Juli Mamis 2022 ☀️

snowangel

Interessant! Das wär megakrass wenn dini brüst wegem chline so reagiert. 🙈
Ojeee die schweiss usbrüch 😒 bi mir wirkt deos nöd.. Scho bi de erst Schwangerschaft, isch au sehr mühsam. Het das öpert au scho ka?

Fabi88

Ja ebe Deo hät au nüt bracht 😥
Da händ mer ebe scho vil verzellt das so krass ufs brüelle reagiert händ ide Stillziit aber das es ide Schwangerschaft scho so isch oje da cha ja no öppis werde.

snowangel

Ich han borotalco am beschte gfunde au während Schwangerschaft, aber me muess ja ufpasse mit Aluminium im Deo.. gäl?

Fabi88

Bi mir hät de Borotalco no nie gholfe. Probier jetzt grad e Deocreme vo Lavera bis jetzt bini positiv überrascht.

JennyHelin

Bi mir hät au nur Borotalco gholfe ...

Summer84

Sind ihr no mit öv unterwegs oder gönd ihr dem usem Weg? Gah mitem Zug go schaffe und irgendwie isches mir chli unwohl wenn de Zug so voll isch…wett im Moment kei Covid ifange schwanger😣

Thea

Ich bin meistens mitem Auto unterwägs, aber will ich no zwei Chind ha. Das isch mir z stressig im ÖV 😉. Sind ihr gimpft gäge Covid?

Fabi88

Bi sit Corona weg mim Herzchranke Bueb glaub 3 mal mit de öv unterwegs gsi. Und go poste bini vor de Maskepflicht au nid

snowangel

Ich bi gimpft und in februar lahni mi boostere.
Öv benütz ich sehr sehr wenig, nur wenni Arzttermine han oder zu mini mami fahre suscht bini immer zfues 😁 mal luege wie lang ich das no mag.. sind ihr au gimpft?

Summer84

Jaja ich bi scho gimpft, boosteret noni, aber das machi jetzt au no denn. Aber ich muess halt go schaffe eso a zwei täg ide wuche, susch bini au meh zfuess unterwegs mitem chline

Fabi88

Ich ha morn min Booster.

Summer84

Hends eui Fraueärzt au empfohle? Muesch denn säge öbs guet vertreit hesch

Summer84

Ha gmerkt d Hebammesuechi isch nöd so eifach wil euses Wuchebett id Summerferie fallt

snowangel

Vo wo chömet ihr eig? 😁
Ojee viel Glück dass schnell eis finsch 🥰

snowangel

Mini Ärztin hets mir empfohle jaa

Fabi88

Min Frauearzt hät gseit sofort ab de 12 ssw ich ha jetzt no gwartet bis idi 15 aber mis Zertifikat lauft ime Monet ab. Drum hani churz nachem positive Test minere Hebamme grad gschriebe und sie isch denn ume. Bi vo Schaffhuse

Zireael

Hallo 🙋‍♀️
Ich chum vom Juni
Ha grad e frag a eu wegem Impfe. Mit was sind ihr Gimpft worde ersti und zweiti und was hender als Booster übercho?

Ich ha zum Glück na chlii Ziit zum Booster ha aber min FA nanig chöne feöge mit was ich muess. @Summer84 Jaa das mit de Hebamme isch mega schwer ha 25stk agschriebe und 3 hend mer zuegseit ha den eini gfunde… also ich wür nöd zlang nonwarte und eifach all wo findsch aschriebe..bi mir hends au immer gschriebe das dwn nöd umme sind obwohl ich Mai /Juni wär. Ha jetzt aber e super Sympathischi gfunde🤗

snowangel

Ich han die erst und zweit no mit Moderna gmacht aber die isch ja sitm 18 Nov. 2021 ab 30 Jahre beschränkt worde.. wird denn Pfizer neh.

Fabi88

@Zireael ich ha 2x Pfizer gha und wird vermutlich wieder die übercho.

Thea

Ich bin zweimal mit Moderna gimpft und wird ez denn de Pfizer-Booster übercho. Bin jetzt ide 12. SSW und min Gyn häts mer ab de 15. empfohle 😊

Thea

Oh und e Hebamme hani direkt gfunde - han sie scho zweimal gha und sie wächslet sich mit enere andere ab, wenn sie nöd chönti. Das findi no es guets System 😊

Zireael

Danke eu viel mal🙏Ok den denki wird ich au Pfizer übercho ha au 2 mal Moderna gha. Ha grad vor de SS mich na Impfe la. Wet aber umbedingt au Boostere.

Fabi88

Denn chasch ja scho bald oder? 4 mönet

Zireael

Ja chönt ab jetzt mich Impfe la. Mir isch empfohle worde ab em 2SS Drittel jetzt bini mitti 19ssw. Ha aber zerst welle mit em Arzt rede welle Impfstoff. Aber wens bi eu all glich isch mit Moderna Pfizer den wirdi mal amelde😌👍

Fabi88

Ha hüt morge mini Booster gha ussert das de Arm meh weh tuet we di letschte 2 mal gspühri nüt.

Zireael

@Fabi88So guet, das macht mer grad mega muet🙈hesches du jetzt au nach genau 4 Mönet gmacht?

Fabi88

Nei 10 Mönet nach de 2te Impfig aber ha ja nid vorher dörfe will wo de Booster bewilligt worde isch für all bini scho schwanger gsi.

Summer84

Und bi de erste beide hesch öppis gmerkt gha? Ich ha recht lang kopfweh gha nachher

Summer84

Merkt mer echt inere zweite Schwangerschaft frühner Bewegige vom Baby oder isch das nur Ibildig?😆

Fabi88

Nei ha nie gross öppis gspührt. Ja ich ha s gfühl ich gspührs scho recht regelmässig ide jetzige Schwangerschaft.

snowangel

Also mini Hebamme het gseit me spürt kindsbewegung I de 2ti Schwangerschaft früener, will mers scho vo de erst kennt 🙈
Wüsset ihr wo eui Plazenta isch?

Fabi88

Ich ha zum 2te mal e Vorderwandplazenta.

Fabi88

Liechti Gliederschmerze sind no dezue cho de Arm tuet mer nur no je nach Bewegig weh.

Mami83

Hallo zäme hoffe es geit allne guet... wo mini Plazenta isch weisse sit ere Chorionzottebiopsie woni wägeme grosse Risiko (Nackefalte und Alter) ha müesse mache ou. Grad links näb em Buchnabel. Dr FISH Test het zum Glück scho mal Entwarnig gä und kei Uffäligkeite zeigt. Jetzt mache sie no witeri Analyse ufgrund vor DNA, und da het's ou e Bluetprob vom Vater brucht und siehe da, nach 2 Mönet Funkstilli het är gseit är geit die Wuche go Bluet gä und ob anderi Dökter ono was bruche. Keis Wort über üs und ob mir üs träffe etc... weiss itz gar nidso rächt wie demit umga, i bi eifach heilfroh het er sich gmolde mir si 1000 Stei vom härz gheit nach dere stressige Diagnostik-Zit wo z schaffe ono viel schwieriger gmacht hei. I hoffe es isch en Afang und är involviert sich jetzt chli meh. Ah ja es isch e Bueb 🥰🥰🥰 und sit hüt dünkt's mi i gspür ihn ou scho umeflattere... wüsset dir z.T. scho was dir bechömed?

snowangel

Heey Mami83 ohh hoffe das die witeri analyse guet chömet drucke dir dume 💚🍀
Ich weiss nonig was es wird ärztin seit nöd gern zu früeh, aber ha sgfühl es wird nomal en bueb obwohl die Schwangerschaft anderscht lauft.
Ich glaub jetzt hemmer alli die krittischi phase gschafft gääl? 😅
Finds au super dass sich er sich gmeldet het und hoffentlich chönder das mitenand no regle..
Ich ha diesmal e hinterwandplazenta bi de erst Schwangerschaft hani e vordeewandplazenta ka.

Mami83

Danke viielmal 🙏 😊 hey ja komisch i has ou irgendwie gwüsst dases wahrschinlech e bueb isch. ja und die kritischi zit verbii - warte jetzt eifach no die testergebnis ab und denn isch no z organscreening afang februar. aber bi heilfroh, dass usser dr nackefalte nüt uffällig gsi isch und es git ja ganz viel babies wo trotz verdickter nackefalte gsund si und oft isch's eifach ou nur e riese psychische stress, die ganzi pränataldiagnostik. aber scho ou guet weme was weiss :-)

Fabi88

@Mami83 schön das s Testergebnis guet isch. We höch isch denn d Nackefalte gsi weni dörf fröge? Ha bi mim Bueb s glich duregmacht und bi froh gsi das mer gwüsst händ was üs erwartet.

Mami83

@Fabi88 heit dir de när ou es positivs Testergebnis gha demfall? D Nackefalte isch 3,6 mm gsi - und da ig halt 38i bi isch z Risiko grad mega ufe...

Fabi88

Mir hend do 4,3 mm gha und mit 30gi es Risiko vo 1:2, durch die gnaue Untersuechige vom Pränataldiagnostik het me denn ide 22 ssw en schwere Herzfehler entdeckt. Ich bin aber sehr froh hend mir alles für ihn so chöne id Weg leite min Gyn häts wegere grosse Buchnarbe und zvil Speck nid gseh gha. Ich hoffe sehr das bi eui glich alles guet isch. Hoff ha der kei Angst gmacht

Mami83

Hmm was heiter de no für witeri Abklärige gmacht nachher? Und 1:2 isch ja mega höch, het's denn ono biochemischi Marker gha? Ja bis jetzt hani alles ghört vo unuffälligi Nackefalte und trotzdem was und alli schlächte Vorzeiche und trotzdem nüt 🤷‍♀️ es isch halt immer d Natur und me weiss nie alles 100% vo däm här chame nur eifach Tag für Tag... und i bi jetzt eifach gspannt was usechunt. Dr US isch nomal detailliert gsi und si hei süsch nüt gseh und mis Gfühl seit ou es isch alles guet aber äbe 🙏

Fabi88

Bi den eifach nomal zu dem Professor wo d Chorionzottebiopsie gno hät gonen gnaue Organscreen mache und det hät ers denn gseh. Nei ich glaube im Bluet isch nüt gsi, hend den nachem Herzfehler nomeh Genetischi Untersüech gmacht mitem Bluet vo üs beidne aber det sind 2 Sache usecho wo jetzt null Relevanz hend.

Mami83

Hmm tuet mir leid isch's so cho und heisis nid früener usegfunde/gseh. Aber zum Glück git's ja jetzt Grund zur Hoffnig 😍

Fabi88

Ich bi froh hends es no gnueg früeh gseh und es isch extra alles für ihn vorbereitet gsi. Ha vil Fraue kenneglernt wos erst nach de Geburt gwüsst händ und das isch scho nomal ganz anderst.

Mami83

sorry i ha ersch jetzt alles düregläse... itz chumi drus bi dim bueb. boah, das isch ja e heftigi gschicht, aber ou schön, dass er so guet kämpft het bis jetzt... was isch de genau d diagnose gsi und wie siter denn demit umgange bzw het me das igleitet/vorbereitet? ja i sonere situation isch me natürlich heilfroh um die gnaui diagnostik

Fabi88

@Mami83 chame da irgendwie privat schriebe?

Summer84

Kack ich bin corona positiv

Thea

Ich au leider wie gahts der? Mini Tochter häts us de Chrippe mitbracht 😩

Summer84

Ja genau, mir hends au us de Kita

Summer84

Gaht nöd so guet, ha öppe alles usser Fieber und d Nase komplett zue. Glaub ha jetzt au Kieferhöhleentzündig🤦🏼‍♀️ und du?

Thea

Bisher nur vercheltet und d Stimm isch weg. Mini Tochter hät minim de Hueste.. mal luege, hoffe es bliibt so. Gueti Besserig!! 🍀❤️‍🩹✊🏼