Verklebungen Gebärmutter

Bindli

Het das öpper scho gha? Ich han scho viil Fehlgeburte gha ide Früeh-Ss und ez hends das usegfunde und düends entferne.. Ich hoffe es liit a dem 🙏🏻
Wirde praktisch jede zweiti Munet schwanger und verlürs de nachere Wuche wieder und das sit 1.5 Jahr. Es schlaht langsam zimli uf d Psyche 😢

Zireael

@Bindli Es duet mer mega leid das zläse, ich kenns leider nöd. Aber chn guet mit dir mitfühle ha unzälligi Termin i de Kiwu hinder mir und au 2 mal ganz früeh verlohre😔 Han mer den Psychologischi hilf gholt. Ich wünsch dir vo herze das es bi dir bald klappt und sie das mit de verkläppte GM chönd löse🍀 alles gueti🍀

Bindli

@Zireael: i wellere Wuche häsches denn verlore? Chan ez leider d Spieglig nöd mache, bin wieder schwanger worde. Chan mich aber nanig freue.. mal luege wie das usechunnt. Wür mich freue, wenns endli mal es End het. Es isch scho komisch, bi mim 1. Chind bini sofort schwanger worde und alles isch guet cho.. und ez das!
Het dir die psychologischi Hilf ghulfe? Bin scho mehrmals gsi, het mir nüt gnützt.

•Elefäntli•

@Bindli Dörfi froge häsch du en KS ka bim erste Kind?

Bindli

@Elefäntli: Ja, han en Kaiserschnitt gha und die Verklebige chönd vo dem sii.. Aber min Frauearzt seit ebe, eigentlich wird mer mit so Verklebige nöd schwanger.. und ich wirde schnell schwanger, verlürs de aber immer ganz früeh. Weiss nöd, öbs a dem liit.. gsehni de 🤷🏼‍♀️

•Elefäntli•

Oke, danke für dini Info.
I bi bim 1 Kind ebe nochmene Johr schwanger gsi. Und jetzt bim 2 Kind simer scho meh wie 3 Johr dra mit Kiwu usw.
Aber i glaub au langsam dra das a minere KS Narbe lit 😅

Bindli

Ja, du häsch das mal ime andere Thema erwähnt.. das chönnt wüki sii. Was bisch denn ez no dra am abkläre? Oder was meinets ide Kiwu-Klinik?

Zireael

@Bindli sry ha erst jetzt gseh das mer gschschriebe hesch. Ich has immer i de 5-7ssw verlohre. Bin aber nur dur Künstlichi Befruchtig Schwanger worde. Mer het zwar kein würkliche Grund gfunde warums nöd klappt, Bim Maa isch au alles guet gsi. Seinzige wos gfunde hend isch e Gelbkörperschwächi gsi obwohl das bim normale FA testet worde isch hens es erst i de Kiwu bestätigt das mini Zykle zu kurz sind.
Ich denke bi dir isch das sicher au testet worde? Ich wür da würklich grad zumene Spezialiste ga also zuner KiwuKlink.

Ja mir het Psychologin sehr ghulfe sie isch au nur Spezialisiert gsi uf Künstlichibefruchtig und Schwangerschaftsverlust. Vorallem hets mer au de druck gno alles müesse Time mit de Arbeit will sie mich im Notfall grad krank gschriebe hetti. Das mit de viele Termine und 100% schaffe isch für mich sehr belastend gsi.

@Elefäntli was machsch du den i de Kiwu für e Behandlig? Künstlichi wetsch glaub nöd mache oder?

•Elefäntli•

Mir händ jetzt IUI gmacht, aber händ jetzt abgschlossä idä Kindewunschklinik 👍🏻

Bindli

@Zireael: ich bin ide Kiwu-Klinik und sie hend bi eus au nüt gfunde. Usser ez hettets e Biopsie gmacht, zum luege ob ich ev. e Entzündig han und die Verklebige löse. Gelbkörperschwächi hani, nimme aber Utroges. Ez bini scho sit über 2 Wuche schwanger.. suscht hanis immer gad naches paar Täg nachem positive Test verlore. Denke ez positiv 🙏🏻

Bindli

@Elefäntli: Warum hend ihr abgschlosse ide Kiwu-Klinik?

Zireael

@Bindli Hey das tönt doch scho mal guet ich ha bis600mg Uteo müese neh, am afang hani müese Progesteron Sprütze aber die sind leider au zu schwach gsi.

Bi mir isch mer aber au devo usgange das wn DNA schade bim Embryo gsi isch.. also das de eh kei überlebens Chance gha hetti. Erst nachem 3 mal het mers müesse abklähre. Also 2 Biochemischi SS sind oft normal leider.

•Elefäntli•

Wel mir 1 Wunder händ und zu üsem Finanzielle ussehe möchtet mir au nöm witer go entweder es funktioniert oder ebe au nö natürlech wärs schö wenns so isch 😉