September Baby's 2022 ❤️☀️

Juno

Ich gah au devo us dass en ultraschall gmacht wird.... Gfrögt hani abr au ned....bin jedes mal irgendwie voll überwältigt das mänschli zgxeg und vergiss denn fast all Frage woni gha han😊
Bi mir nonig organscreening drum mueni allai cho bi minre Ärztin isch nur 1x ä begleitig erlaubt wege corona. Min schatz chunnt denn bim screening mit.
Ich chann eu ja denn am 4.brichte
Wünsche eu allne ä ganz ä gueti wuche!

pünktchen

Hei zeme 😊
Hoff ihr hend ali sWetter da Wucheend gnosse ☀️
@lachuli viel Spass bim Termin 🥰 brichtisch denn wies gsi isch 😊

lachuli

Hoi zämme
Termin isch hüt super gsi 😍
Mis Baby isch schön gwachse. Has hüt wieder dörfe gseh. Isch unglaublich wie schnell Babys wachse 🥰
In 4 Wuche han i de nächst Termin den wird Organscreening gmacht und au de Zuckertest 🥰👌min Maa dörf au nur an eim Termin mitcho und er chunt jetzt mit für de nächst Termin 🥰 🍀

Juno

@lachuli: yeah🥳 meeega schön dass z ghöre!
Freu mich für dich dass alles guet isch!
Hoffe bi eu anderne isch au alles guet❤️

lachuli

Bestimmt wird be Euch alles guet si. 🥰

Meeko

@lachuli jee so schön, freut mich mega für eu 🥰 ab jetzt gebeds gas mit grösser werde 😍

freu mi au scho riesig uf min nächste, bi richtig froh, mümer jetzt nüm jedes mal soo lang warte 😃

@Juno bi die gahts ja au nüm allzu lang, brichtisch denn wies gsi isch 🍀

lachuli

@Meeko viele Dank 😍 ja sWarte chunt eim nüm so lang vor 😍🥰
Sie werde wirklich schnell gross 🥰

Wenn hesch din nächste Termin?

pünktchen

@lachuli schöön isch alles guet 🥰 freu mi für di mit 😁
I chume bi mim Buuch aktuell nöd drus 🙈 am Morge isch er zimlich normal und am Obet gsehn i us wie im 7.Monet Schwanger 🤔🙈
Wie machet ihr da mit Süessigkeite? Wie viel Esset ihr oder verzichtet ihr Komplett? I ess nöd mega viel ha aber mega Angst vorere Schwangerschaftsdiabetes 🙈

lachuli

I han scho am Morge e Buuch... Dä goht nümi weg 😊😉
Am Obe isch mi Buuch au grösser 🥰

I han Süssigkeite nit so gern.. Wenn den salzig... 😉 I iss nach dem was i Lust han. Lueg eifach das i usgwoge mich ernähre tue 🥰
I han in 4 Wuche de Zuckertest... Han au kei Lust uf SS Diabetes...

Meeko

morge zäme 😊 also min buch isch am abig au wie im 7. 🙈 aber ich glaub das isch au normal, will halt alles dehnbarer wird 😅

ich iss au na schoggi & guetzli, luege eifach dass isch nöd viel ufs mal nimm und dass ich suscht nöd viel sache mit zucker iss, süessgetränk han ich zum bispiel gstriche (ha die so gern 😅), möcht das nämlich au nöd ha..

ich ha min nächste Termin am 20.4 😊

lachuli

I han mim Termin grad nach de Ferie. ☀️ 🥰 Am 25.04...sWarte wird dismol einfacher si... 😉 😃

Meeko

oh so schön, wo gönder hi? 😊

lachuli

Mir gönt über Ostere 10 Täg uf Lanzarote 🥰🌴☀️

Juno

Oh man wird wohl nix mitem termin morn... Mich het irgend e verchältig odr gripp verwütscht, hueste halsweh chopfweh schnupfe gliderschmerze... Gah etzt go pcr test mache hoffe isch wenigstens kei corona und natürlich dasses em chliine guet gaht....

lachuli

@Juno oh nei 😔 wünsch dir gueti Besserig 🍀 i hoff hesch kei Corona.
Dim Baby gohts bestimmt guet 🥰

Juno

Mich häts leider verwütscht... Bin positiv
Zum Glück bisher kei hochs Fieber hoffe bleibt so

lachuli

@Juno oh nei du Armi 🙈 i hoff du wirsch keini starke Symptom ha... Druck dir ganz fest Dume 🍀

Mir fliege hüt zruck ind Schwiz.
Family vo Spanie 🇪🇸 hets erfahre und freue sich riesig 🥰

Meeko

oh nei @Juno wünsche dir ganz gueti Besserig und hoffe, dass es en milde Verlauf häsch! Das mit em Termin isch mega doof, ich kenns, aber dim chline gahts sicher guet 🍀

@lachuli mega schön 😊

mir gahts sowiit guet, jetzt wirds langsam real, freu mi druf denn die erste Chleider zposte 😍

lachuli

I han scho die erste Kleider postet 🥰😍
I freu mi wenn i mi Babyboy sErste mol spüre tue 🥰

pünktchen

@Juno wünsch dir gueti Besserig und gueti Erholig! 🍀 @lachuli oh uf da freu ich mich au ☺️ hoffe isch i wenige Wuche de Fall 🥰

lachuli

I han e Vorderwandplazenta und muess mi darum no echli gedulde... 😉 😃

Meeko

uf das freui mi au mega fest 🥰 muss nächst mal fröge ob mini vornä oder hine isch, letzt mal total vergesse 🙈

lachuli

I has au erst bim letschte Termin gfrogt... 😉 😃

heiempüps

Hallo ihr lieben, so ech ha mech etz mal betz wele informiere was es alles so geht för werdendi Mamas, ond be of de of euche forum cho..ech fends no schön sich so ere groppe döfe usztusche..ech erwarte mis erst bebe ond freu mi das es nach 2 Fehlgeburte klappet hed met eusem chline wunder😍 ech gratuliere euch allne zo de wunderbare September Bebes ond wönsche euch vell kraft ond energie ond lueget guet zo euch...ech ha emmer weder betz motivationsproblem ond s schaffä em Büro macht met de müedigkeit au ned so vell spass. Om so meh freui mi jede morgä ond abe min buech azlänge ond z wösse das do öpis wonderbars entstoht❤en guetä nomitag

Juno

Willkomme ide Gruppe und gratuliere vo Herze!

Ja isch es mega schöns Gfühl z wüsse dass im Buch sones neus Lebe entstaht, scho es Wunder ❤️
Häbäd eu Sorg!

lachuli

@heiempüps herzliche Willkomme in de Gruppe 🥰 i han au 2 Fehlgeburte ka.. Freue uns riesig dass jetzt alles guet isch 🥰 i han au müeh mitem schaffe.. Aber gseh wie min Buuch wachst macht mi happy 😊

Meeko

Willkomme @heiempüps und gratuliere zur Schwangerschaft 🥰 ich schaffe au im Büro und ha aktuell mega müeh mit dä Motivation au will ich weiss, dass ich nachher für e längeri Ziit wird weg si 🙈

Meeko

Hoi zäme wie gahts eu? ich bi sit letzt Wuche i dä 17. Wuche und freu mi riesig uf dä Moment, wo mer sBaby serst Mal gspürt 🥰 sind ihr scho dra am Möbel, Kinderwage etc kaufe oder wartet ihr na biz?

lachuli

Hoi zämme
Mir gohts guet 😊
I chum morn in die 20 Wuche 🥰
I has Gfühl i spür mis Baby scho liiicht han e VWP....
Möbel werde mir nach de Ferie grad go aluege und poste... 😉 😃
Wüsset Ihr scho wo Ihr Möbel wänd go kaufe?

Juno

Bin hüt ide Kontrolle gxi, alles guet zum Glück ❤️ und mir gahts au scho vill vill besser, bin jetzt ide 18. Wuche.
Mir händ Corona langsam überstande...
Händ scho es Bistellbettli vo tutti, Kommode nimmi die vom Opa und zimmere selber ä Wickeluflag druf, Schrank suechemer no sind no mega unsicher wägäm grössere Babybettli abr wahrschindli chaufemer denn spöter eis.

Juno

Ich has s Gefühl ich gspür au scho öppis.... Vor allem wenni ganz ruhig lige was die letst Wuche oft de Fall gxi isch gspüri so fiin wie Blöterli 😍
Fang morn widr a schaffe hoffe wird ned z streng wünsche eu ä schöni Wuche

pünktchen

Hei zeme
Schön gots allne (wieder) guet.☺️
Mir gots au guet. Bi i letschter Zit viel Müed und mer das sChline Energie brucht zum wachse. 🥰 I rutsche am Donnstig i di 18.SSW und wsrte drud bis i sChline bald dörf gspühre. 🥰

Meeko

hoi zäme, so schön gahts eu allne wieder guet und @Juno dass dini Kontrolle guet gsi isch 🥰 ich han am nächste Mittwuch die nächst, freu mi wieder riesig 😍

Möbel gömer glaubs mal imene Babylade go aluege und machets au mit sonere Wickeluflag. wo lueget ihr so? au online? Babybettli chömemer evtl. eis über

lachuli

Hoi zämme 😊
Schön gohts Euch allne guet 🥰
dMöbel gömer nach de Ferie go aluege 🥰

lachuli

Wünsch Euch allne schöni Ostere 🐇 🐣 🐥 i bin Ferie am gniesse. Mir händ echt Glück mitem Wetter 🥰
Wenn händ Ihr de nächst Termin?
Spüret Ihr Eures Baby scho? Wie fühlt sichs ah?

pünktchen

Gnüssed ali no de letscht Ostertag ☺️ min närchste Termin isch morn innere Wuche, muesen aber worschindlich no verschiebe will mer öppis dezwüschet cho isch 🙈
I bi jetzt i de 18.SSW und spühr no nüt 😅 i warte jede Tag druf das i vilicht öppis gspühr, weiss aber au dases au no paar Wuche cha go 😁 freu mi wenns so wiit isch 🥰

Meeko

hoi zäme hoffe ihr händ schöni Ostere gha 🐰☀️ ich ha morn min nächste Untersuech, bi jetzt i dä 18. Wuche und ich glaub ich ha mis chline scho gspürt gester morge, bi chli unsicher, wills na früäh isch, aber würkli chli wie Seifeblase, wo platzed 🥰🥰😍

lachuli

@Meeko oh so schön 😍 do i no in de Ferie bi gohts mir super... Dass mit de Seifeblose han i au ka... Jetzt han ich sGfühl i spür ihn echli stärker 🥰

Meeko

kontrolle isch alles guet gsi, händ leider nöd so viel ziit gha, will sie ane geburt hät müsä 😃 ha e rückwand plazenta, drum hanis wahrschinlich würkli scho gspürt 😍🥰

bi dir isch alles guet gange bim reise? gnüsses wiiterhin na ☀️😊

lachuli

Schön isch alles guet gsi bi de Kontrolle 🥰
I han e Vorderwandplazenta darum spür ichs au nit so stark... Binere Hinterwandplazenta spürsch es vorher 🥰😍

lachuli

@Meeko Reise isch guet gange und i gniess no die letschte Täg Ferie ☀️ 🌴

Bell

Hat vielleicht jemand Interesse an einem Bauchgurt Grösse M von Jobst. Mir ist er leider zu klein 😳. Ich habe ihn nur so 5x getragen. Würde ihn für 100 Chf verkaufen.

lachuli

Hoi zämme 😊
I han hüt Organscreening ka. Alles isch guet. Han tolli Bilder becho. Mir sind meega happy 🥰

Juno

@lachuli mega schön! 😊
Wünsche euch allne e gueti wuche

lachuli

I wünsch Euch au e schöni Wuche 🥰 🍀

pünktchen

Hei zeme ☺️
@lachuli so schön isch alles guet 😁
Ich ha hüt ende 19.SSW binnere Hebamme untersuech gha ☺️ alles so wies sött si 🥰 i 3 Wuche hani denn au sOrganscreening ☺️
I warte druf das i sChline hoffentlich bald dörf gspühre 🥰 bi mir jetzt scho ab und zue unsicher ob ichs evtl. ganz fiin gspühre 🙈 i wörs chli wie en Puls beschriibe 😅 bi mir aber gar nöd sicher obs da würkli isch 🙈 i freu mi uf all Fäll druf wenn is denn mit Sicherheit cha sege 🥰

lachuli

@pünktchen schön gohts dim Baby au guet 🙂 du wirsch dis Baby sicher bald au spüre... I merks vorallem wenn i lieg. Mittlerwile isch es au spürbar wenn ich sitz ... 😉
Hesch e Vorderwandplazenta?
I ha das zum Biespiel darum isch es au länger gange bis ichs gspürt ha... Und Tritt sind nit so fest...

Meeko

Hoi zäme @lachuli so schön isch bi dim chline alles guet, ich ha mis mitti mai, freu mi au scho wieder druf 🤗

@pünktchen bi mir am afang au nöd sicher gsi, aber mittlerwiili chani das ggühl recht guet erkenne, und hüt hät sie sich au im sitze am tag bemerkbar gmacht 🥰😍 wird sicher au bald bi dir me 😊

merked ihrs langsam au, wenn ihr viel hocked i dä bei/rugge? nach eme tag schaffe, bini recht verkrampft 🙈

lachuli

Morge zämme 😊
Rucke goht eigentlich no guet..
I merks an de Bei und Fuess.. So lang stoh isch astrengend worde...
Aber süscht müess i sage gohts mur meega guet 🥰
Morn isch es sowit... Denn gömer Möbel fürs Baby go kaufe wie au de Babywage 🥰

Meeko

@lachuli schön gahts dir super 😊 sinder fündig worde? für wele Wage händer eu entschiede? 😊