Schlafprobleme

laura99

Hallo Liebi Mamis
Mi Sohn (5 Mönet) het sit öpe 3 wuche schlafproblem. Es het dene agfange wo dschwiegermuetter mal am abe uf ihn het gluegt. Sie seit isch alles guet gange aber nachdem ischer eh wuche lang in dr nacht all stund ufgstande und het wie am spiess gschroue. Jetzt isches echli besser aber nur solang i nebe drane liege und er wot ir nacht all stund trinke. Am Tag ischer extrem ahenglich er cha kei minute allei si. Het irgendöper öpis endlichs erlebt oder eh tipp?

AnDu88

Das cha vill gründ ha oder ebe au keini. Die chline entwickle sich sooo schnell und das wird alles ide nacht verarbeitet. Es isch sehr sträng, wenn si so vill wach wärde. I kennes selber au nur zu guet 🙈 Aber so wieni liese, brucht er die nöchi und sicherheit wo du ihm gisch im moment. Vilicht chasch ihn tagsüber is tragetuech neh zum trotzdem de alltag z bewältige.

Sabel89

I kenn da nu zu guet. Üsen chline het bis churz vor 5 Mönet so guet gschlofe und denn vom eint uf de ander Tag nüm. I ha denn denkt seg en Schub oder so zudem gits jo no diä Schlofregression da wer gad ca i dem Alter. Hesch vo dem scho ghört? Etz ischer 8 Mönet alt und es git zwüscheddure besseri Phase. Vilicht en Schub? Oder zahne? Mir hend Osteopathie versuecht und sind mittlerwile no ide Homöopathie. Wa bi üs aber hilft isch dasser bi üs ihne schloft und Ischlofbegleite. Hend da zwar nöd unbedingt wölle aber sit do schlofter besser und mir au🙈

•Elefäntli•

Häd sich irgend was bi dir veränderet?

Ich han e FG ka und bin do rächt trurig gsi han vor ihm brüelet. ha den e usschabig ka und do isch dä Junior zu sim Gotti go schlofä
Sit do hend mir extrem am obig müeh biser ihschloft er chunt au al 5 min usä und seit er hed durst und au er wet nöm zu öberem go öbernachte segs zum grosi gotti usw
er möcht au nöm eleige id therapie woner vorher immer eleige gange isch ohninproblem

i dene wort er häd angst um mi i has sälber nonig usprobiert aber evt held eu d osteopartie

viel kraft es chunt bestimmt alles wieder guet er brucht jetzt eifach sini ziit