Juli Mamis 2022 ☀️

snowangel

Ha sie au nonig bi de erst ss hani sie mega stark ka

Thea

Ich ha sie noni, ide erste 2 SS sinds ersch spat cho… so Ändi 7. Monet. Defür nach de Geburt no jewiils es halbs Jahr blibe 😀

Summer84

Ich ha ebe au gmeint ich hegs spat gha

Fabi88

@snowangel ja tiptop nüechternwert scho 4.3 gsi, ohje denn wünsch ich dir viel Nerve. Ich bi hüt no d Anti D und Chüchhueste go impfe gsi. Mis Baby isch bitz chliiner aber defür scho in Schädellag

snowangel

Ohh Anti D impfig ha total vergesse dasses das au git, häsch es guet verdreit?
Keuchhustenimpfig hani am 6.4 ka...

Hender scho viel zuegnoh? Ich ha bereits 12 kilo zuegno, ha no träumt wie ich die schi Versuecht han loswerde 🤭

Fabi88

Ja kei Problem beides in gliche Arm die Nacht nur chlii weh tue bim druf ligge.

Min Gyn isch nid so begeistert gsi han jetzt no 2 kilo meh we vor de Schwangerschaft ha aber ide erste au max 9 kilo zuegno gha.

snowangel

Ah wow 9 kilo isch aber super denki mal oder? Und du häsch ja no 3 mönet zit 🤭😁
Hmm verändert sich eui Essverhalte i de Schwangerschaft? Ich tue eigentlich seeehr wenig esse aber i de Schwangerschaft stopf ich alles doppelt 😩 bi erst ss hani ja 27 kilo zuehgno, eeeeigentlich bini guet dra 🤭

Fabi88

Huhu wie gats eui? Wuchewechsel i di 29 Wuche hani gester gha und sit hüt hät euise Bueb endlich en Name ❤️❤️❤️

Fabi88

Mached ihr e Babyparty oder Genderreveal?

snowangel

Ahhh mega schön, freu mi denn au scho wenn mir eis hend! 🥰
Bi grad i de 27ssw und diesmal machi kei babyshower willi scho alles verplappert han 😭😂
Aber bim erste hanis gmacht 🥰

snowangel

Machsch du eine??

Fabi88

Ich ha bim erste halt gar nüt welle mache drum mached mer e Babyparty aber s Gschlecht isch scho bekannt.

Fabi88

sunne gnüsse

snowangel

Jööö babybüchli 🥰🥰🥰🥰❤️ schön i de wärmi sunne

snowangel

Spüret ihr de schluckauf vom baby?

Bell

Hat vielleicht jemand Interesse an einem Bauchgurt Grösse M von Jobst. Mir ist er leider zu klein 😳. Ich habe ihn nur so 5x getragen. Würde ihn für 100 Chf verkaufen.

snowangel

Hallo, wie gahts eu allne?
Ha mal welle fröge ob öpert vo eu corona ka het jetzz i de Schwangerschaft?
Ich ha hüt positive testet

Thea

Hello! Gueti Besserig!! Ich has ide 13. SSW gha, aber bi nur 1 Tag richtig chrank gsi (Temperatur, Schüttelfrost, Gliederschmerze). Vercheltet bini gsi, aber Hueste hani nur ganz minim gha. Bi aber gimpft gsi (no kein Booster… de hani ide 16. SSW wele mache 🙄😬). Hoffe, Du häsch nöd schlimmi Symptom und bisch schnell wieder fit! 💗

Summer84

Ich has ide 16ssw gha, recht heftig und lang sogar…vo det her hani eifach müesse regelmässig go de Wachstum kontrolliere vom Baby

Summer84

Ich fühl mi viel weniger fit als i de erste ss…ich bi immer soooo müed und energielos…ihr au?

snowangel

Ohh ihr hends recht früeh ka! Aber schön dasses verbi isch! Danke hoffe Symptome sind schnell weg 🥰
Ich het am Mittwoch Arzt Termin 😩 de muessi sicher verschiebe jetzt oder? 😔 Macht mi chli sorge wegem baby hoffe es isch alles guet und hoffe das ich min Sohn nöd astecke! Ich ha zwei mal impfig und booster... Jetzz Corona.. ☝

Ich ha sit länger kurzatmigkeit, sit 3 täg grad stärke wahrscheinlich wegem corona, macht chli panik wenni nöd normal cha atme. Chasch dich denn bitz usruhe?

eulle116

Ich hatte vor drei Wochen den positiven Test… Hatte zwar keine wirklich schlimmen Symptome, aber ich war jetzt doch drei Wochen lang sehr verschleimt (Nase und Bronchien) und kurzatmig und dadurch einfach auch recht schlapp… seit ein paar Tagen merke ich endlich eine Besserung, aber ganz gut ist es noch nicht 🤷‍♀️Ich hatte sonntags den positiven Test und Donnerstag den nächsten Termin bei meiner Frauenärztin. Habe dann am Mittwoch dort angerufen und nachgefragt, ob ich ihn wahrnehmen darf. Bei mir hiess es dann, wenn ich kein Fieber habe, dürfe ich kommen. Aber bitte mit FFP2-Maske, was ich eh gemacht hätte.

Ich drücke dir die Daumen, dass du schnell wieder symptomfrei bist!

snowangel

Wow so lang! 😔 Freut mich dass langsam e besserig spürsch! Witerhi gueti besserig.
Hoffentlich derf ich au glich zum Termin

Fabi88

Ich has au gha vor ca 4 wuche ha übel Magedarm devo gha aber suscht kei Nachwürkige. Gueti Besserig

snowangel

Han jetzt de Termin uf de nächst mentig chöne verschiebe. Ich muess denn 10 täg lang geg Thrombose impfe, hend ihr das au müesse?

Bibi83

@snowangel ich ha mi vo de Junigruppe inegschliche. ich ha corona im feb. gha und has mim Gyn aber erst viel spöter gseit🙈 het ich das sofort gmeldet het ich au bluetverdünner müsse sprütze.. anschiinend machi mer das so will s risiko erhöht seg die erste 4-5 wuche nach corona. ich kenn aber suscht niemert wo das het müsse mache i de ss.

Fabi88

@snowangel vilicht machts au no en Unterschied i wellem Trimester meh isch

eulle116

Meine Frauenärztin weiss ja Bescheid, hat aber nix dazu gesagt 🤷‍♀️

Bibi83

@eulle116 ich nimm a das isch wie bi so vielem- jede arzt handhabts andersch. viellicht chunts au na uf anderi sache drufah wo ich ned weiss 🤔 ich mach mer da ami ned soviel gedanke..

snowangel

Ja interessant wie anderscht Ärzt chönd sie

Thea

Han au kei Bluetverdünner müese sprütze - ich nime aber ah, je wiiter fortgschritte d SS, desto eher machets es. S Risiko für e Thrombose stiigt ja im Verlauf sowieso.

Ich han aber jetzt i dere dritte SS zum erste Mal Chrampfadere übercho… nähm mi voll Wunder, z wüsse, öb das mit Covid zämehangt!

Summer84

Wieviel vor ET hend ihr ufghört schaffe? Also im Fall dass ihr scho Chind hend…

Mimi89

Ich ha ET am 03.10.19 kha(09.10.isch er ko) und ab september nüm gschafft

snowangel

Ich han bi min Sohn im 5-6 monat ufghört schaffe, es isch unmöglich gsi ufm bau mitmene babybuch schaffe

Summer84

Ich ha bis 2 Wuche vor ET gschaffet ohni Problem und jetzt findis mega astregend, debi bini ersch ide 32ssw😳

Fabi88

Ich ha ide erste SS bis zur 30 ssw 100% ide Pfleg gschafft und ab de 35 nüm. Mal luege obi im Juni no gange go schaffe im Moment hani Ferie und hüt recht müeh gha de ganz Tag.

snowangel

Hend ihr scho Spital usgwählt? Ich ha hüt bereits de erst Termin becho für de erst gspröch.. freu mi so riesig ufs baby 🥰

Fabi88

Ja, bi üs gits aber keis Gspröch wenn nüt speziells vorlieht.

eulle116

Ich habe auch in 10 Tagen das Vorgespräch 😱

Summer84

Das hani glaub nöd, bi schomal det gsi…drum villicht nöd

meki_33

So, ändlich schaffis au euch zbrichte.. ich verlo d‘Juli gruppe und rutsch zu de April Gruppe übere.. nach langem spital ufenthalt het mini Tochter bi 28+2 entschiide dass sie ändlich use will und ha Wehe überko wo mr leider nüm hän könne stoppe.. nach 10 stund in de Wehe het sie nüm möge und het jedesmol e puls abfall ka.. denn hämmer natürlich entschiide das mr grad e kaiserschnitt mache.. sie isch zurzitt im kinderspital in dr intensivstation macht sich aber sehr guet❤️❤️ wenns so wittr goht dörfe mr in e anderi abteilig zügle wo mr si denn ufs hei go dien ufpepple.. ich bi so glücklich sie zha und die liebi isch so unbeschrieblich gross!!
Mini liebi und starki Alea🍀❤️

Fabi88

Oh @meki_33 denn gratulier ich ganz herzlich, wie gross und schwer isch Sie? Sinder z Züri? Die uf de Neonatologie sind alli super lieb.

snowangel

Ach jöö Meki! gratuliere eu vo ganze herze für eue Wunder ❤️🥰 dini chli isch e kämpferin und so starch ☝ ich hoffe dass alles witerhi guet ablauft und ihr au früeh hei derfet ❤️ gnüsset die Ziit zdritt 😍 und ich wünsche dir e ganz schnelli erholig! Wie isch denn de Datum vo dineri chli?

Thea

Alles Gueti und herzliche Glückwunsch zu euem Wunder Alea 💗🎈💗 liebi @meki_33 ❤️
Mini ersti Tochter isch au z früeh cho und in Züri uf de Intensivstation gläge wägem Atemnotsyndrom. Wie gahts de Alea? Hoffe, sie hät en guete Start gha und ihr chönd eu jetzt schön kennelerne!

eulle116

@meki_33 Ui, da hat es ja jemand eilig gehabt 😱Aber schön, dass sie so eine Kämpferin ist! Ich wünsche euch, dass sie sich weiterhin gut entwickelt und ihr hoffentlich ganz bald die Zeit zu dritt daheim geniessen könnt 🍀

meki_33

@Fabi88 Danke dir viel mol!! Nei sie isch in St.galle im Kinderspital.. sind mega nett alli dört❤️

meki_33

@snowangel Danke dir viel mol !!! Bis jetzt lauft alles so wies sött zum glück🍀❤️ hoff mir könne sie ganz bald heime nä.. sie isch am 26.04.22 ufd wält ko❤️

meki_33

@Thea Danke liebs fürd glückwünsch!! Dr Alea gohts ganz guet sie het amigs ihri atemabfäll aber sie sage das isch no normal für ihri Wuche.. süscht lauft alles wies sött.. abpumpe dueni au ganz flissig damit sie mini Milch ka ha.. sie muess jez eifach wachse und zuenä❤️🍀🍀Wenn isch dini Tochter ufd Wält ko? Und wie gohts ihre jetzt?

meki_33

@eulle116 Ja sie wollte raus in die grosse weite Welt❤️🙏🏽 vielen lieben Dank für die Glückwünsche🍀

Thea

Oh, das isch super! Häsch demfall d Lungeriifisprütze übercho? Das hät bi mir nüme glanget.. sie isch bi 34+5 cho und leider isch nach es paar Stund d Lunge kollabiert. Hät intubiert müese werde und beatmet. Sie hät sich aber ganz normal entwicklet und isch e gsundi und frächi 3 Jährigi 😍🥰. Sie sind vill stärcher als mer meint! Drucke eu fest d Düme, ihr schaffed das au!!