Baby ans eigene Bett gwöhnen

laura99

Liebi Mamis
Mi Sohn isch knapp 11 Mönet und het bis jetzt mit mir im Bett gschlafe. Langsam isch zit cho woni ihn ah sis eigene Bett möcht gwöhne, vorallem usem Grund well er i der Nacht faht afah Krabble und sich dreie und i angst ha das er usem Bett gheit. Bis jetzt isch er eso das er eifach faht afah grenne wenn er i sim eigene Bett isch und sich i öpis inne steigeret bis i ne use nimme und er ar Brust cha ischlafe. Het öper ähnlichi Erfahrige gmacht und eh Tipp für mi?

samira.

Nachem ischlafe is bettli legge bim mittagschlaf übe das er i sim bett schlaft

Jessness

Isch sBettli i sin Zimmer oder i euem? Mir hends so gmacht gha dasmer siis Bettli bi eus is Zimmer gnoo hend und au zersch wie @samira. seit bim mittagsschlaf i siis bettli dah hend und denn au ide nacht. Isch scho e rechti prozedur gsii aber muesch eifach dra blibe und immer wieder probiere. Irgendwenn klapts plötzlich 😊

snowangel

Ich han sgliche problem, min chline 18 mönet schlaft au immerno bi mir. Has scho sehr oft für e langi zit versuecht ihn a sin bett zgwöhne aber han leider kei Erfolg kah. Sobald er merkt i wellem bett er sich befindet (obwohl zimmee abgundklet isch), staht er uf und brüellt bis ich ihn usehole.
De Arzt het mer empfohle ihn eifach mal streichle bis er sich wieder beruhigt ohni ihn zträge... Kei chance, er brüellt als wür mer ihn im stich lah und has immee wieder probiert... also muessi ihn useneh und zu mir is Bett lege bis er ihgschlafe isch. Sobald er ihgschlafe isch versuechis nomal ihn i sis bett lege aber ee macht auge uf und merkt er wird weg tah und klammert sich ganz fescht a mir.
Es het au nöd klappt mit sim bett i min Zimmer. Es het au nöd klappt ich nebet sim bett i sim zimmer uf e matraze... Nüüüt... Sit er ganz chlii isch versuechis immer wieder.. sobald mee ihn seit dass mir go schlafe gönd, gaht er i mis zimmer..
Schlussendlich hanis jetzz sit 2 mönet nüme probiert. ..
Ich ha eig. Keis Problem dass er bi mir schlaft aber Han ebe mal es Video gseh vomene Psycholog und er het uf dem erklärt es seg mega wichtig für es chind i sim eigene Bett zschlafe. Dass er weisst das Zimmer ghört ihm und das andere ghört am mami..det het er sini Privatsphäre.. wenn er spiele wet, sini Spielsache sind dete und nöd dsache vom Mami zum spiele.. oder für viiel spöter wenn schind afangt sin körpee kennenlerne. Etc etc.. wükli super video.
Aber die tipps sind leider für grösseri chinder wo scho viel verstönd ca. 3-4j.

Ich lese seeehr gerne mit vlt het öpert en trick wo bi eus klappt..😩🙈

minggi

Aso da dueni au gärn mitläse. Üse Sohn pfuset au nu bi üs, ez 8 Monet. Chunt ide nacht nu rächt hüfig, wett aber bald probiere sies bett eifach bi üs im zimmer. Wie er det sell ihschlafe isch mr nu äs rätsel🤣 ab welem ziitpunkt hend ier is eigne bett gwächslet? Und wiso? Ab welem entwickligsschritt? Ich sälber bin äbe nu nid so wiit, gniesses nu rächt ihn bi mier z ha🙈

laura99

@snowangel also bi üs trifft alles 1 zu 1 zue wie bi dir. Sit dr Geburt absolut kei chance ihn ines bett zlege ohni dasers merkt. Has 1-2 mal gschafft das er i sim Bett isch igschlafe aber nach 30-60 min steit er wider uf und laht sich nid beruhige bis er bi mir ish. Er laht sich au nid ablege weme ihn treit er schaffts nume we er ar Brust cha witertrinke und i mi ner wegschlieche. Er wot ner eifach wider all Stund ah dBrust wenn er merkt dasi weg bi...
Gniesse die nöchi scho au aber allerdings isch meh sehr igschrenkt eso und langsam mit fasch 1 jährig fingi isch zit das ers schafft allei schlafe...🤷🏼‍♀️

JennyHelin

Also mini wird jetzt de 3 und schlaft immer na bi üs ... bi de Kultur vo mim Mah isch das normal und ich wills au ned ändere ... ich liebs 🥰 irrgendwenn schlaft sie de scho ih ihrem Bett

Jasmin97

Mier hend s gliche Problem gha, Ich han au ahgfange ihn bim Mittagsschlaf nachdem er ihgschalfe isch ih sis eigete Bett due. Mit de Zit hani gmerkt dases für eh moment klappet & de nümme. Ich han denn ahgfange Ihn wach is Bett z lege demit er merkt das er im Bett schlafe chan - es isch eh langi prozedur gsi & hed viele nerve kostet aber es hed klapped. Am ahfang hed er viel brüelet, ich bi aber immer nebedra gsi, ha ne gstreichlet und ab und zue au usem bett gno aber ich bi hert blibe und ha ne immer wieder dri gleid. Jetzt ischer sowit das er selber ihschlaft & bis ca am Morge am 5 im eigene Bett schloft.

Ich würd vlt au mal überlege ob d umgebig stimmt aso zb obs bett amene guete platz staht, ob d matratze z weich oder z hert isch, ischer z warm ahgleid.. Mer hend au vieli ahläuf brucht & hend d routine müesse neu überdenke & ez simer froh hets klapped

snowangel

Ja stimmt szimmer vo ihm hämmer nonie umgestellt. Aber da mir vlt bald züglet tueni mal warte. Matraze sött guet gsi sini Nickerchen als neugeborenen het er sehr gern det ine gmacht.

Mangoo

@JennyHelin Bi ois genau glich🥰 de mänsch isch eigentlich ned gmacht zum elei z schlafe..uurinstinkt..mir schlafet ja au gern mit oisne manne i eim bett😜

Groan

Mier hends mit 6 Mönet gmacht nach Ferie. Mier hend vorher scho güäbt elei ischlafe im Bistellbett, das het würkli ghulfe. Und er het nur all 4-7h trunke ide Nacht. Bald denn nur na eimal. Er chan au ide Nacht wieder elei ischlafe wenner mal ufwacht. Usnahme sind natürlich wenner chrank isch. Er isch aber scho immer en guete Schlöfer gsi, weiss ned wies wär mitme Baby wo öfters trinkt oder fesch müäh het mit schlafe.