Juli Mamis 2022 ☀️

lachuli

@Fabi88 herzliche Glückwunsch 🥰 schön isch es so schnell gange. I hoff din Schatz muess nit lang in de Neo liege...

Fabi88

@lachuli hoff morn dörf morn zu mir cho

lachuli

@Fabi88 i hoffs au ganz fest für di 🍀✨

Thea

Au mir händs gschafft - d Amalia Catharina isch hüt Namitag ufd Wält cho. Es gaht eus sehr guet und sie isch bisher ganz e zfriedni 🥰

Fabi88

Gratuliere @Thea

Thea

Au dir herzliche Glückwunsch @Fabi88 🥳

lachuli

@Thea oh wie schön 😍 herzliche Glückwunsch 🥰

snowangel

Gratuliere diir au @Thea gnüüssets ganz schöön 🥰🥰🥰

Summer84

Allne neue Mamis alles Gueti😍

Manowela

Wie schön 🥰 gniessed skennelerne mit dene chliine Schätz! Ich drücke dDume, Fabi88, dass er hüt zu dier darf cho und iher ganz viel chönd knuddle

Fabi88

Danke er isch jetzt bi mir und will scho super ade Brust trinke.

Manowela

Mier hends au gschafft 🥰 sit hüt morge dörfemer au mit üsem chliine Lean kuschle 😍

snowangel

Jöll Gratulieree herzlich 🥰🥰🙏 gnüssets ganz fescht und gueti erholig 🍀💚

Thea

Herzlichi Gratulation @Manowela 💗

Summer84

Ich bin jetzt am abstille…das ganze nöd gnueg milch ha, pumpe und immer weniger isch cho, glich aptamil geh…denn mit zwei chind dihei pumpe stresslos…chasch vergesse…15min pumpe und denn 15ml mumi🙈

enelaa94

@snowangel wie hesch es diesmal im
Spital Uster empfunde? weiss immer no nöd woni söll entbinde🙈

snowangel

Heey @enelaa94 ich has super gfunde diesmal, als wäri imene andere Spital gsi 😁🙏 sind sehr lieb gsi und ha diesmal besseri begleitig Unterstützig ka, diesmal hends mer alles sehr genau erklärt, han aber au vieles gfraget... Mir isches au sehr schnell guet gange und bi früeh hei.

Fabi88

Huhu wie gats eui? Üs gahts sowiit guet kämpfe leider mitem Milchstau und hoff das i de bald in Griff bringe 😥

snowangel

Ojee de milchstau hani au so doof gfunde am afang, jetzt isches guet... Tuesch du denn no Pumpe?

Eus gahts eigentlich guet bis uf die Kollike und schlaflosi nächt 😓

enelaa94

@snowangel danke viel mal
für d'Antwort🥰Bin mega gspannt. Hoffe au dasi döt cha gebäre no 2 wuche denn bini ide 35SSW denn würi au agno werde. Wür echt mega gern is Familiezimmer🙈

Fabi88

@snowangel nei ich Pumpe nid mue jetzt denn aber afange will de gross ja glii in Spital mue.

Summer84

Und wie gahts eu so? Scho agmeldet für Rückbildig?

snowangel

Ich maches nöd... Schwierig mit zwei chibder

Summer84

Hesch susch amigs gmacht? Ich gange, aber ersch ab September…bi froh, wett nachher wieder öppis mache für mich sportlich…muess schono paar Kilo abe

snowangel

Nei has nie gmacht.. aber isch sicher guet dasses machsch, unbedingt 🥰🙏 häsch ai chli ziit für diich!

Ich ha wieder ahgfange spaziere jede tag..

Summer84

Mit allne chind?

Fabi88

Ich mue au no luege weni da mit de Rückbildig mache de eint Kurs startet im Oktober denn währed mer grad erst wieder vom Spital dihei. Glaub nid dasi min Maa den grad am Abig chent mit beidne allei lah.

snowangel

@Summer84 wie meinsh mit allne chind?

@Fabi88 Oh Chasch es au nach 2 jahre mache glaub 😁, chan min partner au nonig allei lah mitem baby will ich ihn no tuen stille...


Bis wenn wend ihr stille?

Fabi88

@snowangel luut üsem spital söttsch es bis 9 Monet nach de Geburt abgschlosse ha de Kurs. Ich versuche sicher 6 Monet z stille so lang hani bim grosse abpumpt.

Summer84

@snowangel Öb du nur mit baby gasch go spaziere oder de ander sohn au mitnimmsch?

Ich stille nüme bereits…

snowangel

@Fabi88 ouh, ja denn chuni definitiv niemals dezue 😂

@Summer84 ich gah mit beidne go laufe, das isch so mis hobby und bitz zit für mich ❤️🥰 tuet guet chli mit music spaziere während sie pfuset.. klappt guet bis jetzt das beidi glichzittig schlafet 😁

Summer84

Ahhh sind beidi no chli, das gaht nöd bi mir, de grösser wird 4i im herbst

snowangel

Ohhh macht er kein Mittagsschlaf me? Ha geschter probiert de mittagschlaf wegneh am chline aber am 16 ischer sooooo müeed gsi 🥲 isch fascht im ikaufswägeli ihgschlafe

Manowela

Ich weiss au noni, wieni das sell mache mit de Rückbildig. Bide Mittlere heds mer nid so passt... isch irgendwie nid wirklich spezifisch gsi, meh eifach chli "turne"...

Mini zwei grosse (no 3 und grad 2 worde) schlafes au beid nümm... drum bini ständig uf trab und so richtig wuchebett isch wie nid möglich...
wie ischs bi üch?
ich ha sgfühl, ich ha au entsprechend no en starchi wuchebluetig... Willi halt echt chli zviel mach und die grosse au mal träge etc...
kenns so vo diesne zwei nid.

snowangel

Ohh sit wenn isch denn dis bebe daa??
Hani öpis verpasst?!
Also min chline isch genau hüt scho 1 monat alt und ich ha täg woni wieder extrem starch blüete, denn gits täg da chunt nix..

Und wuchebett hani imfall genau 2 Wuche ka.. ich bi scho wieder ganz normal de alltag am duremache, putze, use mite chind, de gross träge, wäsche etc etc geschter hani wieder mini erst 10 Km spaziere gmacht ! 🤸😁🙏

Fabi88

Bi mir isch au kei rueh ussert die Ziit wo de gross schlaft meistens bini denn am stille i dere ziit 🙈😅

snowangel

Ahh 20.7 jetzt hanis gseh stimmt sorry 🙈

snowangel

Klappts guet mitem Stille?

Manowela

Ja genau, er isch etz 2.5 Wuche alt 🥰 und ich hät nach de erste beide nie denkt, dasses soooo friedlichi, zfriedni babys gid

mit stille klappts mega guet, ha au die zwei erste je 1jaht chöne stille und bi sooo dankbar, dass das so super klappt - im wüsse, dass es nid selbstverständlich isch...

und bi dier?/ üch?

snowangel

Oh wow es ganzes jahr meega schön 🙏😍 ich ha min erste nur 4-5 mönet chöne stille, ich han ihn ebe no de shoppe geh und das het e mega sugverwirrig verursacht 😓 wür abet au gern 1 jahr stille ❤️🙏

Fabi88

Huhu wie gats eui so? Min chliine isch ide Nacht recht vil am trinke und de Tag dur entweder vil am schlafe oder nur zfriede wenn er bi eim ufem Arm isch. Mitem grosse isch es recht streng will er de chlii nid in rueh laht und ich immer mue mega ufpasse das nüt passiert.

Summer84

De chli isch recht pflegeliecht aber de gross au es biest worde. Er isch frech, folget nüt und ich muess au immer ufpasse wil er de chli ade händ und füess druckt…

snowangel

Halloo, eus gahts bitz bbesser mite Kollike, also mir hends besser im Griff besser gseit.
De gross rebeliert zum Glück nur mitem Partner und mit mir, de chline het er Jetzt nonie handgrifflich öpis ah tah.. aber schreit gern dur dwohnig wenn de chline schlaft oder klopft a de türene und rüttlet de Kinderwage 😅 er wet aber glaubs mitem chline spiele, er bringt am baby oft autos und legos zum spiele.. 😅

De chline lächlet de grosse au sehr viel ah, das isch soo herzig 🙏🥰
Muesses gnüsses solang sie no lieb sind zuenand. Irgendwenn isch terror das weissi 🥲🥲

Fabi88

Bi ja scho froh gahts nid nur bi euis so. Jetzt chunt eh nomal e strengi ziit. Blieb jetzt di nöchste 2 wuche vil dihei will de gross mitti September sini op hät und denn nid dörf chrank sii.

snowangel

Wie gahts euuu und bebes???