Juli Mamis 2022 ☀️

Summer84

Ich bin morn i de 19 Wuche und jetzt mueni au, gaht nüm😂 Aber ich bi jetzt scho gnervt, die rutschet immer abe….bi eu au? Ha das gar nüm so in Erinnerig…

snowangel

In Zalando gits ganz bequemi schwangerschafta leggins.. ich liebe die, mini muetter hets mir zum Geburtstag gschenk uns ich lege die sehr gern ah. Die leggins vo chiccore wo obe dra ohni band sind sind au seeehr bequem..! 😍

Fabi88

@Summer84 ja bi mir nervts au

snowangel

Hender scho ahgfange buuch icreme? Ich mag irgendwie voll nöd go icreme 😂 aber bi de erst Schwangerschaft hani a de hüfte mega Streife becho ka 🙀

Summer84

Aso ich ha für dihei scho leggins, aber ich ha nie a für use. Bin mega d Jeans-Trägerin.😜 Aber die hebet mer nöd, ha vom H&M…

Ja ich ha die Wuche agfange creme, aber machs au nöd so gern und vergisses sicher immer mal wieder🤪

Fabi88

Streife chasch mit und ohni creme übercho, ha so e schlechts bindegweb und Narbene am Buuch gseh us als hetti scho 10 ss hinter mir 😅🙈

Summer84

Ich ha es seeeehr schlechts bindegweb (listebruch, scheidesenkig😝), aber kei streife becho…immerhin das🥳

Thea

Ich ha hüt s erste Mal ahzoge, bi erst i de SSW 15 😊. Und ja, mir rutscheds au abe 😩

Thea

Creme dueni scho lang, ha i mine SS bisher kei Streife übercho. Weiss aber nöd, öb das d Creme isch 😊. Vllt hani au Glück gha. Mal luege, wies i dere SS lauft

Summer84

Sinder scho am Näme überlege oder sogar scho usgwählt?

Mami83

i trage ou die schwangerschaftshose und findes richtig bequem... creme musi mi mega zwinge, ha irgendwie das gfühl nid gärn 😆 aber find für dasi hüt afang 17. wuche bi gseht mes scho zimli. name het dr papa jetzt (nach 2 mönet verschwunde si) e wunsch agmäldet, woni ehrlich zuegä muess gar nid so schlächt isch. aber es isch ja no lang, oder wüsst dir's scho?

Summer84

Nei mir hend es paar Näme im Kopf, aber no zu keim definitiv ja gseit

Thea

Wüssed ihr scho was es wird? 😊

Sarah 19 91

@meki_33 Bisch du ono da? 😁🥰

snowangel

Mir hend grad hüt bin Zmittag drüber gred und zwei Schöni näme gfunde falls es wiederen bueb git, meitli Name Hani sit ich 12 Jahr alt bin scho festgstellt 🙈🙈ihm gfallts zum Glück au.
Ohhh ja @meki_33 sch lang nüt me gehört hoffe es isch alles guet😍💕

Summer84

Ja bi eus en Bueb wieder!

meki_33

@Sarah 19 91 @snowangel Jo i läb au no so halber🤣 ha grad zwei wuche scheiss corona hinter mir und bi glaub nonie so krank gsi in mim läbe😂 es isch ändlich ufem wäg zur besserig aber nur so langsam langsam.. ha irgendwie mega panik das am baby öbbis fählt willi mi amigs richtig unschwanger fühl und ich die angst eifach due verdränge.. i ha mi fast nüm getraut do iine schriibe weiss nit wieso??? Ha am 4.2 dr nögst FA termin und denn luege mr mol.. het mi bim letzte Termin so sauer gmacht bez. Willi kei corona impfig ha blabla und jez hani de salat ka.. i ha extrem gfühls chaos in moment.. sgschäft drängt mi au regelrächt zum bscheid gä wies nocher wittr goht etc. Und i weiss es eifach noni?! Au die priise vo dene Kitas meine güte.. wie mached ihr das nur??
Sorry isch bitz e komische Text worde aber es isch eifach alles so unsicher und komisch..
Übrigens bini 15+5 und es wird zu 80% es meitli🥰 i ha bim erstrrimesterscreening dinfo überko das alles in ornig isch und dört stoht wos söll sii.. ich ha keini witteri bluetuntersuech welle willi so im zügs drin gsi bi und so happy.. jetzt im nochhinein bereu ichs irgendwie dasi nit wenigstens bluettest gmacht ha?!..

Naja.. i hoff ihr sind besser dra als ich😅

Fabi88

Ohje das tuet mer leid. Hoff chasch di no ganz erhole. Dis Gschäft wett jetzt scho wüsse wed nach de Geburt schaffsch? Omg da cha ja no alles offe sii. Unschwanger fühli mit au ide 17te wuche no mengmal obwohl mes scho recht gseht.

Summer84

Weisch was, ich bin gimpft und mich hets dennoch mega verwütscht mit em Corona. Weissau nöd öbi schomal so krank gsi bin.🤷🏼‍♀️ ha hüte kontrolle und fröge denn mal was meinet, öbs chön en Nachtteil ha. Chöntisch de bluettest nüm mache? Für dich zur absicherig, damit chli ruhiger wärsch?

Summer84

Mis gschäft het au welle wüsse öbi wieder chume und wieviel %

snowangel

Jaaa ja die chefe machet immee.so schnell Druck, chani nöd nahvollzieh so öpis..
Jaa wür au wie Summer84 seit fröge ob vlt gli nonse test chaasch mache 🥰
Haha mir gahts amiga gliii ich getrau mich wie nöd ineschriebe aber maches gli.. 😂🙈 aber schön zghöre das no da bisch, gahts der besser sit nachem Corona infektion?

meki_33

Jo also mir gohts jez besser i bi sit gli 2 wuche dahei am uskuriere und ha jetzt no swucheänd vor mir.. jetzt hoffi isch es ändlich verbi..

Jo wegem bluettescht weissi ebbe nit so rächt obi dä no ka mache oder obi überhaupt söll?! I frog emol am 4.2 noche..

Und jo wegem gschäft sie dränge mega weiss au nit wieso drbi hani no so kei plan wie mirs sölle mache?! Es isch scho alles mega neu für mi und jetzt kömme die und stresse mi.. meine güte..

Wie witt sinder eigentlich? Laufts bi euch guet?

snowangel

Kita sind wükli sautür... Aber chasch luege wegem subvention.. weiss zwar nös genau wie das funktioniert...

Seg a dim chef es seg für dich ebefalls alles neu du chasch nonig vorussege wies denn und denn usgseht... Es gir frau sie schaffet ganz ss dure denn gits au die wo nöd dörfet oder nöd möget... Du bisch jetzt grad voll e fabrik 24/h 😁
Nimms easy lahndich nöd stresse 😋🥰

Fabi88

@meki_33 de Nipt chostet ca 1000 Fr wenn nid noh meh. Bisch du vom alter her scho Risiko? Ich ha bim erste Chind gseit ich wühr gern 40% wiiter schaffe und jetzt schaffi nur 20% all 2 wucheend und da möchti au mit 2 no.

meki_33

Also i wird in 2 mönet 30.. weiss jez nit ob das scho risiko isch oder nit?! Aber i glaub i los es bliibe mitem test.. alles wasi gseh ha isch so schön gsi und het alles passt i gang drvo us das alles in ornig isch.. aber me macht sich halt glich gedanke was isch wenn?!…
Hend ihr de test denn gmacht? Oder nur mitem ultraschall gluegt? Bi mir isch das jez au scho 3 wuche häär und muess no e ganzi wuche warte bis i ändlich wieder en termin ha.. i hoff isch alles in ornig i fühl mi soooo unschwanger….

Zireael

Also ich han de Nipt Test für 550.- gmacht, das isch für Trisomie 21,13 und 18 mir hets KK zahlt will min Befund bim Erstrimesterscreening 1:600 also under 1:1000 isch. Wen disch Ergebnis über 1:1000 isch muesch en selber Zahle. Ich weiss nöd gnau oben na chasch mache da bini nöd sicher. Wend sGschlecht na wetsch wüsse isches na 150.- dezue.
Was hesch den für es Ergebnis gha bim Erstrimesterscreening? Wend über 1000 bisch und dNackefalte guet isch muesch der kei Sorge mache🥰

Zireael

Mer chan natürlich au na mega viel zuesätzlichi sache Erforsche la bim Nipt test den kostets au meh, aber ich wür wenn nur Trisomie usschlüsse.

meki_33

Also die zahle 1:600 etc sage mir gar nüt? Wie hette die denn das sötte feststelle? Me het bi mir eifach nur ufem monitor gluegt und nackefalti isch bi 1,4 mm gsi und au de rest woner gmässe het sigi alles in ordnig. Aber die ergebnis mit dene zahle weissi vo nüt?!

Fabi88

@meki_33 unter 35 zehlsch nid als Risiko, ich ha ja chlii e spezielli Vorgeschicht mit mim Sohn und ich ha de NIPT nid gmacht will das mal alles super isch, ha nur no en zuesätzliche Termine bim Pränataldiagnostiker. Ich ha vorem letschte Untersuech au mengmal Panik übercho ob alles guet isch jetzt bini wieder beruhigt.

snowangel

Meki_33 du chasch das glaub no verlange sie chönt dir dini werte vom erstrimesterscreen enn per email oder per post schicke, ich han mini au hüt per email übercho, han ebefalls 1,4 mm Nackentransparenz ka.. aber 1:19333

Zireael

@meki_33 Also das isch den so es System wo das usrechnet. Aber wen du erst 30 gi bisch und de NF nöd uffällig isch muesch der kei Sorge mache. Hets Uffällikeite gha hets de Arzt dir gseit. Es isch eifach es System wo us all dene Biomarker(Nackefalte etc) und dim Alter e Usrechnig git… Bi 30 gi und unufälligem NF muesch der kei Sorge mache🥰Ich bi scho 37 gi und drum hets mi uf 1:600 abezoge das heisst aber immerno das 599 Babys gsund uf Welt chömet.
De NiPT test hani gmacht willis KK eh zahlt het.
Bin sicher es isch alles guet🥰susch het de Arzt das gseh 🤗

geburtsbegleiterin.ch

Ich mache momentan meine Ausbildung zur Doula. Damit ich ganz viel lernen kann, suche ich noch Familien die ich während der Schwangerschaft, bei der Geburt und im Wochenbett liebevoll begleiten darf.
Bist du gerade Schwanger und vielleicht auch noch bei manchen Sachen unsicher? Oder braucht ihr Unterstützung? Gibt es eine geplante Bauchgeburt und du möchtest jemanden dabei haben? Vielleicht braucht ihr auch noch unterstützende Hände bei einer Hausgeburt?
Ich würde mich sehr freuen. ❤Region Kanton SZ, ZH, GL, SG, ZG, GR
Herzlichen Grüsse
Jacqueline, geburtsbegleiterin.ch

meki_33

Ahso jez chumi druss das heisst die wärt vergäbe sie anhand de usmass vo de einzelne organ etc? Will bluet oder ähnliches hend sie mir nit abgno.. weg dem bini nit ganz druss ko woher as die wärt kömme. Komisch das de mir nüt gseit het? Die zahle sage mir überhaupt gar nüt und weiss nit ob mi das jez nome verunsicheret oder eher beruhigt will är miessti mir jo öbbig gseit ha wenn was nit in ornig wär oder?! Ohje ohje und i ha gmeint schwanger sii und wärde isch eifach😅 komplett falsch dänkt.. i hoff eifach das für uns allne alles guet drbi usekunnt und mir alli gsundi kinder im juli ufd wält bringe!! Das isch jo nit zviel verlangt👶🏻😍 gott i muess no e ganzi wuche warte i hoff sooo sehr isch alles in ornig!! Gspüret ihr scho irgendwas? Ich überhaupt gar nüt.. ei mol bim niesse hani gmeint hani es flattere gspürt aber kei ahnig was das gsi isch😂

Zireael

@meki_33 Ja öbbe so isch die uswerig und NF isch erst öbbe ab 3-4 mm liecht uffällig und ab 6mm sehr uffällig also da bisch sehr wiit entfernt 🤗
Im Grund gno isch Erstrimesterscreening zu 90% sicher und de Nipt test zu 99,9%.
Die Zahle 1:xxx findi ebe au nur verwirrend es verunsicheret me😅
Hoffe ha der dAngst biz neh chöne🥰

eulle116

Zum vollständigen ETT bzw. der Errechnung des Trisomie-Risikos gehört auch eine Blutentnahme. Wenn bei dir kein Blut abgenommen wurde, wurde die Berechnung vermutlich auch gar nicht gemacht…
Was ich aber recht erschreckend finde, ist, dass du von deinem Arzt scheinbar gar nicht richtig aufgeklärt wurdest. Es kann ja jeder selbst entscheiden, welche Untersuchungen man machen möchte. Aber dafür muss man ja erstmal über Möglichkeiten/Nutzen und Risiken informiert sein 🤷‍♀️

Fabi88

Finde es auch nicht schön das es anscheinend so unterschiedlich gehandhabt wird und soviel ich weiss ist ab 2,5 mm die Nackenfalte schon erhöht mit 4,3 hat mein Gyn sofort Alarm geschlagen.

Zireael

Darum han ich mich für de Bluettest entschiede zuesätzlich , will es ebe eifach chli irgendöbbis isch. Au binere Nackefalte wo erhöt isch chan nacher bim FRuchtwasser oder Bluet alles normal sie. Find es verunsicheret sehr. Bin nexte Wirdi glaub zerst de BT mache und den Screening den isch mer vo anfang ah beruhigter. Voralle bi mir isch sErgebnis vom BT erst öbbe i de 16 Ssw cho find das au mega spaht, dabi hettis scho i de 10ssw chöne mache

snowangel

Spüret ihr eue baby scho lang?
Ich spürs sit ca. 2 wuche ab und zue... Sit 3 täg spüri sbaby aber nöd und han geschter abig au chli en komische zieh ka im unterleib...schisst mich huere ah mach mer komischi Szenarie im chopf😐

Fabi88

Ich has gfühl ich heg früeh es flattere gspührt und jetzt vereinzelt au am tag aber wenig und wenn täg streng sind praktisch nie.

snowangel

Ahh ok.. hoffe ich spür de chlii bald wieder

meki_33

I spür no gar nüt.. wie fühlt sich das denn a? I hoff das kunnt bi mir au bald😻 i ha am fritig ändlich dr negst kontrolltermin und hoff so sehr dass alles in ornig isch..

Summer84

Ja sit ca 2 Wuche merkis guet, es isch wie es blubbere, mängisch au wie chlini Stöss…min Partner het sogar au scho gmerkt

meki_33

Oh mega krass!! Vllt bini eifach zu unsensibel.. i weiss dasi eimol bim heftige niesse so e steche und es blubbere links gspürt ha, aber ha jetzt nit dänkt dases mis baby könnt sii wo sich beschwer.. aber wär weiss🥰🥰 wenn hender euri negsti termin und wie witt sinder?

Thea

Ich gspür no nüt, bi aber au ersch i de SSW 15. Ide vorherige Schwangerschafte hani mini Babys so ab de SSW 19 gspürt meistens 🥰. Ich ha min nögste Termin Endi Februar ide SSW 19… hoffe, bis deht ane gspüris denn au 😍

snowangel

Ich has bi de erst Schwangerschaft i de 17 ssw gspürt jetzt bini i de 16ssw also 15 4 min nächste termin hani denn am 9.2 chas chaum erwarte.. 🙈

eulle116

Ich spüre auch noch gar nichts und bin jetzt bei 17+6.
Meine Frauenärztin meinte aber, vor allem bei Erstgebärenden könne es gut sein, dass man es erst um die 20. Woche rum spürt…

meki_33

Ah denn bini beruhigt.. und bi hütt 16+2 und am fritig ändlich min termin.. bi sehr ufgregt und hoff das wege corona nüt schlimms passiert isch..

snowangel

Und wie gsehts mitem Stille us? Ich wüe mega gern bis 1 jährig, hoffe es klappt diesmal, min sohn het wegem Schoppe Brust verweigert ab 4 Monet. Diesmal gits kei schoppe damits kei verwirrig git.

Fabi88

Also ich wünsche mir sehr nomal e natürlichi Geburt und das es dasmal würkli vo selber dörf los gah und ich nid nur dörf im Bett ligge 🙈 sehr gern würd ich das mal voll stille

Thea

Mini erst Tochter hani nöd chöne stille, sie isch z früeh ufd Wält cho. Ha 6 Wuche abpumpt defür. Und die zweit hani 6 Mönet gstillt und bin denn sehr ok gsi mit ufhöre. 😊