Wunder-/Huusmitteli gäge Erkältig (stillfründlich)

AnDu88

Hey Zäme, üs hets wieder verwütscht, juhuu… jetz bini dehei miteme grippale infekt 😩 d chinder si au am schnuddere und hueste.
Chönnet ihr mol üchi still-/schwangerschaftsfründliche Wundermitteli gäge Erkältige mit allne teile? Vilicht gits jo no sache womer noni kenne 😂

snowangel

Fürs dihei hemmer halbstund vorem zbett gah immer en nushi nass gmacht und mit dem Spray nahgsprüht Puressentiel Assainissant Luftreiniger. Isch mit Ätherische Öle. Het bis jetzt super ghulfe bi verchältig.

Am chline hämmer Thymian Salbe (phytopharma) uf de brust und rucke gstriche und uf die verstopfti näsli Engelwurz balsam vo Homedi-Kind 😁 zimmer guet befüechte und gnueg Wasser trinke und viel früchtli esse.
Fürs mami und Papi Tigerbalsam oder Vicks vaporub uf de brust/rucke. 🤭😁

snowangel

Gege hueste gits ja de Honig mit Zitrone.. aber han mal en Doku gluegt dass das anscheinend en chabis isch.. 🤭 weiss aber nöb obs stimmt... Vlr weisst es no öper?

Groan

Zwiebelsäckli ide Nacht as Bett hänke, hilft für freieri Nase! D‘Kollegin het en Spagyrik Sprei gege Hueste wommer em Chind ufe Nuggi oder is Muul sprüäht, hani selber aber nanie usprobiert.

Miette

Mier bruche immer Engelwurz (unner tnase) und Thymianbalsam (wie pulmex). Isch scho ver chlini geeingnet & darum sicher au stillfreundlich.

Vorem schlafe gits Milch mit Honig

Weni halsschmerze han schnidi zible uf und lege sie ins nuscheli, erwärme si churz iner mikrowelle/bachofe und de wird das nuscheli um de hals bunde. Und das lahni über nacht.

Essigsöckli geges fieber

Das si so mini „husmitteli“

Das mit de zible und zitrone kenni nit.

Mimi89

Ich due mim kind e schüssle über dnacht ins zimmer stelle mit heisswasser,vicks vaporup dri und e zwieble ghackt. Nach 2-3 tag isch denn s gröbschte durre. Aber e schmeckt halt scho sehr streng. Dr klei het aber so immer guet könne schnufe in dr nacht

snowangel

@Mimi89 ouh das tönt guet das merki mir 😁

Mimi89

@snowangel 🤗

aenderli

Zwieble ganz chli schniide und ines Glas tue, 2 Esslöffel Honig dezue, mische und über Nacht zieh lah. Denn am morge de entstandeni Saft mehrmals täglich es Löffeli devo näh😊 hilft super gege hueschte!!
Spagyrik eignet sich au scho sehr guet und mir sind Fan vom Emser Inhalator wo au scho fürd Chind guet gaht 👍

AnDu88

Merci für die viele Tipps!! 😍

Bi vori schnell is Testcenter und jetz bini doch tatsächlich positiv😩 d chinder si lut schnelltest vo dehei negativ…mal schauen wie sichs entwicklet

snowangel

Ahh nei so doof, hoffe das ihr kei starki symptome hend und schnell wieder fit sind 🍀