September Baby's 2022 ❤️☀️

lachuli

I bin hüt in de 11 Wuche 🥰 no 1 Wuche den han i 12 Wuche knackt 🥰 😍 wieder emol früeh wach... 🤪
I hoff Euch gohts allne guet.

pünktchen

@lachuli druck dir gangz fest duume für di letscht Wuche 😁👍
@samira. Ha de Termin erst hüt ☺️
Seg eu denn sicher am Obet bscheid 😃

lachuli

@pünktchen danke 😊 i Druck dir fest Dume für de hütig Termin 🍀🍀

Meeko

@lachuli so schön 😍 Häsch demfall bald wieder en Termin bi dä FA oder wenn häsch dä? 😊

lachuli

@Meeko i han erst am 28.02 e Termin. Muess mi no ebitz gedulde... 😉 Und du?

pünktchen

So i ha min Termin bim FA erfolgrich hinder mir 😁 isch alles guet 😃🙏
sChline isch scho 1.3cm gross und sHerzli het chräftig gschlage 🥰
Freu mi scho uf de nörchst Termin ☺️ de hani i 5 Wuche

lachuli

@pünktchen oh wie schön 😍 freu mi für di 🥰 wie wiit bisch jetzt? 😃

pünktchen

Wie grechnet 😃 Sie het nüt gschobe und bi jetzt i de 8.SSW (7 5)

lachuli

@pünktchen schön 😍

Meeko

Oh so schön @pünktchen das freut mich sehr für eu 😍

pünktchen

Danke eu allne 🙏☺️
Wie gots eu so? Symptom scho am weniger werder oder immer no gliich?

lachuli

Geschterd und hüt han ich immer wieder UL zieh ka.. I gang devo us es muess sich alles schön dehne... Mini Brüst Spanne meh... Und Müdigkeit isch immerno glich... 😉

Meeko

Ich fühl mich insgesamt wieder chli aktiver, ha jetzt au wieder agfange Jogge, vorher ischs nöd gange weg em Schwindel 😊 Aber müed bini am Abig immer 😴 Und bi dir?

lachuli

Hüt han i kei UL zieh meh defür han i echli mit Übelkeit zkämpfe... 😉 Müed bin i de ganz Ziet... 🙈🤪
Für mis Wunder nimm i alles in Kauf 🥰

pünktchen

Bi mir isches vo Tag zu Tag chli verschiede ☺️ dÜbelkeit isch aber echt nüme schlimm.. Nur no ab und zue chli es Unwohl si 😃 dMüedigkeit goht au.. Bi am Obet amigs eifach sehr Atribslos 😅 gest Obet und hüt Morge hani eh liechts UL- und Liistezieh gha
Mir hend üs jetzt au dezue entschiede zums de werdende Grosseltere zsege 😅 die hend ali mega freud 🥰

Meeko

iöh so schön 🥰 mit händs dä Familie au scho gseit, has nöd chönä für mich bhalte 🙈

pünktchen

Mir hend für üs au gfunde jetzt wo mir wüsset das sHerzli schloht wönd mirs ine sege und wenn doch no öppis passier isches au ok wenn sies wüsset, denn chönd mir au mit ine drüber rede ☺️

pünktchen

Guete Morge zeme ☺️
Hoffe goht allne guet 😃
Lönd ihr s1.Trimesterscreening mache oder nöd? Und mit wellere begründig 🙈 I bi recht unsicher 😔.. Bi eigentli no jung und sRisiko isch sehr chli und doch würis gern wüsse falls öppis wär... Aber es isch jo nu eh Wahrschindlichkeit und kei sicheri Ussag und da isch da wo mi recht verunsicheret 😩

Meeko

Guete Morge 😊 Alles guet, hoffe bi eu au! 🤗 Ich ha die letzte Täg praktisch kei Symptom me, aber isch wahrschinlich immer chli verschiede? Also mir händ eus entschiede, dass mirs mached, us em Grund, dass mirs gern würed wüsse, falls öpis wär… Us welem Grund würsch es du denn nöd wele mache?

lachuli

I wirds am 28.02 mache... 😉 Bin 36 und für uns beidi isch es klar das mir wänds mache zum wüsse... 😉
Sit geschterd han ich mit Übelkeit zkämpfe... Muess immer wieder öpis esse...

pünktchen

I denk au das mirs worschindlich machet... Aber dur da das sResultat eh Wohrschinlichkeit und nöd eh klaari Ussag isch bin i mir no nöd so ganz im klaare wieni je noch Ergebniss wird reagiere und demit umgoh 🙈
Aber zu 90% werdets mir au mache wills mir hald au wönd wüsse ob öppis isch. Und sRisiko isch bi üs recht chli. 😊🤞
@lachuli brichtisch denn wies gsie isch 😁

eulle116

@pünktchen Falls das Risiko wider Erwarten doch erhöht sein sollte, gibt es ja immer noch die Möglichkeit, weitere Abklärungen zu machen, die dann klarere Ergebnisse liefern.

Zireael

@pünktchen Viellicht chan ich dir da biz helfe☺️Also serstrimesterscreening isch halt wichtig will du viel Biomarker aluegsch wie Nasebei Nackefalte etc den mit dim Alter gits e warschindlichkeits Berechnig 1:1000 oder so das disBaby öbbis het oder nöd. Wend ganz sicher wetsch si das nüt isch müesstisch de Bluettest na mache de hani au no gmacht. Aber wend über 1:1000 bisch will du na Jung bisch isch ziemli sicher nüt🥰Ich han mich dezue entschiede das zmache wils ja nöd nur ums Downsyndrom gaht also Trisomie 21
Sonder au um Trisomie 13+18, bi dene hend Babys halt kei überlebenschance. Aber au wend wie ich 1:600 hetisch nur wegem Alter sind immer na 599Babys gsund. De Bluettest hets den alles zu 99,2% usgschlosse.
Also Chance isch sehr sehr chlii das dis Baby öbbis het und ich glaub SS isch für mich nache entspannter gsi wo ich gwüsst ha alles sött guet sie 🥰

pünktchen

Danke eu vielmol für eui Rückmeldige und ehrliche Wort ☺️👍
@Zireael danke für die Usführlich erklärig ☺️
Ihr hend mir de Respekt vor dere Untersuechig definitiv chöne neh und mer werdets au mache 👍 i finds nemli eigentlich eh gueti Sach wenn mo da scho so früeh alles cha aluege 😁

lachuli

Muess mi no 2 Wuche und es paar Täg gedulde und den chan i brichte... 😉 😃

Lauraannah

hallo mitenand, bi mir wird (hoffentlich!) au es september baby han hüt min erste FA termin gha und de isch leider nöd so guet gloffe wie erhofft bin gem berechnige 7+2 aso 8ssw und gem fa evtl erst max 6+0. (min zyklus isch wie es schwizer uhrwerk und 28 täg)
ufallfäll seg de embryo erst 3mm gross was viel z chli seg. das het mich so verunsicheret dass ich erst nachem termin gmerkt han, dass sie au nüt vo herzschlag gseit het. isch mis erste mitem erste versuech. het öpert ähnlihi erfahrige oder tipps? bin chli verunsicheret aber immerno positiv. muss i 2 wuche namal zum ultraschall

Zireael

@Lauraannah Bi 6+0 müesstisch de Herzschlag nanig gseh und es isch ja au schwer zum sege wenn du din Eisprung gha hesch ohni Ultraschall… und du weisch ja au nöd ob din Zyklus diesmal genau 28 Täg gsi isch wil du ja dini Täg nöd übercho hesch. Drum würi abwarte und i 1-2 Wuche nomal ga🍀🍀🍀

Lauraannah

Zireael schrieb: »

@Lauraannah Bi 6+0 müesstisch de Herzschlag nanig gseh und es isch ja au schwer zum sege wenn du din Eisprung gha hesch ohni Ultraschall… und du weisch ja au nöd ob din Zyklus diesmal genau 28 Täg gsi isch wil du ja dini Täg nöd übercho hesch. Drum würi abwarte und i 1-2 Wuche nomal ga🍀🍀🍀

danke für d antwort und de gueti zuespruch. han i zwei wuche namal en termin, hoffe es wachst i dere zyt

lachuli

@Lauraannah Herzlich Willkomme in unsere Gruppe 🥰
I find au das bi 6 0 de Herzschlag nonit gseh müesch... Versuech immer positiv zdenke das hilft extrem und in 2 Wuche hesch bereits Kontrolle. 🥰🍀

Lauraannah

lachuli schrieb: »

@Lauraannah Herzlich Willkomme in unsere Gruppe 🥰
I find au das bi 6 0 de Herzschlag nonit gseh müesch... Versuech immer positiv zdenke das hilft extrem und in 2 Wuche hesch bereits Kontrolle. 🥰🍀

Danke ☺️ Ja ich probier positiv z bliebe🍀 aber d fraueärztin het mich sehr verunsicheret wo sie nurno vo abort gred het.

linskyy

Ich glaub s isch na oft so dass sich de eisprung minim verschiebt oder d inistig chli spöter isch oder so. vertrau uf dis chline! s chund bestimmt alles guet😊

linskyy

oh han wig. welle i dem anere chat schribe und ned im september.. aber lies bi eu immer mal woder mit. schön dases allne so guet gaht. wär ja usrprünglicj au bi eu debi gsi🙈

lachuli

@linskyy wie gohts dir? Schön vo dir zlese. 🥰

Lauraannah

linskyy schrieb: »

oh han wig. welle i dem anere chat schribe und ned im september.. aber lies bi eu immer mal woder mit. schön dases allne so guet gaht. wär ja usrprünglicj au bi eu debi gsi🙈

hesch dis chline demfall verlore? ☹️ Tuetmer sehr leid zghöre. wünschder ganz viel chraft und liebi ♥️

linskyy

danke eu. ja mitti januar leider ide 8.ssw
Danke @ lachuli s gaht mer relativ guet. zersch churz ganz tüf ines loch gheit. nach es paar täg aber wider usekeoche und wider voll dra..😊 s gid da ihne so viel wo ganz anders erlebt hend. und ich vertrau fesch druf dass gli es neus wunder iizieht🥰

lachuli

@linskyy i weiss genau wie du dich gfühlt hesch... Finds schön sind Ihr scho wieder am probiere 🥰 druck dir ganz fest Dume 🍀 🍀🍀

pünktchen

@Lauraannah ❤️lich Willkome i üsere Gruppe ☺️ mit dim chline isch sicher alles guet 🤞 ha eh Kollegin wos glich gange isch, i de 8./9. Wuche zum Arzt und denn uf die 6.Wuche retour datiert worde... Bi ire isch jetzt alles guet und sChline isch gsund uf dWelt cho 🥰

Und wie gots eu so? ☺️
Bi mir sind ali Symptom weg und mir gohts echt guet 😃 bi langsam uf sEnd vo dene 12 Wuche am hibble obwohl i erst i de 9.SSW bi 😁

Lauraannah

@pünktchen halloo viele Dank😊
danke für dini Wort, das munteret mich sehr uf ☺️ di letschte zwei täg hani nöd so gwüsst was mit mine gedanke azfange aber es gaht berguf 👍

mir gahts symptom technisch sehr guet, zum glück kei übelkeit. nur sehr müed😳
freut mich zghöre dasses dir au guet gaht👍 Und fiebere natürlich mit dir mit uf di 12ssw 🙌🥰

lachuli

Hoi zämme 😊
Mir gohts au ganz guet. Han meh Appetit... Mit Müdigkeit und Schlof in de Nacht han i immerno zkämpfe... 😉 I chum am Zischtig scho in die 12 Wuche... Unglaublich 🥰

Meeko

Guete Morge zäme schön vo eu zlese und hoffe es gaht eu allne sowiit guet? @Lauraannah gratuliere dir au na ganz herzlich und hoffe dass mit dim chline alles in Ordnig isch 🍀 @lachuli wow scho die 12. so schön 🥰😍

Ich ha das Wucheend chli Schlaf tankt & viel dusse gsi ☀️ ich bi immer na recht erschöpft & chum under dä Wuche eifach nöd recht use 🙈

Lauraannah

@Meeko danke viel mal dir au☺️

han mich entschiede am mittwuch na zu minere alte FA zgah für en ultraschall. mal luege i welli wuche sie mich schetzt und ob sie hoffentlich en Herzschlag gseht🙏

Meeko

@Lauraannah ja das isch doch en guete Entscheid, wenns dich verunsicheret! drucke dir fest Düme 🍀

lachuli

@Lauraannah finds au guet dass e zweiti Meinig iholsch. Bin gspannt was uns am Mittwuch brichte tuesch. Druck dir ganz fest Dume 🍀

Lauraannah

@lachuli ja hoffe so uf en herzschlag ♥️ Brichte eu denn am mittwuch 🤞🏻🍀

lachuli

@Lauraannah i Druck dir ganz fest Dume 🍀 🍀🍀

lachuli

Morge zämme 😊
I han hüt mini 12 Wuche erreicht 🥰
Gli bin i de 1 Trimester dure 🥰
Bin scho happy dass i sowit cho bi.
Muess mi aber no gedulde bis zur Kontrolle... 😉
Wie gohts Euch?

pünktchen

@lachuli oh so schöön 🥰 freu mi mega für di ☺️
Mir gohts hüt wieder guet 😁 gest hani mit Übelkeit zkämpfe gha 🙈

Meeko

@lachuli gratuliere, freut mi für dich! 😍 freu mi au mega, wenn ich die 12. Wuche abschlüsse 🤗

@pünktchen sit paar Täg isch mir au chli meh unwohl, ha denkt das chunt nüm 🙈

lachuli

I han das au immer wieder ka und jetzt sit es paar Täg nümi... 😉 Bin au froh drüber 🥰

linskyy

@lachuli wie s usgseht bini eifach ei gruppe wiiter gwandered id oktobergruppe😊🥰 anstell vo afangs sept gids bi eus jetz wies uusgseht (hoffentli) es endi oktober baby😊