Juli Mamis 2022 ☀️

Fabi88

Bim erste hani is USZ möse jetzt weissi nid ob Schaffhuse oder Winterthur

Summer84

Isch Nagellack ok ide Schwangerschaft? Ich würs nur ein Tag bruche für es Fäschtli, und ich ha eine wo pflanzlich isch…was meinet ihr?

snowangel

Sött keis problem sie... Ich has immer ufm Balkon gmacht damit ich de lösemittel nöd iatme

Mimi89

@Summer84 me dörf sogar gelnägel ha in dr schwangerschaft ha,also dänki sötts kei problem si. Erscht recht nid wenn er pflanzlich isch😊

Summer84

Ok danke eu! En guete Start id Wuche🤗

snowangel

Hey wiie gahts eu allne? So ruhig da ine 🤭

meki_33

Mir gohts ganz guet nur das ich megaa mied bi die ganzi zitt.. ich könnt nur schlofe dr ganz tag. Am mittwuch hani s2. Screening und ha angst bi ufgregt freu mi aber mega zur gliche zitt🤭🤭 hütt wuchewächsel 21+0.. wie gohts dir/euch?

Fabi88

Bi au recht müed aber suscht gits wieder tääg woni nüm so fescht es zieh im buuch ha defür scho jede Tag richtig Tritt oder au mal s Chind irgendwie druf truckt

snowangel

Oh sicher müehsam so.. ich schlafe mega schlecht im Moment, finde irgendwie kei richtige tüfschlaf. Find die Kindsbewegig sooo anderscht i deri Schwangerschaft 🤭 glaube er vewendet mini Blase als Trampolin 😭😹😹
@meki_33 ich han am Mittwoch au de termin 😁 freu miii mega! Spürsch jetzt dis baby oder?

meki_33

Joo i spürs ändlich sit e paar tääg und schlof au mega schlächt in dr nacht.. punkt 4i morge immer wach und denn so go schaffe isch scho mega miehsam… schaffeder au no 100% oder hender scho reduziert?

snowangel

Ohh bisch no am schaffe! Als was schaffsch denn?
Ich schaffe nöd im moment.

meki_33

Ich bi teamleiterin inere firma vo dr disposition und verrechnig… isch scho mega ahsträngend und ha sgfühl i ha fast kei zitt zum uf mich sälber zluege.. jez warti mol ab was am mittwuch use kunnt bi sooo nervös aber freu mi sooo mis kline wieder zgseh😍

Fabi88

Ich ha jetzt grad Ferie gha und schaffe ja nur ca 20% aber finds scho astrengender als ide erste Schwangerschaft. Ich morn nomal en Termin bim Pränataldiagnostiker

snowangel

Ohh müend denn unbedingt verzehle wies glofe isch bim Termin 🥰🥰❤️🍀

Mami83

Hoi zäme... schön dass es allne guet geit, bi mir isch ou z organscreening bim pränataldiagnostiker am donnschtig guet gange und het nüt gfunde, wieso die nackefalte so verdickt hätt söue sii, ou i dene witerfüehrende dna-tests nid... si mega erliechteret gsi 😌 jetzt bini 21+3, gspür d bewegige sehr fescht. mini plazenta isch aber schinbar biz zwit unde bim muttermund und ev chönnt's det im wäg si, was nach eme kaiserschnitt wür usgseh, muesi denn nomal kontrolliere.

Fabi88

@Mami83 oh super das alles guet usgseht. Hoffe d Plazenta wanderet no chlii ufe.

Mami83

danke... ja und i wünsche euch ou am mittwuch e guete termin 🤞🤞🤞

snowangel

@Fabi88 heey wie isch din termin glofe? Hoffes alles guet?

Fabi88

Bi immer no am warte het am 2 Termin gha 🙈 und s Baby turnt grad recht ume 🥰

snowangel

Jööl vlt chasch es grad no gseh umeturne 🙈

Fabi88

Es isch mitem rugge zu üs glegge jetzt hani no e halbstund mösse go laufe und denn nomal luege. Aber s Outing isch bestätigt es git nomal en Bueb.

snowangel

Ahh ❤️ bi mir gits au ganz sicher nomal en bueb 🥰
Händer jetzt scho Name?

Summer84

Hihi bi eus au nomal en Bueb👍🏻

Fabi88

Nei sind no ganz am Afang mit de Namens suechi

Summer84

Het denn öpper scho en Name?

meki_33

Ich noni.. due mi no schwer und find nüt perfekts😅

snowangel

Mir händ mal zwei ersti name wo eus guet gfallt aber nonig sicher.. 🙈

meki_33

Viel glück hütt!!!

snowangel

Vo mir auuu 🥰🥰

meki_33

Dr termin scho duure?? Bi mir ischs guet gloffe.. de arzt het mi ei stund warte lo und isch somit voll im verzug gsi het chli gstresst aber hauptsach isch alles guet gloffe🥰

snowangel

Ahh super dass alles guet isch 😍 isch immer so ne erliechterig wemmer die chline gseht gäl? Mine het mega zapplet het chli müeh gmacht mitem organscreening 😁🤭 und isch zum Glück au alles gueeet und vieli fotis Hani au becho.. so luschtig er het Grad Engelslache ka 😍 hends ufm föteli vewütscht

meki_33

Hey leute wie gohts euch allne? Mir gohts nit so guet.. ha bi dr normale kontrolle hütt e ziemliche schockmomänt ka.. bi au nit wirklich druss ko um was es genau goht.. mi gmh het wie en trichter und denn het sie no was vo nur no 8mm gredet.. ich bi sofort hei gschickt worde und 100% krank gschriibe.. söll mi schone und hoffe dasi so viel wie möglich duure mag.. skind sig jo noni lebensfähig etc.. wtf? Kennt sich öbber us? Muessi angst ha? Mir sin nur no träne gflosse.. het das schomol öbber ka?? Ich mach mi no wahnsinnig..

Fabi88

Oh nei das tuet mer leid. De Trichter heisst das sich din Gebärmuetterhals verchürzt. Häsch Unterstützig so das würkli fascht nur chasch ligge? We wiit bisch jetzt?

Thea

Ja, ich han das gha, aber vill spöter. Bi mir het mers ide 32 SSW festgstellt. Wichtig isch ez würkli, dass Du Dich konsequent schonsch, nur ufstahsch wenns mues sii und positiv dänke!! Mini Tochter isch denn bi 34+5 cho, mer händ also no paar Täg gschafft. Jede Tag zellt und jetzt sowieso… häsch Wehehemmer übercho? Bryophyllum? Magnesium?
Ich wünsch eu alles gueti und hoffe, de GMH verlängeret sich wieder! 💗 Händs der chöne säge ah was dass es ligge chönt? Bi mir häts leider kein Grund gäh 😩

Thea

Trichter heisst, dass de inner Muetermund sich öffnet. Ich han au en chline Trichter gha. Das chan mer leider nöd rückgängig mache, de Gebärmueterhals chan sich aber wieder verlängere.

meki_33

@Fabi88 Ich bi hütt 22+1… jo min maa isch mr e unterstützig nur schafft är tagsüber..

meki_33

@Thea Leider könne sis nit sage wohär.. i söll jetzt no e antibiotika nää sicherheitshalber.. ka sii dasi e infäkt ha, aber d’uswärtig goht 5 tääg und sie wän kei zitt verliere.. i muess e zimli hochi dosis an magnesium nä und utrogestan wieder.. wehehemmer hani jez no keins beko.. jetzt muessi 2 wuche abwarte zum luege wies wittr goht..

Fabi88

Oh man evt über d Chrankekasse no e Hushaltshilf beaträge

Bell

@meki_33 Ich habe ein ähnliches Problem mit 2cm Gebärmutterhals und Trichter. Mich hat die Ärztin gleich ins Krankenhaus geschickt, um einen Pessar einlegen zu lassen. Das ist ein Ring, der das Ganze stabilisiert. Musste dann 4 Tage im Spital bleiben und seitdem liege ich zu Hause mit diesem Ring, Wehenhemmer, Bryophyllum, Magnesium. Bei mir hat sich alles etwas stabilisiert aber ich liege sehr viel. Wünsche dir viel Kraft 🍀!!

snowangel

Oh ich ha au nonie devo ghört, tuet mwr leid Meki, hoffe häsch gnueg Unterstützig dihei? Muesch dich demfall viiel schone und usruhe.. 😔🥰 hoffe es verlängert sich wieder? Umarme dich ❤️

meki_33

@Bell in wellere ssw het mes bemerkt und in wellere bisch jetzt? Oh mann i ha scho schiss dasi e fählgeburt ha oder kei ahnig was.. i hoff so sehr das es ganz lang no drin blibt..

Fabi88

@meki_33 versuech positiv z denke und seg dim baby das es no gaaaanz lang söll drin bliebe. Und versuech im Moment würkli nur zum ufs wc und Dusche ufstah 🙏

meki_33

@Fabi88 Jo i bi nur am liige.. min rugge duet scho jetzt weh und es sin grad mol 2 tääg umme… ich muess no bis zum 25.3 warte zum luege wie wittr.. am sunntig wirdi 30 und hätt lüt bi mir ka.. nit das es jetzt annähernd wichtig wär aber wieso ka nit mol alles guet laufe??…

Fabi88

Ich drück di ganz fescht

Fabi88

Vilicht cha ja Bsuech glich cho chönd ja ufteile wer was bringt zum dich entlaste

Bell

@meki_33 Bei mir hat man es schon früh bemerkt, war aber nicht so dramatisch. In der 25. Ssw musste ich dann ins Krankenhaus. Jetzt bin ich schon in der 32. SSW. Darf wieder bisschen mehr in der Wohnung laufen. Liege aber sehr viel, weil das Baby immer schwerer wird und nach unten drückt. Ich empfehle dir eine mobile Physiotherapie. Das habe ich mir auch organisiert, weil einem alles weh tut. Halte durch 🍀- das kommt sicher gut. ✊🏼

sunny82

Liebi @meki_33 bisch du secher das 8 mm stemmt? Ech weiss zwar ned wie läng dases i de 23 ssw muess si ech cha der nur vo mer berechte. Ide 29 ssw hani no 7 mm gha (zo dem zitponkt sött no me aus 4 cm si) ond Trichterbildig. Ech ha sofort i spital mösse met lungerifig etc..nach 3 täg isch 3cm offe gseh ond ech bi bis zode gebort im spital gseh ade infusion met beckihochlagere ond nur ufstah zom ofs wc gah. Drom wenn du nurno 8 mm hesch de hätsch secher gliner weder kontrolle aus i 2 woche. Probier dech ds schohne ond de cha sech de gmh ou weder verlängere. Ond söscht lütisch im fa ah ond fragsch nomau nach de längi ond wie lang dases mösst si. Velecht beruhigt dech das de weder. Wönsch der aues gueti ond ganz vöu usduhr.

snowangel

Wie gahts dir Meki?

meki_33

@snowangel Jo ganz ok.. ich ka nit so guet schloofe vorallem jetzt vom nüt tue.. i bild mr jez ii das ich die klei nüm gspür.. bi am rüttle und am tue aber es passiert nix… i glaub i lüt morn am FA aa, i bi so unruhig die ganz zitt..
Wie gohts dir/euch?

eulle116

Liebe @meki_33Ich wünsche dir ganz starke Nerven!
Ich verstehe deine Unruhe und denke auch, dass es das Beste ist, deinen Frauenarzt nochmal anzurufen. Evtl. kannst du dir ja auch eine Zweitmeinung einholen?!
Ich drücke dir die Daumen, dass sich alles zum Guten wendet 🍀