August Baby‘s ☀️ 🍦 2022

samira.

Ladys ha jetzt mini phase erreicht woni mich null schwanger fühl hani bis jetzt bi jedere ssw kha isch no chillig so 😅 hoffe bi euch geiz au berg uf

Üsi chli isch sit 2nächt nacht üle 🥲🥲🥲 wege dem bini sehr müed … vorallem no mitem kiga vode erste und de huushalt lauft ja leider nid vo selber userdem hemer grad es scheiss strom Problem und zhaupt kabel isch kaputt gange jetzt wird de ganz garte um grabe 🥲🥲🥲🥲 grad viel uf einish

CDanielle

Guete Morge, bi mir isch immer no guet fast de ganz tag und geg da abig immer 🤮aber ehrlich gseit im verglich zum letzte mal bini sehr z friede🙏🏻 hüt hani no de zuckertest, hend ihr de scho gha? Und ja müed bini au sehr 😴 i ha bi no positiv testet worde corona vor 2 wuche und ha s gfühl alles zeme isch au gad viel gsi. Chönnt de ganz tag schlafe 😅

PaM

Bi mit geits sowyt ou 👍

fabe

Hallo Zame! Bi mir isches leider nanig besser… mini hoffnig isch das es im 2. trimester, wo ja eigentlich jetzt den bald isch 🤩, besser wird!
Ich glaub ich bin die einzig wo nah gar kei chinde het oder?😅 also falls öpper vo eu nah schaffe tuet, wie mached ihrs mit de arbeit?🙈

CDanielle

@fabe Ich ha au no kei chind und schaffe no 80% im moment. Ich bi zum glück immer im Homeoffice. Bi sehr viel am schlafe im moment sogar ide eistündige mittagspause… 😅😴

fabe

@CDanielle Ahh supper das isch ja tiptop für dich im moment! 😅

fabe

Churz e anderi frag, het öpper vo eu so kurzatmigkeit? Ich han das sit hüt und es stört mich sehr, han glese das es harmlos isch und das das so isch will so viel bluet im körper mometan am zirkuliere isch, aber nimmt mich wunder ob das au öpper het?

snowangel

Hallo ich bi zwar vo Juli aber bi grad chli am Stalke 😂
ich ha die churzatmigkeit au und immerno..
I de erst ssw hani scho ka woni mi im bett dreit han 🤭

CDanielle

Ja ich ha das au bitzli, ha denktr het mitem corona zämehang gha aber demfall au mit de schwangerschaft.

PaM

@fabe Bi ou 80% am schaffe

PaM

Ha ou chli mit churzatmigkeit ds kämpfe, ha ig ou bi üsem Luusbueb gha.

fabe

Achsoo alles klar den isch das ja nöd so selte, danke allne für teile🤗

samira.

Das mit de kurzatmigkeit hend recht viel also ish das garnid selte

samira.

Hender öppis sho zuegno ladys? Ich ha bis jetzt 3kg+ meh brüst😂😂 ha aber au ah wiehnachte richtig gönnt 😊

Bide erste ssw hani 20kg zuegno bi aber au recht dünn gsy 55kg mit 170 cm

Bide 2te hani 16kg zugno und ha no 5kg bhalte weil ich eh gwüsst ha wird gli wieder ssw für das kei mühe gmacht die abznäh😂😂😂

Bi gspannt bim büebli wies verlauft

samira.

Mues au säge i isse fast nie süesses oder so grad mal zum zmorge mini glüst sie meh ide gsundi sache viel frücht und salat wie gseds bi euch us?
Einzige was würk jede tag chönt esse isch subway😂♥️ aber das au ohni ssw

fabe

Mis gwicht isch nah genau glich 😅 und ich han au unglauuuublich lust uf frücht und gmües 😂👍🏼

CDanielle

Ich bin au immer no genau glich bin aber au erst ssw10… ich chönnt glaub de ganz tag nur frücht und joghurt esse. Suscht hani leider ned so würk uf öppis lust. Bi aber gspannt ob das mit de glüscht no chunnt 😂

Bunny_D

Hallo zämä. Das Problem mit dr Kurzatmigkeit hani ou, i überlege mer scho ob i nechst wuuche mini Ärztin seu frage ob sie mir scho es 50% zügniss macht weui 60% ufem bau schaffe und eifach merke dass ig d leistig scho jez nüm cha briinge weui geng muess pause mache😖

samira.

Meinstens het me nachem 4te minet wieder Energie vlt chash ja luege wen wieder Energie hesh chli meh wieder schaffe 😊 (also au wegs en schnuff)

Bunny_D

Ja das scho, aber lut Mutterschutz derfti scho jez nur no 10kg lüpfe und mir hei regumässig über 20kg u da meint mi chef ner sowieso i sig nüm 100% leistigsfähig. Aber i freue mi sowiso scho wahnsinnig druf ihm nechst wuuche z verzelle das i schwanger bi🙈😖

eulle116

@Bunny_D Ich kenne auch eine, die quasi seit Beginn nicht mehr auf der Baustelle schaffen durfte. Erst war sie krankgeschrieben, jetzt schafft sie noch 50% im Büro…
Würde zeitnah mit deinem Frauenarzt und deinem Chef das Gespräch suchen!

CDanielle

Oh ja ufem Bau würi aso au sehr ufpasse, da isch ja scho nef gad ungföhrlich und wie du seisch lupfe söttsch ja au etz scho nümme viel.

Bunny_D

Ir letste schwangerschaft hani, ziemlich früeh es hämatom gha glaub ir 10ssw und bi scho 1 monet deheii gsy und ner nur no halbtags und 50% leistigsfähig. Und ab der 20ssw bini ner ganz krank gschribe gsy bis et. Auso i wirdes sicher nechst wuche mit mire ärztin bespräche.

samira.

Toitoi das es so klappt wies für dich stimmt @Bunny_D

Bunny_D

@samira. Danke ☺️. Z wichtigste isch ja im mom sowieso, dass mer nechst wuuche gseh ob alles guet isch und dass mer das blöde corona wo mir die wuuche no verwütscht hei verbii geit.🙏🏻

samira.

Hoii ladys giz news bi euch?? Ich fühl mich momentan echt top eifach mengisch chli stimmigs schwankig mini 6 jährig tochter isch momentan i eh phase wo sie wieder mal ihri grenze wot usprobiere aber alles no zum Glück in masse 😂🥲

fabe

Hallo😇 ohjeee den wünsch ich dir viel kraft 😣🍀Mir gahts eigentlich nah glich, han halt mit dere übelkeit und erbreche scho recht ts‘kämpfe.. aber göhrt ja dezue, freu mich soo uf de nächst FA termin, wen hesch du dine?

samira.

Danke 🙏🏻 bi froh isch min mah letzt wuche komplett diheime gsy het er chönne chli de boss modus mit ihre chöne düre zieh😂✨

Ich ha mine erst wieder am 23.feb de bini fast ide 18ssw mengish isch sho nervig so lang warte😂😂 und du wen hesh din termin?

CDanielle

Oh da glaubi dass da sicher ned eifach isch, i bi au ohni chind im moment ab und zue mega greizt efach so usem nüt use, mue amig selber drüber lache. I bi immer no mega müed vorallem wenni viel mach de ganz tag, gest bini am 8i is bett 🤣 und am 08.02. Hani de nöchst termin bin so ufgregt und hoff isch alles guet 🙏🏻

fabe

Ja das glaub ich eu das es streng isch wemmer scho chind het, ich han nah kei chind und bin schl kapput 😣😅Ich han min Termin am 10.2. ich freu mich megaaa 🤩 jaa isch nervig so lang warte, aber du @samira. hasch en jetzt scho gar spaat oder?😳

samira.

@fabe verstah dini letzti frag nid😅😅😅

fabe

Ich meine das din zweite Termin recht spaat isch 😅 also ich han gmeint de isch amigs so um die 12 ssw🙈

samira.

Ich ha am 19.januar mini 3mönets kontrolle kha 😃 sie ja leider immer 4w bis zur nächsti🥲🥲

samira.

Ich ha sho 3kontrolle insgsamt kha eini ide 5w glaub oder 6 da ich ja 2mönet zuvor Fg kha ha den ide 8w und die letzt ide 12w jetzt aktuell 14w 😅 sprich 13+3

samira.

Ladys wen hend ihr immer wuchewechsel? Ich ha immer am samstig☺️

CDanielle

Ich immer am zistig 🙏🏻 sit gest bini ssw11 🥰

PaM

Ig am fritig

Bunny_D

I ha ou immer am samstig☺️ ha hüt der gross Ultraschall gha und es isch aues super, ussert dass mir das mau chly es fuuls baby hei😂 i bi so froh, mir hei leider gester morge di ganz familie no e autounfall gha😰

CDanielle

Ui nei @Bunny_D hoffe eu gahts allne guet und isch i dem Fall nüt schlimmers passiert? Schö dass bim Ultraschall alles guet isch 🙏🏻💞

PaM

@Bunny_D Oh je, hoffe dir sit aui wohl uf

fabe

@Bunny_D Ich hoffe au das alles guet isch bi dini Family 😣

samira.

Erholet euch vo dem schock 🙏🏻✨ @Bunny_D

Bunny_D

So jz chumi ou wider derzue mi z mälde. Ja mer hei würklech glück gha!🍀 i ha d strasseverhältniss falsch ihgschetzt und de ischs auto is schleudere cho, vor luter panik bini ufd bräms dass es üs einisch dräit het u mer uf d gägefahrbahn sy cho, i dem moment isch grad öpper isch entgäge cho. mi maa het ner zum glück reagiert und mer sy id leitplanke😰 s auto het zum glück nur liechte schaade gnoh und üs isch nüt passiert.🙏🏻 hoffe jez eifach dass ig der uuswiis nid muess abgeh🤦🏼‍♀️

AmBir

hoi zäme,
ich ha das app/forum hüt morgen neu entdeckt. Ich bin 28, us Züri und erwarte mis Baby am 02.08.
Ich bin die erst i mim Fründeskreis und daher mit unsicherheite chli uf mich allei gstellt.
Dez.&Jan. sind mit de übelkeit wüki schlimm gsi und dänn isches stetig besser worde und etzt zu guet, kei gschwolleni brüst, kei sodbrenne, kein ufgeblähte buch meh, sodass ich mich richtig unschwanger fühl. was mich natürlich mega beunruhigt, ob na alles intakt isch. kennt das öppert vo eu?
hoffe mitm ustusch chani mini nerve chli beruhige. 😘😘😘 wünsch eu allne en guete wuchestart!

samira.

@AmBir Hallo erstmal und Gratulation das mit em unschwanger isch bi mir mal normal ich ha das meistens bis zum 6monat kha und au jetzt wieder meh wird fast nur errineret vode tritt 😂finde meh het glück wen meh eh zimmli beschwerdelosi ssw het es beunruhigt zwar sehr aber mengi babys wachse im stille ☺️

CDanielle

Guete Morge Zäme 😊 @AmBir i wür mer au ned z viel Gedanke mache, jedi Schwangerschaft isch individuell, isch sicher alles guet🙏🏻 @Bunny_D Ui da hender aber doch Glück im Unglück gha, wünsch eu alles gueti und hoffentli druckets es aug zue und muesch de uswis ned abgäh. 😘 @Samira wow bis zum 6 monat, das isch aber mega schö ja wenn so wenig symptom hesch. I bi hüt ssw 12 und ha nachher 2. Untersuech. Bi voll ufgregt und hoff isch alles guet. I merk no gar nüt, efach immer no appetitlosigkeit und mini brüst sind glaub scho dopplet so gross wie vorher 🤣 mues aber au sege i ha sehr wenig normal 😅

samira.

@CDanielle Jaa isch echt gebig so ja das mit de brüst hani au😂 🥲 mah freut sich natürlich 😂😂😂

CDanielle

@samira. Ja voll mine het au nüt degege🤣

AmBir

Danke für eui rückmeldige
han ebe schomal eh fehlgeburt gha, da sind d‘symptom ebe au zrugg gange und dänn isch de abgang cho. denkes deswege chani das ‚beschwerdefrei‘ nöd so gnüsse 😅uf d‘tritt bini scho mega gspannt 🥰

CDanielle

@AmBir Ja da verstahni, i bi au immer unsicher us dem Grund und zwar bi allem. Aber ich probier das Mal positiv z si und hoffe s Beste. 🙏🏻😇