Extra Sprachfehler machen

Snuggles

Mini 3Jährig chan eigentlich scho lang sehr guet rede.
Jetzt ghört sie aber ide chrippe chind wo zB lisbled oder nonig so guet dütsch rede chönd. Es chunt immer meh vor,dass sie das nahmacht und denn das so lang macht bis sie nüme chan ufhöre.
Ich han jetzt agfange ihre sege dasi sie leider nöd verstahne und das hilft bitz.
Het öpert no tips??

Aja und es het au es chind ide chrippe im gliche alter wo e liechti beiträchtigung hät wo sich indem üsseret, dass das meitli no brablet und sehr ufdreiht isch das macht mini tochter amigs au soo lang nah bis sie nüme ufhöre chan😓
Ich weiss wie nöd recht wieni söll reagiere.
Han scho paar mal mit ihre gredet oder halt ebe gseit dass ich nöd verstah wass sie mir sege will. Has au ignoriert aber denn wirds teilwies nur no meh. Bestärch sie aber denn au wenn sie wieder richtig redet und gib ihre extra ufmerksamkeit für das.
Han au scho mit de betreuerine gredet und sie seged, dass sie das macht zum ufmerksamkeit übercho.

Ihre Vater bestärcht sie no i dem und redet denn no so mit ihre zrugg.

Ich merke immer meh dases mich sehr beschäftigt und au teilwies sogar hässig macht wenn schowieder en neue sprachfehler dezue chunt und sie denn das scho so automatisiert het🤦🏻‍♀️ ich weiss ja dass sie guet und schön redet, ich versta nöd wiso sie das macht. Han ihre au schomal erklärt dass sie de anderne chind hilft wenn sie mit de richtige ussprach mitne redet.

Ich weiss eifach grad nöd wie witer und ich hoffe das öpert vielicht en tip het für mich.

Crystal

I ha dir leider ke tipp, aber schrib doch genau das wo du da gschribe hesch ar mübe? Di chöi dir sicher witerhäufe wit drmit söusch umgah

Glöö

Also, bin jetzt kei expertin oder so. Han nur e chli erfahrig mit chinder, da ich chinderbetreuerin bin.

Isch es denn so, dass dini tochter viellicht weniger ufmerksamkeit bechunnt? Also, het sie e neui gschwüsterti wo viellicht meh ufmerksamkeit bechunnt grad? Oder het sich denn irgendöpis gänderet?