Kleinkind (17 Monate) sehr sehr wunderlich😊

nic10

Liebi Mamis
Ha da mau ä Frag zum Thema ässä🙈 Üse Chlin isch sehr wunderlech u so gar nid offe für nöii sache ds ässä. Är wot nume ging Teigware und Fleisch. Gmües isst mä scho gad gar nid und Frücht o nume mängisch ä bitz Öpfu oder Bire. I weiss mä cha nid aus gärn ha das hei mir ja o nid aber är wot scho gar nid probiere. Chunnt das irgendwenn u i muess fescht Geduld ha oder ha i när äs sehr wunderlechs Chind?🙈 I köhre haut o so Sprüch vo wägä du chasch däm ja nid nume Teigware u Fleisch gä🙄 Aber i cha ihn ja o nid zwinge Gmüess ds ässe we är nid wot.

snowangel

Min sohn 20mönet isst au nur am beste Teigware oder risotto.. es zitli lang het er fascht en monat nur teigware gässe.. ich ha chöne hüle.. egal wasi kocht han es het nöd passt! Has am Arzt gseit er isst nur Teigware und de Arzt seit ja denn gebet sie ihm Teigware wenn er nunmak nur das wet...
So hanis gmacht und ab und zue gseht er halt wie mir ufm tisch halt öpis anderes esset als er und tuet ab und zue vo eua au probiere...
Muesch eifach geduld ha, es isch en meeega blödi phase die chunt und gaht...
Swichtige isch dass er ja öpis isst..
Chasch ja suscht versueche teigwörli mit öpfelmuess geh suscht... Das het aaab und zueee klappt...
Wenn er vlt anderi chinder esse gseht klappts vlt au guet mite frücht... Aber chan dich beruhige da bisch nöd allei, git vieli mit dem "Problem" 🤭🤭 die chline sind mega schlitzohre...
Chasch der ja mal e schüssle frücht parat mache für DiCH denn hocksch am bode und issisch.. vlt klappts und er chunr go mitknäberle.. 😅
Ich han allles mögliche müesse usprobiere mit mine...

snowangel

(mini muetter seit ich bi als baby genau so und schlimmer gsi, da hend sogar nachbare welle helfe aber ich bi sehr stur gsi.. alles okay ich lebe no) 🤭🤭🙈

AnDu88

Wie du seisch, zwinge öbbis zässe chasch se nid und bringt au nüt. Bi üs gitses au phasewiis dass nur teigware mit Tomatesauce gässe wird und süsch nix. I biete meistens div. Sache a und si näme das wosi wei 🤷🏼‍♀️ brucht geduld aber chunnt sicher guet.

rosa.

Wie die andere säged.. min arzt het gseit: niemals s‘chind zum esse zwinge. Esse muess ä froid blibe.
Eifach immer wieder aabüte. Wen gmües choche duesch, ihm an tellerrand ane lege. Min sohn hets niee aglangt. Und den ufs mal, ok dasmal probier ich. Gärn het ers den nid gah, aber immerhin. Aber das isch uuuu lang gange 😣

nic10

Merci viumau für öiier Antworte🙏🏻 Bi froh ds köhre das nid nume mi Sohn so ä wunderleche isch🙈 Mängisch het mä haut ds Gfüehl mä isch alei mit sötigne Problemli wo ja nid so isch😊 I blibe ids ging chli dranne u due im o Gmües und so uf ds Täller irgendwenn isst är de das scho😊 Hüt isch är mau chli offener gsi zum probiere u het chli Pizza gässe🤪 Isch zwar nid Gmüess aber öbis angers aus ging nume Teigware😄