Hibbeln auf dass die Kritischen 12 Wochen rum sind…

snowangel

Och ich vergisses total dassi schwanger bin und will ich mir immer zviel zuemuete trägi eifach ohni zdenke.. eigentlich nod grad guet...
Bi mir segets aber au ich söll ihn nöd träge aber daa isch unmöglich vorallem dusse.
Er isch fascht 10 kg mit 20 mönet 🤭 en fine bueb

Würmli2

Bi mer heds gheisse es esch kehs Problem die Gross omezträge. Min Körper esch sech das jo gwönnt. Ossert wenn ech plötzlech Schmärze hätt, de mösst mer luege.

samira.

@Gröipschi mach dir es pn

samira.

Ich ha mini immer treit und jetzt muesi au die chli mit maxi cosi ab und zueh trage denke bis 20kg isch vertretbar wen meh sich das chli gwöhnt isch me döt ja nid vom rügge us lüpfe sondern mit de knüü

snowangel

Wenn hend ihr bim erste chind erfahre was es wird? Ich erst i de 21ssw! Mega spaaht! 😐

samira.

Ich ha bi de erste au erst ide 24w dörfe wüsse sie het immer bei zemme klemmt😂

snowangel

Oh man! Ich wet nöd so lang warte 😭😂 neugier bringt mich um!

lachuli

I bin gspannt wenn ichs erfahre tuen... Bi no nie so wiit cho... 😉

samira.

Das würmli hebt sich fest 😉 @lachuli

Fabi88

Ide erste dur tests glaub ide 14 ssw, jetzt hoffi das me am Mäntig bi 18 1 scho öppis gseht.

lachuli

@samira. Dismol han ich e guets Gfühl 🥰

Nalan83

ha morn mi termiiin 😍😍😍😍😍😍😍

pünktchen

@Nalan83 oh i auu 😁🥰 isch au din erste Termin oder?

Nalan83

ja genau 😅🤣😍😍😍 bi so gspannt druf..

lachuli

Ok schön 😍 bin gspannt uf Eure Bricht 😍🥰

lachuli

I bin hüt in de 11 Wuche 🥰 no 1 Wuche den han i 12 Wuche knackt 🥰 😍 wieder emol früeh wach... 🤪
I hoff Euch gohts allne guet.

I druck Euch allne wo hüt Kontrolle händ ganz fest Dume 🍀

pünktchen

@lachuli oh so cool 😁 die Wuche goht sicher uh schnell ume und denn chasch di freue 🙏

lachuli

@pünktchen viele Dank 😍 ja bestimmt 🥰

Nalan83

so bi jetzt grad bi FA gsi…erschti hürde gschafft s‘herzli schloht😍🍀🧿🙏🏽

lachuli so toll bald hesches gschafft…

pünktchen

@Nalan83 oh so schöön 🥰 nörchsti Hürde sind die 12 Wuche öberstoh 👍

lachuli

@Nalan83 oh wie schön 😍 freu mi riesig für di 🥰 die nächst Hürde wirsch au packe 🥰

pünktchen

@Nalan83 i mach mit dir mit 😃 sHerzli vo mim chline Wunder schloot au 🥰

Nalan83

😍😍😍 sooo toll freut mi..! wieveuti wuche bisch den..?

pünktchen

Jetzt no 8.SSW und am Donnstig hani Wuche wechsel i di 9. Wuche ☺️

Nalan83

ihr machet alli de nackefalte mässig gäl?

lachuli

Ich has am 28.02.... 😉

samira.

@Nalan83 Ich has bi allne 3 gmacht finde khört chli dezuh meh mues ja nid eh extra schall mache oder so für das hanis immer gmacht

Nalan83

jo i maches au uf jedefall…ha au denkt das ghört dezue. FA het mi
ebe gfrogt ob ichs wet denn
hani gseit ja sicher muess me das net sowiso mache, de het si gmeint es git fraue wo das net wei🤔…darum hets mi wunder gno..!

samira.

Lustig das me jetzt Reaktione uf biträg cha mache🤣 ich ha au immer gmeint das es Standard isch

snowangel

Jaaa leider nur mit IOS glaub... Bi mir gahts nöd 🙈

samira.

Es wird i es paar täg au für Androide cho

samira.

Wie wit sind ladys? 😃 ich bi momentan 15+5 nächste termin am 23.2 💃😂

Fabi88

19 4 und de nöchst Termin am 22.2 🥰❤️

samira.

Super👍🏼

samira.

@Nalan83 Jetzt chame de Text bearbeite vlt chash au de Titel bearbeite 🤔

snowangel

17 6 und Termin hani erst 9.3 😭

lachuli

I bin 11 2 und han min Termin endlich am 28.02 🥰 i Krämpf immerno mit Müdigkeit und Schloflosi Nächt...🙈

Nalan83

@samira. hallo 😊 bei me chas leider net bearbeite😫…das chasch nur die erschte halbstd. glaub wenn was postet hesch nacher gohts ebe nümme..! mega kake..schribe doch ehr au am admin das si das sele ändere i ha scho mau gschrebe gha…wenn es paari schribe de änderi sis villech😅…! findes doof das me das net cha…
ich bi in die 8. wuche cho😍…termjn hani am 1.3…

snowangel

Falls ihr büchli icremet, was für e crem nehmet ihr?

lachuli

I nimm Weleda Schwangerschaftsöl 🥰

CDanielle

Hola ich bin 12+3 und de nöchst termin hani am 28.2 🥰👏🏻 i bi immer no ab und zue hibbelig 😅 hoff das wird denn bald mal besser 🙏🏻

AmBir

Ich benutz d’Produkt vo Apostel Kräuter. Am Morge e Creme und am Abig es Öl. Je nach Gmüetszustand mit Rose oder Lavendel etc. ☺️ gits aber glaubs nur online..

Nalan83

Bi Oil

lachuli

@CDanielle i han min nächste Termin au am 28.02 🥰

CDanielle

@lachuli Oh so toll denn müemmer denn brichte 🥰
Wie gsehts bi eu so us het sich eu me körper scho mega veränderet? I find bi mir gseht mir no gar nüt ha au no kei gramm zuegnah sondern 1kg abgnah… i ha immer nochli appetitlosigkeit am abig und iss de viel am abig fast gar nüt. Dur de tag gahts mir aber eigentli sehr guet… hoff da isch ned schlimm fürs chline böhnli 🙏🏻

samira.

Es git fraue wo abnehmet glaub 4-6 kg sind ok weiss es aber nümm so genau 😂 mache duets garnid so lang alles zueh dir nimmsh und ned alles erbrichsh isch viel bis zum 3-4 monet soo

lachuli

Morge zämme 😊
I bin sooo gspannt ufd Kontrolle und Zähl scho Täg 🥰
I han bis jetzt 1 kg zuegnoh.. Han en Rechte Blähbuuuch... Sit 2 Wuche gönt mir die normale Hose nümi..
Brüst sind au gwachse... Bruch neui BH's 🙈😬

eulle116

@CDanielle: Ich gehöre zu den Frauen, die anfangs Schwangerschaft 4kg abgenommen haben… Und das ganz ohne Erbrechen. Meine Frauenärztin hat das nie bedenklich gefunden!
Mittlerweile bin ich in der 21. Woche (lese nur aus Neugierde bei euch mit 😉) und ungefähr wieder auf meinem Ausgangsgewicht. Bis jetzt ist meine Ärztin sehr zufrieden damit und dem Kleinen ging es immer gut 👍🏻

samira.

Das isch ebe bi dene Schwangerschafte 😂 jedi isch individuell mengi nehmet nur 5kg zueh anderi 30kg aber im grund gno isch ja das alles egal Hauptsache beidi sind gsund und fit 😃

samira.

Mir sind gester ide fischzucht gsy (isch es Restaurant) und bi zimmli de ganz tag am laufe und mache gsy und nachdem hemmer no spieleabe gmacht ha uf einish soooooo rückeweh becho und vorne es zieh als würdi mini täg becho echt mühesam gsy….