Baby zu schwer für SSW

makkkic

Hallo zämme,
Bi aktuell 32 +4 und s Baby isch ca. 2800g fast 1 Kg "zvil" lut mim FA.
D "negativi" Reaktion vom FA het mi sehr verunsicheret.
Het öper scho Erfahrige mit dem Thema?

hane

Also wo ich schwanger bi gsi 34ssw isch min Sohn scho über 2 kilo gsi und er ish mit 4100 uf dwelt cho söt kes thema sie hauptsach gsund👍🏼

Sabi89

Ich nimme ah, du häsch en Schwangerschaftsdiabetestest gmacht gah? Das wär sust no en Grund für es schwers Baby. Aber das wirdsch jetzt ja guät im Verlauf gseh ob dis Baby überhaupt no schnell zuenimmz oder d Kurve chli langsamer stiigt.

brixNZ

Ich ha öppis sehr ähnlichs erlebt, zwar nöd vo dä FA aber vom Arzt im Spital. "Sind sie sicher, dass sie kei Schwangerschaftsdiabetes händ? Suscht cha es Baby chum so vill z schwer sii. Bereitet sie sich mal uf e strengi Geburt vor, also falls natürlich überhaupt möglich isch bi dem Gwicht." Mini Tochter isch denn mit 3.4kg uf d Welt cho, alles bestens. Die Gwichtsschätzige chönd sehr ungnau si. Wür mi nöd verunsichere la. Weiss das isch schwierig. Wünsch der uf jede fall alles Gueti

Ginkgo

Bi mir in de SS alles immer normal gsi. Klar mini Tochter isch eher gross gsi aber sie hend sie zwüsche 3600g-3800g gschätz vor de Geburt. Naja sie isch mit 4610g uf d Welt cho. Ohni Kaiserschnitt oder Schmerzmittel, lediglich Glocke halt bi dere Grössi. Kei SS-Diabetes kah, selber 170cm und schlank/sportlich, het niemerds erwartet und uns gohts allne guet. Ihre BMI isch total im Schnitt und mittlerwile hole au die andere Babys langsam uf. Solang du dich gsund ernährsch und lebsch würd ich mir keini gedanke mache. Wünsch euch alles gueti 🍀

S_F

Bi mir hends au gseit gha das mis Baby öpe mit 4300g uf d‘welt cho wird und den isch sie mit 3400g cho. Die chönd sich extrem verschätze

minggi

Ja das mit dem gwicht isch nid verlässlich... statt we vorusgseit 3.3kg hani problemlos es 4.1kg baby gebore....

Tanja87

Mach der ned z viel Gedanke. Min Sohn hett luut FA es riese Möbel über 4 kg selle gä... Er isch mit 3100g ufd Welt cho... Tochter angeblich sehr fiin, (FA hed sie uf 2800g usgmesse, Oberärztin im Spital 3180g) isch denn 3140g gsii🤷‍♀️