Tipps und Tricks 🦋

snowangel

Hallo liebi Mamis

Ich benütze Babyforum sehr gern und liese oft au bi sache mit woni au grad gar kei frage han.

Han mer denkt es wär doch mega cool en thema ufzmache wo alli Mamis Tipps für wärdendi mamis hend, oder Tipps wo ihr gern gwüsst hättet vor euem erste Chind.

Ich han zbsp es buech und det stönd Tipps vonere Hebamme für ihri Tochter.

Ab und zue denki mir; oh man wiso het mer das nie öper vorher gseit, da hetti mir so viek arbeit chöne spare..oder am baby kei blödi gwohnheit zeigt 🙈

Mega läsigi Idee wenn mir eus da au eso chöntet ustusche..

Egal was eu grad in Sinn chunt... Über Stille, chinder Produkt, über schlaf gwohnheit (wiege/nöd wiege) Kolike, tipps für während Schwangerschaft selber.

Ich weiss für das isch ha de forum da 😅 damit mer sini fragene stellt.

Aber ha denkt so für mal durescrolle mal echli durelese.. chli ablenkig..

Ich wür mich meeega freue wenni eui Tipps us eui erfahrige au derfti wüsse egal über was... Was eu vo herze chunt...😍

🥰

snowangel

Guet denn fangi mal ah 🙈 ich Han während dschwangerschaft faascht a alles dacht.
Aber wo de chline da gsi isch hets schnell ahgfange mite erste "Problem" und zwar de Kinderwage. Er hets ghasst wie verrückt, de ganze weg gschroue.. 🤯 Han ihn die ganz zit müsse träge und Kinderwage ohne baby schiebe.. Ich ha niee dra denkt dass e tragehilf sooo e rettig Chan sie bis es mir e Kollegin vorgschlage und usglehnt het zum probiere.... Liebi werdendi mamis e tragi isch wükli en muss! De wird eu in so vieles helfe!

S_F

Min Retter isch Federwiege gsi bi buchweh und wenn s‘baby nöd het chöne schlafe😅 Han au 'spat' erfahre das es so öpis git, erst mit öpe 3mönet und guet chöne nutze bis öpe 12mönet

snowangel

Ahh megaa guet, chasch au choche eso in ruhe 🤭
Babybjörn wippe isch au no recht guet und isch so lustig wenns usefindet wie sie sich selber Wippet 😅 für szweite baby holemer de sicher wieder!

laura99

Mi Retter isch au dFederwiege gsi und dTragi. Ha dFederwiegi aber erst mit öpe 8 mönet kauft und ha mi ufgregt hanis nid scho früecher gmacht. Für alli wo es baby hei wo meh nid im schlaf cha ablege, chaufet euch unbedingt eh Federwiege. Mine isch gli 13 Mönet und schlaft düretag immer no dört dine.
Und chaufet nid vil Nuggis/ Nuggikette vor dr Geburt well vlt hender garkes Nuggibaby wie i😅Wenn eues Baby grennt bim Auto fahre würdi mit öpe 8 mönet, we zbaby guet cha sitze ufe anger Autositz wechsle ab den isches bi üs besser gange😊

samira.

Bi am suche für eh federwippe welli hend ihr kha? Git ja söttigi ohni motor wo doch no lang wippe

Tanja87

Tragi isch aber au ned gleich Tragi😉 gid soo viel. Würi erst eini chaufe nachere Beratig. Vlt isches am baby imne Tuech wohler.
Mini hend weder Tragi no Tuech gern gha. Han sie nie chönne drinne ha😅

Tanja87

Ah und mine Tipp, chaufed allgemeinen ned alles was euch empfohle wird. Jedes Baby isch anders und hed sini vorliebe. Vieles woni kauft ha, isch Geldverschwendig gsi, will mini zwei das ned brucht oder akzeptiert hend. Lieber uslehne, miete oder ersch kaufe, wenn mer weiss weles Produkt zum baby passt👍🤗☺️

Tanja87

*allgemein

laura99

@samira. I ha eini vo Nonomo gha mit Motor. Ha se aber zerst gmietet u ner ihre abkouft. I bi froh gsi hani die mit Motor wöu mi chli isch immer ufgwache weni se mau abgstellt ha😬

snowangel

Da stimmt @Tanja87... Han au zerscht e babybjörn tragi ka und das isch dhöll gsi... Sganze gwicht isch nur uf dschultere.. jetzt hani Ergobaby und seehr zfriede..! 😍

Muess ebe au fürs mami stimme gäl?

Mamelo

min tipp esch:
weniger esch meh
wenn s chend mol do esch weiss mer vell besser was es brucht ond so usem wochebett oder au spöter esch jo schnell öppis online bstellt ond werd deför au rechtig brucht😊

S_F

Ich han au erst eh bruchti Federwiegi ganz günstig uf facebook kauft. Nachdem die nüme ganz stabil gsi isch hanis durch eh neui ersetzt vo nonomo. Babytragi hani vo Manduca und die isch au Top

snowangel

Wie gsehts mitem Stille us bi eu? Hender lang chöne stille, Hend ihr gern gstillt,
Hend ihr mühe ka ?
Ich han min sohn Welle bis 1 jährige Stille, aber da mir ihn vo afang ah abgpumpti milch id fläsche tah hend damit min Partner ihn au mal fläsche chan geh. Das het bi eus leider nöd klappt, im 4 monat het er nüme welle us de brust trinke und nur no us de Fläsche, han seehr vieles usprobiert aber isch leider erfolglos bliebe.. 😩
Han denn täglich bis 12 mal mite Meleda pumpi pumpt aber brüst hend immer weniger milch produziert.. sugverhältnis vo de Pumpi isch ja anderscht als vom Baby....
Het öpert vo eu chöne stille und fläsche geh ohni sugverwirrig bim chind uszlöse? 🍼🍼

AnDu88

@snowangel Ig ha denne bi mim Bueb beides chönne. Er het schoppe gno und Brust defür aber kei Nuggi. Schoppe hetter de ca. 1-2x am tag gha und ide Nacht 1x de räschte heimer gstillt.
Aber er isch au churz devor gsi nur no schoppe z welle, aber er het denne magedarm becho und d Pumi nid so vertreit de isch d brust s einzige gsi wo no blibe isch 😅

snowangel

Wowww also Glück im Unglück 🙈🍀
Nuggi het mine au nöd welle bis zum 6te monat... Hets ihm lieber gar nie abote de nuggi 🙈 isch en horror gsi woner dnuggi verlore het i de nacht! Mega schön häsch ihn aber chöne stille 😍

Maryon

Puuh also a mini Schwangerschaft im 2018ni danki ned gere zrugg..ha extrem glitte bisi psychisch fast dune ksi bi mitm stille ...dasi nach 5 wuche kseit ha etz mueni höre süs chunts ned guet mit mir😂😬🤔

snowangel

Oje nei das tuet mer leid ich has bitzli verstah es brucht wükli mega geduld das ganze und schmerzlos isches au nöd gäl 😔

S_F

Niemert het gseit das nach de Geburt die erste paar mal Stille wehtuet😵‍💫 Vorallem de Milchischuss

snowangel

Stimmt, das het mir au niemert gseit.. 🤭😅

JennyHelin

Was für mich au na schlimm gsi isch... sind die nachwehe .. die sind für mich so schlimm gsi .. schlimmer als geburtswehe 😆 das hät mir au niemert gseit ..

Und ja die Wäschbrät ihlage... ich ha blüted wie eh schwein .. isch das nach em Kaiserschnitt au so schlimm ?

snowangel

Ich ha nachem Kaiserschnitt die erst zwei wuche au extrem vieel blüetet han mich soo elendgfühlt!

Werdendi mamis tuet mir leid ich wet eu kei angst mache 🤭🙈 sobald eue baby da isch isch alles vergesse...
Natürlich werdet ihr eu vlt mal unwohl fühle aber wenn ihr eue Glück i de arm hend isch alles vergesse 🥰🥰

Summer84

Ich ha bim erste chind kei nachwehe gha, ihr scho? Jetzt chumi grad angst über, dass bim zweitw git

simi99

He ich imfall au nöd @Summer84 ich freg mich ebs gsi isch will ich en KS gha han… han jetzt au chli angst vor de zweite Geburt wird binmir wieder en plante KS und bi dir?

AnDu88

Ig ha bedi mol e KS gha und bi beidne hani Nachwehe gha. Bim zweite sind si heftiger gsi, ha scho müesse bitz verschnuufe. Meistens sisi denne cho wenn s baby ade brust trunke het. S stille duet jo au grad d Rückbildig vode Gebärmuetter arege.

Hmm de wuchefluss hani nid soo heftig in erinnerig gha. Und nach öbbe 2 wuche sis nur no schmierbluetige gsi. Was aber beidi mol rächt intensiv isch gsi, isch de Milchischuss 😮‍💨 nid so toll gsi…

Aber i wär soooo gärn wieder schwanger, has gliebt schwanger zsi, au d Geburt und die ersti Zit nachher, würdi gärn wieder erläbe. Aber bi jetz scho rächt gforderet mit dene zwei, ha nümme so d geduld 😔 und de no dr Schlofmangel… sit 6 johr kei Nacht meh düre gschlofe 😵‍💫 nenei i glaube i ha abgschlosse 🙈😂

Summer84

Nei ich ha e spontani geburt gha und kei nachwehe

AnDu88

Ah und wasi vor de Geburt vo mim erste Chind gärn gwüsst hätti, isch, dass es Babys git wo Kinderwage und Maxicosi hasse und scho denne es aständigs Tragetuech kauft 🙈 Bi froh isch die chlini so gärn im Kinderwage, de isch de tüür wage doch nid ganz um süscht gsi 😂

snowangel

Das chasch in grossbuechstabe schriebe 😅 ich gseh sooo viel eltere de leere kinderwage schiebe und sbaby träge, da chumi.mir selber in errinerig isch sooo schwierig gsi am afang es am chline recht zmache. Was häsch denn für en Kinderwage? Ich ha sgfühl die werded au türer.. 🙈

AnDu88

Mir hei 2016 e Joolz Day (oder wie dä heisst) kauft, het plus minus 1000.- kostet… wenni zrügg chönnt, würdi glaub e günstigere näh. Mi Maa het dä unbedingt welle, wöu er liecht isch und ganz eifach chasch zämelegge und nid so vill platz brucht. 😅 aber nid bedänkt het er dass d Wanne und dr Sportsitz jo glich gross blibt und das muesch wäg nä zum zämelegge 😏

Miette

Ich bekenne mich zum laufgitterfan. Isch au seehr praktisch mit hustier. Üse hund het den chli rueh gha, we de chli dinne isch gsi 😉. Git chind wa nit so gern drin sind. Aber das isch ja bi allem so. Mier bruches nu jetzt mit 2 jahr (hei eis wome gitterstäb chat use nä). Er luegt da inne sini büechli a & es isch en chlini kuschelecke/höhli für ihn worde. Het au nu lang mittagsschlaf in siner höhli gmacht.

Tragetuech/tragi isch au sehr empfehlenswert. Wie hei eini fo tragebaby en luemai & die isch perfekt für üs. Tür, aber jede cent wärt.

Und uf Zinnhuetli für die stillafäng bi offne brustwarze chani sehr empfehle.

Weleda babycreme (poposalbe) chani au sehr empfehle. Hei mier regelmässig, we zfüdeli chli rot isch gsi verwendet & nie es offes füdli gha. Bruchemer nu jetzt immer für tnacht.

snowangel

Wassi au no guet gfunde han, het mir sehr viel arbeit gsparrt. Wo min chline mitem brei esse ahgfange het, hani sis esse immer im Philips Avent Baby nahrungszubereiter gmacht also dampfgart und grad chöne mixe. Und denn hani sie in würfeli ihgfrore. Han eso jede tag eifach es würfeli vo dem gmüess oder wasi grad für ihn han welle grad chöne usene und i dem dampfgarer wieder uftaue, so hets au kei Vitamine verlore. Ich ha das wükli sehr praktisch gfunde ha das jede monat chöne mache und tuens hüt no benütze..
Ich chas vo herze empfehle! 🥰 Es git sicher anderi marke wo au guet sind aber nach langem sueche damals hemer eus für de entschiede 🤭😁

S_F

De hani au, de isch meeega! und vo de mengi her langeds perfekt zum portione ufteile, das grad mehreri hesch. Zum putze isch de au eifach

Groan

Bi eus hets White Noise mega vill bracht, isch sones Ruusche wo villi Babys mega beruhigt! Bruchemer hüt mengisch na wenner am chränkle isch.

Silber- oder Zinnhüätli bim Stille am Afang het mer au so fesch ghulfe!

snowangel

Was isch de Unterschied vo silber- zinmhüetli und se silikonhüetli?

Miette

@snowangel Meinsch du die Stillhüetli? Oder was meinsch du mit silikonhüetli?

snowangel

Ja genau stillhüetli sorry 🤭

Miette

Silber-/zinnhüetli tuet me nachem stille uf brustwarze (mit chli Mumi) so dass offeni brustwarze schneller heile. Stillhuetli brucht me während dem stille 😉

snowangel

Ahhh so guet das hani gar nöd gwüsst! 🙀

snowangel

Was sind eui lieblings spielidee gsi mitem baby oder chlichind, wo au guet für d'enwicklig isch?

aenderli

Fingerreim und Liedli zum bewege 😊

Thea

Mir lueged vill Wimmelbüecher ah.. am Ahfang frögsch: Wo isch de Hund? Wie macht de Hund? Etc. Und wenns besser chönd rede, chan mer au mal fröge, was isch das? Was macht de? Wievill Äntli gsehsch, due mal zelle…. usw. Mini beide sind 3 und 1.5 Jahr und liebeds 😊

snowangel

Benütz ihr so Kinderapps mit figure verbinde oder mit zahle etc etc...?

snowangel

Het no gern das mit eu teilt

https://youtube.com/c/mamiblock

Sie het viel gueti tipps woni nöd kennt han und mir neue idee bracht hend. 🥰