Angst vor dem was kommt😓

Snuggles

Hallo zemme, ich weiss garnöd was ich mir vo dem post erhoffe aber ich muss es eifach mal los werde und evt. hend ihr ja paar tips für mich😅

Es isch alles sooo kompliziert😓

Ich bin mit minere Tochter vo mim expartner dihai gange wills wiedermal eskaliert isch und bin jetzt mit ihre bi mine eltere. Das isch aber kein zuestand so will mir im zimmer bi minere schwöster ufere matratze schlafed unds langsam echt ade nerve zehrt so eng ufenand zsii.
Finanziell chani mer im moment no überhaubt kei wohnig leischt willi nöd gnueg verdiene und ad chrippechoste vode gmeind au nüt überchume und alimente ja au no kei🤦🏻‍♀️

Glichzitig hani angst mich bide kesb z melde weg de alimente willi ja denn tochter au müsst am vater übers wucheend geh und er isch eifach überhaubt nöd fähig uf sie z luege weg alkoholkonsum und gwalt ich will sie ihm uf garkeinfall abgeh, er würd sie au eifach nöd hei bringe würd sie nach mir schreie und hei welle egal wie fescht sie würd brüele, das weissi wills bi sinere tochter us erster ehe genau so gsi isch🤦🏻‍♀️ das isch au de grund wiso dasi bim gricht kei chance han weg chindsschutzgfördig dure zcho, die muetter vo sim andere chind git sie die ganz ziit am vater und det lauft ja alles „perfekt“🙄

Zu all dem chunt jetzt no das mkni schwöster wo eigentlich 2täg ide wuche uf mini tochter luegt wenni schaffe au nüme würklich luscht het uf sie z luege und wenni sie denn die 2täg auno muss id chrippe neh chani nödmal me mini rechnige zahle das isch nemli jetzt scho extrem schwierig da irgendwie durezcho😮‍💨

Weiss grad eifach nüme witer es lauft irgendwie alles schief🤦🏻‍♀️ versuech für mini tochter immer positiv z bliebe aber im moment isches soo verdammt schwierig das nöd azmerke lah😩

Sorry für de riese jammerpost😖 und danke dasi das mal dörf loswerde❤️

Crystal

I cha dir leider nid häufe aber i schickä dir ä riisä umarmig, i bi sicher du fingsch ä lösig wo für di u dini tochter stimmt, mängisch ergit säch öpis wot gar nid erwartisch…chasch dir nid nöime süsch mau hiuf hole? Villech bir mübe afrage für kontäkt? U soviu i weiss gits bim bsuechsrächt o äs begleitäts bsuechsrächt, auso das geng öper vor behörde drbi isch u ds ching nid allei mitem vater gla wird. Isch bi mire schwägärin ä zitlang so greglät gsi

Mayla

Ohje sone schlimmi gschicht 😥 ich kenne mi do au nöd us, gits aber nöd für so fäll es frauehus, dass eu nüt cha passiere?

snowangel

Tuet mir mega leid für die Situation wo du häsch...
Ich has zwar grad nöd als erfahrig aber ha mich mal so müesse chli informiere, chasch dich denn nöd bim Rav amelde?
Muesch zerscht e Wohnig finde glaub bis 1200fr mieti. Bi mir nööd sicher qber du chasch det verbi dich go informiere.
Es chunt ebe au druff ah wie alt dini chli isch denn muesch nöd grad 100% schaffe.
Weg de Grippe chasch du no Subvention becho, so het mir das mal de Rav erklärt.

Also wenn du e wohnig häsch, oder eifach gtrennt vo dim ehema oder Konkubinat chan Rav dir afange helfe.....

Aber ich bi nöd ganz sicher informiersch dich mal bim Rav oder mütter vater beratig chasch au infos hole, muesch ja nöd grad zu de Kesb..

samira.

Shüsh mal de soz afrage das sie dir unter ärm griffe bis alles greglet hesh müesst ja „nur“ wohnig zahlt werde oder wenigstens eh teil

snowangel

Oh tuetmir so leid Han Rav wird dir helfe gschriebe 🤯 meine Sozialamt!!!
Je nach ikomme vo dim Partner wird sich Sozialamt sowieso bi ihm melde er isch blöd seit verpflichtet für schind zluege und glaube ebe au für dich wenn du nöd schaffsch. Es isch aber alles nöd eifach, es isch extrem viel papierkram hin und Heer, viel Termine.
Mit Soz. Lebsch eifach ufm existenzminimum. Häsch au viel Termine.
Es git no en Ort (weiss nöd wie es heisst aber chas gern für dich ahrecherchiere) Det chasch de erst Termin gratis ha und sie erklärt dir die rechte und pflichte vo dir und dim ma. Sie erklärt au die nächst Schritt wo und was genau müesstisch mache... Alles je nach Situation.
Sorry falls ich dich verwirrt Han mitem Rav, Rav schafft ebe zemme mitem Sozialamt wegem Lohn in einigifäll....

samira.

Soz isch garnid sone grosse ufwand me mues eif alli formular bringe was es brucht und isgsamt 2 termin gah am erst wird entschiede ob agnoh wirsh bim 2te bish sho bide sachbearbeiterin

snowangel

Ich bi scho 3 mal bim Soz gsi.. 🙈 Je nach Ort Chas leider mühsam werde. Bi in 3 verschiedeni gsi und alles anders hat abglofe will Situation anders hat isch.
Soz isch e super sach, aber in 2 witzige hani das nonie erlebt.. Plus muesch jede Monat mit de sachbearbeiterin go rede... Also so kennis vo früeh er 🙈 Suscht zügli zudim Ort Samira wenn Det so easy isch und ich wieder zum Rav müesst😁 muess sowieso wohnig usenand ne mit dir vlt findi ja no es nötli😜😜😜💵💵

samira.

Haha😂

ja chunt halt denki au immer uf Sachbearbeiter ah wie „nett“ das sie sind machbar isch es uf jedefall

Nalan83

i bi au acho soz. gsi und sisch gar net so schlimm gsi, au kei ufwand mit papierkramm ect..hend mich au net gstresst oder so…und die helfet die uf jedefall…!! i ha emu das glück gha😅…! ha au nie mit de sachbearbwiterin müsse go rede oder so😅 ….

snowangel

@samira. & @Nalan83 😍 Ihr glücklichi Hoffe gaanz fescht dass falls sich Snuggles bim Soz ameldet sie au so en Glück het wie ihr zwei ❤️

@Snuggles

Ich han der da mal paar Bilder no vo dem wos vo mor verlangt hend... denn häsch es vlt no eifacher wenn vorher scho chasch alles bsorge.

Sletschte Blatt isch de wo sie mir geh hend zum no me Informatione zhole falls ich nöd witer weiss...

Han die sache sicherheitshalber bhaltet kah.... 🤭