SST und Ovu nach FG

linskyy

Hallo zäme
Han die Frag scho gester gschriebe.. aber irgendwie chamer die ned öffne..
Han am 19.1. leider en FG ide 8.SSW gha. Ei Wuche spöter hani namal en Kontrolle gha. Min Körper heds selber gschafft und s hed denn bereits via Ultraschall nüt meh chöne erkennt werde vode SS . Also alles vonelei abglöst. Hend denn au sofort s OK becho dasmer wider chönd starte mit Babyplanig. Ich han jetz günstigi 10er SStests und Ovus kauft zum de Körper und min Zyklus chli im Aug z bhalte. S HCG isch schön abe. Han öpe all 3 Täg testet. gester isch de 10er Test mit Morgeurin au negativ gsi. Han denn au en Ovu gmacht am Namitag. de hed azeiged. Cha da bereits jetz scho si oder us welne Gründ ischer falsch positiv? Ei Wuche nach de Bluetige hani au en Ovu gmacht. De isch fett positiv gsi. aber ich nihm ah wegem HCG. det hed de SSt au na ganz klar azeiged. Chans sii dass 11 Täg nach FG bereits gli wider en ES stattfindet? Han mit Ovus na null Erfahrig.

Summer2018

Hey tuetmer leid für din Verlust. Ich han im Herbst i de 6. ssw e fg gha. Und ja tatsächlich, ich bin nach einere Wuche namal i de Kontrolle gsi und det hätmer bereits e schöni Eizelle gseh wachse und schlussendlich isch de Eisprung am 13. Tag nach de fg gsi.

linskyy

Oh da duetmer total leid dass du da au hesch müesse erlebe. Danke für din Erfahrigsbricht.. Demfall chönts scho si dases glii sowiit isch. han min ES ebe eig immer so an ZT 18-19.. mal luege was d Tempi und d Ovus ide negste Täg so azeiged..