Juli Mamis 2022 ☀️

snowangel

Ahhh ja sicher mini ärztin het mich bi de erst Schwangerschaft au usglacht. Ha denn ufghört verzehle dasi ihn so früeh gspürt han und has eifach gnosse 😁

meki_33

Hey ladies wie gohts euch? Händer beschwärde? Wellere Wuche sindr?
Lg

Summer84

Wuche 14, alles ok usser Verstopfig und schlechte Schlaf und du?

meki_33

Wuche 12 und irgendwie verschwinde ahzeiche was mir chli angst macht.. ha dr negst termin am 5.1.. und ka nüm dure schlofe

simi99

@meki_33 mer seit doch aber das ab de 12 Wuche symptom chend weggah wo negativ gsi sjnd drucke dir ganz fescht dumme das alles guet isch denksch ned das de Termin evt chasch vorzieh das nacher wieder beruhigter chasch sii? Liebi Grüess usem Juni 22 han au am 5.1 min nexte Termin🥰

meki_33

@simi99 Jo has au gläse aber irgendwie duets mi scho verunsichere.. ich hoff sehr das alles in ornig isch.. vorzie kani leider nit i muess schaffe.. i ha denn de erst trimester scan woni au chli angst drvo ha.. aber kunnt sicher alles guet☺️

simi99

Gisch den bscheid! denked fescht drah das alles guet chunt🥰🥰

meki_33

Jo ufjedefall!!! Du denn au!!

eulle116

Oh, das mit dem schlecht schlafen kenne ich auch 😳Es gibt Nächte, wo ich gefühlt die halbe Nacht wach liege, ohne genau zu wissen warum. Jetzt bin ich ja seit Anfang Dezember zuhause (erst krankgeschrieben, jetzt Ferien), da kann ich mich problemlos tagsüber mal hinlegen. Habe nur noch keine Ahnung, wie ich es so ab 10.1. schaffen soll, wieder voll zu arbeiten 🤷‍♀️

Sonst habe ich immer wieder etwas Übelkeit, Kreislaufprobleme, Kurzatmigkeit usw. Aber alles nicht so tragisch 😉

Thea

Bin Endi 10. SSW und mir isch de ganz Tag schlächt leider

Fabi88

13 ssw ab und zu übelkeit und nüm so müed. Schlafe chani au nid guet aber min grosse chunt au wieder meh ide Nacht wegem Zahne. Und gester hämer no en riese Familiekrach gha wo mi au recht ufwüehlt. Ha de nöchst Termin Endi Januar aber chum denn no s ufgebot über für zum Pränataldiagnostiker.

Sarah 19 91

@meki_33 los wed wück fest angscht geisch... lütisch am FA seisch hesch es unguets gfüeu und schmunklisch haut es bitz seisch hesch oft buchweh ob hurti chasch cho luege...🤷‍♀️ aber bi mir si symptom bir erste ss o einisch ab dr 12 wuche wäg gsi...wird sicher alles i. o si we unsicher bisch lüt ah!! unbedingt❤️

snowangel

Ich bi jetzt I de 11ssw. Han leider immerno Übelkeite und ebenfalls versopfige.. Magnesium wür helfe aber trinke das nöd gern 😂

Ohh @meki_33 es isch sicher alles in ordnig mit dim Bébé 💕 5.1 isch ja schoo glii das schaffsch😜 chasc ja scho mal Name Plane oder wie s'chinder Zimmer wetsch irichte.. Ich Han I de 6 mönet scho name und Zimmer isch ready gsi für de chline haha.... Gaaanz wenig euphorisch gsi.. 🤣Ich Han jensti Schwangerschafts büecher ka zum mich ablenke, het super ghulfe

meki_33

@eulle116 Ja bi mir ischs ächt amigs schlimm.. i lig denn stunde wach und muess am 6 morge scho wieder uf de bei sii zum go schaffe.. dörfi froge wieso as me di krank gschriebe het? Aber schön kasch di bitz usruhe i ha au e wuche ferie ka aber bi leider krank im bett gläge letzt wuche🥲🥲 aber i ka di verstoh schaffe isch soo miehsam wenn me schwanger isch i bi eifach so kaputt..

meki_33

@Thea Oh du armi.. mir isch au sehr oft schli bis zur 12. ssw jetzt gohts wieder.. ob das guet isch?! Nimmsch öbbis drgege amigs oder hilft dir eifach ässe?🥸😅

meki_33

@Fabi88 Oh nei das mitem familiekrach isch doof! Aber i hoff das legt sich schnäll wieder will so öbbis bruchsch jez ächt nit!! Mir mien uns doch entspanne könne näbst all dene beschwärde und und und😛 kopf hoch!!

meki_33

@Sarah 19 91 Hoi liebs.. weisch es isch nit so dasi mi irgendwie nit sötti schwanger fühle oder süscht öbbis aber i ha eifach irgendwie schiss will symptom nüm so stark sin will es het täg gha wos mir ächt beschisse gange isch.. nit das ichs vermiss aber das het mir irgendwie sicherheit gä das alles no al funktioniere isch?! Dönt blöd gäll aber kei ahnig .. friehner go kani au nit willi die tääg muess schaffe.. aber i lueg mol süscht lüti mol ah 🤷🏼‍♀️

meki_33

@snowangel Ich ha no magnesium brausene gärn ka wome eifach diräkt ins muul kippt het au nach zitrone gschmöckt hani no rächt fein gfunde, so als tipp😛Jo nei i weiss jo das es nüm lang goht mi macht eifach de termin chli angst.. fraueärztin het mr allgemein bim gspröch chli ansgt gmacht bezüglich krankheite und i söll mi bis denn entscheide wie ich wür witterfahre ?! So like wtf?? Het mi scho chli us dr bahn gworfe.. i ha so schiss willi am afang no ziemlich viel graucht ha willis nit gwüsst ha und drnoch nit eifach ha könne ufhöre.. oh mann i mach mr schono sorge 🤷🏼‍♀️
Das mitem iirichte und fürs baby scho sache bsorge würi soooo gärn aber all um mi umme sage i söll no warte blablabla…😣

snowangel

Chasch ja mal alles uf de merkliste tue 😁.
Muesch ja nonig chaufe.
Also muess sege, woni nonig gwüsst ka han dassi schwanger bin bi de erst Schwangerschaft, simmer i de ferie gsi und ich graucht wie en weltmeister ca. 2 zigipack am tag. Und sicher e wifläsche gleert jedeabig mit min partner.😂
Nach de ferie hämmer abgmacht dass mir ufhöret rauche und vo ei tag uf de ander hämmee nüme graucht, mini lune isch gaaaanz frech gsi, ha mich mega schnell ahgriffe gfühlt und täg sind nüme cho, ha denkt es het damit ztue dassi ufghört han rauche.. erst denn hani vo de Schwangerschaft erfahre. 😂😂😂

snowangel

Und min chline isch gsund und Munter.. kenne paar mami wo graucht hend während Schwangerschaft und am bebe gahts zum Glück au guet 🥰

Fabi88

@meki_33 gseht nid so us als wühr sich das eifach wieder kläre. Isch sehr schwierig aber zum Glück hebt de grösst Teil zämä.

meki_33

@snowangel Also i muess scho zuegää i ha seint oder sandere kleidigstück scho kauft😂😂 im C&A hets mega aktione ka hani nit könne dchance nit nutze😅 has aber ganz witt verstaut damits jo kei schlächts omen git.. i weiss i spinn😣😅.. hesch denn du nachdem du erfahre hesch das de schwanger bisch keini me graucht ka? Also hesch eifach könne sofort ufhöre? Ich ebbe leider nit…..

meki_33

@Fabi88 Jo leider gits die situatione und vorallem au in glückliche familie passierts.. aber ich hoff sehr das du dich nit duesch stresse drmit denn das wär sehr schad für di!! Schick dr ganz viel kraft!!

snowangel

Ja ich han grad chöne ufhöre, woni gwüsst han dassi schwanger bin hanis ohniii problem chöne de tag durebringe ohni dra zdenke, mich hets sogar gnervt dass lüt nebet mir graucht hend.. 😂. Ha denn aber wieder ahgfange rauche wo min sohn nüme us de brust het welle trinke.. denn hani laangsam wieder ahgfange und denn sehr viel graucht. Woni jetz wieder vo de Schwangerschaft erfahre han und us de praxis useglofe bin, hani die letscht zigi welle rauche und letscht redbull trinke, bi aber soo glücklich gsi dassi nach 3 zög zigis weg grüüehrt han und sredbull ebefalls... Ich muess sege dass ich selber megaa überrascht bin dass ich so öpis schaffe...
Ich han oft welle eifach so ufhöre aber willi nöd wükli en grund ka han hanis au nöd chöne durezieh, aber die Schwangerschaft und Stillzeit hend mich immer schön fernghaltet vo dem.
Mich het Schwangerschaft thema scho sit d4ti chlas sehr interessiert han ja au welle Hebamme werde und bi extrem gege abtribige.. deswege hani scho sehr früeh gwüsst dass i de Schwangerschaft rauche de fötus im stress bringe chan.. hani mal vomene Doku uf YouTube chas der suscht mals schicke wennis finde.. glaube deswege fallts mer so liecht nöd zrauche

snowangel

Sorry mega viel blabla.. 😂 ich stiegere mich immer so i dem thema ine. 🙈🙈🙈

snowangel

@Fabi88 tuet mer mega leid wegem familiekrach, ich hoffe dass ihr trotzdem das schnell chönd kläre und eso guet und friedlich is neue Jahr chönd afange. 🍀💚

eulle116

@meki_33: Meine Frauenärztin hatte beim ersten Ultraschall zwei Hämatome in der Gebärmutter entdeckt und wollte mich damit bis Ende der 12. Woche nicht mehr arbeiten lassen. Sollte überwiegend liegen/ruhen…

Fabi88

Leider wird sich das allweg nid so schnell kläre wenn lebensgrundsätz so verschiede sind.

snowangel

Oh man, mega schad so situatione in somene schöne moment eigentlich...

meki_33

@snowangel Oh du glücklichi.. mega toll hesch grad könne ufhöre das muess me erst mol könne!! Ich ha sooo schwierigkeite drmit und ha immer wieder e rückfall und mach mir sooo vorwürf.. amigs machts mi richtig fertig aber es isch so schwierig.. redbull hani au seeehr gärn trunke aber das hani ohni witteres könne liige lo..
jo schick mr mol de link😛

snowangel

Also @meki_33 ich finde leeiider sältere Video nöd, aber de erklärts so wit ich mich erinnere chan eis zu eis daselbe wie bim andere.


Bi dem ältere video hanis ebe besser gfunde will er dete au Beispiel bracht ka het und ufnahme vom Ultraschall uf was für en stresslevel sbaby chan cho.
Aber de da erklärts au super guuet alles super verständlich. Wr erklärt au was passiert wenn ebe ufhörsch rauche, also de entzug usw.

snowangel

Salüüü, wie gaht's euu allne?

hane

Gueed bi i de 15 ssw und euch wie geits allne? Wie füehlet ihr euch?

eulle116

Ich bin jetzt in der 14. Woche und mir geht es grundsätzlich auch gut 👍🏻Nur die Verdauung macht mir immer wieder Ärger. Bin auch immer noch bei -3,5kg im Vergleich zu vor der Schwangerschaft…

Summer84

Ich ha ide erste ss en dopplete Listebruch übercho und ha jetzt 3 Jahr lang kei problem gha…jetzt merkis leider scho wieder😞 susch au problem mit verdauuig und immer das komische gfühl, die warterei bis zum nögschte termin

Summer84

Wieviel ferie het mer eigentli z guet i dem jahr wo mer schwanger isch? Das weissi gar nüm?

Bibi83

@Summer84 normal wie suscht au. es git kei Feriechürzige ufgrund vo de SS sprich Mueterschaftsurlaub.

Summer84

Aso die 25 täg (resp abegrechnet uf prozent wo mer schaffet), obwohl mer ja nur es halbs jahr schaffet? Ich wett ebe versueche es halbs jahr muetterschaftsurlaub mache, mit unbezahltem urlaub

Fabi88

Chunt glaub au chlii druf ah ob me bis zum Schluss cha schaffe. Ich wird ganz sicher 2 Mönet unbezahlt ahänke. Bi mim Sohn heti mit dene 2 Mönet im April wieder agfange und weg Corona denn no bis im Juli gwartet. Mir gats guet bin ide 14 ssw nur d Nächt sind recht astrengend mit mim zahnende Bueb.

Summer84

Het öpper vo eu Symphysenlockerig? Ich ha das glaub..

hane

Was isch das?

snowangel

Ich glaube das isch grad hine bim steissbei.. das passiert meischtens churz vor de entbindig oder danach..
Das isch wie en knorpel (weiss nöd mers usspricht und schriebt sorry )wo hine irgendwelchi knoche bindet bi mir nöd so gaaaanz sicher wie genau.. has aber au ka bi de ersti Schwangerschaft das isch mega unahgnehm..
Has zwar mega spaht erfahre wonis nüme ka han aber so en Beckengurt odee stützgurt für schwangerschaft chan mega de schmerz mindere.. de chaufi mir diesmal definitiv!
Er drückt ebe wieder die knoche zemme wo glockert sind und tuet eso weniger weh...
Was oft au hilft isch wenn du uf all 4 gasch und zbsp dim Partner mit beidi handflächi uf de steissbei hine chli druckt und bitz massiert, ich ha das gliebt das het mer so soo ghulfeee!
Es git au ganz viel üebige wo dagege hilft, hani au sehr oft gmacht vorallem gege de schluss vo de Schwangerschaft woni nüüme han möge isch das sbeschte gsi uf all 4 zgah und rucke uf und ab schön langsam...

Summer84

Nei es isch vorne, aber ich ha das anschinend doch nöd, sondern d schmerze sind vo mim dopplete listebruch

snowangel

Und wie gaahts euu suscht, gseht mer scho es büüchli? Welli ssw sinder scho?
Spüret ihr sbaby? 🥰

eulle116

Ich bin jetzt in der 15. Woche und bei mir sieht man leider noch gar nix…

snowangel

Bi mir gseht mer au nur en blähbuch 😂 am morge gsehni e chliiini büli grad bim Kaiserschnitt, isch au ganz härt.

Fabi88

Ich bin morn ide 15 ssw und finde scho das me chlii öppis gseht. Im Moment dönd mir mini brüscht so weh wie wenni en Milchstau hetti defür hät sich glaub min körpergruch wieder veränderet 🙈

snowangel

Wie meinsch dass körpergruch verändert?
Ojeee milchstau kei shöööns gfühl 😔

Fabi88

Ha jetzt sit afangs Schwangerschaft mich no so chöne wäsche und dusche ha de Schweissgruch nid weg bracht oder bi sehr empfindlich gsi jetzt sit paar Täg isch mer ufgfalle das i wieder guet schmöcke 😅🙈

Fabi88

@snowangel ja vorallem hät min Sohn hüt abig soooo fescht brüellet ha denkt mini brüscht platzed jetzt denn grad kenni so nid vo de erste Schwangerschaft und au nid ide Stillziit.