August Baby‘s ☀️ 🍦 2022

samira.

So liebi ladys giz dame wo au das glück hend und im august mami werde ha hüt mini ersti kontrolle kha herz isch da und es gsed alles super us 🥺🥰🥰🥰 et wäri am 06.08

samira.

Giz würk kei august babys? 😂

Glöö

viellicht het noh niemert die gruppe entdeckt🙈

samira.

Jaa sie isch ebe chli abe grütscht für das hani öppis gschriebe😂

Glöö

aaahh alles klar😝😝

Bunny_D

Hallo, i gsellä mi ou mau derzue. Ha hüt ou die erst kontrolle gha, und es het sowit aues guet usgseh. 🥰 et isch dr 13.8. 😊

samira.

Ohh glückwunsch ☺️☺️ erste chind?

Bunny_D

Danke, gleichfalls🥰 nei mir hei scho e tochter wo im april 3 wird. Sie und ig hoffe jez ufnes schwösterli🤞🏻😅 dr papi het aber natürlech lieber no e bueb😂 und du?

samira.

Ich ha 2 meitli im alter vo 6i und 9mönet und hoffet uf eh bueb😂😂😂😂

samira.

Shüsh dümmer tüschele😂😂😂

samira.

..♥️…

PaM

Üses Schnupsi sött am 05.08.2022 uf d'Wäut cho 🥰

samira.

🥰🥰🥰 und hesh sho Symptome?

PaM

Oh ja die ha ig 🤢

samira.

Armi😅😅 fühl mit dir aber mittlerwile isch es biz besser mit Übelkeit

PaM

Mir isches immer glich schlächt, ä so isches so bi üsem Luusbueb gsy 🤢

samira.

Nimmsh medis öppis dagege ? Immer so chlini zwische mahlzite helfe ja au für übelkeit zb

PaM

Ig ha Medis, aber das hiuft so guet wie nüd. Ig dänke ouge zue u dürre 😉. Wie geits dir?

samira.

Guet so wit het eh starki 1 tages grippe grad erst tochter den ich und jetzt de mah zum Glück nid alli zemme shüsh wär üsi bude eh kotz huufe😂😅😅😅😅

ALe

Ich ha au es Glück und derf im August Mami werde. ET wäri 21.08.
Ha scho e Tochter wo im Oktober 2022 denn 2 wird.

samira.

Willkomme und Glückwunsch 😊

ALe

samira. schrieb: »

Willkomme und Glückwunsch 😊

Danke :-)

samira.

Und du hesh sho Symptome? @ALe

PaM

@ALe ❤lich willkomme! Üse Büebu wird im Oktober äbefaus 2jährig 🥰

ALe

Am Morge ischmer amigs chli übel aber susch gar nüt zum Glück :-)

Ah so schön, demfall au Oktober und August, so lustig!

Hend ihr e Früehschwangerschaftskontrolle gha oder eifach di 1. Kontrolle Ende 8. Wuche?

samira.

Ich ha ide 6w eh kontrolle kha weil ich im august eh fg kha ha und isch vermuetig uf eileiterssw gsy alles aber tip top und den hani nomol ide 8w kontrolle kha und herzli isch sho zum gse gsy 😊 jetzt hani wieder am 19.januar termin

PaM

Ig ha ou ihr 8ssw ä 1. Kontrolle gha

Lotusblümchen

Heey ihr Liebe 🤗Ich han au es August Baby 🥰Ich bin z 1. Mal schwanger & in de 9 SSW.
Bin ganz schön nervöös uf de ersti Ultraschall morn 😵‍💫 Was wird sus na alles gmacht bim 1 Untersuech?

samira.

Hoii erstmal glückwunsch

Bluetdruck gwicht und urin wird abgno shüsh wird kurz besproche wies einen gaht und so (also bi minere) 😂 den eh kurze schall

Lotusblümchen

@samira. Dankee für dini schnell Nachricht & d Infos 🙏🏻 Wird au Bluet abgno ? Und wie hend ihr Hebamme gsuecht ? 🙈 Sorry ez schu für die huufe Frage 😵‍💫

samira.

Nai bluet wird im 3monet abgno für de 1 trimester test shüsh au mal ab und zueh aber nid jedesmal

Hebamme hani nie kha aber da cha dir sicher öpper anders helfe 😀

Kei sach finde so gruppe ebe guet für so sache

samira.

Und je nach alter wird glaubi 1-2 untersuchige meh gmacht aber bi nid ganz sicher 🤓🤓😂

Lotusblümchen

Achsoo okeei guet z wüsse, danke für d Infos😊 De Ultraschall nimmi a wird bi de Früehschwangerschaft vaginal gmacht oder ?
Iaa findes echt au supper gits so Gruppene 😃

Bibi83

Ja, de erst US isch vaginal. ab de 12. Wuche isch s baby gnueg wiit obe das mer über d buchdecki cha schalle..
weg de hebamme.. ich ha googlet😉

Lotusblümchen

Okeei dankee! Den luegi mal bi google ob i e Hebamme finde oder am beste gad d Fraueärztin froge morn 🤔
Darf mer es Video/Foti mache vom Ultraschall?

Bibi83

du chunsch es fötli über. ich ha bi mim erste es FA gha wo mer sogar d videos gschickt het. das isch aber ned usus.

samira.

@Lotusblümchen Ich ha au ab und zueh bzw min mah videos gmacht het nie minere fa gstört

Manowela

Iher Liebe 💕 - zerschmal herzlichi Gratulation zu üchne Schwangerschafte 🥰

ich hoffe, sisch ok, wenni zu üch id Gruppe chume... Min ES isch zw. 30. Juli und 1. August, ha de 2. gross Untersuech noni gha. Die zwei Grosse hani aber beid ca 1 Wuche überdreiht, drum gahni fest vomne Augustbaby us 🥰...
Ich bi etz ide 11ssw und langsam nimmt dÜbelkeit ab... Bi so froh!

Wie gahds üch?

samira.

Jaaa ich bi au sone Kandidatin für übertrage 😅😅😅 gratuliere dir natürlich au die gruppe ish noo nid sooo aktiv wird aber sicher no si😊🥳 ich ha nur no teil täg übelkeit aber wen de hanis de ganz tag… aktuell 10w

Mit was ich zkämpfe ha ich bi immer voll power und Tatendrang aber momentan chumi uf nüd👀👀
Irgenwie müed und irgendwie au nid isch echt kaki😂

ALe

Gratuliere au herzlich zu dinere Schwangerschaft!
Ich han mini Tochter au übertreit gha, bi igleitet worde 1 Wuche nach ET.

Übelkeit hani würkli fasch kei, bini dankbar!
Schön wenns bi dir nahlaht!

Und hey, ich bi würkli susch au voller tatedrang aber momentan bin ich so müed ich chume nid id gäng😂😂 aber das sött ja au wieder nohloh..

Hend ihr scho vode SS verzellt oder isches no es Gheimnis vor Familie und Fründe?

samira.

Ich has eig wölle geheim halte bis ich gschlecht weiss da ich ja 2 meitli ha und sho bim 2te alli hoffnige hend kha es isch eh bueb und ich de druck nümm ha wölle aber ja mini 6jährig tochter het mir strich durch rechnig gmacht und hets mine eltere verzellt das sie eh brüder bim Storch bstellt het😂😂

samira.

Und da mir eh zimmli grossi verwandschaft hend isch das wie es lauffüür verbreitet worde😂

PaM

@Manowela ❤lich Wilkomme bi üs 😘. Mi Luusbueb isch gueti 10 Täg frühecher cho. Ig liede mi zurzyt extrem mit übukeit 🤢. Bi endi 10 wuche.

lachuli

@PaM wenn hets be dir mit de Übelkeit gstartet?

Manowela

hach, das kenni mim tatedrang... gfühlt vo 100 uf 0 und alls bliibt ligge... zum Glück gids no dmanne, wo denn id preschi springed... mine hed sich einisch meh als held entpuppt 🥰

mier hend en bueb und es meidli, drum weissi gar nid, obmers wend wüsse... ich glaub wenn, denn eifach damit ich dchleider vom einte gschlecht cha ussortiere ✌😊

bi mier isch dÜbelkeit ca ide 6. wuche cho... @lachuli, ich ha sooooooo freud für diich 🥰💕🥰💕🥰💕

lachuli

@Manowela oh schön hesch scho 2 Kinder 🥰 i chum morn in die 6 Wuche... Bin gspannt ob Übelkeit den au afoht... 😉
I realisier immer nonit dass i schwanger bi...

PaM

lachuli schrieb: »

@PaM wenn hets be dir mit de Übelkeit gstartet?

@lachuli Bi mir hets ihr 7 Wuche a gfange mit 🤢

samira.

@lachuli Wen ich de din et? 🥺🥳

lachuli

I bi hüt in de 6 Wuche acho 🥰
Min ET isch 08.09...theoretisch chönnts au August werde.. 😉

I han no kei Übelkeit aber viellicht chunt das no...

PaM

@lachuli Ig mögds dir vo ❤ göne, wenn di Übelkeit nid chunt.

samira.

Jaa bi mir chas theoretisch au sho im juli starte😂😅 immer chli abschätzig @lachuli