September Baby's 2022 ❤️☀️

Meeko

danke eu vielmal 🙏🏻😘 sisch zum glück nöd allzu schlimm und kei fieber bis jetzt… händ mer aber all gseit, ich müss mer kei sorge mache weg em baby, hoffe sgaht em guet 🍀

lachuli

Schön hesch mit starki Symptom 🥰 es söll so bliebe 🥰 😍

UmpaLumpa

Hallo mitenand

(jetzt häts mer de ganz text glöscht wili irgendwo druff cho bi 🙉🤷‍♀️ drum halti mi dasmal churz 😅)


Ich bi idä 12 bald 13. Wuchä... Mit mim 2. Chind...

Leider freu ich mich so guet wi garnöd uf diä schwangerschaft und s baby es isch alles nur mühesam... Leider... Obwohl ich mir sehr es gschwüsterti wünsche für mini gross 🥺 und mich eigwntli au uf familie zuewachs freue... Es tuet mer au mega leid dases so isch... Wühr das sehr gern ändere.... Kännt das vilich öpper wo au zum 2. Odr 3. Mal mami wird?

Dezuä chunt no dasich en ganz en grusige gschmack im muul ha wo ich eifach ned wwäg bringe 🤷‍♀️ de macht mi wahnsinnig
( Übelkeit hani mit medis unter kontrolle)
Hät vilich öpper en tipp?


Ich ha im gsamte au scho 3 fehlgeburte hinter mir weiss ned ob das a dem liht 🤷‍♀️🤷‍♀️

UmpaLumpa

...... Und schowidr bini irgwndwo druff cho 😅😂 sorry.....

Joo also ich wühr au gern so positivi sache schriebe wiä ihr....

ich ha im moment au no corona mit relativ starche symptom aber mitem baby isch alles guet es hüpft wi en gumpiball umenand 😃👍


So jetzz hanis glaub gschafft...

Hoffe stört niemert dasi mi da schnell chli uskotzt ha 😁

lachuli

@UmpaLumpa herzlich Willkomme in unseri Gruppe. I hoff du chasch di bald ufs Zuwachs freue... I han 2 Fehlgeburte ka und gseh dass jetzt als e Wunder dass es jetzt klappt het 🥰 freue mi richtig uf mis Baby 🥰
Wie alt isch dis erste Kind?
Wägem Gschmack im Muul hilft mir Kaugummi und mehrmols Zähn putze... Mundspüelig hilft au... I has nit so extrem... 😉

Meeko

danke @lachuli 🙏🏻😘

Meeko

hoi @UmpaLumpa willkomme bi eus 🥰. Ich glaub, isch wichtig dass mer sich au mal uskotze cha und sini gfühl loswerde… häsch mit dinere Ärztin über das gredt?

Hoffe sehr, dass bald wieder gsund wirsch und schön gahts dim Baby guet 😊🍀

pünktchen

@UmpaLumpa da isch de Ort wo sich doch jede eifach mol uschoze dörf 😊 und mach di nöd selber fertig weg dine Gfühl wo du hesch! Ich wür dir empfehle mol mit de FA oder anere Hebamme drüber zrede. I denk die hend das sicher scho meh ghört und chönt dir helfe, das du di bald besser Fühlsch und du di uf alles wo chunt chasch freue 😁
Wünsch euch allne en schöne Samstig Obe 🥰

UmpaLumpa

Hoi zämme danke eu viel mal 🥰

@pünktchen Jo ich ha mit minere hebamme gredet und bi sogar binere schamanische heilig gsih leider hät das bis jetzt nüt gnützt abr jo min partner seit mer ebe au dasi mi zfescht i das gfühl drii steigere... Abr nach minere meinig tueni alles defür dasich mis 2.baby au so cha liebe und akzeptiere wiä ich das bi minere tochter ha chönne 🤷‍♀️ vilich hani au angst das mini tochter z churz chunt wänn s baby bi eus isch und das wott ich ihre eigentli ned ahtue sie isch doch min gröschte schatz 🙉...

@lachuli jo das mitem kaugummi, täfeli, zähputze würkt leider nur grad 2min 😅🤷‍♀️

Abr jetzt verabschiedet sich bi mir eh min gschmack wägem corona 🙈🙈 vilich hilftmer jo das 😁😅🤷‍♀️....

@Meeko danke diir... jo du s schlimmste hani hoffentli hintermir 👍🍀



Schön sich dörfe ustusche und natürli au chli mitläsä 👍😊😊🤗

Wünsche eu no es schööns rest wucheend 🤗

Gröipschi

i mische mi hurti dri.. @UmpaLumpa mir ischs im fau öpe glich gange, ha unbedingt es zwöits wöue, bi de grad schwanger worde aber ha mi überhoupt nid gfröit, has nid mou öperem wöue verzeue... bir erschte kontroue isch ä schiuddrüeseungerfunktion uscho, ha när tablette gno u de isch mini stimmig chli besser worde.

jo när hani geng dänkt, geit jo no lang, bis das bebe do isch... am ET hets gheisse, müess am obä go ileite. i schäme mi chli, aber i ha grännet ufem heiwäg... ha mi soo nid gfröit u dänkt, wiso hani nume es zwöits wöue, isch doch super gsi, wis isch, und dr arm gross berchunt iz de weniger ufmerksamkeit, cha ds zwöite eh nid so liebe wi ds erschte u das chunt iz üsi familie cho kaputt mache...

i ha när ä tolli schnäui geburt gha, chum hani mi chli bueb i de arme gha, hani grad gwüsst, dasi aues wirde gä u mache für ihn u bi so vouer liebi gsi 🥰
chunt guet! wünsche dr aues guete u ä schöni schwangerschaft

pünktchen

Hei ali zeme 😊
Ich bi langsam chli nervös uf de Zistig 🙈 ha denn de Untersuech mit Nackenfaltemessig..
Mi würs mol interessiere, wie dick bi eu dNackefalte gmesse worde isch? 😊 I hoff am Zistig denn möglichst schnell zgseh ob sHerz no schloht und sich sChline au bewegt 🥰 ha chli eh mulmigs Gfühl will i überhaupt nüt merk 🙈 aber da isch jo bi villne normal und drum versuech i möglichst entspannt und positiv dranane zgo 😊

lachuli

@pünktchen am Zischtig hesch endlich Kontrolle 🥰 wird bestimmt alles guet si... Wie dick weiss i nüm aber es isch sehr unufällig be mir gsi.. Au Bluet Wert sind super gsi 😍 i sött die Wuche sGschlecht erfahre... Bin gspannt wenn i endlich de Aruef bechum 🥰😍

Esperanza

Hallo mitenand,

Ich bi neu do. Mir sind usem Kanton AG (Region Fricktal) und dr ET isch dr 7.10
Ich hoff ich darf mich au no ind September Gruppe go dri mischen

Es isch unseres 1. Kind und ich würd mich übere ustusch mit andere werdende Mamis freue & natürlich au über neui Bekanntschaften egal wo her und wie viel Kids ihr scho hend.

Hätti die einti oder anderi Interesse en What's App Gruppe erstelle für alli wo im Herbst 2022 en Kind erwarten?

Ich freu mich vo euch z ghöre.

lachuli

Hoi Esperanza
Klar chasch be uns debi si.
Herzlich Willkomme 🥰

@Alli i han Ergebnis vom NIPT Test becho 😍 i bechum e Bueb 💙 Resultät sind au super 🙂 😉

Esperanza

@lachuli danke vielmol. Ich freu mich.

Gratulation zum Bueb😀

Sorry mini Frage, es isch mis erste kind. Was isch genau dr NIPT Test. Isch das empfehlenswert zum mache?

lachuli

@Esperanza das glaub i dir 😉 😃
Danke 😊

Also de NIPT Test isch e grösseres Bluet Bild wo chasch mache zum luege wäge Trisomie etc zusätzlich erfahrsch au sGschlecht 🥰

Be mir isch Nackenfaltenmessig unufällig gsi und i hätts nit muesse mache mir händs welle mache 🙂 😃 bin froh sind Resultät guet usecho und mir wüsse jetzt au was es wird... 😉

Meeko

@lachuli gratuliere dir zu dim Bueb, so schön weisch es jetzt und dass dwert alli guet sind 🥰😍

und @Esperanza gratuliere dir au zu dä Schwangerschaft und willkomme bi eus! Schön wachst Gruppe immer nachli. Whatsapp wär eigentlich na e cooli idee 😊

@pünktchen denke hüt fest a eu, brichtisch denn wies gsi isch 🍀🌸 es wird sicher alles guet si, freu di druf dis chline wieder zgseh 😍

pünktchen

@Esperanza Herzlich Willkomme bi üs und au dir Gratulation zur Schwangerschaft.
@lachuli oh so toll Hesch eh Wunschgschlecht gha oder isches dir nöd druf ah cho? <br> @Meeko danke dir Ha de Termin nochem Mittag und wenn alles guet lauft wird is hüt Nomitag denn au gad am Chef sege. <br> I meld mi bi eu und tue brichte!

lachuli

@pünktchen viel Spass bim Termin 🥰 😍 wird bestimmt alles guet si. 😉 😃

Mir isch es egal gsi was es wird. Min Maa het e Bueb welle 😍🥰

pünktchen

Hei zeme 😊
De Termin isch super gsi 🥰 gseht alles unuffällig uus 😁 möcht jetzt hüt Nomitag mit mim Chef rede das mers nochher allne chönd verzelle 😁

Meeko

@pünktchen das freut mich riesig für dich!! 😍 soo schön, jetzt chasch es richtig afange gnüsse 🥰

Juno

@pünktchen: freu mich mega dass alls guet use cho isch!
@Esperanza und UmpaLumpa willkomme im chat, schön dass t Gruppe no immer wachst und au en "safe space" zum uschotze isch...

Hoffe eu gahts allne guet bzw ihr sind eu am erhole!

Sit en Endi vom 1. Trimester bzw Afang 13ssw bin ich mega müäd, mini fa isch nur chli erstuhnt gxi und het gmeint normalerweise is umgekehrt, gahts sust no öpperem so? Egal wasi mach chönnt ständig schlafe... Ise isch glaub ok sust het sie sich gmulde...

lachuli

@pünktchen so schön 😍 freu mi für di. Wie isch Gschpröch mitem Chef gsi? 😃

Esperanza

@lachuli: danke für d Info wegm NIPT Test. Due mi Arzt mol druf ah spreche.

@alli: ich freu mich drbi si und neui lüt kenne lernen.

Isch öper us dr Region AG?

Esperanza

Wie gohts euch?

Ich ha ufgrund vo extremer übelkeit, Rückenschmerzen & sonstigi wehwehchen mi Arbeitgeber scho in dr 9. Wuche müesse über mini Schwangerschaft informieren und bi jetzt krank gschribe worde für mind. 2 Wuche. Jetzt bin ich in dr 11. Wuche.

Gits no mehr vo euch mit ähnliche Problem? Oder bin ich allei?

enelaa94

@Esperanza Mir gahts leider genau glich. Han Corona gha afangs februar und sit her ständig am kränkele. Bin jetzt ide 14 und isch nöd besser. Mini het mi nöd krankgschriebe, muess 100% go schaffe. Wenni dehei bin, bini nur am schlafe oder chotze🤣 Leider kein Tag vo minere SSW bis jetzt chöne gnüsse:-(

Esperanza

@enelaa94 : liebi enelaa94,

Ich ha gschafft bis vorere wuche, mir sind imene 3er Team und beidi hend glichzitig ind Ferie wele, denn hani denkt: chum das packsch die paar Täg - hani au bi stolz uf mich aber bim Arzt, bin ich denn in Träne usbroche, ha eifach nüm chöne.

Wege mine Beschwerden hani eigentlich scho endi Februar en krankschribig becho aber gseit, ich möcht lieber keini und no witer schaffe - jetzt gohts leider aktuell gar nüm.

Wenn hesch du dr Termin? Chasch di jo mol per PN melde, wenn möchtisch.

Wenigstens bin ich nid allei

lachuli

@Esperanza i Wohn im Rhyfelde Kanton Aargau. I has Glück ka dass i nit so mit Übelkeit zkämpfe ka han.... Chli flaue Mage meh nit...
Han viel meh mit Müdigkeit zkämpfe 😉😊

pünktchen

@Juno danke dir ❤️
@lachuli de hets scho gahnt und mir aschinend scho agseh 🙈 und isch eh mega schös Gspröch gsi.. Er freut sich für üs und het irgendwenn au demit grechnet ☺️ im Gschäft hets hüt Nomitag zum Teil scho dRundi gmacht wa aber voll Okey isch 😁

lachuli

@pünktchen oh wie schön 😍 freu mi für di. Mis Team kümmert sich au meega um mi.. Isch meeega süess 😍

Meeko

@pünktchen mega schön hät ers so toll ufgno, das isch mega guet, wenn mer au vom gschäft so support bechunt 😊

@enelaa94 oh man das doofe Corona, ich has letzt Wuche au gha, hoffe sblibt bi dem 🙈 hät sie dich gar nöd krankschriebe? also au nöd reduziert? 😕

pünktchen

@Meeko viel Glück bi dim Termin hüt 🍀 gnüsses und brichtisch üs denn 🥰

Meeko

hoi zäme wie gahts eu allne? 😊 ich bi sit em fritig i dä 14. Wuche und ha langsam würkli au wieder me energie 🤗

Daanke vielmal @""pünktchen" ha dä Termin erst am Zistig, muss mich nachli gedulde, langsam haltis fast nüm us 🙈

lachuli

Hoi zämme 😊
Mir gohts guet. Han hüt vo de Schwögerin meega viel Baby Kleider becho und SS Kleider 🥰
Oh schön am Zischtig... I müess mi 1 Wuche gedulde... 😉

pünktchen

Mir gots au super 😊 hend jetzt ali Informiert und freuet sich ali mit üs mit ☺️ @Meeko Zistig isch jo bald 😊 gnüsses wenns eso wit isch 🥰 @lachuli oh da isch au cool ☺️ i ha mir letscht Wuche am Donnstig zwei Umstandshose kauft will i sit 2 Wuche nuno mit offne Hose umeglaufe bi und i mi nüme so wohl gfühlt han ☺️

lachuli

Morge zämme 😊
I han so viel Baby Kleider becho... Muess gar nüt meh kaufe in kleini Grössi... 😉 😃
SS Hose han i jetzt vier Stück.. Han au zwei kurzi Radlerhose becho die sind au super für de Summer 😊🥰
Und es paar witeri SS Kleider... 😉
Cha mi echt nit beklage...😉

Meeko

Hoi zäme es gseht bis jetzt alles guet us 🥰 bi sooo happy! 😍 am dunstig bechumi denn na d‘ergebnis vom 1.TT 🍀

uf baby chleider chaufe freue mi au scho riesig 😊 ha jetzt 1 umstandhose und leggings, bruche aber au namal es paar 🙈

lachuli

@Meeko schön isch alles guet 🥰 😍 Ergebnis wird bestimmt guet si 😍

I han viel Baby Kleider vo de Schwögerin becho und muess jetzt sortieren.. Au SS Kleider bin i guet usgrüstet. 😉

pünktchen

@Meeko so toll gseht bi dir au alles top us. Falls bi mim 1.TT öppis uffällig gsi wär het ich bis am Fritigobig öpis ghört gha. Do ich aber kei Telefon übercho ha, chan ich devo usgoh das alles unufällig und guet isch. E gueti Fründin vo mir het gest gad ires Baby übercho. Jetzt stiegt bi mir dVorfreud gad no meh uf de September bis üses Wunder denn uf dWelt chunnt. Ich bring zwor mini Hose nüme zue aber en Babybuch gsen ich au no nöd. Freu mi bis de Buch denn endlich richtig afangt wachse. Morn start i i di 15.SSW.

lachuli

I chan mi Buuch scho gar nümi verstecke... 😉 😃
Wird be dir sicher au bald sichtbar si... 🥰👌

Meeko

Danke eu 🥰 d‘Ergebnis vom 1. TT sind au alli guet 😊 hüt Nami segis na mim Chef, bi nervös 🙈

oh so schön, hoffe ihre und em Baby gahts guet und dass alles guet glofe isch 🥰

ich ha scho chli es Büchli, bi aber glichwiit wie du @pünktchen am Abig chanis nüm verstecke zäme mit em Blähbuch 🙈

lachuli

@Meeko oh schön 😍 viel Spass bi de Kommunikation 🥰 er wirds bestimmt guet ufnäh. Be mir freue sich alli riesig 😍

pünktchen

@lachuli schöön 🥰 i find en Babybuch so öppis schöns.
@Meeko freu mi für di das alles guet isch 😁 und wie het din Chef reagiert?
Jo am Obet hani scho en rechte Buch aber am Morge isch mega "flach" und me gseht leider no nüt... Freu mi bis i denn au en Buch ha ☺️

Meeko

er hät sich mega gfreut und mir grad paar Tipps gä, er hät selber vor 6 Monat es Chund becho 😊 Sehr wichtig: Baby früäh bi dä Krankekasse amlede (falls er das nanig gwüsst händ)

Jetzt wirds namal realer wenn mers afangt breit verzelle 😊

Juno

@Meeko: mega toll dass all Resultat guet sind und schön dass din chef so guet ufgnoh het

Ja finde au dasses immer realer wird je meh lüt s wüssed...
Ich ha s gfühl sit ichs mim umfäld gxeit han gxeht mer mis büchli meh😊 bin hüt idie 16. gstartet und ha afang april die nöchst undersuechig
Hoffe es gaht eu allne guet!

pünktchen

@Meeko schön wenn er sich so cha mitfreue 🥰
@lachuli i welere Wuche bisch du jetzt?

Gspührt öpper vo eu sBaby scho und wenn jo ab wenn hend irs Gspührt? ☺️ I mag chum warte bis is endlich regelmässig gspühre.

lachuli

Hoi zämme
Isch doch schön wenn sich de Chef so freut. I han am Mäntig mini Kontrolle bim FA freu mi scho riesig druf 😍
I spür no nüt isch aber mis erste Kind do muess i mi no ebitz gedulde ☺️

I bin jetzt in de 17 Wuche / 5 Monat 🥰🍀

Min Buuch gseht me au scho sehr guet 🥰

lachuli

Hoi zämme 😊
I wünsch Euch e ganz schöns Weekend 🥰👌
Am Mäntig han i endlich mini nächst Kontrolle 🥰 🍀

Meeko

Hoi zäme danke eu viel mal 😊 wünsch eu au es schöns wucheend, gnüsseds schöne wetter und hoffe sgaht eu allne guet 🥰😍

so schön @lachuli & @Juno chönder eues chline denn wieder aluege? 😍 gits wieder en Ultraschall oder was wird bi dä nächste Kontrolle gmacht? ha us luuter ufregig bi mim termin ganz vergesse zfröge 😃

lachuli

Ja be mir wird immer e Ultraschall gmacht 🙂 freu mi scho riesig druf min kleine Knopf wieder zgseh 😍 🥰 die nächst Kontrolle isch Organscreening döt chunt mi Maa den mit 🥰