Kleinkind 13 Monate schläft schlecht

Angilein

Hallo
Min chline Maa wacht derziit all 1-2h uf ide Nacht und möcht denn öppis trinke (Wasser). Hunger hät er nöd, alles scho usprobiert...
Hüt Nacht ischer eifach 2h am Stuck wach gsi und het nüm in Schlaf gfundde..
Nimmen au zu mir is Bett.. Mängisch ischer denn gad ruhig und schlaft wiiter, mängisch willer das gar nöd und zeigt zrugg zu sim bett(zimmer)
Kennt das problem au öpper?
Wegem wasser trinke hemmer en termin bim kinderarzt...
Und vor 4 Wuche hetter ide nacht au no dure gschlafe oder isch nur 1-2 mal wach worde.. Aber het denn au sofort nachm nuggi wieder geh wiitergschlafe..
Ich bin en Zombie und mini Nerve sind ai verschwunde.
Bitte um tipps
Lg

nic10

Oooo i füehle gad sehr mit dir😩😩 Mir hei o gad sehr e müesahmi Nacht hinder üs mit üsem 13 Monet autem Bueb🙈 Üse het o ging super düre gschlafe u ids isch das o nid immer so. Bi ihm isch ds Problem das är am zahne isch🙂 Chönnnt vlich bi dim Chline o so si?

Angilein

Oh jee 😅😅
Ja das macht er sit 2 Tag.. Aber es gaht scho 4 Wuche so 😴😴

brixNZ

Händ ihr mir 12 Monat mit Kuehmilchschoppe agfange? Mir händ nämli genau s gliiche Problem gha für es paar Mönet. Mir händ dänn uf Laktose verzichtet und denn isches viel besser worde. Vilicht ischs Zuefall gsi, aber en Versuech wers vilicht wert?

nic10

Ja bi üs geit das öbe sit 8 Wuche so😊 Aber ab und zue gits ä paar Nächt nachenand wo supi si🙏🏻 Är het gad 3 Zähn übercho underanderem scho ä Backezahn wo ihm ds schaffe het gmacht. U i gloubs äs geit gad witer🙈 Bi de froh we die auii da si😜 u äs geit mega lang bis das die aube dusse si😩Letscht Nacht hani o ging versuecht mit Schöppi aber het nüd gnützt u de ha i ihm när Osa Zahngel gä u är het du när chönne witer schlafe🙏🏻

Angilein

Nei also milch trinkt er mir gar kei.. Nur milchbrei 😅
Aber de hetter immer guet verlittä.. Er het ufjedefall vorher amig durepfuuset mit däm 🤷‍♀️🤷‍♀️

Angilein

Sit 8 wuche du armii 😦😦
Ja da staht bi üs no einiges bevor... Sind erst 4 zäh da 😂😂