies..🥳🥰💚
So toll ersch grad hüt teschtet? 🤩
Hesch scho termin gmacht bim Frouearzt? 😊