3 jähriges Kind treibt mich in den Wahnsinn

flamingo

Sorry für sone Ussag aber ich mage wirkli nümm. Mini tochter folged nüd und sie provoziert alles ufs gröbste. Es muess alles nach irem kopf ga und susch wird töibelet, trötzled, gschlage, sache umegrüehrt etc und sie finds lustig.

Dass das zumne gwüsse grad normal isch weissi, aber es isch es usmas wo nümm normal isch. Usswärts ide kita gats tiptop, bide grosseltere au besser aber dehei nid. Me cha eifach nüd mache, sie cha sich nid elei beschäftige, sie spielt au nid wirkli mit üs, wenn denn paar minute nur. Sie chund gnueg ufmerksamkeit über.

Was macht me da? Wo chame sich hilf hole? Das chind isch de ganz tag uf 300.

AnDu88

Wenns gar nümme geit chasch di au a Elterenotruef wände: https://www.elternnotruf.ch
0848 35 45 55

Es isch mega sträng.I verstoh di guet ♥️ schicke der Energie und e liebi Umarmig.
Mir hets Buech „das gewünschteste Wunschkind treibt mich in den Wahnsinn“ mega gholfe.

flamingo

Nei so schlimm isches zum glück nid 🙈 das buech hani aber da nützt mer irgendwie nüd.. 😬

Miette

En gueti kollegin isch jetzt grat iner ähnlich situation (zchind isch aber 2 jährig). Sie het denn en termin bi fer MüVä-Beratig abgmacht. Sie biete ja au immer wieder Kürs zu solche Theme a. Vili wär das eppis ver dich? Me cha ja bis zchine 4i isch de „dienst“ in aspruch nä.

flamingo

Danke wirde mi schlau mache. Ha nemli gad nächst wuche e termin bide müetterberatig weg de andere tochter

Bibi83

Min Sohnemann, 4ri, isch grad glich. ich gang mit ihm jetzt denn it Kinesiologie. Das het schp bimene andere Problem super ghulfe. Bi ihm isch halt au, dass wenn er so ustiggt ich üerhaupt nümm a ihn ane chume.

flamingo

Bibi83 bi üs ischs genau glich. Gange au im januar zum erste mal id kinesiologie und hoffe so sehr dases öbis bringt

flamingo

Chasch denn gern brichte wie er druff reagiert

Bibi83

oh da bini au gspannt wies bi eu klappt. s letscht mal simmer gsi will er sich ned het chöne tränne und ned it Kita het welle. nach 4 sitzige het er mir lachend zuegwunke und isch voller freud it kita gange. daher hoffi fest das mer dasmal au öpis chönd richte. bi ihm isch vorallem aus problem das er s gfühl het er isch de chef im huus und chön säge wos dure gaht. und wenn das ned klappt gheit er dure🥴

SmiLe86

Bibi83 kannst du mir Bescheid geben?

flamingo

Ja bibi83 bi minre tochter genau glich mit de kita. Und au wegem chef si dehei. de bini doch chli zueversichtlich das me mit kinesiologie öbis cha mache.

Bibi83

@SmiLe86 ja mach ich gerne. Termin ist aber erst ende Januar..

flamingo

So mir sind mal s erste mal ide kinesiologie gsi (ohni tochter nur mir eltere). Mir hend alli problem notiert vo de tochter. D therapeutin hed mit muskeltest über mi partner gschaffed a üsere tochter. Sie hed sie den gfraged was sie am meiste belasti vo dene problem, und sie hed ihri alpträum agä. Sie hed au d ursach vo dene alpträum usegfunde und behandlet (was nid kinesiologie gsi isch sondern öbis anders). Sit denn hed sie nie me alpträum gha. Ha das mega idrücklich gfunde. All die andere problem sind nach wie vor vorhande. Das trotze, usraste etc. Aber i hoffe das chömer ez eis ums ander behandle, je nach priorität wo sie abfragt. I erhoff mir keis wunder, aber i hoff dass sie witerhin biz öbis cha bewirke.

Bibi83

das isch doch en super afang! mir göhnd hüt a die erst Sitzig🤗

Bibi83

so mer sind zrugg. er het super mitgmacht ind es isch halt en puure machtkampf und seg den gfrustet will er ihn verlüürt aber für mich ischs mega sträng zum „günne“. mer sind das jetzt agange und lueged wies i de nögste 3 wuche gaht. wobi mues säge i de letschte 3 wuche hemmers super gha. hoffemer s blibt so🤗

flamingo

Das freut mi dasers guet gha hend die letschte 3 wuche. Und hoffe dases öbis bringt.
Bi üs laufts leider gar nid guet. Die erste paar tag isch wirkli besser gsi aber sither dunkts mi isch no schlimmer als vorher. Sie schlaft wieder unruhig. Hed alpträum. Verwached usem schlaf und brüeled so extrem und schlat um sich, sie isch gar nid erreichbar.
Am tag rastet sie x mal, aso wirkli durchgängig all 10min isch öbis. Mir isch ufgfalle vor allem nachem kita tag isches so extrem. Ha au ds fühl sie schlaft viel ds wenig, aber das hed si scho immer und mir bringed sie eifach nid dezue ds schlafe.

Morn han ich die ersti sitzig. Wird ihre de au brichte dases nid guet lauft..

Ha mich ez no binre erziehigsberaterin gmulde.. ich weiss afig echt nümm was mache. Das macht mi voll fertig dass eifach kei massnahm irgend en verbesserig bringt.. finds krass ich bi mitme 3 jährige chind als muetter "überforderet" ☹️

Bibi83

lug min Junior het vo ca. 2-3.5 jährig mich jede tag at gränze bracht und ich ha fang nümm gwüsst wie wiiter. ich bi ami so froh gsi wenn mis mami da gsi isch und ich 1 tag in de wuche ha chöne schnufe. denn isch mit 3.5 uf eimal super worde bis jetzt die neu phase cho isch🙈 bis jetzt laufts aber immer na tip top. viellicht hemmers au bereits dure und d Kinesiologie het em na so de letscht zwick gäh. bi ihm isch extrem d veränderig. er wird viel weniger fescht hässig und so cha ich ihn au abhole.
Das chunt sicher au bi eu. Im traum verarbeited d chind doch viel s erläbte vom tag. Hesch mal i de Kita gfrögt ob ihne öpis speziells ufgfalle isch? viellicht isch au deht für sie öpis ned okay. aber d Kinesiologin wird de chnopf sicher finde👍

flamingo

Danke du machsch mer muet 😘

Nid dasi wüsst wäg de kita, mir hend i 2 wuche jahresgspräch denn fragi sicher. Aber sie gad eigentli mega gern und strahled wenn mer sie abholed. Sie seged au immer dass sis super macht dete. Ich ha höchstens s gfühl dass sie überreizt isch vo det zämme mit dem wenige schlaf...

SmiLe86

Und was macht de Erziehungsberatung?

Bibi83

hmm.. okay. spannend sicher was d kinesiologien meint. ich gseh eifach bi mine chind das d uslöser mängmal sowas vo chli sind, für sie als chind aber riesig. und mir sind eus ami gar ned bewusst was für e chlini situation wo für eus längst vergässe isch oder für anderi so es chlises mänschli nahezu cha us de bahn werfe. drum bin ich en grosse Fan vo de Kinesiologie au wenn ich selber ned cha beschriebe was sie gnau mached🤣

flamingo

Was die erziehigsberaterin genau macht weissi nid, nach lösige sueche und ihres und üses verhalte analysiere und luegt was mer chönd ändere. De kinderarzt heds mer empfohle und ich gang ez eifach mal.

Mir hend ja scho cranio, osteo, homöopathie, bachblüete usprobiert ohni erfolg. Ez no kinesiologie und erziehigsberatig. Wenn das au nüd bringt de weissi de au nüm witer. Denn eifach ushalte bis sie mal uszoge isch mit 20gi 😂 nei kei anig. I hoff es isch au nur e phase wo bald dure isch...

Sirup

Hallo
Ich kann mit dir fühlen… 2 1/2 jähriger Junge, geschrei weil ich beim Jogurt den Deckel ab nahm… was uns hilft… einfach lernen auszuhalten und das Kind trösten, erklären, auch wenn es meist in dem Zeitpunkt nicht zuhören kann. Ich kann nur von unseren Kindern reden, aber alles geht vorbei und hat aus Erwachsenen Sicht nicht immer einen Grund… wir versuchen mit Humor (Aus nume e Phase🤪)und Verstäntniss zu reagieren (klapt sicher nicht immer, aber immer öfters wenn man lernt bewusst zu reagieren)
Viel Erfolg und guets durchhalten

amalia18

Hallo zäme,

Ha mau wöue frage wiäs bi euch aune mittlerwile so louft…obs eh besserig gä het und ob dir usegfunge heit was dr uslöser isch fürs usraschte ect??

Mini 4 jähregi tochter isch im momänt ou so schlimm…sie wott eifach ihre wille umbedingt düresetzte und git ou nid uf, wird de ou extrem hässig und schreit ume ect.
We ig ihre erklähre wieso sie öpis nid set mache wüu sie z.b. cha abekeie und sich verletze de isch äs wiä ig ah nä wand häre rede, sie ignoriert eifach was ig säge und wiiter mitem chopf dür d‘wang😩

Ig ha eifach z‘gfüuh das sie ih däm auter überforderet si wüu au tag so viu ihdrück uf sie ihprassle und zum teil eifach frustriert wüu sie so viu säuber wei mache und das aber glich nid immer so klappe wiä sie wei…und de no übermüedet abem mittag wüu mä ja kei mittagsschlaf meh wott mache und eigentlich tod müed wär.

Ig finges grad extrem ahsträngend!

Bibi83

Mir sind 4x i de Kinesiologie gsi und hends chöne löse. Mittlerwiile hemmers sehr guet zäme. er het au kei wuetusbrüch meh und ich chum super a ihn ane. für eus isch d Kinesiologie de Wäg us dere Phase gsi🤗

hoffe ihr schaffeds au gli und finded eue wäg, mängmal isch es würkli nöd eifach mit dene knirpse