Bruschtchrebs

Crystal

Isch öper betroffe u würd säch mit mir chli ustuschä? Äs prasslät grad so viu uf mi i😥

Trini

tued mer mega leid. ech cha der zwar ned hälfe zo dem thema. mis mami hed aber kehlkopfchräbs ond jetzt esches no uf de longe…öber woni kenne hed brostchräbs ond esch grad met de chema dra. ech wönsch der ganz vell chraft!

flamingo

Cha der leider au nid helfe aber ich wünsch der ganz vil kraft! Und dinre familie. Es dued mer sooo leid für dich.
Mi brüeder hed krebs gha und weiss wases heisst für aghörigi.

Ich druck dier duhme und wirde fest a dich denke! Probier positiv ds blibe und ds kämpfe. I umarm di ganz fest.

Ps i kenn öber wo brustkrebs sit 10 jahr besiegt hed wos nid guet usgseh hed 👍💪

Gröipschi

es duet mer so leid! i ha iz öpe no a di dänkt. wird um schpitau nüd abotte, so öpis wine säubschthiufegruppe o.ä.? bi üs gits z.b. o ä psychoonkologie.
i würd uf au fäu mou dini ärztin nach adrässe u agebot froge.
wünsche dir u dire familie witerhin ganz viu chraft!!

snowangel

Hey Crystal, ha vorher grad no a dich denkt da ich mal sthema gläse han vo Mammographie..
Es tut mir mega leid das dir das passiert, wünsche dir und dine Familie viel chraft!!
Wie gahts dir denn jetzt nach de Op? Ich hoffedu findsch schnell dantworte uf dini frage..
Druck der dume und denke a dich! 🍀💞

Bindli

Ich han vor 16 Jahr Krebs (nöd Brustkrebs) gha.. wend möchtsch, chasch dich gern bi mir mälde. Alläs Liebi ❤️

Crystal

Danke öich aune für di liebe u ufmuntärndä wort, äs isch grad aus ä so schwirig für mi😥

@Trini, oje das tuet mir ganz fescht leid ds ghöre wägä dim mami, äs isch doch eifach nid fair😥

Danke gröipschi füre tipp wäg dr ärztin ds frage👍🏻

@snowangel, äs geit mir äbä no gar nid guet wüus no komplikatione het gä🙄

@Bindli, danke

snowangel

Hally Crystal, wie gahts dir sowit?

Crystal

So lieb dasd nachä fragsch. Äs geit mir rächt guet danke, bi mit dr chemo dranne aber ma sä rächt guet vürlide, d haar si mir aber usgheit😏 dr erscht schock hani überwunde u probiere geng positiv ds si u das ganze ds akzeptiere

Wi geits dir?

snowangel

Ohh du bisch e starchi frau, denke oft a dich obwohl ich dich nöd kenne..
Wenn du mal wetsch schriebe, chasch mer jederzeit schriebe 🥰
Und witerhii gaanz viel Kraft!

snowangel

Ich erhole mich vom corona aber ufm guete weg danke dir! ✨😁

Crystal

Danke liebi snowangel