Erbrechen bei Kleinkind

Solene

Mini Tochter (2.5 Jahre) duet sit hüt am Morge alles wieder useloh, wo sie zuesich nimmt. Was chönti ihre geh zum hälfe?

Mimi89

Do kasch nid viel mache.. wichtig isch dass sie viel trinkt. Mi kline nimmt denn no gern salzbretzeli oder blevita... eifach nid fettigs halt... mi kleine isch 2 und het das vor ca.1 monet au kha. Am nägschte tag isch alles wieder guet gse😊

Sti

Chasch nid viu machä. Eifach luegä dass si gnue trinkt. Dr Kia het mir no gratä haub Öpfusaft, haub Wasser. Das sig ä gueti Elektrolythlösig. Gueti Besserig.

AnDu88

Mir ligge au grad alli mit Magedarm Grippe im Bett. Leider chame würklech nid vill mache usser abwarte bises düre isch. Zersch hets die chlini gha für 12h erbroche und jetz ig und dr gross.
Er het immer wieder wasser trunke, was aber meistens grad wieder retour cho isch. Wichtig isch das si chlini schlückli näme uf zit verteilt und nid vill ufs mol. Bi üs het Au gholfe 1/3 orangesaft verdünnt mit 2/3 wasser aber das wo d sti schribt isch au guet. Hei ebe kei öpfelsaft dehei gha. Salzstängeli, riisschliim isch au guet beruhigt dr mage.

Bi üs hets knapp 24h duuret bises düre isch gsi. Die erste 8h het er all 30-40min erbroche nachher isches öbbe all 2-3h gsi und jetz ischer sit ca. am Mittag nümme am erbräche.

Gueti Besserig euch ♥️

Solene

Danke vielmol allne 🙏🏻