September Baby's 2022 ❤️☀️

lachuli

Hoi zämme 😊
Ja mir sind fündig worde. Händ de Easy Walker Jimmey gnoh. 😉
Und Baby Zimmer hämer au usgwählt und kauft. Jetzt mueh mir warte bis mir alles chönne abhole 🥰

Han hüt Wuche Wechsel und befinde mi jetzt in de 23 Wuche.

Unseri Gruppe isch echt chlei... Sind nit so viel wo's Kind im September bechöme.... 😉

Meeko

hoi zäme wie gahts eu? 😊

Ich bi sit em Fritig i dä 21. Wuche und langsam gspüri die chli richtig guet 😊

Mir händ jetzt au die erste Möbel kauft und freu mi druf s‘Zimmer izrichte 🌸

Wünsch eu na es schöns wucheend

lachuli

@Meeko mir gohts super. Isch schön wenn me sbaby me gspürt 🥰 sind Möbel scho be Euch dehei?
Mir muend warte... Freu mi au wenn i chan mitem irichte starte... 😉

Juno

Ja isch ä chlini September Gruppe 😉
Schön z ghöre dasses eu guet gaht!
Ich bin ide 22ssw und ha morn s screening freu mich scho mega au dass min schatz dörf debii sie bin abr au scho nervös....
Mir händ unerwartet Möbel und au vill chleidli gschänkt becho und händ alls scho gholt und sinds jetzt gmüätlich am ufbaue

lachuli

@Juno schön gohts dir au guet. Oh wie schön 😍 gniessets 🥰 min Maa het bim Organscreening au serst mol dörfe mitcho 😍 i Lern am Donnstig endlich mini Hebamme kenne...

Oh toll händ Ihr Möbel und Kleider becho... I han scho es paar Kleider wart aber no ufd Möbel.... I hoff i muess nümi all zu lang warte 🥰

pünktchen

Hei zeme ☺️
I bi sit letscht Donnstig ebefalls i de 21.SSW 😁 ha ab und zue sGfühl das i sChline chönt gspüre, bi mir aber sehr unsicher 🙈
Mir wartet no mit viel Sache bsorge will mir Ende Juli ine grösseri Wohnig züglet 😁 denn wird ab denn alles igrichtet ☺️
Nörchst Wucha hani sOrganscreening und freu mi riisig druf zum sChline Würmli wieder zgseh 😍 isch jetzt scho 2 Mönet her will i de letscht Untersuech binnere Hebamme gha han ☺️
Wünsch eu eh gueti Wuche

lachuli

@pünktchen schön isch be dir au alles guet 🥰
I Lern am Donnstig mini Hebamme kenne... Sie het mir letscht mol de Termin muesse verschiebe... Und jetzt hoff ich dass es def am Donnstig stattfinde tuet. 😉

I hoff mir chönne bald Möbel go hole den chan i mitem irichte afo... Muess mi aber sicher bis Juni gedulde...

Juno

Bi eus isch alles super!
Er isch schön gwachse und alles isch so wies sie sött! Er het grad am tume gnuggelet bim organscreening ❤️
Da er oft vorne höchi buchnabel liit gspür en scho mega guet au min schatz chan mit de hand Kontakt ufneh. Mer gespürt au wenner de hitzgi het vo usse mega guet...
Wünsche euch ä schöni Wuche

lachuli

@Juno so schön isch alles guet. Min Maa cha min Kleine vo use nonit spüre... I han e VWP.... Goht glaub no echli länger bis ers spürt...
Hiksi han i bis jetzt au nonit gspürt.... Immerhin spür i Bewegige und Tritt 🥰

JennyHelin

Ich ghörre zwar ned ih die Gruppe aber liese immer gern mit ❤️ und ich freu mich für euch alli ... vorllem für @lachuli ha dini gschicht immer mit verfolgt und ich freu mich so für dich das es endlich so lauft wie es söt ❤️❤️❤️❤️

lachuli

@JennyHelin viele Dank für dini Wörter 🥰 😍 mir sind oberglücklich und chönne sGlück gar nonit glaube... Und jetzt wo i mi kleine meh spür... Fehle mir eifach Wörter 🥰😍

Juno

Ich hoffe es gaht eu allne guet und ihr gnüssed das wunderschöne wetter😊

@lachuli hoffe s kennenlernen vode hebamme isch lässig gxi

Gits eigentlich ä whatsappgruppe woni irgendwie verpasst han oder isches eifach so so ruhig da ide Septembergruppe?

lachuli

Ja isch super gsi bi de Hebamme 🥰
Bin zfriede. Sie chunt im Juli zu mir hei für de Geburtsvorbereitigskurs... 😉 😃 Und den nimm ich sie in Aspruch bim Wuchebett.
E WhatsApp Gruppe hämer nonit..
Mir sind wirklich e kleini Gruppe... 😉

Meeko

hoi zäme, mega schön zlese dass es eu und eune chline guet gaht 🥰 Ufs Organschreening freui mi au mega, muss mich na 2 Wuche gedulde 😬 @Juno sicher en mega schönä moment gsi, wenns so am dume nuckelet 😍

Hüt isch min Wechsel i die 22. Wuche, ha sgfühl sgaht immer schneller 😅

mir händ letzt wuche mal s‘chinderbett ufgstellt und jetzt am Wucheend machemer na d‘Kommode 😊 Mir tünd aber au nöd gross irichte, da mer evtl Endi November zügle tünd 🙈

Händ ihr eigentlich na Summerferie plant? Wünsch eu en super Wucheabschluss ☀️

lachuli

@Meeko ufs Organscreening chasch di freue 🥰
Wuche gönt schneller ume... Bin jetzt au scho in de 24 Wuche.
Nächst Wuche wirds Babyzimmer gstriche und den hole mir Möbel ab und tuen so langsam ufbaue...
Summer Ferie hämer keini plant. Mir bliebe sicher in de Schwiz und luege spontan 😍

Juno

Wünsche euch allne es schöns und entspannt Wucheänd
Wett 1 Wuche anfangs August mit ere fründin no it ferie mit mim schatz machemer es paar verlängerti wuchenend und ich bliib de summer ide Schwiiz und mir gnüsseds eifach da😊
Ha au s gfühl t Ziit rast und das chline wunder wird immer grösser 😍

lachuli

Wünsch Euch au e schöns Weekend 😍🥰 Ziet goht wirklich schnell ume..
Jetzt chunt eins nachenander... 😉
Han au sGfühl das de Klei gwachse isch i merk richtig wenn er wach isch... Isch echt e schöns Gfühl.... 😉

Meeko

Hoffe ihr händ s’sunnige Wucheend gnosse ☀️ Ja s‘gaht jetzt würkli alles schneller, und dä Buch wachst au immer me 😊 die chli bewegt sich scho mega, min Fründ hät sie au scho gspürt 😍

Mir mached Endi Juni evtl na 2 Wuche in Südfrankrich, eifach ganz entspannt 😊

lachuli

I ha sWeekend meega gnosse. sWetter isch au meega schön gsi. 😍 🥰 Min Kleine spür i au scho guet. Min Maa het nonit sVergnüege ka...
Die Wuche wird sBabyzimmer gstriche und Möbel chöme ah 🥰

Mir händ im Juni au 1 Wuche Ferie und gönt es paar Täg uf Adelbode 😍

Juno

Mini Liebe September Mamis
Ich hoffe es gaht eu und eune chline Wunder guet?
Bi mir alls guet, gspüre de chli scho sehr guet und bin jedes mal mega happy
Min nästtriib isch chli überbordend... Händ alls umgestellt und etzt überall Löcher ide wänd vo mine handwerksversüäch🙄
Abr glaub chame rette...

lachuli

Hoi zämme 😊
Mir gohts au guet. Min Kleine spür i au viel meh und sogar bim schaffe 🥰 echt e tolls Gfühl 🥰
Mir fönd mitem ufbaue vo de Möbel nächst Wuche ah 🥰😍 freu mi scho druf 😍

Meeko

Hoi zäme, bi eus au alles guet, händ die Wuche s‘Organ-Screening gha und sowiit alles guet, bi mega happy 😊 ha sgfühl dwuche gönd jetzt viel schneller ume, sind nur na 4 monat 😊 mir sötted au mal afange zäme baue, händs eus vorgno für morn 😅

lachuli

@Meeko schön isch Organscreening guet use cho. Wuchene gönt wirklich schneller ume 🥰
Mir fönd nächst Weekend mitem ufbaue vo de Möbel ah 😊 freu mi scho ufs Resultat 🥰 be mir isch es bald nur no 3 Mönet 🙂😉

Meeko

@lachuli oh denn bisch du jetzt im 3. trimester, gratuliere 😍

Denkt öpert vo eu au über Wassergeburt na oder hät allefalls scho Erfahrig? 😊

lachuli

@Meeko nonit ganz... 😉 Aber gli... 😉 😃
Ich nit...😉 Kenn au niemerts wo's gmacht het...

Juno

So schön gahts eu guet!
Bi mir staht am Friitig de zuckertest ah, denn dörfi mis chline wunder widr gxeh❤️
Im moment macht er jede tag wenni verwache morgegymnastik und stramplet wie wild😍
Mir lueged etzt denn 3 klinike ah in züri gits ja vill uswahl... T hebamme lerni au gli kenne
Da das mini erst geburt sie wird hani gar kei erfahrig, wills au möglichst offe agah, will ich tänke so richtig merke was guet tuet chame erst wenn mer ide Situation isch, aber so zum entspanne it wanne stelli mir eigentlich scho als Option vor. geburt selber weissi grad ned.
Kenne au niemert wos gmacht het.
Villicht gits mitleserinne wo was dezue sege chönnd?

SHAYENNE

Ich ha e Wassergeburt gha 😉 Dörfsch mer suscht e PN schriibe wenn Frage hesch.

lachuli

@Juno oh schön chasch dis Baby am Fritig wieder gseh 😍 i muess bis Afangs Juli warte... 😉
Min kleine Schatz spür i au scho sehr guet jede Tag. ☀️
Dass beruihgt eim scho sehr.
Wünsch Euch e schöns Tägli ☀️

Meeko

@Juno so schön, mini chli stramplet aml au bim Yoga, so es schöns Gfühl 🥰😍 Mir händ letzt Wuche eus fürd Klinik entschiede und mini FA meldet eus jetzt a 🤗

Danke für euri Angworte! 😊 Ich stells mer ebe au na entspannend vor und söll ja au für dä Körper na guet si, drum bini mich chli am informiere drüber 😊

Füxli

@Meeko i han 2 Wassergeburte ka falls froge hesch

Juno

Gester widr s wunder gxeh, het grad irgendwie yoga gmacht so mit füässli hinder de ohre😂
Leider hani ss-diabetes... Bin abr scho ide beratig gxi miss jetzt fliessig und krieg das sicher guet in Griff mit chli hilf
Hoffe ihr Gnüssed s schöne Wetter und s gaht euch guet!

lachuli

@Juno schön hesch geschterd dis Wunder chönne gseh... Mine het boxt bim letschte Ultraschall 😂😁
SS Diabetes wirsch bestimmt im Griff becho.
Mir händ hüt agfange Möbel ufbaue.... Müend die nächste Täg witer mache 🙂 😃

Meeko

hoi zäme, hoffe gaht eu guet 😊 @Juno das tönt ja herzig, scho lustig wie sie sich im buch beweged 😃 das mit em Diabetis chunt sicher guet, hoffe d‘Beratig hät der ghulfe! i 2 Wuche hani denn au dä Bluettest…

Mir händ am Wucheend au dMönel ufgstellt und vo dä Schwöster na e Ladig Chleider und suschtigi Sache becho, jetzt füllt sich langsam sZimmer 😍

lachuli

Morge zämme 😊
I han geschterd de 3 Trimester gstartet 🥰 in weniger als 3 Mönet isch es sowit 🥰
Bewegige spüre isch öpis wunderschöns 😍
I möcht Kleider jetzt afo Wäsche und in Wickelkommode inetue 😊
Wünsch Euch e schöns Tägli ☀️

Juno

Ach krass gaht plötzlich mega schnäll!
Mir händ au scho Möbel und ich ha au scho vill kleidli gwäsche und paratgmacht min schatz lacht mi bizz us abr ich bruch da irgendwie. Und er het denn au iefrig mitgemacht bim Bilder ufhänke und so. Wünsche euch au en schöne Tag

lachuli

@Juno sooo schön 😍 i möcht morn mit de Wösch afo... 😉 😃 Isch doch öpis tolls... I möcht jetzt au langsam afo 😍🥰

Meeko

Hoi zäme @lachuli mega, hoffe gaht dir immer na guet 😊 ich merk langsam dä grösser werdendi buch, weiss langsam nüm was alegge 😅

soo schön, ich has nanig gwäsche, ich kenn mich denn mussis churz vorher namal mache 😂 aber so irichte isch scho öpis tolls 😍

lachuli

Ja mir gohts guet. I merk putze wird immer wie astrengender... 😉 Zimmer irichte macht meeega Spass 😍 👌 i han die Wuche Ferie und möchte no es paar Sache poste fürs Zimmer 🥰

Meeko

ich han i 2 wuche Ferie, freu mi au druf ☀️ fahred na paar täg nach Italie und dä Rest nutzemer au na zum paar Sache poste 😊 schaffed ihr all na 100%?

Ich han am nächste Mäntig dä Zuclertest, freu mi aber mis Meitli wieder zgseh 🥰

lachuli

Morge zämme 😊
@Meeko schön hesch gli Ferie ☀️ 🌴
I gniess die Wuche Ferie sehr 🥰
Geschterd hämer sBett ufgstellt und i han es paar Sache no kauft ka 🥰
Jede Tag chunt öpis neus ins Zimmer 😊😃es macht richtig Spass 😍 👌

I schaff no 100 %.
Min nächste FA Termin han i erst Afangs Juli. Muess mi no ebitz gedulde ☺️

Juno

Mit gnüssed au grad es verlängerets wuchenend tuet voll guet
I schaffe wie bisher 80% ab August chunnt mini mueterschaftsverträtig. Ich mach denn 8 Mt pause
Wie mached ihrs?
Gnüssed das schöne Wetter!

lachuli

I möcht bis Endi Februar 2023 Muetterschaft mache und den schaff i 80%. Han e Füehrigsfunktion... Min Maa passt den ufs Kind uf bis Endi Mai. 🥰😍

Meeko

Hoi zäme! Hoffe ihr verträged d‘Hitz einigermasse? i dä Badi isches super gsi, aber dihei hani denn scho chli müeh gha 😅☀️

ich mache 6 monat muetterschaft, nachher reduzieri au uf 80%

hüt hani dä Zuckertest, hoffe isch alles in Ordnig 😊🍀

Behappy22

Hallo zäme

i be ede 30SSW und due uu schlächt schlofe-schlofe emmer guet ih und den so ca. am 1.00beni secher för 2std wach.gotz öperem vo euch au eso?und wa mached ehr de so e dere zit woder wach send?

lachuli

@Behappy22 i han nur wenig Nächt wo so sind... I han au kei Lösig gfunde wie me schnell wieder i schloft... Bi den au 1 Stund wach...

Behappy22

@lachuli: e welere woche besch den?

Meeko

hoi @Behappy22 ich bi jetzt i dä 28. und ha das immer öfters… ich han agfange teilwiis sogar ufzstah und öpis zlese oder es hörbuech lose, bis ich wieder müed bin, will wach umeligge macht mich nur wahnsinnig 🙈

suscht gahts eu aber guet? mir fahred morn id ferie an Gardasee, freu mi mega ☀️☀️

Behappy22

hallo meeko
jo das tönt sehr ähnlech wie be mer.i be de meistens chli em internet onterwägs aber weni de weiss dasi am morge am 5i mues ufstoh zom go schaffe fallts mer ami schwer ruhig z bliebe znacht.
jo danke eus gotz söst sehr guet-baby wachst und gedeiht😊und wie gotz euch?
oh wie schön-ehr händ rächt gnüssets😊

lachuli

I chum in die 31 Wuche 🥰 🍀
Hüt han i Schwangerschaft Shooting ka und morn isch mini Baby Shower... 😉 😃 Freu mi scho riesig druf 😍 😍

Behappy22

oh wie schön babybuuch-shooting hämmer nöchst woche-freue mi sehr druf
demfall vell vergnüege bede baby-shower😊