Erfahrung Beikoststart

minggi

Hallo zäme
Ich bruch da Erfahrige fu Mamis, am beste gaaanz viel verschiedeni. Min Sohn isch nöchst Wuche 6 Monet alt. Brei isst er nu nid so würklich. Süesskartoffel/Kürbis es paar Löffel. Milchbrei füre abig würd er chli meh ässe. Chani ihm au zerst mit Abigbrei ahfah? Frücht hani nu nid probiert. Fingerfood känni mich biz zwenig us. We hend ier das so gmacht?

AnDu88

Mir hend kei Brei gä, will beidi mini Chind hend Brei nid gärn gha. Si hei vo Biikoststart a weich kochets gmües, teigware und weichi frücht vo Hand gässe. Aso si hei direkt vom Familietisch gässe.
Es isch rächt veraltet dass es Baby ab Monet x muess xy gramm Brei ässe und dases fest definiert isch i welere Reihefolg me muess afo. Do setzt me sich als mami und au s Baby enorm unter druck find ig. Me muess chli gspüre wies Baby ticket, wases gärn und wases halt nid gärn het.
Kollegin ihre Bueb dä het 250g Brei hindere gschletzt wiene Weltmeister und mini Chinder hei am afang pro Mahlzit knapp es härdöpfelschnitzli möge 😂

minggi

@AnDu88 dankä fir dini erfahrige. Ab welem Alter hesch du ca gstartet? Hends scho chennä sitzä?

AnDu88

Ig ha bim Bueb mit öbbe 6mt gstartet gha, er het scho allei chönne sitze, wenn me ihn is TrippTrapp gsetzt het. Bide tochter hani bitz ehnder agfange (si het unbedingt au welle probiere) und si het noni chönne selber sitze, de hani si bi mir ufem Schoss gha und si het probiert ässe.