Keuchhustenimpfung in der Schwangerschaft

hane

Hallo zäme, wer het alles i de 🤰🏻 gege Keuchhusten la impfe la? Öpert Erfahrungen?

minggi

Hallo, ich und mii maa hend üs damals la impfe. Alles guet gange ohni näbewürkig. Mittlerwiile wüssti aber nid obi binere 2 ss numal würdi...

SHAYENNE

Has i de 1.ss gmacht. Jetzt i de 2.ss nüme

hane

Darfi frage wiso nüm i de 2ssw?

farfalla83

Mir hend üs bi beidne ss loh impfen 💉 ohni nebewerkige👍🏻

SHAYENNE

@hane In de erste hets für mich gstume mich z impfe gäge Keuchhuste. Jetzt i de zweite hani Corona Impfig macht nach langem überlege. Und für mich isch das jetzt gnug a Impfstoff xi i de Schwangerschaft. Usser dem duet mer normalerwis all 10 Jahr Keuchhueschte impfe und wills erst 4 Jahr her isch hani gfunde ich bruchs jetzt nüme. Ich weiss das mers impft das sChind en bessere Schutz het. Viellicht hetti anderscht entschiide wenns Baby uf de Winter ufd Welt cho wär. Aber es chunt wieder uf de Frühlig und er wird erst mit Jährig id Krippe gha. Bis denn het er die eigete Impfige becho.

AnDu88

Ig ha ir zweite SS Keuchhueste lo impfe, mi Maa und d Grosseltere heis au grad lo mache. Bide erste SS ischs komischerwiis gar nie agsproche worde 🤔😅Alles tip top gange ohni Nebewürkige.

Würmli2

Ech ha mi i de erst ss gäge Keuchhuste loh empfe ond werds jetzt bi de zwöit weder mache. Do das jo ned för mech sondern förs chline esch. Ha kenerlei Näbewerkige gha ond die chli esch gsond ond monter uf d'wält cho.
Wechtig esch secher das de Empfschotz vom nöchere Omfäld ou no aktuell esch.

rosa.

Ich ha mich nur bide erste impfe lah (und sganze nöchere umfeld au). Min FA hät gmeint, wenn ich innerhalb 4 jahr wieder schwanger bin, han ich na de schutz. Und somit hani bim zweite nüm

hane

Okey ja mega spanned, ih has drum ir 1ste ssw au gmacht kah aber ebe weiss nid ob ih söll mache isch 4 jahr her bald 😅

Vermiculita

Eine Freundin von mir wollte es machen (ist schwanger) und ihr wirde mitgeteilt, dass es zurzeit nicht genügend Impfstoff habe. Vielleicht erübrigt sich dein Grübeln auch von selber 😉 nicht dass du dich dafür entscheidest und dann nicht kannst ☺️