Covid Positiv in Frühschwangerschaft

pünktchen

Hei zeme 😊

I ha hüt en Covid Selbsttest gmacht wo leider Positiv azeigt. Ha au liechti Erkältigssymptom durm gang i devo us, das de PCR au Positiv wird azeige.
I bi aktuell i de 6.SSW (5 4).
Het öper vo eu au i dem früene Stadium Corona gha? Wie sind eui Erfahrige? Ha Angst das am chline Würmli öpis passiert.

Danke für euri Erfahrige!

Thea

Hey Pünktchen! Ich has grad gha - i de 13. SSW… bi mir isches sehr mild verlaufe. Ha am Dunstig en Gyntermin und brichte denn - mach der aber nöd z vill Sorge. Min Gyn hät mer gseit, er hät kei Schwangeri mit Folgeschäde bim Chind gha bis jetzt. Gueti Besserig, ich hoffe, es verlauft bi dir au ganz mild!

pünktchen

@Thea danke für dini Erfahrig! Ja da wär super wennd mir eh Rückmeldig chöntsch geh nochem Gyn Termin 😊
Bi mir isches bis jetzt au mild, ha eifach eh laufendi Nase 🙈

Thea

Hi @pünktchen 🙋🏼‍♀️ ha hüt en Untersuech gha und es isch alles in bester Ordnig. Ha au nomal min Gyn gfrögt, öb Covid irgend en Ifluss hät ufs Baby so früeh i de SS. Er hät ganz klar und dütlich verneint. Es gäbi mittlerwile sehr vill Fraue, wo sich infiziert händ schwanger und Datelag segi total beruhigend. Mit eme Zwinkere hät er gseit, im Optimalfall seg s Einzig was passieri, dass s Chindli mit Antikörper ufd Wält chunt 😉. Das isch wahrschinli en Witz gsi, aber wär trotzdem ganz cool 😎 🙈. Gueti Besserig und mach der kei Sorge, das chunt guet 🥰

pünktchen

@Thea Danke vielmol für dini Rückmeldig 😁 da tönt doch sehr vielversprechend 🥰

Mayla

Hoi zeme. De "richtig schwanger" frauenarzt im youtube het gad e video zu covid infektion i de schwangerschaft wers interessiert 👍

snowangel

@Mayla ahh ich liebe dem sini Videos!!! Er erklärt alles so super und so sympathisch 😂

Mayla

@snowangel 🤣 haha i han au mega viel vo ihm agluegt, voll findi au 😊👍

CDanielle

@pünktchen Ich bi au ide ssw6 positiv gsi. Ha au angst gha det dass öppis passiert. Ha etz aber vor zwei Woche s erste screening gha und es gseht alles guet us. 🙏🏻 ich bi mir sicher dass bi dir au alle guet chunnt 😘

guayoya

ich hatte letztes jahr auch covid in der Frühschwangerschaft (5.ssw) und zwar ziemlich heftig Ich wusste zu dem Zeitpunkt noch gar nicht, dass ich schwanger war, dachte meine Mens sei ausgeblieben wegen Covid :-) . Im August durfte ich einen gesunden Jungen zur Welt bringen, also ist alles gut verlaufen. Ich hoffe, das hilft und wünsche dir eine tolle Schwangerschaft.

Tamara Z

Ha corona ou gha ca. Ir 5/6. wuche, ha wie e normali wintergrippe gha: hueste halsweh, schnuderi und natürlech dr gschmacks/geruchssinn verlust.. weder am baby no mir hets öbis verursacht 🙈☺️

Nalan83

so jetzt hets mich au verwütscht in de 6.ssw🙄…! verlauf isch wie en normali grippe…

pünktchen

Ou nai @Nalan83 wünsch dir gueti Besserig 😊 i has au i de 6.SSW gha und die Wuche hani dörfe gseh, das alles guet isch und sHerzli schloht 😁

mommy_of2

@Nalan83 Oje😣😣 ganz gueti besserig und en milde Verlauf🍀
Ich han vor 2 wuche au covid kah und isch zum glück au en milde verlauf gsii und nonig gwüsst das ich ss bin😊

Thea

Gueti Besserig Nalan83! 💗