Juli Mamis 2022 ☀️

snowangel

Ich au, mag die Hitze nüme !
Ich wird en plante Kaiserschnitt ha, wird nix mit traum geburt, erfahre de Termin denn am Fritig.

Fabi88

@snowangel oh wieso? Ich schwitze au eis zämä und ha recht üebigswehe bin sehr gespannt wenns denn würkli los gaht.

snowangel

Min becki isch zchli und srisiko dass min erste Kaiserschnitt ufrisst seg sehr gross will er extrem dünn gmacht isch.. iegwndwie so.. aber easy ha damit grechnet dasses nomal en Kaiserschnitt git 🤭
Ich han sit 1 wuche au extrem härte bich sehr oft am tag und nacht.. vlt chömet wege schneller aös de termin 😂 who knows.. welli ssw sind ihr nomal?

Thea

Ich bin ide SSW 36. grad hüt nomal en Gyntermin gha… s Baby isch uf 3.3 kg gschätzt worde 😬 Han immer so schweri Möckli 😵‍💫

Fabi88

Ich bi hüt 38 1 und het min nöchste Termin am 4.7

snowangel

Wow Thea ja 🤭 magsch no?
Fabi88 schön übrigens het sich sin chline in Schädellag kehrt!


Ich cha wegem sodbrenne nüme schlafe 😓 ich mag def. Nüme schwanger sie,.die hormone sind mir au eis zviel bi jetzt 36 4 ssw

Melaa_17

ich lide au extrem a dene hitzetäg... au wenns nöd warm isch, isch mer heiss... und sodbrenne esch min tägliche begleiter...
bin ide 36 3 ssw 🥰 gli hämmers all gschafft!

Fabi88

Ich chlebe au gfühlt de ganz Tag

Summer84

Euse Sohn isch am Fritig uf d Welt cho!🥰

Manowela

@Summer84 wie toll 😍 ganz herzliche Glückwunsch und wiiterhin en schöni, ruhigi Kuschelziit und guets kennelerne 💕

Thea

Herzliche Glückwunsch!! 😍❤️

lachuli

@Summer84 herzliche Glückwunsch 🥰 😍

snowangel

Ouh soo schööön Summer84 freu mich scho vo din Geburtsbricht lose wenns magsch verzehle ❤️🥰 gnüsssets und Gratuliere herzlich

Fabi88

@Summer84 herzliche Glückwunsch

snowangel

Wie gaaaaahts euuuu????

Thea

Guet danke und Dir? Häsch din Kaiserschnitttermin übercho? 😊 Ich bin so froh, häts gester churzfristig chli abgküelt… mer schlaft sooo vill besser - au wenn mer no es huestends Chind näbe sich hät 😵‍💫🥴

Fabi88

Ganz ok bi gester no bim Frauearzt gsi willi so Durchfall Druck im Oberbuuch und Chopfweh gha ha aber isch alles guet sowiit. Jetzt hani erst 2 Täg vor ET wieder en Termin.

snowangel

@Thea ja stimmt gäl! Sich mal wieder id decki chöne inekuschle findi ebe au gmüetlicher zum pfuse🥰
Ohh gueti besserig no!

@Fabi88 oh wenn isch din ET? Ich ha sgfühl ich frög das jedesmal und vergisses immer 🤭


Ich ha de Geburtstermin am 19.7 becho. Finds recht spaht will de ET wär am 22 gsi.. mal luege vlt chömet Wehe gli früener als das gplante 🤭

Thea

Stimmt! Würkli spaat… vo Fründinne känn ichs so, dass 2 Wuche vor ET de KS gmacht wird. Naja, wenn s Chind nöd zu gross und schwer isch, isch ja jede Tag im Buch meh super 😊. Wenn ich en KS brüchti, chönt mer def. nöd bis Endi Juli warte 🙈

snowangel

Ja genau du häsch es rise baby jetzt scho gäl? 🤭 Ich mache chlini babys irgendwie haha min Sohn isch mit 2560 gramm uf dwelt cho, en schlechte esser ischer ebe dazue au no, het sini 10 kilo erst jetzt erreicht churz vor sin 2 te Geburtstag und dw zweite jetzt isch 2700, hoffentli chli meh denn bi de Geburt 🥰

Fabi88

@snowangel ich ha ET am 10.7, schön dass so spat en Termin übercho häsch das isch nämli das wo mi ame Kaiserschnitt am meiste gstresst het das er so früeh het mösse gmacht werde.

Maryon

@Fabi88 das machend sie nur us organisatorische Gründ su früeh vorani.....mer cha sich aber au wehre und sege da mer da ned möcht ;-) isch au total ok findi und besser wenns chind cha entscheide oder mehr das eher churz vorher cha mache wenns gaht

Fabi88

Ja isch scho klar aber für d Kind halt au nid immer es beschte so früeh

Maryon

@Fabi88 mhhh i ksen das anders.....s chind isch voll entwickelt und wenns nüm zur Früehgeburt zählt de isch es voll ok aber ebe jede het sini Meinig derzue

snowangel

Neun Monate haben sie über mich geredet. Jetzt können sie mich hören, denn ich bin eingetroffen und ich möchte Euch etwas über mich mitteilen: Mein Geburtsdatum: 07.07.22 01:35/ Mein Name: Maël Isaiah / Geburtsort: Uster (ZH) Meine Größe: 50cm / Mein Gewicht: 3,070


Soo min chline het selbwrz entschiede früenner zchoo ☝😍❤️

enelaa94

@snowangel jööö gratuliere eu ganz herzlich🥰Wünsch eube ganz schön kennelernzit☺️

Thea

Herzliche Glückwunsch @snowangel 🥰😍🥰

lachuli

@snowangel herzliche Glückwunsch 🥰 wie schön 😍 gniess die wunderschöni Ziet 🥰

Fabi88

@snowangel gratuliere hoffe isch alles guet gange. So e schöns Datum 🥰❤️

snowangel

Danke eu viel mal ❤️😍

Summer84

Gratuliere dir🥰

Manowela

wie toll @snowangel! ich hoffe fest, üch gahds guet und wünsche üch ganz schöns kennelerne und zämewachse als grösseri familie 🥰💕 willkomme chliine maël

snowangel

Es isch mega schön mitem Maël 🥰 me vergisst völlig wie chliii sie uf dwelt chömet 🙈 me vergisst wie hebe das sie nöd zerbrechet.
Jetzt simmer am clusterfeeding 🙈 bitz ahstrengend und wie gahts eu allne ? Möget ihr no?

meki_33

@snowangel So schön!!! Gratulier dir vo härze!!

Fabi88

So langsam möcht ich eifach nur kuschele morn isch ET und gfühlt isch no gar nüt los 🙈

snowangel

🥰🥰 bald bald derfsch auu kuschelee

Thea

Häts no es neus Juli Mami gäh? 😍 Bi mir isch alles ready luut em Untersuech gester. Chönti jederziit losgah 😊

Fabi88

@Thea ich bi hüt ET 2 und sowiit alles ruhig bi gspannt was ide Kontrolle am 4i usechunt.

Fabi88

Hallo wie gats eui? Bi hüt ET 5 und da d Messwert immer meh abwiiched unds usgseht als wachst de chlii nüm wird ich spötischtens morn igleitet. Hend jetzt no e Eipollösung gmacht und wird hüt no Weheteebund Weheöl usprobiere zum arege

Thea

Ich ha sit hüt Morge stärcheri Wehe… mal luege öbs so bliibt oder öb sie nomal weggönd. Ich find die Phase immer so spannend 😄. Alles Gueti @Fabi88! Ez hesches gli gschafft hoffentli!

Summer84

Alles Gueti eu🤗

snowangel

Ouh jetzz wirds immer spannender 😁😁☝ hoffe und wünsche eu alles gueti denn bi de Geburt 💚

Manowela

ich denke a üch 💕 und freumi, zghöre, wenn üchi chliine denn da sind 😊
drücke vor allem dier, Fabi88 dDume, dass dMassnahme wirked✊
bi mier duet sich noni viel... ha aber et au ersch geg endi monet...

Fabi88

Danke eui

Thea

Danke 🤩

snowangel

Wie gahts eigentlich ade @Mami83 ??? Scho lang nüt me ghört 🥰 Hoffe alles in ordnig!

Fabi88

Guete Morge bi 41 0 häts de Eliano relativ turbulent und schnell uf d Welt gschafft. Gester Mittag hät me miteme Ballonkatheter agfange ileite und am 6i am Abig isch d Fruchtblase platzt am Schluss hets no 4 Presswehe brucht nachdem de Mumu innert 20 min vo 5 uf 10 cm ufgange isch. Dur die schnelle Geburt und no de Nabelschnuur 2x um de Hals lieht üse Sterngucker no bitz mit Suurstoffunterstüzig uf de Neo.

snowangel

Ahhhhhhhhhh wie schööön 🍀💚 Gratuliere herzlich zu euem Baby und gaabz schöne name Eliano und megaa schön häsch es gschafft normal zgebäre 🥰☝
Hoffe am Eliano gahts schnell super damit er bi dir chan kuschele!
Und dir e schnelli und gsundi erholig 🤸🙏🍀

Fabi88

Danke vielmals ja er machts guet und ich bi recht fit

snowangel

Ah gäl isch ebe au schön wenn mer sich wieder schnell fit fühlt nachem ganze 🥰🥰🙏