September Baby's 2022 ❤️☀️

pünktchen

@lachuli natürli sind beidi Dume ganz fest druckt 😃 muesch denn brichte 😁
@Meeko wuhee jetzt hends mir denn bald gschaft mit dene 12 Wuche 😁👍

Meeko

Ja sicher, drucke ganz fest Düme und denke a dich, gisch den Bscheid wies glofe isch 🍀🤞🏻

Jaa freu mi 😃 Ha mine „leider“ erst am 11. chas chum erwarte, wür am liebste au viel öfters ga 😅

Freu mi vor allem wenn mers denn au cha verzelle, chas fast müm für mich bhalte 🙈

lachuli

Nach mim Termin am Mäntig chan ichs au offiziell verzähle 🥰 endlich 😍 i wird Euch uf jede Fall informiere 🥰

pünktchen

Guete Morge zeme 🥰
Hoffe ihr hend eh schös Wucheend gha und startet guet i di neu Wuche 😁 @lachuli wünsch dir viel Glück bim FA Termin, mini Duume sind druckt 🤞 brichtisch denn wies gsi isch 😀

lachuli

Hoi zämme
Untersuechig isch super gange 🥰
Mis Baby het sich schön bewegt 🥰 Herzli het schön gschlage und Nackefaltemessig isch au unufällig gsi 😍 bin meeega happy. Mis Baby isch scho 8 cm gross... Unglaublich wie sich mi Schatz in 4 Wuche entwickelt het. 🥰

pünktchen

Oh wauu so schöni Nochrichte 🥰 jetzt chasch dSchwangerschaft so richtig afange gnüsse und dis Glück au teile 😁

lachuli

@pünktchen ja jetzt chan ichs gniesse 🥰 ihr chömet au bald sowit... Es isch öpis wunderschöns 🥰

Meeko

@lachuli so schöni Neuigkeite, das freut mich mega für eu 🥰 jetzt chasch es au endlich mit allne teilne 😍 chans chum erwarte und hoffe dass bi eus au alles so guet usgseht 🍀😍

Meeko

mis wucheend isch sehr schön gsi, ha dsunne gnosse und sehr viel relaxed 😃 hoffe eues isch au guet gsi 🤗

lachuli

Ihr werded au sowit cho 🥰 i han au e schöns Weekend ka 🥰

pünktchen

Ja bestimmt 🥰 Und i freu mi scho riisig druf und freu mi au uf de nörchst Termin i genau 2 Wuche ☺️ ha zwor chli Angst das bi de Nackenfaltemessig öppis uffällig isch, gang aber positiv dranane 👍 Ha letscht Nacht au devo Träumt, das sie uffällig isch aber i denk da isch eifach will me sich jetzt scho mega Sorge um sBaby macht obwohl mos no nöd emol kenneglernt het 🥰Langsam bringi au mini Hose nüme so recht zue 😅🙈 mue also bald au mol neui Hose go poste 😅

lachuli

Wird bestimmt alles guet si 🥰 i gang morn go Bluet abgäh für de NIPT Test 😍 i han scho e Buuch. Bechum mini Hose scho sit 3 Wuche nüm zue... I hoff mi Chef isch hüt im Gschäft den chan ichs ihm verzähle... 🥰😍

pünktchen

@lachuli das hoff i au für di 😊 brichtisch wie er reagiert het 😁 ha vor dem no bizli respekt wenns denn bi mir mol sowit isch. 🙈

lachuli

Min Chef kennt mini ganz Vorgschicht darum isch es für ihn kei Geheimnis gsi. Er het sich meega gfreut das es endlich klappt het. Bin meeega happy 😊 nächst Wuche erfahrts mis Team 🥰😍

Meeko

ah schön hät er sich für dich gfreut, das isch sicher e ehrlichterig, hoffe min chef reagiert au so 🤗

@pünktchen cha nahfühle, denke au die ganz ziit, ob echt alles in Ordnig isch, au will ich praktisch kei Symptom me ha.. aber positiv blibe, i 2 wuche wüssemer me 😊

pünktchen

@lachuli so cool 😊 mega schön wenn de Chef sich mitfreue cha 😀
@Meeko jo verstoh di 🙈 vorallem hani gad hüt erfahre, das bi öpperem usem erwiterete Kollegekreis bim Untersuch en Missed Abort festgstellt worde isch 😢
Aber mue sege das i zum Glück immer no Positiv denke 😊 i denk das mini Hose langsam nüme passend und i immer wieder en Dehnigsschmerz spühre (i denk zumindest dases das isch) sind beides gueti Azeiche 😁
I druck beidi Duume das bi üs beidne i zwei Wuche alles super isch und mir entlich allne dNochricht chönd verzelle und dSchwangerschaft chönd gnüsse 🥰

pünktchen

Hei mini Liebe ☺️
Wie gots au allne? 😁
Mir gots super und bi hüt i di 12.SSW grutscht 🥰
Wünsch eu en schöne Tag ☀️

Meeko

@pünktchen gratuliere! 🤗 ja da häsch absolut recht, positiv blibe und hoffe au sehr, dass bi eus zwei au alles super isch 😊🍀

Mir gahts sowiit guet, eifach ungeduldig uf dä fritig inere wuche 😅 morn rutschi au i die 12. 😍 wenn häsch du din nächste Termin?

Wünsche eu au en guete Tag ☀️

pünktchen

@Meeko Denn gots bi dir jo nuno ei Wuche 😁 da schaffsch zum warte 💪 goht schneller als mo denkt ☺️
I ha de nörchst Termin am 15.03 also nächste Zistig innere Wuche 🙈
Bi denn scho fast Ende 13.SSW ☺️

lachuli

Hoi zämme 😊
Mir gohts super. Han immerno mit Müdigkeit zkämpfe... Bin froh han i verlängertes Weekend 🥰 han am Mäntig frei 😍

@pünktchen Glückwunsch zum Wuche Wechsel... Jetzt gohts schnell.

I han geschterd Bluet abgäh für de NIPT Test 😍 Bluet Kontrolle vom Mäntig isch super usgfalle... Mitem NIPT Test erfahr ich au sGschlecht 🥰 in 10 Täg spötistens han i Resultät 😍

pünktchen

@lachuli oh gnüss sWeekend ☀️😁
So schön gseht alles so guet us bi dir ☺️ wie lang hesch möse uf dErgebnis vom Bluettest am Mentig warte? I hoff das i mini denn möglichst schnell überchume das is nochher denn entlich allne cha verzelle 🥰

I ha nörchst Wuche e Schnupperlektion im Schwangerschaftsyoga und i zwei Wuche im Schwangerschaftsgymnastik ☺️ freu mi riisig druf, denn chani nochher entscheide ob ich lieber Yoga oder Gymnastik möchti mache während de Schwangerschaft 😁

Meeko

@lachuli gratuliere dir, so schön isch bi dir alles guet 🥰😍 gnüss dis verlängerete Wucheend ☀️ Ich wirde dä Bluettest au mache, ha nöd gwüsst dass mer denn so schnell s‘Gschlecht erfahrt, freu mi grad 😃

Ich ha mi au wele amelde fürs Schwümme, musch denn verzelle wie Gymnatsik gsi isch! 😊 Yoga findi super mit dem App wo du eus empfohle häsch @lachuli 😊

Meeko

anderi Frag: händ ihr scho e Hebamme?

lachuli

Ja i freu mi riesig ufs Weekend 🥰
SS Yoga mach i au mit de App finds super... 😉 😃

Ergebnis vom Mäntig han i bereits am Mittwuch becho... Ergebnis vom NIPT Test cha 3 - 10 Täg go... Do muess me echli länger warte...

I han jetzt e Hebamme gfunde. Han Endi März de 1 Termin be Ihre zum si kennelerne 🥰 i würd früeh gnüeg luege... Sie sind schnell usbuecht.. 😉

Meeko

ah das cho doch namal 10 Täg ga? häsch du demfall gwartet mit verzelle, bis au dä Bluettest zrug gha häsch?

Ah cool häsch eini gfunde, hoffe es passt! 😊 Ja das ghöri ebe vo vielne, aber ich weiss nöd, obi dä untersuech nächst Wuche na sell abwarte, bevor ich afang sueche… 🙈

Juno

Hoi zämä
Mega schön dass die Gruppe git!
Bi mir gits au es September Baby😊
Lise und fiebere scho es wiili mit eu mit und ha tänkt etzt isch de richtig Ziitpunkt zum au mal Hallo sege
Bin afang 13. Ssw und ha grad gester erfahre dass s screening super gxi isch. So super dass mir eus gege de nipt entscheide händ.
Bim ultraschall hets sich mega bewegt und lut de Ärztin wirds wohl es büäbli!
Bin so überwältigt gxi die bewegige vode ärmli und beindli z gxeh...
Hoffe bi eu isch au alles guet! Wünsche eu en schöne Tag

lachuli

@Juno herzlich Willkomme in unsere Gruppe 🥰 üsi Gruppe wird grösser dass isch doch schön. 😉

@pünktchen mir werdes üse Eltere am Weekend verzähle... 😉 De Termin isch am Mäntig so guet gange das mir nüm warte wänd 🥰

pünktchen

❤️lich Willkomme @Juno
So toll wachst dGruppe wiiter! Mega schön hesch du die magische 12 Wuche bereits überstande und das Screening guet glaufe isch 😁
Wünsch eu allne en guete Tag ☀️🥰

lachuli

I han jetzt e verlängerts Weekend 🥰 wirds meeega gniesse 😍 😍
Wünsch Euch e schöns Weekend 😘 😘

simonacarolina

Hey mitenand, ich han kurz en Frag🙈 ich bi jetz ide 13ssw und ich han so garkein Appetit. Ich chan gmües und frücht ässe aber sobalds epis festers sött sie chumi fast brechreiz über. Es gaht ned vorallem au sache woni vorher heiss gliebt han. Es macht mi so unsicher, ich kenn das eifach ned.. hed öpper vo euch ähnlichi erfahrige aktuell? 🙊

lachuli

I han das be Poulet... Bechum Brechreiz scho nur Wenn ichs aluege... Was be mir guet goht isch Pizza oder Pasta... 😉

Meeko

Hoi @Juno gratuliere dir au na zur Schwangerschaft, schön isch bi dir dä ersti Test guet use cho 🥰😍

@simonacarolina das tönt unagnehm, ich has zum glück nöd mega extrem, aber ha uf viel warms esse eifach gar kei lust me, drum issi viel chalts aktuell, bowls zum bispiel. Hoffe wird bald besser bi dir! 🍀

simonacarolina

Ja, isch üsserst müehsam🙈 han no mit minere Hebamme gred und sie hed mi recht chönne beruhige. S ghört halt au wie en art i die Schwangerschaftsübelkeit ine eifach chli ufen anderi art. Sie seid es sött bald chli nachelah und ich mües halt eifach das ässe wo gaht au wenns momentan chli schwer isch.
Wegem Baby muesi mer kei sorge mache das nimmt sich das wos brucht au wenni momentan ned würkli chan usgwoge und gsund ässe.🙊

Hoff ez mal es laht bald nache.😊

pünktchen

Hei zeme 😊
Wie gots eu allne? Mir gots tiptop und freu mi uf de Untersuech nörchste Zistig 😁
Het vo eu öppet en Untersuech die Wuche? @lachuli hesch scho dErgebnis vom NIPT Test becho? 😊
Wünsch eu eh schös Tägli ☀️

lachuli

Hoi zämme 😊
Mir gohts sowit guet 🥰
Leider han i Ergebnis nonit becho.. I hoff i bechums die Wuche 🥰
Nächst Untersuechig han i erst am 28.03...😉

Meeko

Hoi zäme danke sowiit alles guet, recht verkälted gsi, die letzte Täg, aber PCR Test isch negativ gsi… langsam bini au so richtig nervös weg em nächste Termin am Fritig, chas chum erwarte 🙊 hoffe wird alles guet 🍀😊

lachuli

Guet hesch kei Corona. Oh schön hesch Termin am Fritig. Wie wiit bisch den? 😃

pünktchen

Schön das Schwangerschaftsmässig allne guet goht 😊 @Meeko dir natürli gueti Besserig mit de Vercheltig! I bi gest sErste mol im Schwangerschaftsyoga gsi und het mega guet tue ☺️ Morn hani die 12 Wuche hinder mir und starte i di 13.SSW 😁
@lachuli wie isches bi dir gsi bim 1.Trimestertest..hents dir Bluet abgno und au uf Azeiche vo Fehlbildige oder Trisomie aglueget oder eifach anderi Wert kontrolliert? Umd wie lang hesch uf sResultat gwartet gha? 🙈 Also nöd de NIPT Test.. Uf de wartisch jo no sondern sBluet wos evtl. testet hend gad nochem Untersuech. ☺️

lachuli

@pünktchen wahnsinnig chunsch au scho in die 13 Wuche 🥰
Also mir händ sie zerscht Ultraschall gmacht und Nackefalte gmesse. Döt isch es unufällig gsi. Zusätzlich händ sie mir Bluet abgnoh zum luege wies mit de Wert bezüglich Trisomie usgseht. Die Ergebnis han i bereits nach 2 Täg becho... Isch alles guet gsi. 😍 Wenn Hesch du Kontrolle? Müesch den unbedingt brichte 🥰

pünktchen

@lachuli danke für dini Erfahrig I ha Kontrolle nörchst Zistig...
Will i aber nörchst Wuche am Mittwoch Training ha und denn gern dNochricht wör verzelle, das mir au Programm chönd apasse bzw. i nüme "mue" turne, bini mir am überlegge, zum bi de FA nohr zfroge ob i de Termin evtl. au chönt uf de Fritig oder Mentig legge, das i sErgebnis bis am Mittwoch han.
Je noch dem wie lang das i bi minnere FA mue uf sErgebnis warte, wärs allefalls sinnvoll.
I wird sicher brichte sobald i dKontrolle hinder mir ha.

lachuli

@pünktchen i verstand di. 😉 Bin gspannt uf din Bricht. Wird bestimmt alles guet si. 😉

pünktchen

I bi au sehr positiv igstellt ☺️ hend jetzt aber gad besproche, das mir de Untersuech vom Zistig abwartet und wenn de Ultraschall unuffällig isch, werdets mir bereits de erste sege egal wa de Bluettest denn no seit.. 😊
Wenn de Uffällig wär, gits jo eh no wiiteri Undersüech und da zücht sich denn worschindlich recht und so lang chönds mir eh nüme für üs phalte 😁
Wünsch eu en erholsame Obig 🥰

lachuli

Mir händs au so gmacht 🙂 😉 wenn Nackenfaltenmessig unufällig isch chasch es scho ohni Problem verzähle 🥰😍 i han scho die erste Baby Kleider kauft... 😉

Meeko

bi denn genau mit dä 12. Wuche fertig und chume i die 13. 😊 ja händ au gseit, wenn dä Test bim Frauearzt unuffällig isch, verzellis denn au bim schaffe… mümer eus nachli gedulde 😅 oh so schön @lachuli die erste Baby Chleider uf das freuii mi au scho mega 😍 weisch du eigentlich dis gschlecht scho?

lachuli

@Meeko ah schön 🙂 den wirsch am Fritig e schöns Baby gseh wo sich schön bewegt 🥰
I weiss sGschlecht nonit. Wart immerno uf Ergebnis vom NIPT Test... I hoff i bechum die Wuche Bscheid 🥰

Meeko

Ja ich hoffes sehr, danke 🥰 gibe eu denn Bscheid wies glofe isch 😊 ah das gaht doch so lang, mer bruched viel Geduld 🙈

Meeko

hoi zäme, shät mi leider au verwütscht mit corona, trotz vorsichtig gsi 😔 jetzt hani min Termin müsä schiebe um e wuche 😢

pünktchen

@Meeko oh naii!! Du Armi 😩 wünsch dir ganz gueti Besserig und hoff das dir nöd zu schlecht goht

lachuli

@Meeko oh nei wie doof... Das blöde Corona goht extrem ume...

I Hans hüt an Team mitteilt und sie händ sich meeega gfreut 🥰
Jetzt bin i total erlichtert 🥰😍

Juno

@Meeko gueti Besserig! Hoffe es gaht dir und dim chline guet!

Hebed eu all sorg.