Geburtstagsgeschenk 1. Geburi

AnDu88

Was hei üchi Chinder ufe 1. Geburi becho, resp. was heit er üch für s Chind gwünscht?

Bi üs isches s 2. chind und si het eigentlech fasch aui grössere sache vom grosse Brüeder chönne überneh. 🙈

JennyHelin

Also was bi eus immer na de Hit isch .. isch Toniebox wenn das nanig hesch

Laufrad, Trotti, Tiptoi, eh Puppewagge, Puppe, Knätt.

Aber bim 2te chind wirds chli schwieriger 🤔😆

AnDu88

Toniebox hani mer au scho überleit, aber mit jährig äuä no chli zchli 🤔 das wär vilicht öbbis füre gross ufe 5. Geburi 😃 d Tigerbox würd mi ebe au no reize irgendwie 🤔

Ha am Urgrosi jetz mau es Föteli vom Pucky Moto gschickt, i glaube das wär no was. S bobbycar vom Brüeder wird scho in beschlag gno, si höcklet selber druf aber mag mit de Füess nonig ganz a Bode abe 😄 spöter chunnt si de s Laufrad vom Brüeder über.

Het süscht no öbber es paar Ideeä? 😊 chame grad chli inspiratione sammle 😁

Miette

Mier hei so en motorikwürfel, en schlitte, toniebox (han au denkt gha, dasses zfrueh isch, aber er lost sehr gern sini chinderliedli), büechli mit ton (fo der reine „klänge der natur“), gravierts bsteck und en trinkfläsche mit name für unnerwägs gschänkt.

Wasi no toll gfunde hätti: es nachtliechtli, es kässeli, velohelm, regeoverall, wollwalkoverall.
Finde praktischeri sache i dem alter eigentli besser 😉